原來yoho開左啲新餐廳，令到我地每間都想入去試，最後比呢間餐廳既甜品吸引左😍 呢到令你去左另一個空間，遠離出面人來人往既舖頭商場。餐廳有tatami坐，裝修風格又好日系，好似去左日本一間小店歇一歇咁。最近比較嗜甜😆，我地主力想食甜品、糕點。 ▫️柚子瑪德蓮蛋糕 好多人叫佢貝殼蛋糕，都唔算多地方見到有，我超鍾意食！佢唔似普通蛋糕超鬆軟，但又未到麵包咁結實，岩岩好係中間，口感綿密，又有奶油同柚子香氣，好食👍🏼 ▫️開心果窩夫 開心果係賣飛佛，窩夫都焗得鬆軟，忌廉打得綿密，加上開心果醬、開心果仁、合桃、腰果，口感層次更豐富，有脆有軟，開心果味亦濃郁👍🏼 ▫️虎蝦櫻花蝦乾意粉 虎蝦彈牙大隻，櫻花蝦份量都幾多，撈埋意粉食好惹味，忌廉汁稀稠度剛好，食落唔會好乾或好濕，扁意粉軟硬度亦適中，亦好掛汁👍🏼

. 周末過黎元朗Proton食brunch🍴呢到環境都幾chill，去到已經見到有人排隊，我地坐出面bar枱，因有兩個坐枱風扇，風力夠勁，唔會感覺好熱👍🏼仲可以帶啲冷氣風出黎，呢點幾impressed！👍🏼 ▫️黑松露、煙三文魚、野菌手打意大利麵 ($98) 粒粒黑松露係刨出黎，非普通用黑松露醬，所以特別香而且唔會有過濃黑松露味。用粗身意大利麵，軟硬度適中，加上煙三文魚粒同野菌粒口感豐富👍🏼醬汁亦香濃，掛哂麵！ ▫️鮮果乳酪、脆煙肉、德國腸、焦糖脆脆炒蛋、牛角包窩夫 ($108) 幾fresh既配搭，乳酪配紅肉火龍果，有鮮果甜。煙肉煎得好好，冇overcooked硬崩崩。德國腸係脆皮腸，炒蛋份量多，牛角包窩夫好酥脆，有少少鬆軟唔會好硬好乾👍🏼 ▫️Iced Pineapple Espresso Tonic ($50) 菠蘿味配espresso都幾襯，有菠蘿既清甜亦有咖啡既苦澀味。 ▫️Hot Italian Chocolate ($38) 拉花好靚👍🏼比起平時飲既朱古力冇咁甜，比較light啲，幾好飲！

好耐之前黎過Butlery食tea，對佢既pancake同smoothie念念不忘，今日係新城市買完野又肚餓就黎左Butlery食飯嚕～ ▫️Wild wings ($72) With honey sriracha sauce & cucumber sauce 大大隻雞翼煎到金黃色，皮邊帶脆，雞翼厚肉，食落唔油膩，熱焫焫上枱，點蜜糖是拉差醬食味道甜帶微辣幾得意，點青瓜醬就味道清新啲。 ▫️Grilled Salmon, Onsen egg Risotto ($168) 好中意個sauce，味道酸酸地好開胃。三文魚扒煎得岩岩好，唔會太嫩或太乾。意大利飯撈溫泉蛋食一流，好香蛋味。 ▫️Tiramisu Pancake ($122) 上次食過原味，今次想試tiramisu，記住要預20分鐘製作時間。Pancakes依然好軟熟有彈性，蛋香濃，加上咖啡糖漿、tiramisu醬，咖啡同朱古力味都好出，但唔會好甜，好食呀👍🏼 ▫️Strawberry smoothie ($55) 奶昔打得非常滑，handcrafted係唔同啲，士多啤梨味亦好濃郁。 ▫️Fresh orange juice ($46) 鮮榨橙汁味道甜帶少酸，夠新鮮！ 夜晚都幾多人等位，用餐時間90分鐘，要預返時間上甜品，出主菜都快既。餐廳環境都幾好，樓底高，大部份都係梳化位。店員都有禮貌，好主動斟水。

