Hot Pot 熱‧海鮮火鍋私房菜

營業中

休息中

入到門口就已經有靚靚打卡位，仲有得打機….同埋有間K房，一邊唱K一邊打邊爐都幾爽🤣環境都舒適，唔會好迫，每個卡位都好靚💖另外都想提啲有serve我哋嘅侍應都好Nice☺️最抵食就梗係二人餐！唔係固定嘅食物，有得俾你揀，唔夠食，仲可以加配。佢有488同788嘅二人餐，我哋就揀咗$488。打得邊爐，當然係多蒜加蔥加芫荽🤭套餐包飲品，所以就揀咗兩杯沙冰（益力多同芒果）上得好快，又真係估唔到佢杯沙冰大冰到走都未飲得晒😂推薦芒果沙冰！並唔係好假好甜嗰隻芒果味，好飲！蕃茄薯仔湯底都幾濃郁，酸酸甜甜幾開胃！套餐嘅食物，我哋就自選咗：手切安格斯牛小排、炸魚皮、薯粉、兩款丸同餃類、蔬菜拼盤、另外加配咗兩隻蟶子。原本都諗住可能再加其他嘢食，但原來最尾都夠兩個人飽住走🤣安格斯牛小排高質睇圖都望到有幾高質，肉質嫩滑，濃郁嘅牛味🥹有水準。另外都不得不提個蟶子，真係超大隻！長過隻湯匙，將圖只係show到半隻🥹真係超級鮮甜極滿足！真係要加配！！！

有朋友約咗我去尖沙咀新寶廣場食火鍋，聽聞嗰度啲火鍋好高質素😋入座叫咗個二人套餐，揀咗一個沙嗲豬骨湯底、有各款嘅小食同埋主菜，兩杯無酒精飲品，另外可以自己再加配料。店員好熱心地準備配料，可以自由配搭。沙嗲豬骨鍋十分濃郁，裏面有好多菇菌類，食落去好惹味。成個餐包咗一碟好靚嘅安格斯牛肉，食落去重肉味，入口即溶😍但係份量有啲細份最鍾意將響鈴同埋蜂巢豆腐掉落去個湯底之中，吸晒啲精華，十分邪惡😈其他配料，例如烏冬、粉絲都正正常常，蔬菜拼盤有茼蒿、粟米、香菇類各種蔬菜，既健康又美味。韭菜餃好足料，蝦丸亦都好彈牙😇我哋之後再加多咗一啲聖子，蟶子大條到好誇張，食落去好爽口同新鮮。不過講到成餐飯最欣賞嘅，都係一杯咁大杯嘅沙冰，叫咗一杯芒果沙冰同埋水蜜桃沙冰，打邊爐嘅時候飲一啖沙冰真係極好嘅配搭😋總括而言，係一間十分高質素嘅打邊爐店😀

正所謂打邊爐無分季節，我無時無刻都會搜羅一啲打邊爐勝地！朋友介紹今日試咗呢間打邊爐餐廳，都幾唔錯！地方闊落，通風系統良好，食完之後件衫都完全冇邊爐味。我地叫咗個二人套餐，湯底揀咗胡椒酸菜白肉鍋。鍋底用料新鮮，入面已有好多白肉，味道唔會太濃太辣，無味精味，食完唔會口乾。套餐仲包了唔同嘅火鍋配料，有黑豚肉、炸魚皮、蔬菜拼盤、水餃、烏冬等等，仲包飲品，完全唔使煩叫咩，方便快捷，上菜速度快，侍應態度又良好，成個打邊爐體驗都好好！蔬菜拼盤擺盤漂亮，蔬菜十分新鮮肉類比較瘦，但煮熟後一啲都唔鞋，好有肉味，食得出係高品質肉片其他配料都好新鮮，份量不算多，但夠二人食

