FUMI

營業中

休息中

踏入社會後認識嘅第一位交心朋友，轉行後去左讀law，寒窗苦讀多年終於正式成為律師🧑🏻‍⚖️我地嘅慶祝飯揀左依間係中環嘅日本餐廳！假日夜晚semi buffet $780一位，三小時內無限量供應日式前菜、冷盤、刺身、卷物、炸物、燒物、溫物（每個種類都有三四款），仲有松葉蟹腳同宮崎和牛。主菜有五個選擇揀，最後仲有甜品platter。食物質素甚佳，同朋友傾得太開心，壽司卷物同燒物都好出色但冇影相🤣餐廳走中高檔路線，所以唔算多人，環境幽靜。雖然係放題但係係向侍應落單，令我同朋友仔相隔年幾冇見後可以專心傾計🥰餐廳提供兩個free flow alcohol選項，平啲個款$288已經可以任飲sake🍶🦀 松葉蟹腳 (𝟠/𝟙𝟘)新鮮但肉質比較瘦削，不過任食可以食多幾隻，以量取勝👍🏻🐮🍲 A4宮崎和牛壽喜燒小鍋 (𝟠.𝟝/𝟙𝟘)和牛油脂比例平均，半熟質感好鮮嫩，壽喜燒湯底調味得宜，唔會太咸。🍣 極上刺身四點：吞拿魚腩、吞拿魚中腩、吞拿魚、北海道牡丹蝦 (𝟠.𝟝/𝟙𝟘)主菜之一，刺身好新鮮肥美。🍄🥬🍲 日本舞茸野菜小鍋 (𝟠/𝟙𝟘)食到中後段食下菜好refreshing，舞茸野菜鮮甜。🌟 Follow @g

同樣地點同是雨天，不過兩次唔同人物時間情節嘅體驗。一次係A4 宮崎和牛壽喜燒鍋定食，另一次係吉列厚切宮崎豚肉定食，另有配宮崎和牛咖喱汁選擇。個人比較喜歡厚切，而且豚肉夠脆，配埋珍珠米直頭想叫添飯。定食嘅沙律、茶碗蒸、麵豉湯、前菜、甜品一律清晒。要嫌價錢嘅話更貴都有，服務環境衛生一條龍，難得同枱用餐兩位大大不嫌棄，呢餐真係物有所值。每次菜單上最平最貴都係其次，期待第三次，下次就試佢嘅懷石料理同埋清酒啦

蘭桂坊嘅California Tower一向多好嘢食 今次嚟到bookmark咗好耐嘅FUMI 試試佢哋嘅日本菜 估唔到食物質素係咁高😻◍「日本生蠔海鮮他他」🦪 $148作為頭一道十分出色 生蠔選用咗岩手縣嘅「令和之怪物」👻有成隻手掌咁大 加埋刺身他他一齊食 超正！🫶◍「特上手握壽司拼盤」🍣 $688呢度嘅壽司拼盤都非常出色 拼盤包咗呑拿魚腩同海膽😋每一款都好新鮮同美觀 絕對值得一試🤤◍「雜錦海蝦天婦羅拼盤」🍤 $268知道呢度出名食天婦羅😛一定要叫嚟試吓 叫呢個拼盤就啱晒 差唔多每個款式都唔同☺️個人最喜歡蝦天婦羅 蝦嘅口感非常好🧡◍「宮崎無添加健康豚肉涮涮鍋」🐽 $388另外必試呢個涮涮鍋 份量多到兩個人都食唔晒！豚肉質量好好 湯底好清 加埋其他配料一齊食絕對冇得輸！😎◍「北海道松葉蟹肉蓋飯」🦀 $368蓋飯製作需時 但絕對值得等待🤤成個飯都唔會太濃味 但又會食到鍋底嘅飯焦 食完暖笠笠☺️作為尾聲一道菜剛好！❤️特別一讚呢度嘅服務一流 啱晒放假同朋友嚟食餐好嘅😋📍FUMI (中環) #lala_foodie_central 中環德己立街30-32號加州大廈6樓

