Espresso Alchemy (海港城港威商場)

營業中

休息中

海港城除了shopping 之外，其實仲有一間性價比高的cafe, 就是Espresso Alchemy，每次shopping 完就必定會到呢間歎番下。餐廳環境時尚，打卡位又多， 圓拱形設計感舒適， 而且座位又舒服，價錢合理。「青醬雞排沙律 」大大份，沙律菜又新鮮，雞肉嫩腍 ， 百吃不膩，健康又高質營養，健康及減肥恩物。最新推出「Tacos with hot sauce 」肉絲香口， 餡料滿滿， 餅底麥味香濃，加上hot sauce 更添味道層次。甜品我愛「 藍莓蛋糕 」香甜又美味， 蛋糕鬆化， 配料有粒粒藍莓及合桃，值得一試。 「Sparking Black」 口感清爽，咖啡有果香，夏日炎熱， 解渴一流。「Citron Vodka」 入口甜甜香香， 非常順喉， 後感帶微的酒精，超爽。

今晚太掛住佢地嘅青醬雞肉長通粉所以結果又黎左食XD青醬雞肉長通粉，水準依然KEEP 到，雞肉依然相當軟嫩。香煎虎蝦配蘆筍辣蕃茄汁意粉就係我女朋友食嘅，大大隻嘅虎蝦，再加上綠油油嘅蘆筍，睇見都覺得好吸引。甜品我地每人都叫左一個，我就簡左藍莓蛋糕，蛋糕好軟熟而且有淡淡嘅藍莓香味，蛋糕仲有D 合桃令層次更分明，而令一個甜品就係西多士伴鮮果漿雪糕配楓糖漿，西多士中間有鮮果漿做餡。熱朱古力就係我地兩個人SHARE 嘅，香濃得黎仲好滑，如果唔係趕時間走一定會坐喺度慢慢嘆。

呢間餐廳係miramall就食得多，係harbour city嘅分店我都係第一次試！餐廳裝修好有風格！拱門設計同光猛燈光都坐得好舒適，好適合打卡！入座前店員都好有禮貌講解嗌野食同唔嗌野食齋飲分別嘅用餐時間！青醬雞肉忌廉長通粉 $97青醬加上忌廉非常香，而且非常滑！雞肉嘅質素令我好深刻！分量多食極都食唔晒之外，雞肉絕對冇諧霎霎嘅感覺！非常嫩！檸檬汁烤雞煙肉意大利三文治 $69唔知做乜琴日真係好想食雞，所以又叫多咗一個雞肉嘅主菜！panini微微燶燶地非常香口，有雞肉有煙肉啱晒食肉獸！西多士伴鮮漿果雪糕配自家製焦糖醬 $69幾有驚喜嘅一個甜品！西多即叫即整、外脆內軟，中間加咗士多啤梨醬都幾特別，鍾唔鍾意呢個配搭真係見仁見智😂配埋個雲呢拿雪糕同埋伴碟嘅士多啤梨同埋藍莓真係錦上添花！最後同友人咗杯iced latte同iced matcha latte，嚟到嘅時候奶啡分明，慢慢用飲筒攪勻佢心靈感到好自癒！咖啡非常香！非常出色！

每次去海港城shopping 完，都會嚟呢間cafe飲杯咖啡坐下同朋友吹下水，交流下啲戰利品，今日又再嚟啦！餐廳打卡地標拱門設計，好多人都為呢個拱門嚟打卡✨Flat white 呢間咖啡嘅Flat white比例、口感我都好鐘意！第一口微香奶泡，細幼嘅奶泡綿綿濃密，之後滲出香濃咖啡✨Mocha朱古力味香醇濃郁，咖啡味慢慢滲出，微微奶香與咖啡完美融合，最岩唔鐘意咖啡酸、苦嘅朋友飲✨Risotto - Mushroom cheese 上面薄薄芝士攪勻黑松露意大利飯，仲可以輕輕拉絲，飯質偏硬似傳統意大利飯，入口有口感， 黑松露味非常香濃，值得一試！✨French Toast西多士 可以揀楓糖醬或焦糖醬，今次試楓糖醬食落甜甜，微微脆香✨Tacos極推！呢間餐廳食過3 次，次次都必點烤過嘅肉配外層薄薄墨士哥薄餅，入面芫荽同洋蔥作調味，鐘意嘅仲可加辣醬，味道非常香濃！

