Hidden和洋食屋

營業中

休息中

一直覺得九龍灣站沒咩嘢食，點知約咗frd 咁就google輕食，見到呢間幾吸引，似清淡就去喇，個唱幾清淨又有幾多嘢玩（snooker, 飛鏢，遊戲機）可以任玩～打卡都好有feel👌🏻🫡lunch menu都幾吸引，晚餐menu就好似少啲嘢食咁🥺（都多嘢食嘅，但本身好想食don）overall都幾好食，性價比高，希望下次午餐再過去食～ burger嘅牛肉+bacon combo好正好juicy，同埋唔會覺得油膩！！！飯都係好食～😆P.S. 問個staff先知原來呢度開咗3年，誤打誤撞就搵度呢度

Hidden和洋食屋 📍九龍灣常悅道20號環球工商大廈8樓804-805號舖新同事入職老細請食飯⭐️ 滑蛋蒲燒饅魚丼 $100雪糕紅豆冰 加日本雪糕 （+$20）呢個飯無論係質素定係質量我都冇投訴，因為都幾大份同埋味道都唔錯✨不過個紅豆冰真係令到我真係有少少不知所措😂，你又點估到佢竟然係加柚子雪糕俾我？ ？柚子雪糕及紅豆冰真係完全唔夾，搞到個味好奇怪，最後決定分返開兩樣嘢食😂⭐️ 溫泉蛋生伴辣吞拿魚牛油果丼 $110因為呢兜嘢其實基本上係食物原形，所以啲嘢食新鮮其實都冇問題，夏天食呢啲都唔錯⭐️ 黑白松露芝士薯條 $58份量都幾多，不過食得出係返炸的薯條，有啲油膩不過環境幾好，個裝修好用心，啲擺設同poster都幾靚👍🏻

本身聽人介紹話呢間餐廳幾好食，就嗌咗個壽喜燒和風牛丼試下，朋友嗌左壽喜燒牛肉烏冬。結果就係吉野家，啲牛雖然冇吉野家咁肥，但係醬汁味道完全一樣，個麵豉湯無味….呢個吉野家要60幾蚊….建議去呢間嘅話試其他嘢。

係九龍灣返工 經常都去MegaBox附近食lunch同事帶我地去環球工商大廈入面呢個和食屋我食過幾次 味道同價錢都唔錯Lunch time都幾多人 雖然要等位 但都好快有位Menu都好多嘢食 有三文魚茶漬飯 烏冬 煎魚定食等等 今次我食鯖魚定食 配 五炊飯 鯖魚煎得幾香口 加埋有啲柚子汁同檸檬 幾清新 個飯都幾特別入邊有冬菇牛蒡 但其實牛蒡味都幾重 如果唔鍾意呢浸味嘅人可能就會覺得太勁 但我自己就接受到覺得OK嘅 另外包麵豉湯 同嘢飲 如果飲凍飲冰果茶都唔使加錢我覺得幾抵 同事食咗比目魚定食 個比目魚幾滑 都幾好食 70幾蚊一個set我覺得可以接受 味道亦OK

食物方面：-蝦意粉：味道正常，意粉同個汁有小小分離😛隻蝦ok既～-鰻魚蛋包飯：鰻魚好長好大條👍🏼👍🏼👍🏼蛋同飯都唔錯！-炸魷魚圈：正正常常咁～-蘇打ok既，紅豆冰都ok，但個杯真係好窄，好難食到啲紅豆～服務方面：ok環境方面：ok性價比方面：ok備註：地點有啲偏僻，天氣熱，真係未必想過去，嘢食唔算好出眾，有更好選擇如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

呢間餐廳就好似佢個名咁”Hidden“隱藏左係一眾工商大廈入面。要朋友帶路先識上去呢間餐廳食飯入到去餐廳位置都幾闊落，位同位之間都有一定距離，工廈午餐黎講算坐得舒服。黎到日式洋食屋，唔少得要試下蛋包飯啦。我就要左個日式咖啡吉列豬扒蛋包飯。蛋炒得好滑，咖哩都幾香，好味朋友要左個雞扒烏冬套餐，有附送埋味噌湯等，一個完完整整既日式套餐咁，不過味道就無咩特別，普普通通啦。每個午餐仲包左一杯飲品，都幾抵食！