上次老公生日，和他去了中環較高級的餐廳食生日飯，這間FUMI是相當不錯的推介！先講環境，入到餐廳都可以望到中環部份夜景，而且所有座位都是非常舒適、高級，當然還相當浪漫🤣然後食物，我和老公大讚不絕！都是一般日本餐廳有提供的食物，但還算是相當多元化，而且食物質素非常好，每一道菜都是十分美味，性價比相當高👍🏻而且服務員的服務質素很好，由於當晚不是很多人，服務員會跟我們談天，問我們是否滿意菜式，還添我們白酒，讓我們有賓至如歸的感覺！

朋友生日揀咗食呢間，佢之前都有食過而我係第一次嚟😀一入餐廳覺得好relax，餐廳樓底好高好開揚。食物選擇多，我地有叫其中一樣signature dish - 太卷，卷物由唔同食材配搭，口感特別，好味！仲叫咗天婦羅，蝦大大隻，炸得啱啱好，又唔會太乾太油。當然唔少得刺身，好新鮮👍🏻👍🏻 刺身擺盤靚。餐廳環境同食物質素都好好，職員知道我地慶祝生日，仲送咗sake 我地飲，下次有機會會再同朋友嚟gathering😊

朋友準備移民·臨離港前相聚以一餐飯來告別朋友· 所以要挑一間滿意的位於中環加洲大廈11樓的Fumi 餐廳以日式布藝作為裝飾·氛圍典雅高貴·除了環境優越外 · 一定要大大力稱讚一下服務絕對令人稱心滿意·未用餐已經暗暗幫服務打滿分！ꔅTasting Menu($1180)♡ 先付蟹肉湯葉茄子高湯掛｜火炙和牛壽司三文魚大葉天婦羅｜鹽煎銀杏高湯鮮甜配上蟹肉腐竹·鮮甜無比和牛火炙後· 入口即化脂香十足♡ 刺身吞拿魚腩｜安康魚肝｜真鯛｜甜蝦是我最愛的安康魚肝· 口感幼滑細嫩吞拿魚腩無筋肥美· 真鯛配上酸汁啫喱更突顯鮮甜♡ 吸物｜舞茸雞丸清湯很簡單但非常清雅的湯品湯頭入口舒服· 而雞丸富彈性♡ 煎物｜香煎鴨肝配法包鴨肝封得好好·外脆內鮮嫩♡ 燒物｜日本生蠔朴葉味噌燒之前去高山旅行已經愛上朴葉燒日本生蠔蠔味濃郁·帶朴葉木質香氣味噌調味會稍稍重手· 配菇類豆腐剛好平衡一下♡ 鍋物A4宫崎和牛芋煮野菌小鍋小小一鍋但非常足料和牛油脂剛好· 不會膩到秒飽底部還有吸盡精華的芋絲同芋頭再喝一口湯·剛好把胃空間填滿！♡ 食事｜迷你雜錦天婦羅丼以為已經要完結· 再來一碗丼飯天婦羅炸得香脆· 吃一口飯飽足又滿足♡ 果物

嚟到高級日本餐廳，當然有所期待精緻、創意、優質食材缺一不可想試不同料理，便可點佢哋嘅set dinner至於環境，座位和座位之間都有本身高的屏風，私隱度十足✨Fumo Deluxe Tasting Menu ($1180)✨📍STARTER 先付 🪄Crab Meat and Eggplant in Broth Dressing 蟹肉湯葉茄子高湯掛🪄Seared Wagyu Beef Sushi 火炙和牛壽司🪄Salmon with Perilla Leaf Tempura 三文魚大葉天婦羅🪄Ginkgo Biloba with Salt 鹽煎銀杏 ✅一次過享受不同口感的前菜，特別是鹽煎銀杏，鹹鹹香香的味道打破以往對銀杏一定乏味又寡的認知📍SASHIMI 刺身 🪄Taro吞拿魚腩🪄Monkfish Liver 鮟鱇魚肝🪄Sea Bream 真鯛🪄Sweet Shrimp 甜蝦✅擺盤精緻非常吸晴，鮟鱇魚肝柔嫩香醇，拖羅幼滑有入口即化的感覺，比較遜色的是有一點筋📍SOUP 吸物🪄Maitake Mushroom and Chicken Ball Soup 舞茸雞丸清湯 ✅湯底清甜，雞肉

