Flames (鴻圖道)

營業中

休息中

星期五又同朋友嚟到觀塘鴻圖道「Flames」食下嘢飲下嘢，過個Happy Friday先！*此餐廳收取加一服務費。10安士肉眼扒配忌廉薯蓉（單點$268），五成熟，肉眼扒肉質嫩滑、帶有筋位，食落有咬口，配以牛扒汁食用，食落好Juicy，忌廉薯蓉口感幼滑，食落黑松露、忌廉、牛油味道濃郁。巴馬臣芝士香烤粟米（單點$58），烤粟米味道清甜，食落帶有炭燒香味，配以巴馬臣芝士食用，食落好惹味。黑松露薯條（單點$58），薯條即叫即炸，表面鋪有黑松露，食落好香口，配以番茄醬食用，味道更佳。Flames Lemonade （單點$68），採用士多啤梨、芒果、迷迭香製作，飲落好清新，略嫌芒果味道欠奉。

今日嚟到Flames 位於觀塘鴻圖道嘅分店，好彩友人一早訂定位，唔係嘅話就肯定會撲空😂星期五晚上啱哂嚟優雅嘅高質餐廳chill 番晚放鬆一下😆🥂無論係一家大小嘅家庭聚會定係兩小口嘅甜蜜約會，Flames 都係一可好選擇😆pasta 、 steak 、pizza 、appetiser等等都有齊，花多眼亂，下次都再搵多啲人嚟先可以試多幾款🤗🤗10安士肉眼扒配忌廉薯蓉7成熟嘅肉眼扒煎得剛剛好，切落去仲帶微微粉紅色而肉質唔會過份老。牛扒🥩只用上簡單胡椒鹽調味已經好好味😋而且食落仲帶少少炭燒嘅香氣👍🏻忌廉薯蓉相當綿滑而且奶香感濃厚突出香煎照燒汁橙鯛魚柳 鯛魚柳相當大條😲外層裹上了蛋液，魚柳外層仲帶微微脆口嘅口感，甜甜地嘅照燒汁塗滿整塊魚柳，芝麻油烤蔬菜🥬都好好味，一樣都帶微微炭香氣

朋友book咗呢間餐廳食下午茶同傾計，地點離地鐵站有啲遠，不過裝飾係幾靚，打卡同傾計都適合。我哋最後喺呢度請職員幫我哋合照。室外嘅座位都有佈置，可以帶埋寵物嚟餐廳。我哋嚟到已經過咗四點，得返好少選擇，我朋友又食咗lunch，近佢剩係飲杯嘢，得返我一個人食，揀咗呢個香辣蒜片欖油大蝦意粉(走辣)，質素ok呀，份量亦滿意。大家share一個甜品，黑糖麻薯泰奶茶牛角包窩芙，唔知係咪cream係奶茶味，黑糖麻薯幾好味。泰式奶茶

難得可以同男朋友星期六晚拍個拖，又過下鋸扒癮，去到觀塘呢間好啱feel嘅餐廳，嘢食高質環境又啱打卡，bookmark定下次拍拖去啦！8安士紐西蘭肉眼扒燒大蝦配薯條厚厚嘅Medium嘅肉眼扒熟度啱啱好，肉眼牛扒高質夠腍又唔多筋，燒大蝦蝦肉結實彈牙，加埋牛扒必配嘅香脆薯條，滿足我嘅鋸扒癮～慢煮雞胸車厘茄香草醬扁意粉以為雞胸就係無味兼肉柴？nonono～呢個慢煮雞胸肉質嫰滑，加埋開胃車厘茄同香草醬，想keep fit嘅女生們可盡情食！Peach Sparkling Lemonade去到間咁啱feel嘅餐廳，當然要飲返杯！Peach Sparkling Lemonade入口好fresh，味道清新啱晒夏天飲，果味香甜酒味唔算太濃。Wild Oba Calamansi入面有White rum、紫蘇、金桔汁等，香味好獨特，加埋少少青檸汁，口味層次好豐富！

Weekend我地一家三口通常都會搵下好野食chill下 食飽飽就會出發去玩上星期去左間澳洲式西餐廳 環境舒服之餘 食物質素好 佢地既weekend menu選擇多又抵食 仲要有kids menu提供 真係好岩我地呢d寶媽一家大細去 我地叫左2個brunch set 1個兒童餐 份量亦好足燒大蝦三文魚籽龍蝦汁扁意粉個香濃龍蝦汁係靈魂 配埋扁意粉好夾 扁意粉唔會過軟或過硬 大蝦新鮮彈牙 配埋三文魚籽 賣相靚之餘亦增添左唔少口感 新鮮黑松露蘑菇薄餅 熱辣辣即叫即製 用新鮮既黑松露蘑菇作為主要配料 一上檯已經聞到陣陣松露香 配埋芝士 香濃惹味 薄餅皮口感香脆可口 encore左好多塊兒童餐Fish & Chips唔好以為兒童餐就細細份 我一開始以為佢上錯左俾我 原來kids menu都好大份 炸魚同薯條都係新鮮炸起 阿仔食到lam lam利 個餐仲跟左杯果汁 完全照顧到帶住小朋友黎既family醫飽肚我地就出發去玩啦!

