Hot Pot 熱‧海鮮火鍋私房菜

營業中

休息中

黎到佐敦想打邊爐🍲上網睇咗好耐，最後揀咗呢間Hot Pot 熱‧海鮮火鍋私房菜✨環境寬敞舒適，設梳化卡位，仲可以預訂廳房，無論情侶撐枱腳或者成班朋友聚餐都咁適合👍🏻🔹藥膳天麻魚頭鍋人氣之選既藥膳天麻魚頭鍋選用新鮮魚頭，配川芎、白芷、天麻等藥膳及魚頭熬煮，袪風散寒一流～純奶白色湯底香濃，魚肉更是嫩滑～🔹手切安格斯牛小排肉質結實且帶油筋，入口滿滿油脂，脂肪分佈均勻，呈大理石花紋，牛味濃郁、肉質幼嫩，正！🔹去皮雞髀肉肉質具彈性又有咬口，啖啖嫩滑雞髀肉飽富肉汁～而且去皮食得更健康！🔹芝士墨魚丸估唔到呢度有芝士墨魚丸，即刻叫嚟試吓先！墨魚丸爽滑又鮮味，咬開有濃濃芝士醬，食落Q彈有嚼勁！🔹野生大竹笙大大條野生竹笙夠晒厚肉，爽口帶脆，營養價值又高！而且吸滿湯汁特別鮮味～🔹超甜粟米每次打邊爐都會必點粟米，呢款超甜粟比起一般粟米更加嫩滑，集脆、嫩、香甜於一身！🔹金沙鹹蛋炸魚皮炸魚皮特別加入金沙鹹蛋，新鮮炸起熱辣辣奉上，入口鹹蛋味濃，夠晒足料！炸魚皮好厚實，酥脆又爽口，絕對係天作之合！Hot Pot 熱‧海鮮火鍋私房菜✨📍佐敦佐敦道23號新寶廣場5樓

火鍋不再是一大班人嘅事，2個人都可以食。今日經過佐敦，上OpenRice 搵到呢間火煱店，今晚2人火鍋做晚餐，揀左「沙嗲豬骨湯底」，湯底好濃味，好足料，入面仲有好多花生粒。食材好多元化，好多選擇，有紅肉、白肉、海鮮同埋蔬菜。「安格斯牛小排」同埋「牛舌心」，有鮮牛肉味、薄切、好香滑、好新鮮。豬頸肉，新鮮爽口。海鮮非常新鮮，推介「台山桶蠔」，大大隻，一份已經份量好多，真係好鮮甜，好好味。另外仲有「白鱔片」分量十足，白鱔片切到好薄，冇骨，好鮮味。「蟹籽雲吞」入邊有大大隻鮮蝦，大大粒、好好味。中間左一份「雜菜盤」包含多款蔬菜，兩個人食啱啱好。美味嘅醬油，醬料可以自己調配。整體非常豐富，美味又抵食，兩個人食到好飽。

每次約朋友食飯，一諗唔到食啲咩就會去打邊爐🤣可以每樣都食啲，而且又可以坐低慢慢食、慢慢傾～今晚嚟到Hot Pot 熱‧海鮮火鍋私房菜，位於佐敦新寶廣場5樓。藥膳天麻魚頭鍋呢排工作忙碌，間中都有頭痛情況出現，所以就揀咗呢款藥膳天麻魚頭鍋，滿滿白胡椒香配多款藥膳、魚頭熬製而成，呈奶白色湯底，有助補氣血、祛頭風！手切安格斯牛小排肉質軟嫩既手切安格斯牛小排口感細緻香甜又多汁，油花豐富且軟稔，肉汁充足，牛香味濃郁！嫩滑鴨血鍾意食鴨血嘅朋友記得要試呢一款嫩滑鴨血！口感具彈性，食落好軟嫩，大大塊入口夠哂滑順～鮮腐竹鍾意食豆類製品嘅我就揀咗呢一款鮮腐竹，色澤黃白、散發濃郁特殊豆香味，食落濃稠綿滑仲好掛湯添～日本山藥呢款日本山藥爽脆感一流，水份多之餘仲帶點甘甜味，咬落黏黏滑滑，鮮嫩又爽滑！酥炸午餐肉午餐肉經酥炸後變得酥脆香軟，外酥內軟真係令人食唔停口！

