Hot Pot 熱‧海鮮火鍋私房菜

營業中

休息中

今日同朋友嚟佐敦打邊爐，見到呢間海鮮火鍋私房菜推出嘅二人火鍋套餐都只係$488，就一於入嚟試吓！呢度環境幾闊落，冷氣好夠，打邊爐一流！有六款湯底可以揀，我哋就揀咗香濃沙嗲豬骨鍋，味道超級香濃，超濃嘅沙嗲香味，成大舊豬骨連湯上，越煮豬骨嘅香味越出！配料我哋就揀咗手切安格斯牛小排，餐廳會安排二人份量，唔使擔心唔夠食，一碟大約10片嘅牛小排，色水超靚，油脂均勻，雪花都好靚，食落都好嫩滑，好新鮮，同冰鮮嘅肥牛完全冇得比！另外我哋揀咗炸魚皮，份量超多，浸一浸沙嗲湯，超級好食！我哋仲揀咗韭菜豬肉餃，一上碟嘅時候見到佢哋全綠色，有啲嚇一嚇，但係食落有驚喜，豬肉同埋韭菜都係爆料，唔會散修修，俾佢賣相呃咗，幾好食！烏冬都幾爽口彈牙，唔錯。蔬菜拼盤份量超級多，有白菜、粟米、菇等等，打邊爐必食嘅菜都有！最值得一提嘅係二人套餐仲要包埋各一杯冇酒精飲品，我哋揀咗提子沙冰同埋益力多沙冰，原價都要40幾蚊㗎，仲要超級大杯，最後我哋都飲唔晒，超抵食！

今日同朋友去尖沙咀食打邊爐，叫咗個二人套餐，價錢都幾合理，而且仲包好多嘢，呢間性價比真係幾高。胡椒老壇酸茱白肉鍋裏面本身落咗啲豬肉，啲肉好軟好滑，而且啱啱先放落去唔會好老，個湯底酸酸地唔會好辣，後尾越煲味道越出，酸酸辣辣好正！手切安格斯牛小排 推介👍🏻啲牛肉真係好嫩好多汁，而且牛味好重，仲要非常軟身。朋友都話要encore 牛小排！韭菜豬肉餃同鮮蝦水餃餃子皮薄薄咁，內裡嘅餡料非常大粒，最得意嘅係韭菜餃嘅皮都係用韭菜做嘅所以係綠色。 手打丸拼裏面有五款丸，分別係蟹籽墨魚丸，櫻花蝦丸，麻辣雞肉丸，鹹蛋黃豬肉丸，芝士牛肉丸。墨魚同蝦丸非常彈口同新鮮。 至於麻辣都真係幾辣，鍾意辣嘅朋友可以挑戰吓 。 其他豬肉同牛肉丸裏面加咗啲芝士同鹹蛋黃，個味道豐富左幾有特色。魚皮非常脆口， 幾新鮮，唔會有浸油味。加埋個酸菜白肉湯，湯底味道解膩。套餐488來講都幾抵 兩個人夠晒飽，仲有兩杯無酒精飲品，除咗汽水之外仲有沙冰都係免費！

今日我同朋友去左呢間餐廳打邊爐，湯底揀左胡椒老壇酸菜白肉鍋，用咗老壇酸菜同胡椒，湯底酸酸辣辣，非常開胃，再加上白肉嘅鮮味，白肉切得薄薄嘅，喺滾燙嘅湯底度煮熟，吸滿咗湯汁嘅精華，食落去又嫩又多汁。🍲跟住我地都點左蒙古涮羊肉片，口感非常嫩滑，最適合用嚟涮，羊肉唔會太膻唔會太腥，入鍋稍涮即熟，入口綿軟細膩，非常美味。🐑再嚟係牛白肉，，其實屬稀有部位，因為只有肥大的牛才能長出。牛白肉新鮮而且呈白色，看上去有油膩的感覺，但實際上是一種軟組織，入口是清甜間微微泛著牛油的香味，口感脆而爽口，帶點韌勁。🥩我地仲點左手打墨魚丸。呢款墨魚丸用手打製作，保持住墨魚嘅鮮味同彈牙嘅口感，仲有一陣濃郁嘅墨魚香味。🦑最後要介紹嘅係花甲王，花甲王嘅特色係肉質肥美，味道鮮甜，每一粒花甲都係肉厚味鮮，仲帶有一陣自然嘅海鹽味。🐚