話說早前係🖤黑白配⚪️嘅白同老公嘅結婚周年紀念，所以就想搵日本嘢試吓，但係又唔想食阿媽家姐，於是就上網搵吓有咩推介，見到呢間日本菜Fumi好多好評，所以就諗住試吓，食完就覺得名不虛傳👍🏻食物質素高之餘，所有嘅份量都幾大分，價錢亦都相對合理，餐廳主打傳統同埋創新嘅日本料理，裝修用咗和風日式風格，而且私隱度都幾高啱晒傾偈👂👀Fumi Deluxe Tasting Menu $1180🖤黑白配⚪叫咗個Deluxe set ，總共有八款菜式，真係食到飽咗個肚，我哋仲要眼闊肚窄，另外叫多兩樣餸🤣Starter 吞拿魚赤身配有機牛油果水菜沙律 🥗吞拿魚食落去肉質都幾結實，配埋牛油果同埋水菜食落好清甜Appetiser無花果浸汁、炙燒左口魚壽司🍣、宮崎雞肉脆脆、松汁黑豆蜜煮個擺盤好精緻，無花果天婦羅浸汁食，食落去個口感好特別，甜甜地，炙燒咗嘅左口魚完全釋放左個油脂嘅香氣出嚟，入口即溶🤤🤤🤤宮崎雞肉食落去個雞味都幾濃，配搭埋青瓜同埋蕃茄食落去小清新👀刺身四款刺身分別係吞拿魚腩、伊佐木、北海道元貝同埋赤貝，全部都好新鮮松葉蟹鉗豆腐清湯 🥣 個湯飲落去好清甜，有蟹嘅鮮甜mixture 豆腐嘅豆香味銀鱈魚西京

FUMI ⭐️中環今日屋企人生日 專程帶咗佢嚟中環食高級日本料理 呢間餐廳，無論環境質素或者係食物質素都好高~餐廳主打創新日本料理 再配合咁日系嘅環境～感覺真係好似置身於日本一樣北海道松葉蟹甲羅燒配法包北海道松葉蟹肉上枱好精致，配埋蟹膏醬同法包一齊食，蟹既鮮甜味道好突出，每一口都係享受！日式串燒串燒分別有雞軟骨 日式番薯🍠日本和牛 同埋日本雞翼 每份串燒都係即叫即燒 非常惹味🥳特上點刺身拼盤刺身total有八款 每款有兩件 刺身保證每一日日本新鮮運到🇯🇵吞拿魚腩入口即溶 服務員好細心同我哋講解刺身各種既食法~每一件刺身真係非常鮮甜 總括嚟講呢間餐廳嘅性價比都好高 不論係座位方面 員工嘅服務態度都非常優質 期待下一次幫襯如果大家都有興趣，快啲book枱試吓啦❤️🥳中環德己立街30-32號加州大廈6樓

去食嘅係松葉蟹宮崎和牛放題brunch 松葉蟹，冇問題，宮崎牛，以冷盤嘅形式出現， 和牛凍食，大概可以想像應該唔係太過吸或好味，只係叫咗一客，就冇再食。另外， 送上一個和牛壽喜燒，味道太甜，所以只係食咗一口就沒有再去。（可能我係大鄉里，咁呢個只係我食唔慣）魚生，是甜美的，新鮮。但係種類選擇少，應該唔會多個五款。其餘食物嘅選擇，非常少，當然睇吓你同邊個比較，但係同所有呢個價位放題比較，佢都係好少。餐廳嘅服務員，九成係好有禮貌。但係你睇得出，佢哋唔係高質，訓練亦都有問題。例子一，佢攞枝豆俾你嘅時候，另外會附上一個器皿，俾你盛截枝豆嘅皮。但係，會擺到兩個萬丈遠，而且幾次都係咁，可見得佢哋係有位置就放，唔會細心啲，將佢哋擺埋一齊例子二，上甜品嘅時候，由於甜品碟係非常之巨大，服務員，並無將枱上已經食完嘅食物及器皿收走，而係就咁硬攝一個位置放低甜品碟。最搞笑嘅係，甜品差唔多已經食完，仲有大概半個鐘就要關門嘅時候，店員先至會同你清理枱上面嘅器皿。例子三，有一個楊貴妃身形嘅女服務員，溫馨提示我就嚟截單，仲有冇嘢要叫，我見距離截單嘅時間仲有至少45分鐘，所以話遲啲先，佢反射性馬上反白眼。我特別記得佢㗎，

