Hidden和洋食屋

營業中

休息中

之前黎食過佢前身，見到佢轉左手，當然黎試下新嘢。我地叫左個煙三文魚沙律，本來以為好似其他餐廳咁得一碗上。結果有驚喜！餐廳係直接預你當主菜咁食，唔單止有煙三文魚沙律，仲有埋個迷你凱撒沙律+忌廉粟米湯！真係分量大又抵食！個忌廉粟米湯，好濃既忌廉味，睇得出有用心煮！朋友揀左哩個比目魚西京燒定食， 試左一啲啲，佢個比目魚燒得啱啱好，非常嫩滑！配搭西京汁食，鮮味同甜味互相配合！味道啱啱好！我平時都唔太鐘意食魚，不過哩個比目魚我都忍唔住問我個朋友夾多幾下黎食！我地好大食，仲叫左個炙燒三文魚親子丼，可以見到三文魚都算厚切，夠新鮮，唔會有雪藏味，炙燒完啲油脂味爆哂岀黎，加埋啲芝麻，夠哂香吖。仲有啲漬物做前菜，夠開胃。

當日我地要去睇戲～就係附近睇下有無間坐得舒舒服服既餐廳～見到呢間新開就黎試下～去餐廳之前仲去咗買bagel🙈條路好方便好近😝上到去叫了一個定食同bagel🥯地方都幾大好舒服👍🏻溫泉蛋牛油果炙燒三文魚丼份量都幾大份🥑中華沙律，姜片，麵豉湯都係正常味道～飯加了醬汁同蛋撈勻～之後加埋牛油果食好creamy同好濃蛋香～另配三文魚都好好味～好肥美🍣加上炙過同埋好厚切～真係好驚喜性價好高😋😋😋流心芝士蛋貝果見到啲蛋汁流哂出黎👍🏻味道都唔錯～Bagel啲芝麻好香～但就無平時食bagel煙韌口感～有啲似食麵包🙈可能我對bagel有啲要求😝Cappuccino 正常一杯咖啡～咖啡都香濃～不過不失☕️Mocha 友人要飲到好尾先有朱古力味～沖朱古力個時好似無攪勻落啲咖啡度🙈P.S.整體黎講個定食力推～配合得剛剛好～性價比高～值得一試👍🏻👍🏻👍🏻其他食物都不過不失～好味～但試業中可以再改進下～之後一定會更好味😋

今朝去左九龍灣處理啲野，早左黎到一於食個早餐先，搵到呢間喱埋係工商大廈新開既日式餐廳，早餐好多選擇決定試下😊除左常見既bagel同湯麵之外，呢度竟然有飯食！👍😮我叫咗個照燒三文魚飯配榛子咖啡走奶～個餐係一個托盤咁樣上，除咗主食仲有麵豉湯同漬物，好精緻👏 真係好有以前喺日本旅行食早餐嘅感覺❤️麵豉湯唔會過鹹， 有好多菇同昆布(已經飲左一半架啦😂) 幾足料👍三文魚柳大條肉厚，燒得靚仔，魚皮香脆，配埋甜甜地嘅照燒汁好正😋榛子咖啡香濃👍(呢度有齊兩款我熱愛既coffee syrup👉hazelnut & caramel😍)可能因為過咗早餐最繁忙嘅時段同埋餐廳仲係試業中所以人流唔多，不過都真心希望佢可以繼續做落去，因為感受到餐廳既製作幾用心❤️ 加油！💪💪

九龍灣工廈清新cafe附近番工既人又多個午餐選擇喇空間感幾大幾闊落 木系餐桌 營造和風感餐廳主打西日式食物 lunch 價錢大概是六十零蚊左右 有日式定食 日式咖哩 洋食意粉 選擇都算幾多今次lunch 就order 左 吉列豬扒烏冬，醬燒豬肋骨配薯條定食附送前菜 麵豉湯 飲品烏冬屬於扁身既稻庭烏冬 而非cheap cheap 烏冬🤓 仲有半隻流心蛋 炸豬扒正常發揮醬燒豬肋骨超大份 肉質沒有想像中的腍 不過就燒得幾入味 同樣地有餐湯 當日是粟米忌廉湯薯條則炸得金黃香脆

或許是家庭的緣故，也可能是天性使然，筆者從小便愛好自由，個性獨立，而且很懂得享受獨處的時光。筆者今天就帶大家來到九龍灣的「Hidden 和洋食屋」，輕鬆的氣氛必能讓你渡過一個有質素的「Me Time」。環境：✨餐廳走溫馨的日系風，裝潢設計簡單利落，配搭木傢具和大量綠意盎然的植物，氣氛悠然。服務：✨職員態度友善，積極收拾餐具，送餐速度亦令人滿意。食物：🥯 牛油果醬番茄流心蛋貝果 ($52套餐價，配咖啡或茶) ✨ 芝麻貝果烤得香脆，成熟的牛油果醬滿溢，質感creamy滑順，配上半熟荷包蛋一流，惟調味和生番茄較酸，吃一口便要喝一口熱巧克力，中和口中的味道。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻食物賣相🌸🌸🌸🌸味道質素👅👅👅👅整體價錢💸💸性價比值⚖️⚖️⚖️⚖️📍Hidden 和洋食屋 (九龍灣)九龍灣常悅道20號環球工商大廈8樓4號舖