🍲酸菜白肉锅酸菜白肉锅的汤底以酸菜为主，酸爽的口感与丰富的猪肉味道相结合，使得汤底既清爽又浓郁。酸菜经过发酵，散发出独特的香气，带来微微的酸味，十分开胃。汤底清澈而富有层次，适合各种食材的搭配。🥩手切安格斯牛小排手切安格斯牛小排，肉质鲜嫩，纹理分明。牛肉在锅中烹煮后，油脂融化，肉香四溢，口感滑嫩，咬下去时肉汁丰富，伴随着酸菜的清新，形成了独特的风味。 新鲜牛肉新鲜牛肉切片，肉质紧实，色泽鲜亮，带有自然的肉香。煮熟后，牛肉保持了鲜嫩的口感，搭配酸菜的酸爽，使得每一口都充满了肉的鲜美和汤底的清新，令人食欲大增。响铃响铃是一种外酥内嫩的小吃，经过火锅的烹煮，外皮保持酥脆，内馅鲜美。响铃的肉馅通常带有香料的味道，口感层次丰富，咬下去时发出清脆的声音，搭配锅底的汤汁，更添风味。手打虾丸手打虾丸使用新鲜虾仁制作，虾肉Q弹，口感极佳。煮熟后，虾丸在汤中吸收了酸菜的风味，外滑内嫩。🥟猪肉饺猪肉饺子皮薄馅多，肉馅鲜美，调味适中。饺子煮熟后，外皮滑嫩，内馅多汁，搭配酸菜的酸味，形成了完美的平衡。

天氣突然轉冷 今晚即興想打邊爐佐敦做完野去左呢間火鍋店環境舒適 卡位設計唔會好迫呢個最好係個二人套餐$488基本已經有齊火鍋應有既食物好方便 唔洗自己諗落單後店員首先奉上各種火鍋醬油配料 我地叫左香濃沙嗲豬骨湯鍋沙嗲味好濃郁最後食埋要食埋D豬骨先夠正特別要讚豬骨除左令整個鍋鮮味更出之外其肉質嫩滑加上吸收晒沙嗲的精華 無得頂 //手切安格斯牛小排//安格斯牛小排肉質鮮嫩油脂分布均勻牛肉配沙嗲湯底係最夾//炸魚皮//口感酥脆又係同沙嗲湯底係perfect match魚皮輕輕灼數秒 索盡湯底精華//手打墨魚丸+鮮蝦雲吞//墨丸味夠出 非常彈牙。雲吞足料 蝦夠大隻兼彈牙最後食埋烏冬同蔬菜拼盤烏冬不是廉價貨 口感順滑吸收咗湯底嘅味道蔬菜新鮮中和了口中的重口味 另外加了炸午餐肉 可以即食但個人認為稍稍放入沙嗲湯底輕灼數秒更添味美 最後當然打邊爐唔少得既藍妹啤酒

3個人去到，侍應招呼熱情，可能book了8點9,就算平安夜廳面都唔多人，啲vip房就滿晒好熱鬧，我哋坐卡位。因為佢冇三人餐，所以叫咗個二人餐：喇沙豬骨鍋：湯底喇沙味香濃👍不過啲豬骨係食唔返😂雜菜盤啲蔬菜新鮮安格斯牛小排脂肪分布均勻韭菜豬肉餃、鮮蝦水餃一般炸響鈴鬆化👍烏冬得一個細細個嘅稻庭烏冬2罐飲品因為3個人所以再加左碟安格斯牛小排、美國黑豚肉、響鈴同埋黑松露蝦滑。整體食物質素服務都唔錯，尤其是黑松露蝦滑好彈牙好新鮮；安格斯牛小排脂肪均勻厚薄適中。不過埋單時，原來卡機壞咗，好彩老公有帶現金。而且廳面有陣陣煙味🥲