❣︎ 新鮮海鮮火鍋專門店🥘環境好大 座得舒適多人仲可以安排vip房唱k歡聚最近仲推出左$788火鍋套餐 食物新鮮選擇多 都幾抵食😋♡⋯⋯食評⋯⋯♡ ☻ 4.5/5 ·2人海鮮火鍋套餐 $788 ʚ頭盤ɞ ✨三文魚刺身 一共有四片 肉身夠厚 新鮮👍🏻ʚ湯底ɞ ✨喇沙豬骨鍋 香濃喇沙 仲有陣好香花生香 ʚ主食ɞ✨2人海鮮船有帆立貝·鮑魚·海蜆·海蝦· 白鱔片最鐘意啲鮑魚厚肉又大隻 一咬就咬得開 肉質有彈性另外帆立貝爽口有鮮味 正😄✨炸響鈴 大大條炸響鈴 吸哂啲喇沙湯底味超正😄✨美國黒豚肉🐷厚薄適中 份量2人食岩岩好✨蝦丸🦐✨水餃🥟大大隻肉餡好足料✨紅薯粉 幼身紅薯粉 口感煙靭✨蔬菜拼盤🥬多款不同蔬菜 粟米🌽·冬菇·萵筍·油麥菜👍🏻👍🏻ʚ非酒精飲品兩款ɞ ✨零糖可樂✨提子沙冰🍇————————————✨炸午餐肉 $38 估唔到切得幾厚 食厚切午餐肉真係好滿足😌✨黃金鮮魷魚鬚 $78金黃色蛋黃入口好香濃 邪惡美食😈

市面上火鍋店舖林立要搵一間優質食材嘅火鍋店真係要慢慢揀。今日嚟到佐敦新寶廣場火鍋私房菜就係我嘅心水。🔶香濃沙嗲豬骨鍋$208湯底非常足料好多豬骨同埋雜菇慢慢熬出鮮味，加上香濃嘅沙嗲味，忍唔住飲咗幾啖湯🔶手切牛頸脊（細） $228 牛頸脊係一個富有肉質嘅部位喺打邊爐淥熟之後變得更加軟滑鮮嫩，牛味濃郁🔶手切安格斯牛小排$328 安格斯牛小排係高品質嘅牛肉，肉質細嫩，唔需要沾染任何醬料，入口原汁原味🔶手打丸拼$128全部都係特色肉丸，粒粒飽滿紮實，一咬就會有肉汁唧出嚟🔶珊瑚蚌$118珊瑚蚌鮮甜爽口🔶厚切午餐肉$58午餐肉質地緊實，吸收湯底釋放肉汁外脆內軟🔶炸芋片$48炸芋頭片外面炸過比較酥脆，裏面軟糯，非常好食🔶飲品：雜果賓治$38、加多寶$18

今日好開心去咗一間火鍋店食晚飯，好啱心水，首先係各款湯底，未見過呢啲組合，見到個名就知道美味，因為想唔影響靚牛肉的味道，所以揀咗個清清地嘅湯，就係方魚肉碎海鮮鍋。奶黃色嘅湯底裏面有好多海鮮，魚、蜆、大大隻嘅蠔及冬瓜等，當然仲有方魚與肉碎，味道清甜。呢度仲有潮牛，兩人點［手切吊龍伴-細］，肥瘦分明，很有咬口有肉味。心水推薦玫瑰松板豬頸肉，樣靚肉爽。出奇的有獅頭鵝腸，一份份量都幾多。麻辣哋的餃子其實幾好食，所以點了自家製的麻辣牛肉餃子，皮薄餡多，好。蟶子皇唔貴，$68/隻，新鮮好食。少不了蔬菜拼盤，茶介$15/人及醬料$15/人，很合理。

超豪華二人火鍋今晚豪食火鍋，兩個人食，怕食唔晒，所以食材款式唔可以太多。首先揀左「沙嗲豬骨湯底」，湯底唔辣，但係湯底好濃味，好足料。食材有好多選擇，海鮮方面，我哋揀左「台山桶蠔」，蠔肉大大隻，好鮮甜，好好味。另外仲有「白鱔片」分量十足，白鱔片切到好薄，冇骨，好鮮味。仲有九肚魚好香滑，大大條，好新鮮。另外揀咗「安格斯牛小排」同埋「牛舌心」，有鮮牛肉味、薄切、好香滑、好新鮮。豬頸肉，新鮮爽口。蔬菜方面，好多款都想試，所以叫左一份「雜菜盤」包含多款蔬菜，兩個人食啱啱好。自家製「蟹籽雲吞」好特別，入面有大大隻鮮蝦，大大粒、好好味。醬油、醬料可以自己調配, 用保鮮紙包住，好衛生。整體非常豐富，大大碟，好精美，賣相好靚，新鮮美味又抵食。