♡♡♡📍 FUMI (中環)中環德己立街30-32號加州大廈6樓餐廳喺正蘭桂坊上面，地理位置優越🤟🏻！餐廳嘅氣氛都好好，覺得會有啲置身喺日本餐廳當中🤣～側邊仲會見到有師傅整緊嘢食，覺得成件事都幾賞心悅目🤩～呢間餐廳俾我真係一個好高嘅評價，因為無論餐廳氣氛、食物質素，定係職員嘅態度服務都好好，真係好推介大家去試吓🤤😝～🍽松葉蟹肉沙律 配 和風沙律汁松葉蟹肉嘅份量都幾多，再配上沙律真係好夾！仲會食得幾健康添🤣～係顏色嘅配搭上都有心思，會有種七彩繽紛嘅感覺😝😝！沙律既份量都幾足夠，作為頭盤完全夠食😆。🍽特上手握壽司拼盤（12件）鮮吞拿魚脯、海膽、是日推介10款職員上菜嘅時候已經被壽司拼盤驚艷到🤣🤣！因為真係勁靚，勁精緻😚！而且職員會逐個介紹壽司係邊款可以令到適合更加了解食材～覺得呢個幾加分❤️，可以體驗到職員嘅細心同貼心😚😚！而我哋當日食既係中拖羅、大拖羅、青魚、真鯛、金目鯛、深海池魚、油甘魚、海膽、火炙左口魚鯛、牡丹蝦，白蝦等等..食落口真係勁新鮮，會有一種鮮味😻！覺得連豉油都可以唔需要😝🤟🏻！食到刺身本身嘅味道🤤🤤～食到入口即溶嘅感覺！真係超級推介🤟🏻🤟🏻😝！！！🍽宮崎牛壽喜燒單係個賣相已

相信唔少人聽到蘭桂坊三個字首先諗到系飲酒🥂，其實位於蘭桂坊嘅加州大廈食肆雲集🍽️，臥虎藏龍，各有特色，系想搵fine dining嘅好選擇。今次同朋友一試日式佳餚FUMI，一入門就系開陽嘅落地玻璃，日間採光相信更佳。餐廳內裝修走日本和風風格，巧妙運用和服、和柄圖案、日式屏風等作為牆身和間隔，讓人仿似置身日本一樣🎏。見到不俗的裝修，以為系“超豪”價格？睇返menu，有不少貼地嘅選擇，而且菜式新穎，除了廚師發辦、懷石料理，還因應季節，推出應季tasting menu，當然食客單點菜單亦選擇良多。眼花繚亂之際，侍應非常體貼有禮，為我們逐一推介，不愁花多眼亂👀。▶️北海道松葉蟹肉汲上湯葉海膽🦀($198)非常精緻的前菜，鮮腐竹索滿上湯，中間混和了松葉蟹肉，再加上海膽和三文魚子增添鮮味，入口口感多元。▶️北海道松葉蟹肉甲羅燒 配 法包 🦀($148)裝滿蟹膏的松葉蟹蓋，再鋪滿鮮甜的蟹肉和蟹籽，燒一燒後，蟹味撲鼻而來。伴碟系香脆多士，將蟹膏鋪在多士上，入口鹹香酥脆，層次豐富，好滿足！價錢方面同坊間一般日本餐廳無異，性價比高！▶️精選手握壽司拼盤六貫🍣($368)由吞拿魚腩、真鯛、油甘魚、甜蝦、金目鯛及鯖魚