最近我去咗佐敦一間叫「Hot Pot 熱·海鮮火鍋私房菜」嘅火鍋店，真係一個唔錯嘅選擇！呢度嘅環境舒適，氣氛輕鬆，非常適合約埋朋友一齊享受火鍋。我試咗佢哋嘅**$488二人火鍋餐**，首先係**胡椒老壇酸菜白肉鍋**，湯底香氣四溢，胡椒味突出，帶有酸菜嘅清新感，令人一開始就感受到熱辣辣嘅味道，十分開胃。再加上新鮮嘅**手切安格斯牛小排**，肉質滑嫩，煮熟後嘅牛肉搭配湯底，味道更添層次，實在好味！另外，**炸魚皮**作為小食，口感酥脆，係火鍋嘅絕佳配搭。而**手打蝦丸**同**手打墨丸**則係必試之選，蝦丸彈牙，墨丸味道濃郁，兩者都非常新鮮，讓人一試成主顧。最後，**烏冬**同**蔬菜拼盤**都係火鍋嘅好拍檔，烏冬滑順，吸收咗湯底嘅味道，蔬菜則保持住脆口，增加咗整體嘅均衡感。總括來講，「Hot Pot 熱·海鮮火鍋私房菜」嘅火鍋質素一流，湯底同食材都非常新鮮，無論係約會定係聚餐都好合適。如果你喺佐敦，記得來試下呢間火鍋店！

有一日收工忽然間好想食火鍋就上OpenRice搵吓有咩好去處，見到呢間餐廳如果叫火鍋套餐嘅話，7:30前食完走人嘅話有得減$50都幾抵，咁啱老公又早收工，位置又方便就一於試吓一上到去見到餐廳佔地都幾大，好多枱，同埋應該係因為閑日加上時間尚早，人流唔算多，所以唔使等位，兼且一入座已經好快有人招呼我哋，我地兩個都費事諗叫啲咩食，見到套餐啱食就直接叫咗套餐，加咗我至愛嘅三文魚魚生試吓，打頭陣嘅三文魚非常肥美，原本以為火鍋店啲魚生應該都係平平無奇，點知呢個居然有驚喜~ 當然食火鍋嘅靈魂係牛肉，餐廳嘅手切安格斯牛小排脂肪分布平均，肉味充足，值得一試其他食物水準都唔錯，最衰我哋得兩個人試唔到多啲嘢食，餐廳啲菜都好大張，幾適合一大班人嚟聚會，又可以叫多啲嘢食試下唔同款，所以如果約咗一大把朋友嘅話都不失為一個聚會好地方

香港天氣一轉涼，正正就係食火鍋的最佳時間，今晚在佐敦區接老婆放工後，就去了廟街附近的新寶大廈吃火鍋。我們去了Hot Pot熱•私房菜火鍋店，點了火鍋套餐]，店長哥哥首先奉上各種火鍋醬油和配料，令人目不暇給，令人有選擇困難症。香濃沙嗲豬骨湯鍋:沙嗲的濃郁和豬骨的鮮味完美結合，讓火鍋的味道更加豐富和層次分明。手切安格斯牛小排：肉質非常鮮嫩，牛肉脂肪分布均勻，配上沙嗲湯底入口即溶，又是難忘的一次牛牛體驗。由於我是牛魔王，再追加了一碟本地新鮮手切肥牛，滿口牛牛味真的十分滿足。炸響鈴：即叫即炸，奇脆無比，索滿了沙嗲豬骨精華，更是一絕！手打蝦丸墨魚丸：材料新鮮、師傅手打的功力十分犀利，每粒蝦丸墨魚丸都非常彈牙。我們還叫了QQ彈牙的紅薯粉，鮮甜粟米和蔬菜拼盤，平衡了滿口沙嗲牛牛的味道。店長哥哥最後奉上芒果沙冰，真的超級大杯，而且是師傅新鮮即場打製，吃完沙嗲火鍋飲沙冰真的十分爽！整體而言，今晚和太太吃得十分愉快，店舖的食材十分新鮮，環境又坐得舒適，值得和一大班朋友再來暢快的吃。

最近天氣漸涼，好想吃火鍋！朋友帶我來到佐敦這間《Hot Pot熱.海鮮火鍋私房菜》，餐廳特別之處，就是即可吃火鍋，又可以品嚐私房菜！而且全場5500呎，除大廳外，更有多間不同主題的VIP包廂房，還有多個特色卡位呢！熱鍋二人火鍋套餐：湯底：喇沙豬骨湯，平時已經很喜歡吃喇沙湯河，冇想過原來可以用來打邊爐，別有一番風味！火鍋配料：手切安格斯牛小排，牛肉脂肪均勻分布，亦非常鮮嫩，入口即溶又美味！手打蝦丸非常彈牙、鮮蝦水餃餡料豐富又大隻，炸響鈴、QQ粉仲有蔬菜拼盤等等，質素唔錯！套餐還包兩杯無酒精飲品，特別推介呢度嘅沙冰，係超級大杯！！芒果沙冰及益力多沙冰都是先新鮮打製，打邊爐飲沙冰真係爽！