呢間 咖啡店經常帶客來，無論環境，坐位都比較舒適，可慢慢傾。隨了鐘意嚟度嘅咖啡外，還喜歡食物，最近好似有新菜式，於是乎到來試吓。牛油果多士沙律牛油果配蕃茄，顏色好美。麵包多士烤得脆脆有口感。墨西哥夾餅配慢煮豬肉慢煮豬肉份量不少，肉質不嚡口。沙沙醬和青檸汁的配搭，酸酸地好開胃。夾餅質感是軟綿的。整體來說有新鮮感。香蕉蛋糕呢間咖啡店的香蕉蛋糕我好喜歡。香蕉味道顯著。Cappuccino 最後一杯咖啡當然不少得。

仲有 10 日中秋節喇 !!!趁著小朋友返了學就約了友人到海港城食個晏再去拎月餅Espresso Alchemy 除了美麗華商場店海港城也有分店，純白色裝潢，空間寬闊，環境舒適靠窗的圓拱形靚靚打卡位好受歡迎的 ~~11:30AM - 2:30PM 有多款 lunch set 提供儍媽點了份 ... 厚切意大利煙肉配卡邦尼意粉 (HK$97)午餐包了杯 regular size Single Origin Brew Coffee意粉沾滿香濃又 creamy 的芝士蛋黃醬再配上厚切意大利煙肉，咸香濃郁，啖啖肉好滿足飲奶啡就要 +HK$10但是這日不太夠瞓，極需一杯香濃的黑咖啡提提神巴西的 fruity 咖啡豆，飲到果酸和花香味，飲起來較清爽友人冇咩胃口，只點了支解渴消暑的 ... 冷泡雲南滇紅茶 (HK$63)儍媽好貼心的加配了件 Homemade Loaf Cakes (HK$+31) 一起分享可以揀藍莓合桃蛋糕、香蕉蛋糕或咖啡合桃蛋糕儍媽揀了 ... 藍莓合桃蛋糕蛋糕烘暖才上枱，很香牛油味蛋糕面有很多合核，食起來軟綿又有酥脆口感，甜度不太高裡面仲有大大粒藍莓，加上莓果香，味道更豐富，很

放假約左呀媽黎海港城行街🛍梗係要食飽啲先夠戰鬥力啦💪🏻💪🏻💪🏻見到呢間coffee shop環境幾舒服, 裝修幾靚媽咪又鍾意飲咖啡即刻二話不說 走去試下啦☺️☺️lunch set 好多選擇呀! 選擇困難症既我, 樣樣都想試!我地嗌左2 個lunch sets + 一件homemade 蛋糕🍰Set 已經包左一杯Single Origin Brew, 抵呀!+$10 仲可以轉某啲餐牌入面既飲品首先黎既係飲品*️⃣Regular Size Single Origin Brew Coffee ☕️我媽對咖啡都有啲要求嫁，但佢一飲就話「唔錯喎！幾夠香濃，仲有啲回甘！」我自己就唔飲咖啡既，所以無試到*️⃣Honey Earl Grey Latte我無諗過原來會咁樣上，好靚呀！呢個好Instagramable! 外貌協會既我，覺得已經加曬分！味道都好好，Honey 同Earl Grey 個Balance 都幾好!然後無幾耐，2 個Mains 就到左!*️⃣Mushroom Cream, Black Truffle Sauce and Parmesan Cheese Risotto忌廉黑松露醬配雜菌芝士意大利飯呢個

星期日上午出街攞月餅，順便飲杯咖啡及食晏，因為在海港城附近就揀了 Espresso Alchemy，位於廣場出入口，光猛開陽有悠閒舒適嘅環境，欣賞佢咖啡講究，咖啡豆自家選擇及自家炒，每次我都飲黑咖啡。很香、唔酸，飲完之後杯內餘韻極香，水準穩定。未試過呢度啲漢堡包所以試吓，點了烤雞菠蘿漢堡，配檸檬乳酪醬及焗薯，分量十足，餡料很厚，成個漢堡需大口吃。有少少雞皮，油脂有助雞肉口感，配菠蘿開胃。另一款香煎虎配蘆筍辣蕃茄汁意粉都好，味道豐富，雖然有芝士但係過強，我唔食芝士嘅都食到，蝦好，煎過，味香。同伴點凍薄荷朱古力，好看的外表像杯雞尾酒，以一片薄荷葉點綴，據說味道可口，朱古力味濃，薄荷味可以強些就好。今日沒有我喜歡的自製合桃蛋糕，香蕉蛋糕不錯。