今晚同朋友外出用膳，揀咗喺佐敦地鐵站附近嘅 Hot Pot 熱·海鮮火鍋私房菜，地點非常方便。大廳設有大圓枱及別緻卡位，地方闊落，座位舒適，另有圓形雀籠打卡位，勁吸精；亦設有不同大細嘅私人房間供客人選擇。打邊爐當然要揀湯底先，我地都唔太想食辣，決定要清清地但惹味嘅胡椒老壇酸菜白肉鍋。仲有不同醬料可以配搭鍾意食牛嘅我當然會點新鮮牛肉啦，睇到紅卜卜嘅顏色已經好吸引，淥好一放入口就感受到牛嘅鮮甜味，滋味無窮。點咗個豬心頂，當然要淥得夠火候，入口緊緻，味鮮有咬口，自然想食多啲。蜂巢豆腐輕易吸滿火鍋湯味，味道濃郁，咬落軟硬適中。蟹籽墨魚滑夠順滑細緻，卜卜脆嘅蟹籽，口感豐富，好鮮甜。另外，鮮蝦蟹籽雲吞脹卜卜，肉質厚實，真材實料。仲有紅薯粉好快熟，透明煙靭，吸收濃湯後，味道份外不同。餐牌有好多食材選擇

因為表弟喜歡食海鮮，所以今晚特別約佢去試一個熱鍋二人海鮮火鍋套餐，食材當然最重要。首先有三文魚刺身四件，夠厚身，味道又夠鮮美。跟住我地揀咗胡椒老壇酸菜白肉鍋做湯底，爽口嘅白肉及好多嘅酸菜，增加咗酸度，惹味非常。將手切安格斯牛小排放進鍋內，好快就熟，有香濃牛肉味，鮮嫩可口。炸魚皮一灼就食得，唔使等，酥脆好味。手打蝦丸爽口彈牙，食得出新鮮蝦味。鮮蝦水餃皮薄餡多，一試令人回味。Q Q粉放落湯裏面，不消三兩分鐘就變透明，吸收咗湯汁，真係Q彈㗎！最後將雜菇拼盤全部放入鍋內，慢慢煮軟熟，格外淋甜美味。仲有主角要出場，話明係海鮮船，新鮮材料就唔少得，計有鮑魚兩隻、元貝兩隻、蜆四隻、蝦兩隻及白鱔片四片，份量十足，鮮味一流，無需蘸任何調味料都食得津津有味。奉送飲品揀咗芒果沙冰及提子沙冰，冇諗過係咁大杯，冰凍有果味，飲落解膩之餘，仲平衡咗火鍋之熱氣 。如果唔食火鍋，餐廳其實仲有小菜供應，任君選擇。卡位夠舒服！

Hot Pot 熱‧海鮮火鍋私房菜（佐敦）佐敦佐敦道23號新寶廣場5樓趁仲係涼涼地就去打個邊爐，今日係佐敦一帶出沒，比我尋覓到呢間火鍋店，環境舒適，有VIP房，又有大廳卡位同大圓枱，大小聚會都適合👉熱鍋二人火鍋套餐💰$488😋😋😋😋.8/5可以唔洗諗咁多叫咩食，叫套餐就最好不過-胡椒老壇酸菜白肉鍋今日唔想食辣，就揀咗呢個酸菜鍋，唔好見佢咁清淡色，查實食落好濃味，超重胡椒味，又多酸菜，越滾越出味，滾完啲嘢食都好惹味，值得一試-手切安格斯牛小排肉質非常之嫩，牛肉味濃，緊記不要煮太熟，我個人喜歡，大約滾十秒就食用，完全不用點醬汁，原汁原味食到最鮮味道-手打蝦丸，手打墨魚丸每日新鮮手打蝦丸同墨魚丸，大大粒，超新鮮，滾耐啲，胡椒味都滾哂入去，咬落爽口彈牙，每口都有鮮蝦同鮮墨魚味，必食-蔬菜拼盤唔好睇佢細細盤，食落原來係裝咗好多，夾落好實，打到滿哂，每款新鮮脆綠，健康之選追加👉新鮮牛肉💰$99😋😋😋😋.8/9真係好新鮮，又嫩又林，都係唔洗滾太耐，過龍就會浪費咗舊肉👉三文魚刺身💰$38😋😋😋😋.8/5呢個價錢真係超抵食，新鮮又大件，餐前小食一流回頭：yesyesyes!環境又舒服，嘢食又好味，真係要