14xA4壽喜燒 食落完全唔掂 首先牛唔好食 我expect 呢個價錢至少好食過吉野家啦 炸物就叫還可以咁 個壽喜燒蘿蔔一啲都唔好食 總之極麻麻 唔建議大家嚟jap同埋唔飽 埋單人頭170 蚊 我同我朋友都食得好唔開心

🍱滑蛋吉烈豬扒丼💰$68🥑溫泉蛋炙燒三文魚牛油果丼💰$96🐷特盛豚肉生薑燒丼💰$68🍣三文魚丼💰$88.⚡偶爾發掘到嘅昭和日式小店！🎐座落係九龍灣嘅工廈樓上舖，環境佈置同器皿都好有心思，除咗有得食仲有掟飛標、遊戲機玩🎮地方又闊落，好啱一大班friend聚會🙌.⚡嗌咗幾款日料，味道不過不失，主要係食個環境同昭和feel，2款魚生丼飯都幾新鮮，配埋麵豉湯+漬物價錢算幾抵，九龍灣嘅朋友仔可一試～✨

返工頹飯不再🤩！呢日放lunch，為食妹同同事嚟到位於九龍灣環球工商大廈嘅 #和洋食屋 🍴特製蔥醬厚切煎牛舌丼 $73👅四大塊勁厚切牛舌，食落表層有焦香，肉質飽滿軟腍易咬，超滿足😋！啲料仲要多到睇唔到有飯😳，配埋蔥蓉，送飯一流！如果多啲醬汁就好啦🫢。酸紅姜辣度啱啱好，唔會嗆喉，加埋爽脆蘿蔔，好解膩😬。值得一提嘅係，冇諗過套餐奉送嘅粟米湯超濃郁，濃稠度填補返醬汁不足！🍹鮮果冰茶👅唔使加錢就有嘅凍飲，個人覺得同檸茶冇咩分別。

我是在2024年3月6日中午點到貴餐廳用餐的客人之一。我非常失望和不滿貴餐廳的服務態度，特此向你投訴。首先，服務員的語氣和表情都很不禮貌，我們點了鯖魚定食套餐，點完才告訴沒有味噌湯，我們向服務員反映這個問題，他卻說沒有補償，還說在餐牌上已經說明，但我在餐牌上沒有看到任何指示。我們要求他拿出點菜單來核對，他卻說重複說沒有就沒有，態度10分差，。他的態度非常粗魯和不尊重，完全無視我們的權益和感受。☹️☹️☹️☹️

同公司食飯去咗呢一間樓上Cafe。嘩估唔到入邊好多驚喜，因為外邊嘅裝修以木色為主而且又唔少日本懷舊海報好似去咗日本居酒屋，而且坐得好舒服位置都好空曠。咁嗰日就試咗三文魚，明太子茶漬飯我自己本身就好鍾意食三文魚嘅，我覺得佢都煎得幾油香同埋魚肉都夠潤滑，而且仲有三文魚子配搭我覺得好好食再加埋個茶個感覺咁另外仲叫咗個秘製煎牛舌飯個牛舌好牛牛香同埋好厚切好煙靭而且個汁都好夠味我自己覺得好好味咁另外仲嗌咗個溫泉蛋隻燒三文魚牛油果飯望落去就好健康，但係呢嗰日嘅牛油果都好新鮮我都覺得好好食