今日同媽媽一齊去海港城行街，我哋大約10點左右到，由於商場舖頭仲未開晒，所以我哋食咗個豐富早餐先之前見依一間Cafe已經想試，今次叫咗Alchemy 全日早餐，炒蛋多士再加腸仔，牛油果，沙律同埋香蕉蛋糕，最後叫咗兩杯嘢飲-Flat white 同蜜糖伯爵茶鮮奶全日早餐好豐富，有牛角包，煎蛋，蘑菇，蕃茄仔，腸仔，煙肉，薯仔粒，同埋蜜瓜，牛角包好鬆軟，估唔到早餐都有蜜瓜食，食完之後好滿足，同埋已經飽到上心口另外，炒蛋多士再加腸仔，牛油果，沙律，炒蛋都好滑，牛油果好新鮮，估唔到沙律係咁大碟，雖然依個係加嘅，但都好高質，份量都好多雖然香蕉蛋糕睇落去好似冇乜特別，但食落去發現做得好鬆軟同濕潤，又唔會好甜😆Flat white coffee味道都唔錯，好濃味🤏🏻，如果鍾意濃味咖啡，可以試吓😉蜜糖伯爵茶鮮奶，佢用個玻璃樽裝住，感覺好特別，來到都已經聞到伯爵茶香味，飲咗一啖，有一種好清新嘅感覺，如果唔鍾意飲咖啡朋友，都可以試吓😊P.S: 其實cafe 有好多打卡位，大家真係要早啲去，搵個靚位😂

星期日去海港城行街，想食個清新又健康嘅brunch，Espresso Alchemy 絕對係一個好選擇青醬雞胸沙律配檸檬醋醬呢款食品極度推介，雞胸鬆軟入味，青醬帶點酸辣，開胃又好味，而且份量非常多，沙律菜鋪滿整個碟，抵食。牛油果多士配沙律食brunch想清新唔heavy，一大塊香烤多士，配上車厘茄及牛油果，清新健康，沙律菜份量樣滿滿。火雞胸芝士番茄三文治厚厚嘅火雞胸片加上剛剛溶化既芝士，拉絲芝士感覺非常好味，而且飛碟三文治外脆內軟，配合蕃茄和火雞胸，回味無窮。西多士伴鮮漿果雪糕配楓糖漿兩塊厚厚嘅西多士加埋士多啤梨和藍莓伴碟，西多士表面香口，裏面鬆軟，中間搽咗果醬，所以香甜好味，再配上一球雪糕，一冷一熱口感特別。Milk Chocolate極濃郁嘅朱古力面上一個好靚嘅拉花cream，飲落有兩個層次，感覺出色。餐廳嘅裝潢帶點輕奢華風，坐得舒服又感覺輕鬆。

放鬆，放慢，在尖沙咀海港城要放鬆，其實不難，在中港城跟海港城中間的位置就有間ＣＡＦＥ店，半開放式，必須自己到櫃位下單餐牌上的選擇很多，有漢堡，有意粉，有沙律，有夾餅，有甜品飲品的選擇更多，咖啡，茶飲，奶都有很愛他們的櫥窗，放置著非常吸引的烘焙品，ＣＡＦＥ有的都有這個ＣＯＬＤ ＢＲＥＷ ＴＥＡ叫ＣＡＳＣＡＲＡ ＬＡ ＳＯＳＡ＄５６濃濃的茶香，卻又是甘而不澀，冷壓的茶果然比普通的茶更香更保留原味，原來茶都可以冷壓，真的很出色雖然只有一片的煙三文魚，這意大利飯＄１２５的咸香剛好，飯底煙韌不硬，微微的奶香CＲＥＡＭＹ又不膩，好好吃！＄８９的墨西哥夾餅看似簡單，但豐富極的手撕豬肉，加上甜而不辣的紫洋蔥，吊出味道又不臭的番茜，夾在墨西哥夾餅特別清新，嫌不夠開胃？加入店家主動準備的青檸，以及墨國的酸辣汁，好吃！

