Hidden和洋食屋

營業中

休息中

今次黎到九龍灣呢間樓上日式cafe食，估唔到咁高質！🍔HIDDEN經典和牛芝士漢堡（$88）呢個burger超豐富！Burger入面有牛肉、蕃茄、烤洋蔥，仲重要係流心蛋，超正！另外仲有配少少沙律菜、粟米湯同埋薯條🍟，勁豐富！薯條炸得非常香脆，好好食😍😍🍚🐟香煎三文魚茶漬飯（$78）我係第一次食茶漬飯😂 佢地嘅湯底由鰹魚、昆布，再加上日本玄米茶熬製而成，非常鮮甜又唔會膩！味道亦比想像中香濃啊😍再加上大大舊三文魚，煎得好香，外皮脆。另外仲有中華沙律伴菜同埋麵豉湯😋。 ☕️Latte (+$20)Latte可以再濃啲，但口感都滑。🧋凍奶茶 (+$3)叫左無糖，以為係普通奶茶，但飲落好有層次！入口飲到奶香，吞左之後反而有茶嘅澀味出返黎😂

今日經開九龍灣，試咗呢間上樓嘅日式餐廳。地方闊落，環境舒服。有卡位，中間亦有好多大枱。午餐叫咗一個「溫泉蛋牛油果炙燒三文魚丼」同「香蔥醬煎厚切牛舌蓋飯」，前菜包埋麵豉湯同埋中華沙律。飲品叫咗Mocha同埋鹹檸檬雪碧。溫泉蛋牛油果炙燒三文魚丼 $68 - 首先賣相好靚，材料亦都好豐富，溫泉蛋整得啱啱好，牛油果連埋三文魚，仲有車厘茄同粟米。味道好之餘，感覺亦都好健康。👍🏼👍🏼香蔥醬煎厚切牛舌蓋飯 $68 - 勁鍾意食牛舌嘅我哋，無論厚切薄切，都試過唔少。今次過牛舌我可以話超有驚喜，個面煎得好脆，入面好冧，口感好好，加埋啲醬料味道好夾，真心好好食。😋😋誠意推薦比附近返工嘅朋友，位置好近德福廣場，價錢實惠，食物質素高，我去開九龍灣都會再次到訪。

《Hidden 和洋食館》    一個疫情，捲起幾丈浪，覆蓋全世界，人心惶惶，生計難保，前途末卜，不知何去，不知何從……一條沒人掌舵的輕舟，在浪濤的旋渦中，最令人焦慮是不知前面仍會遇上多少個浪濤，後面也已經沒退路了……現在衹有食物才可以緩和我心中的激盪，緩衝外在一刻的煩擾。遇上Hidden , 隱世遇上我這個"迷惘"，我寧願此刻可以Hidden ，可以不再迷惘，不再迷失，不再迷惑！1.鰻魚鷄蛋飯 : 有半世紀長度的鰻魚，汁燒後令魚身"立立令"，有反光的耀眼，口水也自然流出，而配上的日本蛋，又如昏黃色的天空，照耀大地，也映照我的心靈……粒粒的飯墊在下面，突顯出想像出來的金碧輝煌，吉味陽一下的美食，已呈現在我眼前，一試之下，口感如漫畫般形容，所有回憶真的一次性歸來了，回憶真是如路軌一樣長，飽滿了，這是開心不用為其他事而煩的一刻，這就是傳聞中的忘我式的心流。2. 牛油果三文魚飯: 一排排的牛油果，真的很喜歡牛油果的黃綠，如視覺上去了一趟青葱的郊野，心情立刻恬靜自由，被解放了……而沒添加的三文魚夠鮮活，魚的原味清楚浮現，清新、活味充斥著我的腦海中，也繼承日本傳統的吃之文化，就是要吃出食材的鮮、

今日約朋友下午茶但又唔想食普通茶記，又懶唔想行好遠，朋友就介紹我呢間顧名思義嘅隱世食店: Hidden。因為我好鍾意食焗薯，又鍾意香辣嘅味道，所以一睇餐牌就決定叫香辣芝士肉醬焗薯，出邊都比較少見做得好嘅焗薯：薯仔焗到軟硬適中、配上芝士同辣肉醬口感味道好好，好開胃，真係唔錯！朋友喜愛Bagel, 點咗牛油果醬蕃茄流心蛋具果，佢個流心蛋汁俾具果吸晒，再加上牛油果醬同蕃茄，口感好豐富，健康得嚟又美味，食完唔會有罪惡感，抵讚！

最近係九龍灣上堂早排諗住食埋野先過去Op搵搵下睇到呢間覺得好抵食咁一入去就個到成個場地好大好希空間感每張枱都坐得好舒適咁唔使怕逼咁就想揀個飽肚啲既食🥰🥰叫左牛油果溫泉蛋半熟三文魚😍飯我就特登叫左少飯免得浪費因為牛油果都飽肚，食到牛油果熟得剛剛好好快就食曬成碗😂😂杯latte都好靚靚🥰🥰飲開咖啡既我每日見到杯靚靚拉花個日心情特別好，而且香醇順口最緊要都近地鐵站附近一啲都唔會覺的遙遠🧡🧡