餐廳裝修型格, 有一個開放式吧檯，可以見到bar tender喺度調酒，特別有情調, 我收工泥呢度relex唔止一次㗎喇, 呢度坐得好舒服, 店員仲好有禮貌，性價比高, 值得推介.-新鮮黑松露蘑菇扁意粉 $138.0扁意粉軟硬適中, 又有咬口, 陣陣黑松露清香, 配上鹹香嘅芝士及蘑菇 ，扁意粉吸收曬所有材料嘅精華, 真係食到停唔到口-意式辣肉腸薄餅 $158.0辣沙樂美腸，羅勒岡葉，聖馬札諾蕃茄，馬蘇尼拉芝士，配埋意大利辣肉腸醬，不同材料製成的, 口感香脆的薄餅，多重層次，風味濃厚-炸魚薯條配他他醬 $158.0脆炸魚柳, 超給大件, 外脆內軟, 魚柳鮮嫩肉滑,配埋香脆薯條，薯條不會軟淋淋，十分惹味，可口

Flames • 觀塘今日同朋友嚟到呢間算係比較熱門嘅西式餐廳食飯，之前我都食過幾次覺得唔錯，感覺係朋友聚會嘅一個好選擇。餐廳入邊仲有一啲環形梳化嘅圓枱，如果一家人嚟食可以坐得舒服好多。😆..✅ 海鮮香草茄醬薄餅 🍕 $188海鮮有煙三文魚、鮮蝦同埋魷魚，每一塊上面都有大大塊煙三文魚，蝦都大大隻，食嘅就係豪氣。蕃茄醬淡淡的，普通襯托芝士同埋海鮮嘅味道。😙.✅ 蟹肉巴馬臣芝士蕃茄忌廉汁意粉 🍝 $158我上次光顧都有叫呢一道菜式，因為覺得配搭幾好，忌廉汁增加奶香和滑溜口感，加少少蕃茄酸酸味道調味，而且上面蟹肉份量幾豐富，個人推薦比大家。😙

Weekend Brunch性價比高 環境好靚好chill 推薦大家嚟試✨蟹肉巴馬臣芝士番茄忌廉汁通粉 $158推介呢款比大家😍超多蟹肉！長通粉煮得啱啱好💕番茄忌廉汁又唔會太膩 酸酸甜甜好開胃 仲有芝士😍好滿足！香煎照燒鯛魚柳 $138呢個似係炸魚柳，外層脆脆的，內裏肉質都juicy🙈個人認為照燒汁可以另上分開點汁✨加$15有沙律🥗加$18有咖啡☕️沙律菜好新鮮～入面仲有呑拿魚✨Latte同Cappuccino都幾好飲💖

約左觀塘返工嘅朋友食dinner,朋友介紹左一間係佢公司附近嘅靚靚西餐廳【Flames】🍽️餐廳以淺木色為主調，環境開揚，岩晒情侶或三五知己係到聚一聚香煎半熟吞拿魚車厘茄沙律 $138半熟吞拿魚有4大片，食到吞拿魚嘅甘香，最突出嘅係青檸青瓜薄荷汁，味道清新青香，加上爽甜嘅車厘茄，十分開胃新鮮黑松露蘑菇扁意粉 $148黑松露香氣十分濃郁，除左蘑菇片之外，新鮮黑松露片令味道更添層次，意粉煮得軟硬適中，同時索盡creamy嘅醬汁👍🏻夏威夷薄餅 $148呢個pizza超級真材實料😍😍餅底有滿滿嘅火腿，絕不吝嗇，而且用上新鮮菠蘿配搭蕃茄醬，酸酸甜甜中和油膩感，加上脆口嘅批底令薄餅非常滋味

Pizza 手工制 傳統好味道仲有牛扒+158 5 成熟 好味👍 二人餐788x 30%off +158+野飲68 買一送一 連加1 $9xx 環境ok 音樂興快大聲 傾計都岩既唔會比人偷聽到 都不失一個優點

呢間觀塘區嘅朋友必須save低，放工揀呢間餐廳，環境氣氛好之餘，食物都很不錯～～💡Beef Cheek Linguine $148平時唔會點紅酒汁嘅意粉覺得太酸，但朋友力推我試，一試就覺得味道恰到好處，應該冇用我平時好討厭嘅罐茄膏味。牛頰肉非常軟腍，牛肉味又夠，調味都有，鹹淡適中。💡Nduja Pizza $ 158呢間嘅pizza係幾多人讚，我連pizza邊邊嘅皮都會食埋，係有少少麵包嘅甜。上面唔只辣肉腸，仲有意大利辣肉腸醬，辣辣地好開胃，芝士仲要拉鬼絲。💡Fish & Chips $158炸魚炸得香脆，淡淡魚香，配上他他醬。薯條連皮炸，炸得剛好，唔會油淋淋。