正所謂一年容易又中秋，除左送月餅外，送蝴蝶酥都係一個好選擇。我同屋企人都鐘意食蝴蝶酥，今年比我地搵到呢個本地手工製蝴蝶酥😍仲要有唔同口味！ 日本黑豆芝麻蝴蝶酥禮盒(9件裝) 採用日本頂級丹波黑大豆和黑芝麻 ✔️香港製造 ✔️無添加防腐劑 獨立包裝唔怕食唔哂或包得唔好而令蝴蝶酥變淋 我地都覺得蝴蝶酥好酥脆鬆化，唔會好甜，而且黑豆同黑芝麻味都好濃郁。 除左黑豆芝麻味，仲有原味同另外七種特別口味，仲有雜錦禮盒😍價錢又抵，可以再入手多幾盒👍🏼

厚福街有好多好嘢食，比我搵到呢間高質居酒屋😋環境舒服，刺身同熟食都有水準👍🏼 ▫️鱈魚干 - 佐酒小食👍🏼 ▫️刺身盛合 🫶🏼海膽：兩大片，好清甜冇腥臭味，配紫菜，可以自己包黎食，紫菜都脆 🫶🏼真鯛：清爽無筋 🫶🏼鰹魚：氣味香濃，不愧為海中和牛 🫶🏼油甘魚：油脂香口 🫶🏼深海池魚：齒頰留香 🫶🏼帆立貝：上乘水準 🫶🏼甜蝦：好大隻，爽滑 全部刺身食完都有餘韻口中擴散，唔會有海鮮腥味，證明食材品質優良，夠新鮮，而且好厚切👍🏼性價比好高！ ▫️金馬倫芝土卷 將麵包包住芝士炸，夠脆香，芝士味濃郁😋 ▫️大蝦天婦羅 炸衣唔厚，食落爽脆彈牙 ▫️雞軟骨串 燒得好好，食落有嚼勁，仲有油脂香 ▫️三文魚腩串 燒到連皮都脆卜卜，魚腩好嫩滑 ▫️北海道豚肉炒麵 鐵板上可以保持熱度，豚肉片大塊，醬燒味濃郁，炒麵幼身，配洋蔥、椰菜好好食！

觀塘海濱原來有間咁高質既居酒屋🏮環境寬敞，天花有啲日式燈籠，居酒屋氣氛濃厚。我地坐窗邊，感覺好chill ～ ▫️炸櫻花蝦沙律 ($78) 櫻花蝦沙律第一次食，沙律菜新鮮，撈埋脆卜卜既櫻花蝦同胡麻醬一齊食味道唔錯。 ▫️加洲卷 ($68) 每件都足料同大份，滿滿既蟹籽佈係加州卷上，入面係蟹柳、牛油果、蛋、青瓜絲，口感豐富，壽司飯亦有香醋味，味道整體唔錯。 ▫️雞肉丸串 ($78) ▫️冬菇串 ($38) ▫️金菇牛肉卷 ($68) 金菇牛肉卷醬汁濃郁；雞肉丸串出色，軟熟唔會燒得硬崩崩，撈蛋黃食仲滋味；冬菇串燒得香，加上七味粉辣辣地更好食。 ▫️燒銀鱈魚 ($128) 銀鱈魚好嫩滑，有種入口即溶既感覺，燒得好靚好香完全冇鯹味。 ▫️日式炒什菜 ($78) 炒什菜有椰菜花、金菇、鴻喜菇、胡蘿蔔絲，大碟又健康，營養價值高。 ▫️牛肉烏冬 ($88) 牛肉湯香濃，牛肉片份量都唔少，烏冬係稻亭烏冬，幼身啲滑溜啲，大大碗兩個人share都可以。 玄米茶好香好飲！