Hidden和洋食屋最近成為左我返工日子嘅飯堂，食物款式可謂應有盡有，健康選擇嘅話有貝果，日式選擇包括咖喱飯、烏冬同丼飯。西式選擇都有意粉同鋸扒。餐廳空間非常大，裝潢以木系為主，散發陣陣和風氣息。落單用QR code就得，非常方便👍🏻- 煙肉炒蛋貝果🥯貝果上面佈滿芝麻，非常香口。入面夾住煙肉同炒蛋。煙肉好香脆，而且有三大條。炒蛋厚身，口感香嫩柔軟，食完非常飽肚🤩- 照燒三文魚定食三文魚定食煮得非常出色。大大塊三文魚扒沾上照燒醬汁，外皮煎得香脆😋另外餐廳亦有奉上一碗酸酸甜甜既醬汁，解膩之餘，送飯一流！餐廳嘅咖啡都唔錯，我地叫左Cappuccino 同Caramel Latte，兩杯既拉花都好靚😍Hidden位於商業大廈既八樓，位置非常隱蔽，好彩同事介紹我呢間餐廳，如果唔係每日都苦惱緊午餐食咩😭

九龍灣有好多樓上餐廳，今日食lunch嚟呢間新開嘅餐廳點咗個貝果，見廚師好用心去整，一上桌炒蛋香氣四射，貝果面洒滿芝麻、造型幾靚又脆口、牛油果和沙律也新鮮，感覺是間十足誠意嘅餐廳，環境整潔幽靜，很值得回頭支持的小店Avocado Scramble Egg Bagel牛油果炒蛋貝果>落單後現製，香烤貝果熱辣辣口感很脆、充滿芝麻香和獨特的香草味；滑蛋炒得嫩，熟透的牛油果軟綿順滑帶點果甜，傍邊的小車厘茄和沙律菜新鮮爽脆，澆上香醋提升甜味Iced Hazelnut Latte榛子拿鐵>杯啡嘅對比顏色奪目、榛子味道稍淡唔多飲得出

鍾意食Bagel既我發現呢一間有Bagel！！但得朝早同下午茶有，所以朝早去買早餐外賣，第一次買所以行咗上去落order，然後店員叫我可以下次打電話落定orderniceeee!!碎蛋沙律bagel, 見佢有個like就試下, bagel同餡料份量都好大好多, 仲配埋沙律菜係旁邊, 我將佢連埋bagel夾埋一齊食, 口感會豐富點！bagel口感唔夠太chewy, 比較易咬, 但味道幾香!碎蛋沙律好多, 好滿足！仲有其他好多款諗住下次再試

是日去九龍灣搞銀行野，正諗緊食早餐時，行行下附近，工廠大廈裏面嘅其中一間食肆，見到哩間Hidden和洋食屋，見到佢有貝果的早餐，二話不說就去食啦`早餐時段相對真的人唔多，疫情下都有個好CHILL的早餐時間，點左個碎蛋沙律貝果，另外加埋15蚊要個牛油果，同埋點左個熱的焦糖拿鐵~~哩度的MENU同點單牌真的好特別~~碎蛋沙律貝果加牛油果貝果佢有烤過，食落好脆口，碎蛋沙律份量都好多，一口貝果一口碎蛋沙律，正~~加埋少少沙律菜同埋自加的牛油果，食埋營養夠均衡。焦糖拿鐵焦糖拿鐵上面的奶泡真的好CREAMY，加埋唔太甜的焦糖，拉花的感覺真唔錯，哩間早餐真的唔錯，有時想少D人，給自己一個放空的時間，真好!!

同事又一介紹上樓食店, 地方闊落, 舒舒服服乾乾淨淨, 衛生環境好服務又唔錯, 最重要係食物都唔錯而且仲好抵食。地方闊落環境舒適, 你可以選擇自助點餐或者有人嚟幫你落order一個墨西哥辣肉醬芝士意粉, 跟埋個粟米湯同埋小沙律再嚟一個bbq醬燒豬肋骨醬配薯條, 肉 juicy 又夠軟林,再配埋個栗米湯, 唔飽都唔得啦一個就叫咗凍mocha, 咖啡味濃個低仲有啲朱古力獎㖭另一杯就要咗個熱mocha, 一樣係味道濃沃 ,不過我就覺得佢唔夠熱整體嚟講又抵食又坐得舒服, 兩個人埋單都係200頭蚊, 仲要已經升級左coffee

阿囝喺附近上興趣班，平時我都係去開快餐店食早餐等佢放學，今日無意中見到呢間Hidden和洋食屋嘅外牆廣告，就即管上去試吓。餐廳格局甚有飯堂風格。不過餐牌就唔算話好飯堂，都有幾多選擇。難得me time當然要食返餐豐富啲嘅早餐慢活一吓。揀咗煙肉炒蛋貝果，都有啲份量。主角煙肉充滿濃烈嘅香烤味道。旁邊仲伴有沙律菜，加埋炒蛋營養夠均衡。早上當然要飲番杯咖啡，揀咗榛子拿鐵(Hazelnut Latte)，上面仲有拉花，整體感覺不錯。呢間餐廳個名果然冇改錯，夠晒隱世，可以嚟尋找屬於自己嘅小角落。