依間餐廳有4間分店，今次經過觀塘就試吓鴻圖道依間分店～叫咗依三款都係chief recommendation～🔸香辣炸雞炸雞新鮮炸起，炸粉唔厚，幾香脆👍🏻啖啖肉幾juicy ~ 😋微辣，我諗只係得bb辣～🔸夏威夷薄餅超足料，菠蘿同火腿勁大片👍🏻係用巴馬火腿鋪滿整個Pizza🍕～咬落啖啖都係料，餅皮薄脆但又唔會乾，好味🤤🔸紅酒燴牛面肉草菇意粉牛面肉好香牛味，🫢大大嚿但又炆得好腍～扁意粉掛滿醬汁～調味啱啱好，唔油膩👍🏻正依間餐廳整體環境好舒服😌氣氛又好，難怪星期六晚都咁多人嚟食～份量都幾多，兩個人食依三樣嘢都勁飽～見佢都有happy hour🍻，下次可以同朋友嚟chill 下～

今次嚟到觀塘分店食午餐，環境和上次晚餐不同，晚餐有夜景又有情調，午餐有自來光好chill，餐枱放得好特別亦有梳化位，星期六都好多人嚟食，應該平時更多人炸魚薯條配他他醬炸魚好大條，炸得好香脆，啖啖肉，配理他他醬食有另一個口感，下面嗰層全部都係薯條，成個set份量都真係好多，鍾意食炸嘢嘅朋友不要放過 😊黑松露醬蘑菇牛肉漢堡配薯條牛肉漢堡好重牛肉味，牛肉好厚好大塊，煎得好香，裏面有幾片黑松露，松露味都好突出和新鮮，配埋其他生菜，蕃茄和酸瓜，成個漢堡好大個，口感一流 🤩，仲有粗薯條配搭，夠哂飽 自家製甜品 另外加咗自家製甜品 chocolate mousse，個 mousse 好軟熟，入口即溶嘅感覺，甜度適中，仲有士多啤梨和藍梅襯托，好完滿嘅結尾

最近去咗觀塘鴻圖道「Flames」食個簡簡單單嘅晚飯，Order兩個Main course兩個人一齊Share嚟食便足矣。*此餐廳收取加一服務費。葡式香辣燒春雞配薯條或烤蔬菜（單點$248），燒春雞雞皮口感香脆，雞脾肉質嫩滑，食落好Juicy，雞胸部份食落啖啖肉，略嫌肉質比較乾身，配以葡式香辣汁食用，食落好惹味，烤蔬菜包括有甘筍、珍珠筍、椰菜花、西蘭花、馬鈴薯。卡邦尼薄餅（單點$168），表面鋪有鵪鶉蛋，流心效果突出，意式煙肉味道鹹香，採用意大利奶酪芝士、巴馬臣芝士、馬蘇里拉芝士，三重芝士味道，略嫌忌廉比例較少，Pizza食唔出好Creamy嘅感覺，較難聯想到同卡邦尼有關，批底口感薄身，批邊口感煙韌。朱古力泡沫咖啡（單點$38），咖啡味道濃香，但或因為一開始無攪過，就咁直接飲，咖啡飲落味道偏苦，而最後飲嘅時候，因為朱古力粉已經沉澱曬，所以咖啡飲落味道偏甜。

✲ﾟ*。 ☕觀塘澳洲式西餐廳🍴Weekend去左觀塘呢間西餐廳食brunch座位闊落 環境幾舒服 裝修得幾靚✨仲有戶外嘅位置可以帶埋狗狗嚟食🐶Weekend Menu (附送汽水或茶)▻ 是日餐湯或沙律 (+$15)▻ 升級意式咖啡或果汁 (+$18)▻ 自家製甜品 (+$35)叫左個燒大蝦三文魚籽龍蝦汁扁意粉🦐大蝦好大隻啖啖肉 幾彈牙扁意粉非常掛汁😋另外試左黑松露醬蘑菇牛肉漢堡配薯條🍔漢堡好厚身 加左黑松露醬好惹味🫶🏻估唔到個薯條幾出色😍加+$35有件Double Chocolate Cake唔會太甜 朱古力味幾濃🍫-✨ 燒大蝦三文魚籽龍蝦汁扁意粉 ($158)✨ 黑松露醬蘑菇牛肉漢堡配薯條 ($158)+10% service charge-📍 Flames @flames.hk▫️ 觀塘鴻圖道51號Two Sky Parc地下1號舖▫️ 觀塘海濱道77號海濱匯1樓2號舖▫️ 黃埔花園2期錦桃苑地下G10B號舖▫️ 海灣街25號海灣大廈地下A2號舖-