沙嗲豬骨經過長時間的熬煮，湯底變得濃稠，充滿了豬骨的鮮味和風味。湯底帶有一點點的油脂，使得湯汁更加濃郁。而且有濃郁的沙嗲香氣和微辣的口感。每一口湯底都充滿了辣椒的香辣味道。食材在湯底中煮熟後，吸收了湯汁的沙嗲味，變得更加美味可口。手切安格斯牛肉的肉質鮮嫩多汁，細緻的肉質和豐富的脂肪分佈。牛肉當然要食原汁原味，一入口都能食到牛肉的鮮美。而安格斯牛肉的口感柔軟而有彈性，咬上去非常順滑。豐富的肉汁，每一啖都能在口中釋放出濃郁的牛肉味，手切安格斯牛肉的色澤紅潤，肉質鮮嫩多汁、口感順滑和豐富，油脂甘香，無得彈°即炸響鈴，放入煱中幾秒立即食，半脆口的感覺，而且響鈴掛滿了沙嗲汁，非常好味。生菜也很新鮮嫩口，食得太多肉，要食一點蔬菜幫助消化。龍口粉絲特登叫，粉絲吸收了濃郁的沙嗲湯底，濃香鮮甜，而且入口滿滿的沙嗲香，不得了。

同事之前試過此店,話好得加上又有折頭, 今次輪到我去試下, 湯底選擇好多,而我們今次試藥膳天麻魚頭湯鍋, 好濃郁當歸香味, 肉類點了三寶拼,包括有牛小排、黑豚肉和羊肉片, 賣相靚之餘肉味也不錯, 而海鮮除了必選至愛白鱔片和魚鰾, 另外更要了一個深海潛艇,原來有廣島蠔、日本蟹柳、墨魚片、桂花蚌、珊瑚蚌, 認真超值, 當然菜也不能少, 這個拼盤有唐生菜、油麥菜、娃娃菜、菠菜、春谷、雞髀菇、粟米、冬菇、蕃茄仔, , 全枱食物每人也不過數佰元, 真心抵食又好食。

椒鹽鮮魷：前菜。鮮魷食落爽口，炸粉厚道適中，唔會油淋淋，再薄一點口感更佳。海鮮粉絲煲：賣相唔錯，食落幾有鑊氣，粉絲收得夠乾身冇黐底，海鮮配料多，有魷魚，蝦仁，帶子,蟹子等等。生啫牛魔王：個煲有乾蔥，蒜頭，薑等等爆香。而牛既配料方面有不同牛內臟部位，例如黃喉，黑柏葉，牛骨髓等等。黃喉同黑柏葉都好爽口，充滿爆炒既香料味，食材生鮮無腥味。牛骨髓就好少地方食到，食落軟軟糯糯既口感，有油脂既香味，爆香過更有風味。鍾意食內臟既一定要睇下。總結：地方頗大，環境夠哂舒適，又近地鐵站，煲類幾有鑊氣，牛魔王煲頗有驚喜，係牛魔王既你一定要試。

而家食嘢越嚟越有要求，又要搵食物質素高，又要乾淨，又要可以影靚相嘅餐廳🤣Hot Pot 熱·海鮮火鍋私房菜就符合晒我想要嘅條件❣️我同朋友兩個人嚟到餐廳揀咗卡位坐，因為每一卡座位都有懷舊香港特色嘅地方，非常適合影相。侍應嘅熱情招待，令我哋好快就可以揀好食啲乜嘢。香濃沙嗲豬骨鍋$208打邊爐湯底好緊要，一上湯底已經聞到濃濃嘅沙嗲香味，見到鍋裏面有好多豬骨同埋惹菌，熬出嚟嘅湯底一定新鮮濃郁手切安格斯牛小排$328 我同朋友都好鍾意食牛，一嚟就鎖定咗呢個手切安格斯牛小排，份量多，肉味好濃，好好食手切牛頸脊（細） $228 牛頸脊係侍應介紹，我之前從來都冇食過，一食之下果然冇介紹錯，牛肉非常嫩滑手打丸拼$128粒粒丸都好有特色，非常飽滿，一咬肉汁就出哂嚟，蟹籽墨魚丸，尤其出色，爽口彈牙珊瑚蚌$118份量頗多，新鮮，最鍾意食煙煙韌韌同埋爽口嘅貝類海鮮厚切午餐肉$58原本冇諗住叫午餐肉，但見到隔籬枱有叫，真係非常厚切，忍唔住叫返一碟嚟食炸芋片$48打邊爐必食，芋頭條外面炸得好鬆脆，淥嘅時候唔會散，入口粉嫩見到飲品有雜果賓治（$38），貪得意叫嚟試吓😝，朋友就飲加多寶$18

