Hidden和洋食屋

營業中

休息中

發現德福廣場附近一間隱藏日式餐廳【Hidden和洋食屋】地點好方便 食物又有質素裝修設計主要木系風格，門口用上日式趟門，店內有日本懷舊海報掛牆，地方大環境好舒服，提供多款Board Game比客人玩，好適合一班朋友邊食一邊玩 🙌我同朋友揀兩個Set可以一齊食：晚飯套餐Set Dinner ($168)前菜 + 串燒 + 主食 + 飲品 🥗 前菜 - 胡麻冷番茄 + 田園沙律伴柚子醋番茄鮮甜好新鮮，沙律菜配柚子醋酸酸甜甜好開胃🍢 串燒 - 鹿兒島豬腩肉 + 玉子燒豬腩肉不油膩又不鞋，燒得好香口玉子燒夠厚身蛋味好香濃🍛 主食 - 明太子蟹肉虎蝦意粉 +$30兩隻超大虎蝦賣相已經好吸引，粒粒明太子加蟹肉絲令每一啖意粉都提升了鮮味炭烤原條鰻魚蛋包飯 +$20超期待的原條鰻魚大大條放在蛋包飯上面，真係超有霸氣，實物比相片更大 🤤 蛋漿入口嫩滑配香濃鰻魚醬汁，鰻魚肉質肥美加有上茄汁炒飯超好味，特別推介必食之選 💕🍹飲品 - 巨峰乳酸梳打 微微酸清涼解渴又大大杯 另外門口有部爆谷機原來免費供應，但我已經吃飽飽，下次要試試 ❣ 有街機比你玩 🎮

今日叫左兩份一模一樣嘅定食，兩個都係鹽燒牛脷飯，四塊厚切牛脷好好味，好有咬口，又鬆軟又入味，再配左個麵豉湯，出奇地唔咸，再加左抔檸檬薏米水，可惜唔夠冷氣，食到大汗疊細汗

原條鰻魚霸氣十足，醬汁偏甜但不會蓋過鰻魚本身味道，魚肉質感適中，中間以一層旋風滑蛋皮覆蓋，底層係以茄汁炒過嘅白飯，茄汁味令我有西炒飯嘅感覺紅酒炆牛肉採用牛肋條，但係部份炆得好冧，有部分就仲好韌醬汁濃稠重酒味，但係就冇乜紅酒嗰種酸甜香氣，因為味道比較濃郁，配白飯更佳，配茄汁飯就顯得味道太混亂拿破崙意粉，配料腸仔片同三色椒片好足料，醬汁味道係調教過嘅茄汁，夠厚重好掛汁，撈勻芝士粉，配上三色椒清爽味道就冇咁漏

我吃的是他「罕有」的晚飯，說成「罕有」，因一星期他只有星期五、六做晚市，星期一至四收下午五點，星期日全日休。位處非工廠區的山旮旯，反而在九龍灣站A出口經德福戲院轉左行來便是。6點便到還很早。甫進店便有位穿黃雨靴、約兩歲的小萌寶向我雙手遞上餐牌，既惹笑又「襟撈」😂😂。晚餐主調是套餐模式。一行四人點3個套餐加一小食就已足夠。早輪在報章見有介紹這裏的「10吋長霸氣蛋包飯」，手機照出來「的色」，實物原條鰻魚顯實力，蛋包亦嬌艷欲滴，賣相具田園氣色，蛋漿入口細緻嫰滑，配濃汁調味多層次的鰻魚，無須外加醬汁拌飯，「明太子蟹肉虎蝦意粉」重點不在虎蝦，只兩隻比較像裝飾，反而明太子+蟹肉絲之鹹甜交替包裹每條意粉提升了整碟意粉鮮味。一致認為套餐串燒以「鹿兒島豬腩肉」為必選，肥瘦夾雜，肥不顯膩；瘦不顯嚡，燒得夠火喉，鹹淡度適合大眾。「鮮菠蘿熱情果梳打」體會到原味道，菠蘿果然是沒加糖水的鮮菠蘿，還吃實在的纖維，熱情果肉也帶天然酸，整杯沒加多餘的糖。枝豆的黑椒鹽不是灑得很均勻，所以嫌味淡要自行在桌上提供的自扭黑椒鹽補充。稍為遜色的是「黑松露沙律醬香脆薯條」，薯條脆度可以，薯條面額外有些黑松露粒，奈何都脫落了不黏着薯