工廠區隱藏日式食堂呢間Cafe走日系簡約小清新裝修以木系係為主 空間好大 環境簡樸且舒服餐牌選擇多籮籮 重點價格非常相宜Bagel烤得香脆 包皮佈滿芝麻搭配熟度岩岩好牛油果 半熟荷包蛋蕃茄仔 層次非常豐富 淡淡甜香 入口不膩份量仲好大份份量同樣好多有炙燒三文魚 牛油果 溫泉蛋 麵豉湯 中華沙律炙燒三文魚有煙熏味 熟度好岩我牛油果同樣creamy 麵豉湯較清淡 唔會死鹹配搭埋個中華沙律同埋個汁可以減低整體油膩感整體真係性價比高 黎開呢頭嘅朋友仔 值得一試

個Title好似講到好似好恐怖咁 😅其實應該開心嘅😇2021年最後同同事一齊食嘅午餐. 呢間和食屋係我哋近期發現附近工廠大廈裏面嘅其中一間食肆，齋睇店名應該係食日式嘢，但係睇埋餐牌又應該係西日泰越fushion. 於是乎我哋就聯合國咁嗌左幾樣野share又係時scan QR code落單！先來嗌左四個餐分別係豬肋骨, 冬陰功長通粉，芫荽雞肉意粉同埋咖喱吉列豬扒飯。整體來講四個餐最好食我哋揀咗冬陰功長通粉，佢個汁酸酸地少少辣好清新，啲蝦都幾多，感覺好Fresh 😌😌其次係個芫荽雞肉意粉🍝，又估唔到出奇地OK，仲令到我哋不期然聯想起芫荽最夾嘅皮蛋添因為芫荽做嘅食物唔係樣樣都好味咪樣樣都夾到，呢個就好自然好正常嘅芫荽味good good 👍🏻 豬肋骨亦都做得幾唔錯，肉夠嫩滑做到離晒骨，配埋嘅薯條都好好味（其實我鍾意食薯條姐）因為一份唔夠分五個人，仲即時再加單要多一份😱不過可惜第二份嚟嘅薯條大家就唔多滿意😑最失望係佢咖喱飯囉，其實好簡單嘅咖喱飯🍛係個飯佢做得差咗，一嚟唔夠，二黎啲飯唔似係日本米做出嚟咁有咬口。炸豬扒一般般啦餐叫嘅latte都唔錯，雖然latte 拉花係基本野，不過都唔係間間餐廳

假期開始啦！在每個長假期裏，好友都會安排一天的旅程給我，由早玩到晚，由早餐食到晚餐，好興奮呀！大家估下我哋去邊…..未開始出發之前，她先帶我去佢屋企附近新開的咖啡店嘆嗰早餐。觀塘的工廈我都算熟，但九龍灣的工廈就….幸好由好友帶路，好放心！門面一身草披，中間鑲了一塊木製招牌，感覺好舒適寫意。內裏好闊落，設有三行長枱，全部以隔板間了四人枱，泊牆還有多張寬闊的卡座，座位都算幾多。沒有太花巧的擺設，簡簡單單放了幾盆盆栽，裝潢簡約自然。看看menu，設計清晰，分門別類，早餐和下午茶時段有和式飯餐、貝果、牛油果狂熱、牛油焗薯系列和雞翼薯條套餐。中午時段所供應的食品有所不同，有日式湯烏冬、丼飯、和風定食、日式咖喱飯、西洋料理、肉類和小食等，選擇都唔少。飲品方面，有特色咖啡和港式飲品。************************見到貝果就發狂的我當然第一時間揀份貝果餐，選了火腿芝士貝果 Ham & Cheese Bagel ($38)。嘩！除了一大個貝果外，還配了一堆新鮮翠綠的雜沙律菜，拌了少少胡麻醬，簡單而美味。脹卜卜的貝果面加了芝麻和罌粟籽，更香更有口感，烘至外層香脆，包身柔韌，挺有嚼勁，口感

呢間位於工廈嘅餐廳，算幾大。簡單裝修。野食種類非常多，而且價錢平民，返工lunch 食唔錯！日式雜錦關東煮🍢烏冬$65烏冬幼身，煙煙韌韌，關東煮湯式唔會太濃～關東煮都幾豐富！有白蘿蔔、海帶、魚蛋片、蛋等等，呢個價錢咁多料抵食！紅酒燉牛肋肉配珍珠飯$68牛肋肉林身，份量都唔少。而且一兜裝住，好多汁。配珍珠飯口感好食啲！午餐仲包麵鼓湯及前菜，咁抵不錯啦！另外加配咗Hot caramel latte and Hot hazelnut latte , 咖啡味香濃！