今日朋友帶我去咗佐敦一間私房菜吃火鍋..「Hot Pot 熱‧海鮮火鍋私房菜」位於佐敦道新寶廣場5樓…. 環境很舒適…而且一入門口就有個打卡位🤪😆胡椒老壇酸菜白肉鍋，個湯底都幾香濃，白肉好厚身，份量亦都唔少⋯⋯不錯！牛白肉即是牛胸爽是比較少見的部位，Hot pot熱也有🫢 看似肥膩,其實口感爽脆,勒勁十足！美國黑豚肉片…都好鮮！手打丸拼..2人最合適.. 每款2粒….啲肉丸都好新鮮…尤其鹹蛋黃豬肉丸，好好味！

香港飲食業的競爭, 已進入白熱化, 再加上北上熱潮, 實在要替他們加把勁打打氣, 今天就專程往這間新開業的火鍋店捧場, 發覺座位地方寬敞, 店員招呼熱誠, 最重要是食材質素有保證, 加上現在做緊特賣大堂有七折, 廳房也有88折, 當然要幫幫手刺激消費, 最特別他有幾種拼盤都是可以畀人少的組合, 可以嘗到不同種類的火鍋食材 包括牛三拼、海鮮拼(珊瑚蚌、桂花蚌、墨魚片、廣島蠔和蟹棒), 蔬菜拼盤, 實在是大滿足, 甚至火鍋湯底也豐儉由人,又 佰多元至五百多元也可供選擇,整體今次的用餐感受很優質和值得推薦。

-Hot Pot 熱‧海鮮火鍋私房菜-📍佐敦.除左打邊爐之外，仲有小菜餐牌。每張枱座位都好闊落，坐得好舒服。.手拍雲耳青瓜 ($48)先點左個開胃小食，雖然青瓜唔係手拍，但味道都不錯。雲耳青瓜加上辣椒同香醋，十分開胃。.牛油胡椒炒牛舌 ($178)牛舌份量都好多，而且每件都好大塊同厚身。肉質幼嫩，易咬開。加埋洋蔥、紅黃椒同菇片炒香，加埋胡椒醒胃微辣，味道好夾。.甜酸脆皮五花腩 ($178)一般咕嚕肉係用脢頭，而哩碟用上五花腩的咕嚕肉，脂肪分佈均勻，肉質鮮香嫩滑。而外層真係做到脆皮口感，加埋開胃甜酸汁，送飯一流。.雜果賓治 ($38).

吃火鍋，配料新鮮好重要，寧願付出貴一點的價錢，都想吃得好一點。朋友在佐敦找到這家hot pot，出名火鍋配料新鮮，有火鍋又有私房菜，要來探店了！我是火鍋控，今次吃火鍋吧！先選湯底，雙拼鍋，一邊是香濃沙嗲豬骨鍋，一邊是胡椒老壇酸菜魚白肉鍋。湯底奶白色，材料豐富，一看就很想開動了。手切腩包（細份），見到肉片鮮紅色滿是水份，好新鮮啊！不要煮得太久，剛剛熟就要吃，嫩滑爽口，很有嚼勁！有豬肉香又不肥膩，值得一試的高質肉類。帶子片，用來下鍋一絕！煮得剛剛熟便要盛起，海鮮加在鮮甜的湯，更加鮮甜爽滑，好吃哦。白鱔片，夠新鮮，爽滑香甜，沒有泥味，品質的確好。響鈴，是火鍋必備配料，輕輕一灼，吸收湯味，又吃到煙韌微脆口感。手打丸拼，有5款：手打墨魚丸、麻辣雞肉丸、手打蝦丸、芝士牛肉丸、鹹蛋豬肉丸，每款兩粒，最特別是芝士牛肉丸，像漢堡包的味道，化身成丸類下鍋；鹹蛋豬肉丸，估不到鹹蛋味和豬肉味很相配，味道配搭得很有心思；麻辣雞肉丸只是輕微的麻辣味，讓人想起吃串燒的味道；墨魚丸和蝦丸，是最傳統亦是我最喜歡的丸類，非常爽口彈牙。餃子拼盤，同樣是有5款，每款2粒。韭菜豬肉餃是我最喜歡的，韭菜份量多，咬著非常清香，豬肉