部腦終於到貨， 去左廣東道拎貨順便跟友人去海港城食個dinner! 朋友揀左呢間espresso 輕食！Milk Chocolate 鮮奶朱古力朋友order左柸朱古力，可可味濃又唔會太甜還有靚靚拉花岩灑女生呢！烤菠蘿雞扒漢堡配檸檬乳酪醬份量幾大，面包外皮很香口，雞扒面層煎得金黃色入面的肉幾嫩滑，菠蘿酸酸甜甜幾醒胃配了帶香草味道的燒雞肉，感覺無咁膩，跟檸檬乳酪很match😋青醬雞肉沙律份量夠大沙律菜算幾多，有我們喜歡又有營養的火煎菜！有車厘茄及蕃茄亁口感鮮甜，慢煮雞肉口感腍身配上檸檬酸甜的青醬汁，好食😋

同朋友行街行到攰攰哋，經過呢間設計幾時尚嘅cafe，一於坐低飲杯嘢又睇睇質素如何▶️Flat white - 朋友話咖啡味道濃郁，亦有牛奶嘅細膩，拉花非常靚 ($39)▶️Earl grey chocolate- 朋友話濃厚嘅伯爵茶味，混入朱古力非常好飲，而連朱古力都拉花題得好有誠意 ($41)▶️Mocha (iced)- 估唔到凍飲都可以做到咖啡同朱古力比例咁好，味道有層次，香醇濃郁 ($47)堂食有限時，用餐的話就90 分鐘，淨飲就60分鐘，對我哋嚟講都夠了。整體而言，咖啡類質素好好，好有誠意，餐牌上都有其他非咖啡類選擇，下次有機會再試吓！

Espresso Alchemy真係好適合夜晚行完海旁之後過嚟，情侶經過休閒嘆茶嘅時候使用。晚餐或者係輕食都係非常好嘅選擇餐廳入邊最出名嘅嘅Cold Brew咖啡以及Cold Brew紅茶好出名，已經係每個人過嚟打卡必食飲嘢推介雲南紅茶香濃可口，冰凍之極，用玻璃杯裝住可以攜帶飲用，或者慢慢倒入冰球上邊，風味十足Cold Brew咖啡選用埃塞俄比亞豆咖啡，味道充滿果實香氣，豐富嘅口感濃郁嘅味道，急凍左之後令你有唔同嘅飲法，非常令人之興奮🥰青醬雞胸肉沙律🥗所有女士或者低卡路里鮮食嘅愛好者！雞胸肉用濃郁可口嘅青醬掩蓋魚，雞胸肉有豐滿飽腹感，味道亦都相當唔錯！新鮮嘅蔬菜、橄欖肉、火箭菜、橄欖油等等，都令到我回味無窮。慢煮手撕豬肉Taco有三大塊Taco, 每個入邊都裝住大量手撕豬肉，非常豐盛嘅感覺！上邊有香草以及切碎嘅洋蔥增加風味，另外食物會有侍應建議你使用墨西哥辣將！依個墨西哥麻將真係非常之出色！少少幾滴已經有足夠嘅辛辣味道！如果你鍾意食辣嘅話，不妨放多啲落去，令到口感風味更加強烈！另外記得要放啲青檸汁最後叫咗一個藍莓合桃蛋糕🍰可以供兩個人分享食用，一邊嘆茶一邊食用呢

朋友話「奧海城」做緊好多消費券購物優惠，約我過嚟購物🛍。先食個早午餐，佢揀咗呢間咖啡店☕️，我哋坐係窗邊，感覺都幾悠閒。我選了：🥓🍳全日早餐$139，☕️泡沫咖啡Cappuccino $38我嘅全日早餐好豐富，裡面有炒蛋、煙肉、香腸、蘑菇、薯仔🥔、哈密瓜及牛角包🥐。炒蛋都幾嫩滑；蘑菇以黑椒粒炒得香口，最令我開心嘅有一件哈密瓜，為我這週日早上餐增添了些甜蜜💕。泡沫咖啡☕️，豐厚細滑嘅牛奶泡沫，令到心形拉花變得可愛，喝一口，好像把這週的工作壓力忘記了🌿。朋友選了：🍔 自家製香草牛肉漢堡伴黑松露沙律醬$119，☕️巧克力咖啡Mocha $40，合桃藍梅蛋糕$31店員説漢堡包係即叫即做，製作需時，所以朋友多點一件合桃藍莓芝士蛋糕🍰。微溫的藍莓芝士蛋糕，口感鬆軟，配以甜蜜的巧克力咖啡，味道好夾。漢堡包🍔好大隻，如同巨無霸一樣😆，表皮烤香的漢堡包，脆脆地，內裏的牛肉漢堡上，有層焗香嘅芝士，加埋生菜🥬、及蕃茄🍅，口感富層次感，朋友話好好味😋。