今日我同朋友去咗佐敦一間樓上嘅火鍋私房菜店，呢度嘅套餐超抵食，於是就約左食晚飯我哋一坐低，就已經有得選湯底，竟然有六款選擇！我哋最後選咗蕃茄薯仔湯，味道好清新，果然唔錯！湯底上嚟後，顏色紅潤，香味撲鼻，喝一口感覺好滑順，蕃茄味道濃郁而且有一點甜，薯仔就令湯底更加香滑，真係好開胃！然後，我哋叫咗牛小排一碟，肉質鮮嫩接住上嚟嘅雜菇盤，裡面有金菇、鮮冬菇同雞髀菇，搭配湯底更加美味。另外，我哋仲叫咗墨丸拼蝦餃，墨丸滑滑地，味道鮮美，蝦餃就更加彈牙，咬落去有淡淡嘅海鮮香。此外，我們還加咗一碟去皮雞腿肉同蜂巢豆腐。去皮雞腿肉肉質滑嫩，煮好後非常入味，而蜂巢豆腐則口感特別，外脆內嫩，吸咗湯底後更加好味，真係食到停唔落手。最後，我哋仲叫咗薯粉，薯粉煮出嚟後，口感滑溜，與湯底嘅融合非常好，食落去滿足感十足。飲品方面，套餐包括兩杯飲品，我哋選咗一杯益力多沙冰，呢杯飲品超級大杯，飲落去又清涼又解膩，正好中和返火鍋嘅油膩感。

#mochicouple_hk佐敦搵食團 天氣慢慢轉涼,係時候打邊爐！一入門口，就有個打卡位,好似個大既鳥籠咁同有部街機😛環境寬落，有卡位,有vip房,坐得好舒服😜員工服務好🫡<熱鍋2人火鍋套餐>1️⃣ 沙嗲豬骨湯底沙嗲醬的香氣非常濃郁🤩帶有花生的香味，有好少好少既的辣味🤤店家選用的豬骨經過長時間熬煮，肉質軟嫩，重點係有兩大舊豬骨🤓湯底濃郁有鮮味。本身怕會好油膩🙃竟然冇咁既感覺！湯底醇厚啱晒搭配各種配料😜好味指數：🍡🍡🍡🍡🍡2️⃣ 手切安格斯牛小排 🐮安格斯牛小排的肉質通常非常鮮嫩，脂肪分布均勻🤪手切的方式保留了肉的原汁原味，切割的厚度適中，好有口感，有嚼勁😚好有肉味😜好味指數：🍡🍡🍡🍡🍡2️⃣🫔炸響鈴炸響鈴的外層炸得金黃酥脆，咬下去時能感受到脆皮的香脆，內部則保持柔軟的口感，吸晒啲沙嗲湯汁，食落就好似飲埋湯咁，超正😜好味指數：🍡🍡🍡🍡🍡3️⃣🐙手打墨丸+🥟韭菜豬肉餃（各2粒）手打墨丸咬落好有彈性，鮮味十足🤩韭菜豬肉餃的餡料通常新鮮😋！有陣陣韭菜香氣，食落豬肉好有鮮美🤩餃子的外皮薄而有彈性，能很好地包裹住餡料好味指數：🍡🍡🍡🍡🍡4️⃣紅薯粉紅薯粉條條入口煙韌😋質感唔會過淋，較街邊食嘅幼身少