想要更多食物推介 follow me on openrice/instagram👉🏻@joyceous.tummy 👈🏻 餐廳無限時食幾耐 星期六lunch去都唔會太多人 仲有board games 玩 (e.g uno/層層疊/密室逃脫等）🤪🪑環境寬敞 坐得舒服👍🏻 昭和日式風🇯🇵Ⓙ溫泉蛋三文魚牛油果丼$88幾種食材都好高質 感覺新鮮 唔會有好重調味ge感覺 可以自己控制落幾多豉油 仲有少少栗米同蕃茄做配菜 跟餐送凍檸檬薏米水🍋 薏米幾健康 有去水腫的功效 否則飲品都可+$20 升級至雪糕梳打再且仲可以揀個小食 今次試左煙肉蕃茄 幾香口 另外亦可選擇 唐揚炸雞🍗 或青瓜果日有個special bonus 有得任添爆谷

Lunch時間人頭湧湧，轉為叫外賣收銀姐姐態度認真麻麻，要等一陣唔係問題，但可以同客人講聲先，而唔係將客人晾在一邊。叫左一個溫泉蛋炙燒三文魚牛油果丼(75$)，加多三件唐揚炸雞($15)。三文魚片略薄，但勝在嫩口，油脂亦足夠，個飯味道ok，跟餐有湯同醃菜，外賣包裝都有誠意。但遺憾係個三件唐揚炸雞不見蹤影，漏單了！原本諗住淨係食個飯有d單調先加幾件炸雞，拎完外賣滿心歡喜烈日當空行到身水身汗返到公司，雞呢？我個三舊雞呢？白白浪費了15大元，更大件事既係心中的期望落空了，只能留下一個差評

所有野催至有由一開始叫位亂晒，後到入先？都係兩位，但係就偏偏跳過左我張，好彩奇怪一問姐入到去落左單等左大半個鐘咩都無，唔單止野食無，連杯野飲都無，亂晒單，問左兩次都無反應！係要發火先去催單亂咁黎d野兩杯凍檸茶叫起？問凍檸茶去左邊，然後去叫水吧即沖即有，咩料啊！野食要再問，個陣已經等左40分鐘，又係一催先有，仲話漢堡好復雜好難整？！哇！我唔岩唔應該叫d咁難嘅野！一路望住條友係咁出西式野食，隔離兩台遲過都一早黎晒！咪當人傻至得㗎！好再一次印證唔應該叫漢堡！！歷盡艱辛黎到，個包黑過我個刻塊面，俾舊炭黎！！睇相啦

附近開完會，心都累了所以就想搵個chill 啲既地方食個lunch放鬆下。上到cafe 都好在自己無揀錯，地方都幾大，坐得好舒服可以俾個人靜落黎。QR code 落單，叫左個豚肉生薑燒丼，有湯、飲品同配菜，今日配菜係酸蘿蔔。食物份量都幾多，豚肉滿滿但小左啲味，飯就比較爛。地方很好但食物或需改善。

之前喺Instagram上面見到有好多人介紹過呢間餐廳，於是今日就約咗男朋友過去一齊食下野啦一上到去嘅時候就覺得呢度嘅裝修都幾有氣氛，而且食物亦都係非常之高質！俾呢一個經典和牛芝士漢堡吸引住，成個漢堡包都非常之豐富，而且入面嘅牛肉真係好好食！非常Juice多汁！

.呢間餐廳離德福廣場好近，超方便又高質。我地叫左兩個lunch set，均配餐湯、和式配菜同飲品。溫泉蛋炙燒三文魚牛油果丼 ($75)賣相好吸引，亦都係餐廳推介的，有蛋、有魚、有火箭菜、牛油果，感覺好健康😋😍火炙三文魚燒得岩岩好，魚好滑，有種入口即溶既感覺，配上佢比既燒汁更好味，甜甜地咁，再篤穿溫泉蛋撈飯仲更加好食😋雖然我麻麻地火箭菜，因為味道苦澀，不過火箭菜有維c又抗氧化又清熱，所以都食哂🤣我食過一啲餐廳既火箭菜係唔苦，可能做多重步驟去苦吧。另外牛油果既份量都好多，超足料👍🏼餐湯都好足料，有紅蘿蔔、白蘿蔔、菇，唔咸，所以都ok的。香煎三文魚茶漬飯 ($78)茶漬飯唔係到到都有，見呢間餐廳有就更係叫啦，本身想食三色刺身個款，可惜sold out，咁就叫左香煎三文魚。黎到嘩左聲，半條厚切三文魚扒，煎得好靚，食落唔會好硬，冇煎到overcooked，啲飯仲灑上滿滿既飯素，再淋上茶漬湯，咸咸地，ほんとにおいしかった😋😋😋一食解思鄉之情，對上一次返鄉下已經係2019既事了😢另外佢既配菜係薯仔蛋沙律，好味😋薯仔蓉好滑，蛋都好香👍🏼另外我地加$15叫左份唐揚炸雞，即叫即炸，熱辣辣，皮薄脆、肉嫩滑，

