成日經過都見到呢間珍珠奶茶喺度整緊珍珠 覺得好得意！有唔同口味嘅珍珠😝 夏天真心想每日一杯手搖🥵 去開銅鑼灣又想發掘下新口味就揀咗佢🥳 見到有紫薯鮮奶😍會配埋一款珍珠 我揀咗小芋圓😆我鍾意佢啲丸夠軟糯！ 煙煙韌韌超好味！紫薯同鮮奶好match 唔會好甜😋飲完勁飽肚！中午飽到唔使食飯🥹 黑洞拿鐵黑芝麻珍珠🖤珍珠真係有芝麻味❤️‍🔥 黑芝麻鮮奶都好正🤤我覺得走糖甜度啱啱好😜 中環、石門、大圍都有分店喔🙉經過可以一試～

呢間係我平時去觀塘諗唔到食咩我都會揀佢💖下午茶時間仲有九折優惠✨ 超推薦佢哋嘅手作芋頭鮮奶！特價一杯先$24🤩無加冰🧊滿滿嘅芋泥，芋香十足，唔會好甜，真係超好飲🤤胚芽豆漿先$15🤤好抵飲✨ 我平時最鍾意點就係香葱紫菜手撕雞飯$59‼️全部都係雞腿肉，加埋紫菜真係冇得輸😍 如果驚唔夠飽會加一份特製牛肉，肥瘦適中，好好味✨ 仲有蛋餅$43！出色之作！餅皮外層煎到脆脆的，內裏口感煙韌🥰芋泥肉鬆同熔岩蛋之戀(芝士火腿)都好正今次食芝士火腿，芝士超拉絲，滿足✨ 炸鮮奶、芋泥二文治$48 都係芋泥控最愛💖 酥脆嘅炸餅乾夾住粉香芋泥好滿足 炸鮮奶內餡香甜，一定要趁熱食！如果唔係個脆皮會冧咗🥹 今次仲試埋佢哋嘅新出品 我不是章魚燒 & 明明我不是章魚燒🤣 個樣真係整得好似章魚小丸子🤣但係其實係花枝丸🙉口感好彈牙Juicy！原味同埋明太子味都好味🤩推薦大家試吓🤤

尖沙咀海港城發掘到一間亞洲特色餐廳💖 原來入邊咁靚咁大！semi buffet lunch 好抵食😍 Semi buffet lunch $288/每位 自助沙律吧勁多款選擇🥳韓式、日式、西式、泰式等應有盡有✨味道仲要唔錯👍🏻想要自己DIY都有～中式西式湯都齊全，佢哋嘅豬骨湯好好飲🤤 我特別鍾意日式沙律！隻醬似蜜糖芥茉！好開胃✨ 主菜我哋揀咗 輕煎鱸魚柳 同 香煎豬里脊肉 兩款都好出色✨魚肉好嫩滑，唔會煎到好乾，仲好juicy!!🤤豬肉偏瘦，但一啲都唔鞋，有啲似慢煮嘅口感✨ 最後仲有咖啡飲☺️

今晚喺太古發掘到一間好正嘅日式西餐廳🤩 好近地鐵站！喺康怡北座地下就到 環境裝修好靚，入到去就係好舒服嘅木系設計，店員都好好成日會幫我哋㗎加水♥️ 見到有個好特別嘅沙律Love Strawberry 入邊有士多啤梨、藍莓、紅桑子、紅菜頭、蕃茄仔+沙律菜💖係用沙律醋汁，好清新開胃☺️ 另外超推薦一款意粉！扇貝明太子意大利麵 超級creamy!! 每一啖都奶香十足😍意大利麵嘅粗幼度介乎天使麵同普通意粉嘅中間，掛汁度100分💖兩大粒扇貝咬落好Juicy🤤不過魷魚🦑煮得有啲硬 香烤比目魚扒 好正有兩大塊比目魚扒，油香十足，肉質好滑💖💖💖 釀海鮮南瓜批 鍾意食南瓜嘅唔好錯過！南瓜仔好香甜，中間仲有薯蓉😍配埋南瓜真係冇得輸🤤 面層有芝士、同埋各種海鮮，不過個人認為上面有啲鹹，下面就very good😜可能係要撈埋食🤣

今次係旺角發掘到一間好食拉麵店🍜 平時我其實麻麻地食拉麵，因為覺得普遍湯底都好鹹偏重口味🥹但今次呢間嘅雞白湯同海老湯都令我好驚艷！唔會好鹹又夠惹味，而且兩種麵質都好正好出色😍💯 海老沾麵 $88 呢個真心惹味得嚟又唔會過咸，濃郁嘅蝦湯，配上佢隻帶小麥粒嘅沾麵，有啲似稻庭烏冬口感，好掛湯好好味😍落單嗰時可以揀冷/熱沾麵，冷麵口感更煙韌呢🤩軟硬度可以揀柔軟！如果唔係又凍又硬就要咬好耐🤣加咗慢煮叉燒好正！極推薦♥️ 雞白湯拉麵 $95 湯麵嘅幼麵又係好出色，揀咗標準軟硬度！口感彈牙💖呢個嘅湯好好飲！唔會好重口味，飲完唔口渴✨呢款係配慢煮雞胸肉，加左叉燒，超豐富🥳 章魚燒 $29 佢哋嘅章魚燒粉漿較多，但係粒粒都整到外脆內軟😝都幾好味～ 燒餃子 $29 餃子外脆內多餡，好juicy，推薦😋 白桃烏龍冷泡茶 $20 有美白作用嘅冷泡茶🥳