夜晚晚一大班人想打邊爐去邊度好 呢間位於佐敦新寶廣場既火鍋店開到凌晨兩點🕑 個場好大座位好闊落 而且都有啲房仔可以俾客人唱K 我哋得兩個人就試咗個二人套餐👫🏻我哋揀咗香濃沙嗲湯🥘沙嗲味濃郁最有大大嚿豬骨喺入邊熬製 😋手切安格斯牛小排一定要試吓🥩色澤好靚油脂分布均勻 睇落都知係靚既牛肉 入口好軟淋淋 必點 👍🏻配料我哋就嗌咗魚皮 手打蝦丸同墨丸 紅薯粉同埋蔬菜拼盤 其實食完都已經好豐富 推介手打丸 食得出真材實料套餐飲品仲有兩杯大大杯嘅沙冰 🍧 提子🍇同芒果🥭 兩杯都好飲 唔會得個甜字 不過真係太大杯飲到一半已經飲唔落😂仲追加左新鮮牛肉同炸午餐肉 呢款就冇咁淋身 有咬口啲 不過都好食 以後打邊爐又多個選擇🍲📍 Hot Pot 熱‧海鮮火鍋私房菜 (佐敦)佐敦佐敦道23號新寶廣場5樓

今次嘅2人火鍋套餐叫咗沙嗲豬骨湯底，本身有少擔心會唔會太油，但佢香得嚟又唔會話好油膩，加埋一陣花生香，完美地襯托出火鍋的各種食材。佢仲要係真材實料咁有兩大舊豬骨，愈煲愈濃味，食到最後都冇話會變清湯，咸辣適宜。然後叫咗手切安格斯牛小排，厚身足料，唔似出面切薄片比你，放入口乳香味十足，肉質鮮嫩，油花分佈都幾好，每啖都有明確嘅肉香，唔會話唔知自己食咗啲咩。美中不足可能係份量上面可以再多啲（因為食得唔夠喉）。另外追加咗佢嘅新鮮牛肉，雖然冇安格斯牛小排咁驚豔，但都有咬口，但記得唔好淥太耐，如果唔係就會破壞咗口感㗎喇！雜菇拼盤的種類豐富，絕對唔係敷衍行貨（尤其是我呢啲鍾意食菇嘅人），菇菇吸收哂沙嗲湯嘅精華，令人食指大動。我自己就大推菇拼盤多過蔬菜拼盤。仲有大大推沙冰都係勁抵，套餐送兩杯真係擔心餐廳會蝕本。呢度嘅服務態度亦都非常熱情好客，真係落單都令人覺得好親切（諗到香港地咁有人情味真係買少見少）。而且餐廳的環境乾淨衛生，空間寬敞，讓人用餐時倍感舒適，值得一試。

最近我去咗「熱鍋火鍋私房菜」，嘗試咗佢哋嘅熱鍋二人海鮮火鍋套餐，真係好正😊首先，餐廳提供咗多種湯底選擇，我哋最後揀咗香濃沙嗲豬骨鍋🐷湯底熬得非常入味，沙嗲既香氣撲鼻而來，味道濃郁又唔會過於油膩，仲要好足料，大大件豬骨，正👍🏽火鍋配料方面，二人份量餐係足夠既，🐮手切安格斯牛小排質量一流，肉質鮮嫩，切得厚薄適中，而且有油香味，係高質既😋炸魚皮就係脆！😋😋仲有手打墨魚丸，彈牙得來非常鮮味🦑🦑水餃一咬落去好多肉汁，令人驚喜！紅薯粉就正正常常😏湯底正佢就正😋😋雜菜拼盤都幾多樣野，蔬菜新鮮🥗另外，我哋仲試咗兩款小食，七味脆皮豆腐同椒鹽魷魚鬚🦑七味脆皮豆腐外脆內嫩，味道惹味，真係一口接一口。而椒鹽魷魚鬚則非常香脆，仲有少少微辣🌶️食落去真係好開胃😉😉至於飲品，超級推介沙冰系列！！超級大杯🤩🤩我哋選咗沙冰芒果味同埋益力多味。沙冰芒果味濃，比較甜！而益力多味則帶有淡淡嘅酸甜，令人感覺清爽，絕對係完美搭配。整體而言，「熱鍋火鍋私房菜」嘅火鍋套餐真係味道一流，服務態度亦非常好。下次一定會再來試其他湯底！另外想提一提既係呢度竟然有得邊打邊爐邊唱K！！見到有人book房唱K，真係一個好地方！🥳。