店如其名 係hidden嘅和洋食屋🤭位於mega box附近 餐廳入面有board game 飛標🎯仲有街機比客人玩！座位寬敞 啱曬朋友聚會嚟🤍🍵三文魚明太子茶漬飯🍵魚唔腥 煎得魚肉夠嫩 本來個餐係配三文魚籽 但賣晒所以轉咗明太子🤔不過個飯配埋明太子 有種辛辣嘅感覺 食落更有層次 配埋飯素同熱茶 好夾嘅組合✨🐄特制蔥醬煎牛舌丼👅牛舌好厚😋略嫌有啲韌 蔥醬唔係好夠味🥲🥚溫泉蛋炙燒三文魚牛油果丼🥑賣相睇落真係唔太吸引🤣不過三文魚加牛油果嘅組合真係實冇死 牛油果好新鮮😍🪄參考菜式【🌟為推薦菜式】三文魚明太子茶漬飯🌟 $118特制蔥醬煎牛舌丼 $98溫泉蛋炙燒三文魚牛油果丼 $88*午市套餐包括小食&飲品🪄評分 ❤️食物 8/10 🤎服務 7/10🤍環境 8/10晚市仲有壽喜燒食 有時仲有live band表演喲🎸

見到食評好多人話好，今次試吓啦。我們2人12:15分到，很多吉枱，呀姐定要我哋坐佢地放外賣飯盒既枱，算啦。我見大家食鰻魚蛋飯好味，我揀咗再加購蒸蛋$18 及柚子茶。但估唔到系甘差！蛋似加很多水炒，冇蛋味加很多糖又薄，鰻魚有骨，頭尾2邊位凍既，蒸旦細杯過元氣，內𥚃有舊雞肉，不好味，麵豉湯仲衰溝咗好多水，完全唔敢飲，淡而無味，不如唔好俾啦。柚子茶少柚子蜜，飲落好淡。食完飯停一下，個呀姐行2次我哋位：食完啦？之後收我哋碗。又多2，3分鐘見我朋友剛剛飲完杯杯之後又耒收話：唔要啦！收哂。明白lunch 時間不可以霸住個位但都不用5分鐘內收哂我哋嘅野啊？食物不掂，衛生麻麻，枱及地下都立立地，好食的餐廳大把，不值光顧

係Open rice見到食評唔錯，特登禮拜五同同事過黎試一試！大約12:30去到，已經差不多full house了，要等位。不過大約10分鐘，已經可以入座！餐廳都大，仲有卡位！而且不限時，如果冇人等位，都可以坐得舒服慢慢食！餐廳係自助掃Code落單！餐廳有好多種唔同嘢食，分左烏冬、和風定食（即燒三文魚飯）、don飯、蛋包飯、意粉等！$65就有一個餐不加一！燒雞扒烏冬（$65）餐已經包了味噌湯+前菜蘿蔔+餐飲烏冬好打份，仲有一隻雞蛋！雞扒就有d咸餐飲我叫左冰茶無糖！都ok南蠻炸雞飯（$78）炸雞都有5件！炸得好鬆化！不過同樣有d咸以lunch來講，坐得舒服，上菜快性價比okkk！可以一試！

主菜香煎三文魚茶漬飯 - $88.0香煎三文魚, 皮脆肉嫩, 一D都唔腥, 香糯軟熟的白飯配埋一壺熱辣辣的茶漬湯咸香又夠味, 真係食唔停口明太子蟹肉虎蝦意粉 - $128.0真係好抵食, 兩大隻虎蝦, 蝦身厚肉彈牙, 蝦肉既鮮又甜, 意粉軟硬適中，意粉入面有雜菌, 雜菌香氣逼人，仲有一梳梳蟹肉, 配埋鹹鮮的明太子，意粉吸收曬所有材料嘅精華，真係食到停唔到口串燒翠玉瓜 - $18.0之前的主菜比較濃味, 清甜的翠玉瓜完全可以中和味蕾 日本手羽先 - $28.0雞亦燒到表面乾身，雞肉仍好嫩滑，唔鞋口同Juicy, 肉汁超豐富🤩 飲品柚子雪葩配梳打 (日本雪糕使用) - $38.0清潤香甜的柚子雪葩, 酸酸甜甜，味道清新可口餐廳咁岩仲做緊推廣，買枝豆，有得無限飲sapporo啤酒，真係好抵!!搵晚一定要再同班friend再泥玩過食過先得.