發現一間新餐廳，因為試業中人流唔算太多，餐廳環境幾舒服，行日式風格，位置都算多牛油果全日早餐$98好豐富嘅all day breakfast，有新鮮既牛油果、煙三文魚、炒蛋、煙肉、豬肉腸、茄汁豆、薯條、酸種麥包、沙律，鍾意食all day breakfast 既原因就係擺盤夠靚，而且食物款式又夠多☺️照燒三文魚定食$65三文魚肉夠厚身，而且魚肉仲好滑，照燒汁另上，定食餐配有麵豉湯、前菜，碗飯超大碗，如果細食既朋友記得叫少飯啦跟餐包飲品

流心芝士蛋 Begel

原本以為係流心蛋，見到～咦﹗隻蛋似omlet 多啲喎，小失望。但是，當我咬落去⋯滿有cheese! 心情滿足唔少。我覺得夾埋燒豚肉（やきぶたにく）去會昇華左個味道。其實都叫飽㗎 ！ 雖然香港人好少係朝早食飯，但其實我自己係幾鍾意嘅。日本人話食完飯先有飯氣——元氣（ げんき）。佢嘅薑燒豚肉其實都唔係真係咁「薑」，所以唔鍾意薑都可以食到。似係燒汁？有少少韓式炒豬肉嘅味道有埋前菜，中華沙律添啊～ 和味噌湯，都靚仔嘅

最近環球工商大廈開咗一間新Cafe，主打和風洋食，例如日式拿破崙意粉、帶子炒意粉 🥳 當然仲有all day breakfast、egg benedict等熱門cafe嘢食 🤣 上個禮拜咁啱經開九龍灣就順便上去試吓 😋下午茶時間去，嗌咗個 avocado and scrambled egg bagel ($52) 同熱 latte (+$20) 🍴 Bagel 幾好食，有烘過，香脆煙韌 🥯 牛油果生熟度唔錯，份量又多 🥑 炒蛋夠鬆軟，但濕潤d多汁d就更加好 🍳 Latte 嘅拉花幾靚，不過味道就普通，我比較鐘意香d 濃d嘅咖啡 ☕️

這次在九龍灣覓食，去了一家位於常悅道的日式樓上店。環境以木系裝修為主，燈光柔和環境舒適😆。下午時間去有下午茶套餐，有十多款選擇，價格相宜還有飲品附送🙈。-💥流心芝士蛋貝果 HKD$42，另外加HKD$15牛油果，貝果賣相吸引。貝果經過烘底，所以帶點脆的口感，貝果口感煙韌濕潤。牛油果熟成程度剛好，還帶點辛香味🤤。炒蛋做到流心效果，炒蛋加入芝士更香口，吃完這個已經飽了😚。-💥鹽燒鯖魚定食 HKD$45，跟餐配珍珠飯、麵豉湯及和式漬物，我們轉換了做烏冬🙈。鯖魚外皮煎香口感脆卜卜，令到魚油滲出挺香口的。鯖魚是較多骨的，吃的時候要小心一點🤔。烏冬的份量挺多的，配料有溏心蛋、日式魚及海帶，湯底味道帶點甜味😋。-

九龍灣放飯時間度度都要排隊咁啱今日落雨🌧喺街排隊太論盡見有人派傳單有間新開嘅樓上餐廳於是就膽粗粗上去試吓上到去等位等咗一陣 不過係室內等 唔使怕溚雨💦餐廳環境都算大 坐到好多人今日試咗個豚肉生薑燒丼 $58$58套餐包埋前菜餐湯飲品價錢唔算貴 但食物有驚喜😋豚肉生薑燒個汁好好味 夠哂薑送飯好正 食完直頭想添飯🤣飲品正正常常 以九龍灣既lunch嚟講都算平靚正 見隔離位一台三個都食三文魚定食個樣都好吸引 下次叫埋同事嚟再試吓😛

聽同事講附近開左間新野，睇相環境唔錯所以黎試下。其實第一次黎其實都唔知食咩好，店主好好咁幫我地幾個女仔揀左一飯一炸野一包類。第一樣上枱嘅係牛舌飯，真心，真係好香，牛舌又夠厚，同埋加左蔥花好搭。如果個汁多返少少就好啦（但其實係夠撈飯，只係我個人中意多汁🤣）之後黎個bagel，痴線咁勁多牛油果🥑醬，一咬落去爆晒出黎，好好feel呀😍😍😍最後呢個勁囉，炸魚炸牛油果條。我本人係好中意fish and chip嘅，一見到炸魚就梗係叫啦，都無留意唔係chip 而係牛油果條，但係出奇地好正，入面熱辣辣，點埋個凍嘅醬，超好食。個醬好似食緊🍎pie 咁架👍👍👍

公司附近新開咗間日式餐廳 見早咗到就上去試下上到去發覺好熟口面 原來之前食過 不過依加轉咗手整體感覺 幾休閑舒服 早餐種類都幾多 有定食 有bagel 有粉麵等 我叫咗個茄湯烏冬 茄味濃 烏冬係滑身果種 大大碗 唔錯總括依然 適合唔趕時間嘅人 上黎享受寧靜嘅早上 影咗d餐牌俾大家睇下 版面幾靚 價錢正路有機會試下lunch