今日同屋企人去呢一間餐廳試吓佢個火鍋，之前去食個小菜見到佢火鍋都幾多選擇，所以就去試吓。叫咗胡椒老壇酸茱白肉鍋，裏面好多酸菜同埋豬肉片，酸酸地辣辣地，幾啱打邊爐。唔會打到後尾覺得好膩！叫咗一個二人套餐，而且加咗少少配料。二人套餐叫咗個牛小排牛小排肥瘦均勻，而且牛味都幾濃郁，好重油香味，幾有水準。揀咗雜菇拼盤，咩都有啲雞髀菇金菇秀珍菇，都幾大份，而且吸左啲湯底，咬落去啲汁別晒出嚟，幾唔錯。套餐仲有得加$99有新鮮牛肉，食落去呢一隻牛肉雖然冇牛小排咁肥美，不過牛肉味都濃郁，而且都幾軟身。加$38有蜂巢豆腐仲要係超級多粒，好抵食亦有豆香味！蜂巢豆腐嘅特色就係會吸晒啲湯底，酸菜白肉湯底同蜂巢豆腐好夾。刀削麵加$58，份量係超級超級多，我諗大概三人份 麵條爽滑而且幾有口感。美國黑豚肉片 推介豬味比較重，雖然佢係偏厚身，不過食落去都幾軟熟，而且唔係好多渣同埋肥膏。 呢間啲套餐都幾抵食，同埋散嗌都唔貴。見到佢有做VIP房優惠，餐廳仲有生啤同唔同種類嘅酒，約埋班朋友打邊爐啱晒。

呢間火鍋店裝修幾有特色，卡座位以不同港鐵站命名~而且有中國風圍欄間隔，感覺更自在! 叫二人餐肉類、小食、餃類、菜類同面食都會有唔同選擇，幾有彈性，鐘意點拼都得!我地揀沙嗲豬骨鍋，大大件豬骨無花假~肉類選手切安格斯牛小排，脂肪比例均勻，焯幾下已經食得，入口軟熟。另最鐘意係韮菜豬肉餃，韮菜夠香又鮮嫩，餃皮夠薄~另外仲有炸響鈴、鮮蝦水餃、烏冬同蔬菜拼盤!個餐仲包2杯無酒精飲品添~而家一人火鍋越開越多，呢度除咗卡座外，仲有幾間VIP房同好多大枱，仲有幾部掛牆大電視，見隔離枱成班人圍威喂食得好開心，大班人嚟打邊爐真係FIT晒~

今次去佐敦道的Hot Pot 熱‧海鮮火鍋私房菜，環境舒服，服務很好，店員主動加湯🌟。我選擇了他們為2人火鍋套餐（$488元），好抵食呀👍。 芫茜皮蛋鍋 🥚🌿。皮蛋的獨特風味與芫茜的清新香氣完美融合🚀。火鍋加湯都是上等的湯！ 手切安格斯牛小排 厚砌安格斯牛小排，入口彈牙，每一口都是肉質的頂級享受🔝。 炸響鈴 吸引湯的精華🔔。 手打蝦丸和手打墨丸 有彈性和鮮味，證明了店家對食材的堅持與用心🍤🦑。 QQ粉和蔬菜拼盤 QQ粉彈牙🥗。 蔬菜新鮮清熱芒果沙冰和蜜桃沙冰🍑🥭 配合火鍋一流。 我再額外叫了新鮮牛肉（加99元）🥩、蜂巢豆腐（加38元）🍲，手切牛肉，鮮味彈口，豆腐入味 下次要食多次, 都會試埋佢間VIP 房, 開派對都幾開心👨‍🍳🎯。 

芫荽皮蛋鍋Hot Pot 熱‧海鮮火鍋私房菜地址: 佐敦佐敦道23號新寶廣場5樓今日打邊爐，滾滾下自在又開心。呢度湯底多款又特別，所以我都好鐘意。有得混醬，芫茜蒜加加加湯底試了個皮旦芫茜湯，清清地無油確實唔錯。一盤美國黑豚肉，脂肪同瘦肉分佈平均 ，入口有豬味鮮甜。蔬菜拼盤好新鮮額外點了丸手打墨魚丸 鮮蝦水餃，手打丸炸魚皮同烏冬，可以用澱粉質來填飽肚子。二人餐好抵食。$48 益力多沙冰酸酸甜甜好開胃，超大杯，必點沙冰系列。#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #好去處 #igable #假日好去處