原來德福廣場二期個food court有咁多好嘢食😙見到8番拉麵突然勾起回憶，以前食過拉麵覺得唔錯，今次試埋沾麵🍜 ▫️直源醬油叉燒沾麵 ($76) 麵底份量多，食落帶蛋香，沾上濃郁醬油湯，好掛湯，咸度剛好，入面仲有啲豚肉碎。兩塊叉燒片幾軟嫩，溏心蛋亦整得好好，筍味道亦正常冇怪味👍🏼 ▫️豚角煮野菜拉麵 ($76) 湯底濃郁足料，兩大塊半肥瘦豚肉，咬落彷彿入口即溶，燒得幾香。配料有好多椰菜、芽菜，溏心蛋依舊出色，麵底份量多，食左一段時間湯底溫度仍保持到，整體味道唔錯又唔會過咸。 ▫️3隻餃子+飲品 (+$15) 餃子煎得香脆，皮薄餡足👍🏼

呢到環境好舒服，仲有貓貓坐店，兩隻都好cute😍仲有board game玩，有得食又有得玩😋 ▫️鹽酥大雞髀便當 ($68) 招牌推介之一，雞脾成隻手掌咁大隻，炸得酥脆，咬落嗦嗦聲，雞脾肉都幾嫩滑，配肉燥蛋飯好正！ ▫️香茅冬陰公豬扒椰菜花飯 ($88) 低碳低脂之選，豬扒以香茅冬陰公汁調製，夠香夠惹味，椰菜花飯好健康。 ▫️香芒百香果牛乳刨冰 ($78) 超推介！綿綿冰好重牛乳味，芒果大大粒又甜又多汁，百香果汁酸酸甜甜好開胃，加上打得好滑既忌廉同朱古力豆，口感豐富😋成個刨冰食完好透心涼，亦唔會好甜好膩。除左香芒味，仲有Oreo、抺茶、芋圓類揀😍 ▫️防彈咖啡 （椰子油、牛油) ($28) 一上枱已經聞到好香椰子同牛油味，飲落咖啡甘味亦到位。 ▫️朱古力特飲 ($25) 面層既Cream打得好滑，朱古力味濃郁亦唔會過甜👍🏼

之前買過Lifetastic既西瓜蛋糕，覺得幾好食，但一直未黎過bistro食飯，今次可以食完正餐再食蛋糕啦😍 ▫️烤日本豚肉菠蘿串(2串） ($78) 菠蘿好厚切，炙燒過後質感實在啲，味道好清甜，菠蘿味濃郁。豚肉亦肥瘦均勻，好似東坡肉既口感，有炙燒香，肉質好軟嫩，味道咸咸地配上甜菠蘿多重滋味。 ▫️牛油果大蝦芝士焗大啡菇（2件）($78) 將牛油果、蝦、芝士釀係大啡菇入面焗，好豐富，切開有啲juicy，聞到芝士香，大蝦亦彈牙，亦食到啖啖牛油果，整個口感係軟糯一點，仲有沙律菜伴碟。 ▫️卡邦尼意大利粉 ($108) 意粉煮得軟硬適中，忌廉汁濃稠亦creamy，粒粒煙肉碎，有煎香過，仲有幾塊芝士片，撈勻食仲惹味，而且味道唔會好咸。 +$15 有餐湯，係南瓜湯，夠濃郁！ ▫️日本白桃伯爵茶蛋糕 ($78) 底層係白桃同伯爵茶蛋糕，入面亦有白桃粒，上層係白桃啫哩，好Q彈，每啖都食到好重白桃味，因為有伯爵茶蛋糕底，茶香中和返白桃既甜，整個蛋糕食落一啲都唔會好甜，會愈食愈想食添。

係尖沙咀食完飯後過嚟gram cafe食梳乎厘，我知開左好耐，但我都係第一次食🤭 ▫️招牌梳乎厘班㦸 三層梳乎厘，挺身得黎但好鬆軟，亦帶空氣感，忌廉打得好香滑，加上牛油同蜜糖，味道甜而不膩，如果唔加亦食到本身班㦸自帶既雲呢拿香。比起其他地方食既梳乎厘班㦸，呢間既比較fluffy同好食。 ▫️雜果朱古力班㦸 薄薄一片較實在啲，味道咸咸地，賣相好靚，配有幾款水果：士多啤梨、藍莓、橙、奇異果，好豐富，加埋忌廉、朱古力醬一齊食，有咸有甜既味道都幾特別。 呢到地方都算大，坐得幾舒服。Menu都有唔同款式既班㦸揀，下次試下其他先😋