喺九龍灣搵嘢食，唔想食連鎖店，俾我見到呢一間新開嘅日式x西式嘅餐廳，環境唔錯，價錢都合理，一於就試試佢😆呢度係用QR code落單嘅👌🏻·✨溫泉蛋灸燒三文魚牛油果丼 $75灸燒三文魚四塊，再加半隻牛油果🥑，一隻溫泉蛋三文魚幾腍，溫泉蛋夠流心，撈埋個飯到食一流，個飯仲配咗個燒汁，一定唔會dry🤪仲有一碟仔前菜，係蛋、薯仔、紅蘿蔔沙律再跟個麵豉湯，入面好多白蘿蔔片同紅蘿蔔片整體份量好夠，抵食又ok好食😎·✨特製蔥醬煎牛舌丼 $68牛舌有五塊，好腍好厚身又好大塊😛，個蔥醬有種港式蔥油醬嘅味道但又唔完全係😂蔥又切得好細，同牛舌都算夾呀😌·✨熱榛子拿鐵/熱朱古力拿鐵 +$20兩杯唔同嘅拉花，有朱古力係面嘅係朱古力拿鐵，呢杯味道出啲，反而榛子個杯冇咁出，味道淡啲🙃每杯有幾粒咖啡豆喺隔離，好奇嘅可以食下🤣·🌟8.5分！性價比高嘅小店，可以多啲幫襯😛·

Hidden 和洋食屋九龍灣新開工廈cafe~一入去就成個場地好大空間感好夠每張枱相距遠 可以坐得好舒服原條鰻魚蛋包飯 $98超大原條鰻魚！！！塗上滿滿燒汁配上蛋包飯 一流~鰻魚碎骨唔多 可以大啖大啖食仲有跟自家制面豉湯& 一小碟前菜中華沙律好滿足未來炸魚柳漢漢堡 $88新鮮整起 麵包鬆軟超熱辣辣炸魚柳鬆脆 絕對好食過老麥haha仲有配少少沙律菜同埋薯條薯條炸得非常香脆，好食Americano $27從咖啡睇得出餐廳既心機熱americano 隔離都要裝飾幾粒咖啡豆Mocha $38有朱古力醬畫杯邊朱古力同咖啡比例岩岩好 唔會太甜太苦好睇又好飲

德福附近有間隱世工廈日式餐廳係徳福行過黎大概5分鐘一出𨋢就見到環境好日系坐得都算闊落冬天凍冰冰，當然要叫個熱食日式壽喜燒牛肉烏冬烏冬好滑偏幼牛肉份量都好足夠食完成身都暖哂秘製煙熏牛肉芝士漢堡首先食呢個burger一定要小心因為一咬落去就已經爆汁可想而知，burger既餡好足料而且麵包鬆軟最緊要係burger新鮮做熱辣辣，滿足感十足餐飲叫左熱朱古力暖笠笠另外叫左杯latte心思之作，成個setting好靚視覺同味覺既享受

BBQ醬燒豬肋骨（二人前）🍖大大件有成四、五條骨，本身塊肉比較厚，所以唔只係骨仲有好多肉，口感好好加埋bbq醬特別好味，底部仲有椰菜絲沙律🥗酸酸地好開胃，夾埋一齊食就正喇，另外仲跟左個餐湯同炸薯條🍟十分之豐富。鹽燒鯖魚定食🍚鯖魚燒左特別香有小小魚油啖啖肉👍🏻加上檸檬汁好正，配埋白飯🍚同麵豉湯。飲品就叫左杯朱古力拿鐵☕️好濃嘅朱古力味，咖啡味就比較小，鍾意朱古力嘅朋友仔就啱喇，另一杯叫左凍朱古力。

到Hidden 和洋食屋吃午餐🥢， 位於九龍灣常悅道20號環球工商大廈8樓4號舖。 餐廳以日式為主🎎， 店內簡約舒適🎏。 兩個午餐 ～ 香煎三文魚茶漬飯$78、 椒麻辣炒海鮮炒黑白意粉$88、 榛子拿鐵( 跟餐價升級) $20、 卡布奇諾( 跟餐價升級) $20。 ▫️香煎三文魚茶漬飯🍱 ～ 煎香的三文魚，厚切半熟， 熱辣辣的茶漬， 健康好味。 便當還有中華沙律和麵豉湯， 好豐富😃。 ▫️椒麻辣炒海鮮炒黑白意粉🍝 ～ 海鮮有蝦、青口和帶子， 三款都口感新鮮，麻辣香味帶有Q彈口感的黑白意粉， 非常惹味。 另外有粟米湯和沙律， 很久沒有飲粟米湯，香甜美味。 ▫️榛子拿鐵☕ ～ 榛子味濃， 咖啡口感香滑。 ▫️卡布奇諾☕ ～ 奶泡多，咖啡味濃郁。今次發現九龍灣這間餐廳， 下次午餐又多一個選擇了🙌🏻😃。今次發現九龍灣這間餐廳， 下次午餐又多一個選擇了🙌🏻😃。