💡高質日本餐廳新一年，就緊係搵一間高質餐廳慶祝下，去蘭桂芳唔係整係得酒BAR，今次就去左位於中環加州大廈的 Fumi ，餐廳主打傳統同創新嘅日本料理，裝修好和風，座位十分舒適，岩曬慢慢係到chill❤️🍽特上手握壽司拼盤 (12件) 🍣拼盤有鮮吞拿魚腩 ，海膽及是日推介10款，當中包括真鯛、深海池魚、鯖魚、炙燒金目鯛、牡丹蝦、拖羅等等，店員好好咁講解食的次序，壽司好新鮮爽口，海膽好creamy，拖羅味道鮮甜，牡丹蝦就好彈牙。🍽北海道松葉蟹肉甲羅配法包🦀🥖第一次用松葉蟹配法包咁樣食法，用上柔軟細緻的蟹肉、蟹膏及蟹籽混埋一齊，就咁食已經好濃郁，混和後塗在脆卜卜法包上，更加滋味。🍽Fumi 特色太卷是餐廳其一招牌款式，就咁睇以為同普通壽司卷一樣咁，但其實有海膽、蟹肉、帶子、三文魚子及芝士，整係食材都已經唔同，而且食材好新鮮，口感好豐富👍🏻🍽高知縣四萬十川鰻魚蒲燒🐠 整係睇個名就知幾有霸氣，所選用嘅係高知縣四萬十川鰻魚，係當地其中一款馳名美食。由於用上炭火慢烤，所以等的時間會較耐，但食落去又真係有陣炭香味，而且燒到好脆口，肉質鮮嫩得黎但又幾厚肉，醬汁甜度不高，岩岩好😋🍽宮崎無添加健康豚肉涮涮鍋🐷

點樣食推介✨⭐️精緻日本料理⭐️⭐️中環日本菜⭐️FUMI 地址：中環德己立街30-32號加州大廈6樓🍖北海道松葉蟹肉汲上湯葉海膽配高湯茨汁 $198 (7/10)賣相💯嘅前菜，同時食到松葉蟹肉，海膽同三文魚籽嘅鮮味，配搭新鮮有咬口嘅豆皮同淡淡嘅高湯，係個清爽嘅appetizer🍖日本生蠔海鮮他他 $148 (7.5/10)切碎嘅生蠔粒配上各款魚生：赤身、甜蝦、帆立貝、油甘魚、三文魚籽同海膽，酸汁更加帶出海鮮嘅甜味，鮮味十足💓🍖特上手握壽司拼盤 (12件) $688 (7.5/10)有大拖、劍魚腩、中拖、鯖魚、深海池魚、鯛魚、白蝦、火炙金目鯛、帆立貝、牡丹蝦、左口魚邊同海膽，魚生全部都冇筋，飯粒夠酸身但飯嘅份量偏少🍖磯燒鮑魚 $78/隻 (7.8/10)燒得夠入味😆，鮑魚新鮮入口唔會韌🍖日本免治雞棒 $78 (6.8/10)有溫泉蛋可以點🙌🏻🍖雜錦海蝦天婦羅拼盤 $268 (7/10)炸衣夠脆身，過到天婦羅嘅口癮🍖FUMI炸雞 $108 (7/10)夠大份，炸得好脆-回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️

🎏重要的節日慶祝，精心挑選了一間日本菜餐廳😋 今晚到訪位於中環加州大廈的<Fumi> ，歎一頓高質素日式料理。餐廳環境由室內至室外有著濃郁日式風格。座位十分舒適，美味佳餚與服務友善，令人留下美好印象-所有食物賣相都相當精緻💯🔸 北海道松葉蟹肉汲上湯葉海膽配高湯茨汁 厚厚的海膽層十分吸晴，配上肉質鮮嫩的蟹肉，每一口都鮮甜無比；而底層配充滿豆香滑嫩的腐皮，加上咸香的蟹子，味道充滿層次感➖🔸北海道松葉蟹肉甲羅配法包 柔軟細緻的蟹肉與滑溜豐腴的蟹膏，混和後塗在法包上，鮮味爆燈➖ 🔸Fumi 特色太卷 是餐廳其一招牌款式。卷物賣相飽滿，用上新鮮食材，有海膽、蟹肉、帶子、三文魚子及芝士，都是令人難忘的濃郁滋味➖🔸慢烤宮崎牛西冷配壽喜燒汁伴溫泉選用上乘嘅宮崎牛慢烤，保持肉質鮮嫩，牛味香濃卻不帶半點肥膩感。西冷配上甘甜的壽喜燒汁及薰點滑嫩的蛋汁提升味道➖🔸高知縣四萬十川鰻魚蒲燒 鰻魚是四萬十川其中一款馳名美食。今天可以有幸品嚐到，實在太幸福了。這份蒲燒鰻魚的味道比平常接觸到的風味較不同。慢烤致表層炭香十足，口感緊緻、鮮美厚實 ；醬汁甜度不高，不會蓋過魚的鮮香➖🔸特上刺身丼 豐富的刺身