月肝肝鰻魚丼 $148 鰻魚、鵝肝、黑松露、炸蔥絲 本身仲加咗$5要芝士蟹籽醬，但其實唔需要加都OK，本身鰻魚汁已經好夠味！ 鰻魚厚肉彈牙，唔會好腍，不過我鍾意軟滑啲嘅口感🤣鵝肝細細舊上面配埋黑松露！成個飯即刻高級左😆 激突三文魚丼 $148 三文魚、三文魚腩、三文魚子、甜蝦、帶子 鍾意三文魚唔好錯過呢款！超滿足😍 三文魚新鮮分量足，配埋芝士蟹籽醬好惹味🤩 除咗丼飯之外，超推薦焦糖三文魚卷$68 滿足味覺同視覺享受😎上枱店員用火槍燒一燒，火焰可以維持一陣🔥夠晒時間打卡🙉 味道非常不錯！上邊有焦糖脆脆口味，出奇地同壽司好夾🥰

值得下次回訪嘅餐廳，份量幾大，適合三五知己一齊嚟食♥️可以share唔同菜式🙉 慢煮醬燒牛肋骨 $308 出面成日都食醬燒豬肋骨，今次見到有牛肋骨😳心諗慢煮應該唔會韌🤩果然不負所望，好軟腍，好好味😍佢隻醬唔會太甜/太咸，調得啱啱好👍🏻好推介喔💖 烤豬腩青豆西洋菜蓉意大利飯 $188 呢款我淨係睇餐牌張相已經好吸引到我，今晚點嘅都無伏！意大利飯好creamy好正，口感軟硬適中，重點豬腩肉好食！外層好香脆，內裡好juicy😍 忌廉菠菜 $68 忌廉汁奶香十足，濃稠度剛好，每條菜都可以掛到汁🤩菠菜好新鮮，唔會煮得太淋👍🏻👍🏻

食完感覺好高質！好有返左韓國嘅味道🇰🇷 落單後會有3款前菜，泡菜、豆芽、魚糕✨ 海鮮煎餅 $149 呢個煎餅好出色啊😍勁足料好多魷魚🦑每啖都脆卜卜！外脆內軟好正❤️‍🔥 韓式牛肉石鍋飯 $120 好難出錯嘅石鍋拌飯😆每啖都係韓國嘅味道🙉份量好多🤩加埋前菜魚糕別有一番風味🔥 韓式豬手&五花肉 $318 豬手同五花肉我覺得整得比我係韓國食嘅好味❤️‍🔥熱辣辣上枱，好腍好好食！調味剛好，豬手五花肉可以雙拼，唔洗選擇困難，兩個都必食😍

有時諗唔到食咩就會想食車仔麵，自己揀餸同麵，食完特別滿足❤️‍🔥 食唔到辣嘅我就食咗碗經典車仔麵，揀咗紫菜、墨魚丸、牛腩、牛筋！配出邊比較少有得揀嘅薯粉🤤豬骨湯底加腩汁好味！紫菜索湯👍🏻墨丸都好彈牙😆牛筋軟糯唔硬，牛腩都好入味～ 酸辣粉👦🏻揀咗BB辣，有少少麻，但好食嘅😆配埋雞翼、魚皮餃、魚肉春卷、芝士腸好豐富喔！雞翼、魚肉春卷我食咗都幾好食😋 跟餐一人加咗一罐無添加椰子水🥥食完飲番啖超舒服✨

今日星期日過嚟食brunch set 見到Menu點brunch會free kid meal!! 唔怪得咁多小朋友過嚟食😜假日過嚟chill下好正喔✨ 我哋點咗兩個Brunch🍽️ 加左杯latte($18)同沙律($15) 沙律菜好新鮮！一人份量，配有柚子醋汁，好開胃🥗Latte都好好飲，咖啡豆不錯✨ 蟹肉巴馬臣芝士蕃茄忌廉汁通粉$158 呢個長通粉好正！超多蟹肉😍芝士味濃郁🤤加埋蕃茄酸酸甜甜好出色💯✨ 新鮮黑松露蘑菇薄餅 $168 鍾意黑松露唔好錯過，好濃郁嘅黑松露味配磨菇，熱辣辣新鮮出爐🤩面頭有新鮮黑松露片，中間醬汁係意大利奶酪芝士忌廉+馬蘇里拉芝士，勁滿足❤️‍🔥 pizza好薄唔會好飽滯，側邊嘅皮好有麵粉香，外脆內帶少許靭性，好好味🤤