佐敦地鐵站一出就係 地點幾方便見佢可以包VIP房食小菜打邊爐 而且仲有唱K服務見佢特色卡位用香港十八區地方去掛名我坐嗰個位置叫做『旺角』熱鍋2人火鍋套餐＄4887:30前離座-$50 9:30後入座-$50 呢個做法比較公平 有減價優惠鍋底揀左香濃沙嗲豬骨鍋 濃郁沙嗲味 兩大嚿豬骨新鮮牛肉 唔係厚切肥牛 因為同友人都 偏向鍾意食精瘦多啲 即時炸起嘅炸魚皮勁好味手打蝦丸/手打墨丸 兩種丸都好彈牙 起膠烏冬 蔬菜拼盤益力多冰沙，提子冰沙 大大杯一定夠飲 打邊爐食鹹嘢凍飲唔少得另外叫咗份黃金魷魚鬚 濃郁嘅鹹蛋黃香酥味會食上癮 非常推介

今晚同朋友嚟打邊爐位置十分方便，就喺佐敦地鐵站附近座位寬敞，而且有vip房，感覺好適合一大班朋友嚟食餐牌我地揀咗熱鍋2人火鍋套餐，都幾豐富香濃沙嗲豬骨鍋送上嚟已經聞到好香沙嗲味，入面仲有幾舊大豬骨，好真材實料手切安格斯牛小排雪花分布平均，好食！炸魚皮份量好多，炸到脆卜卜手打蝦丸手打墨丸質感幾好，食得出係蝦丸定墨丸烏冬烏冬好有咬口，用沙嗲湯煮完更好食，吸哂啲沙嗲味蔬菜拼盤有粟米、蕃茄仔、冬菇同菜，同沙嗲湯都好夾整體味道都幾好，尤其係沙嗲豬骨湯底，即使煮得耐都唔會變到好鹹侍應服務態度都好好有機會下次再嚟食

餐廳牆掛咗香港街景嘅畫環境亦都幾舒服-今次叫咗2人餐（有海鮮嘅）新鮮嘅海鮮好重要～特別鍾意鮑魚、蝦同扇貝蔬菜新鮮、好多唔同種類👍🏻響鈴超大舊🙈新鮮炸特別好食套餐包埋刺身 都不錯仲有今次湯底係酸菜湯鍾意酸酸地/要開胃就要試下啦！唔夠飽仲可以食薯粉（最後我哋要打包返屋企😂）.再加一份蒜香炸魚皮好香好多好好食！建議4人以上叫一份.另外胃口超大嘅我哋叫多咗一份肉拼盤（牛、豬、羊）我覺得牛最好食～油脂分佈平均唔會太油膩👍🏻👍🏻羊肉就有羊騷味 啱晒鍾意食羊嘅人-整體都推薦，兩個飽到捧住個肚走🤣

想搵個唔係任食嘅地方，慢慢坐低食下嘢，打邊爐傾下偈喺openrice搵到這一間喺佐敦的餐廳見到有個二人餐就揀二人餐二人餐兩個人食啱啱好有一份肉，兩份餃丸，一份麵食，蔬菜拼盤， 仲有一份炸魚皮，仲有嘢飲炸魚皮份量呢想像中多，而且每一塊都好鬆脆， 我就比較鍾意空口食多個攞嚟打邊爐，覺得好正調配料，好開心，因為有好多芫茜 我係直接落咗一格芫茜落自己個碗度沙爹豬骨鍋沙嗲味濃鬱今次揀咗個比較特別嘅新鮮牛肉鮮牛肉嫩滑冇筋, 焯十秒即刻拎上嚟食，滿滿沙嗲香味，粉嫩嫩的很好吃蔬菜拼盤份量都算多 揀咗墨魚丸同韭菜餃， 質量不錯，非常新鮮環境坐得舒服乾淨仲有vip房可以訂座，如果一大班人自成一角都幾好

📍佐敦新寶廣場而家好多嘢食，揼完骨就上咗去搵嘢食。見到有個4882人餐幾抵食，就試吓佢先。湯底有好多款選擇，揀咗款好少見嘅喇沙豬骨湯。美國黑豚肉炸響鈴手打蝦丸手打墨丸紅薯粉蔬菜拼盤可樂七喜喇沙湯底好出色，好濃郁嘅喇沙味，越煮越濃，豬骨都可以有肉食🤣紅薯粉同埋蔬菜吸晒啲汁，超級惹味。而且好夠味，而豉油都唔需要。☺️黑豚肉片都好靚仔，食入口都唔會覺得好油膩。手打蝦丸，墨丸，粒粒都好足料，真係食到有墨魚粒。爽口彈牙，仲要吸埋果汁，一流。另外仲見到做緊優惠，如果多人，仲可以book間VIP房，私隱度極高，仲有得長K添😍