Hot Pot 熱‧海鮮火鍋私房菜

營業中

休息中

今日同屋企人去呢一間餐廳試吓佢個火鍋，之前去食個小菜見到佢火鍋都幾多選擇，所以就去試吓。叫咗胡椒老壇酸茱白肉鍋，裏面好多酸菜同埋豬肉片，酸酸地辣辣地，幾啱打邊爐。唔會打到後尾覺得好膩！叫咗一個二人套餐，而且加咗少少配料。二人套餐叫咗個牛小排牛小排肥瘦均勻，而且牛味都幾濃郁，好重油香味，幾有水準。揀咗雜菇拼盤，咩都有啲雞髀菇金菇秀珍菇，都幾大份，而且吸左啲湯底，咬落去啲汁別晒出嚟，幾唔錯。套餐仲有得加$99有新鮮牛肉，食落去呢一隻牛肉雖然冇牛小排咁肥美，不過牛肉味都濃郁，而且都幾軟身。加$38有蜂巢豆腐仲要係超級多粒，好抵食亦有豆香味！蜂巢豆腐嘅特色就係會吸晒啲湯底，酸菜白肉湯底同蜂巢豆腐好夾。刀削麵加$58，份量係超級超級多，我諗大概三人份 麵條爽滑而且幾有口感。美國黑豚肉片 推介豬味比較重，雖然佢係偏厚身，不過食落去都幾軟熟，而且唔係好多渣同埋肥膏。 呢間啲套餐都幾抵食，同埋散嗌都唔貴。見到佢有做VIP房優惠，餐廳仲有生啤同唔同種類嘅酒，約埋班朋友打邊爐啱晒。