影片
開飯介紹
本地精品咖啡烘焙品牌開設的咖啡店，從巴西、哥倫比亞、埃塞俄比亞和印度尼西亞直接貿易優質咖啡豆。咖啡之外亦有供應輕食、主食、甜品等。
繼續閱讀
附加資料
不接受訂座
營業時間
今日營業
08:00 - 20:30
星期一至五
08:00 - 20:30
星期六至日
10:00 - 20:30
公眾假期
10:00 - 20:30
以上資料只供參考, 請與餐廳確認詳情
相關文章
之前去過太古坊店同埋美麗華店都覺得唔差，而且啲嘢食都食！今日就同朋友嚟到尖沙咀，提議不如去返呢間Cafe，又可以坐得耐，同埋佢位置喺港威嗰邊，人流唔算太多！青醬雞胸沙律配檸檬酸醬沙律到！眼都凸埋！因為份量真係好大！雞胸肉勁多！檸檬味清新，味帶鹹酸！我哋四個人食啱啱好！芝士菠菜意粉如果鍾意食芝士牛奶嘅人士，應該會勁鍾意呢個意粉，因為佢奶香味好濃，而且芝士亦都好濃厚！意粉一上枱就聞到濃濃嘅奶香同芝士味！烤雞菠蘿漢堡會檸檬乳酪焗薯漢堡包嘅雞肉又係勁多，而且仲搭到好高，切起上嚟有啲難度，但係真係夠晒四個人食！雞扒烤得恰當好處。而且肉汁亦鎖到！加上有大塊塊菠蘿，仲有大大塊生菜，食落去唔會太乾身！French Toast with Salted Carmel 呢個超正！ 麵包整得好腍，入口好軟熟，層次豐富，配合埋雲呢拿雪糕加埋自家製嘅海鹽焦糖醬，超好食！最後叫咗兩件 bread藍莓&青檸表面都焗得好夠脆，內裏都好鬆軟！Flat white奶泡幼細，口感別有特色Homemade Lemonade自家製蜜糖檸檬水Honey Bee (Honey Lime Soda)蜜糖青檸梳打兩者都帶有酸酸甜甜的口感，夠哂清新！
繼續閱讀
今日送陪太太返工，去到尖沙咀，想搵間餐廳一齊食個Lunch先返工，所以就去咗呢間Espresso Alchemy到食Lunch。呢間Espresso Alchemy 坐位都算多同埋好坐，叫完餐就可以坐定定等店員送餐過嚟👍🏻虎蝦車厘茄意大利飯一隻隻虎蝦剝好殼放在飯上邊，勁吸引，蝦肉爽甜唔韌。意大利飯加上車厘茄再配上洋蔥蒜蓉，甜甜哋又辣辣哋，非常開胃😋青醬雞肉忌廉長通粉長通粉煮得剛剛好，唔會太淋或太硬。雞肉軟滑，加上青醬嘅味道，將雞味提升。自家製香蕉蛋糕非常驚喜，香蕉蛋糕外表睇上去好硬，但咬落去口感係非常軟熟，入口即溶嘅感覺👍🏻香味唔會太濃，恰到好處。香蕉蛋糕作為甜品，非常適合，一件已經夠我同太太食。Flat White奶味濃厚，咖啡帶有淡淡果香味，口感清新，好好飲。Mocha咖啡味唔會太濃，不會蓋過咖啡嘅味道，咖啡非常香，如果可以甜多少少，會更加好飲。同太太食完個Lunch，就送佢返公司，食飽飽咁開工係最開心😊
繼續閱讀
今日返晏，拉老公食返個Prefect Breakfast 🍳 位於海港城角位，有間不起眼但好好食又好平嘅咖啡店。✨三文魚牛油果碎蛋蕃茄三文治確實係擺盤擺得非常之靚，三文魚砌成一朵玫瑰花，加上牛油果嘅香軟，蕃茄嘅清爽，鬆脆嘅麵包外皮，成為一份Good Morning 嘅早餐✨菠菜芝士奄列配多士餐廳嘅奄列夠實淨，每食一啖雞蛋，都會品嚐到內在澎湃嘅芝士，加入咗菠菜口感帶多一份清新！✨青醬雞肉忌廉長通粉除咗單點之外，午市套餐就更加抵啦！其實價錢冇變，只係會送一杯single brew或者用11蚊優惠價加配其他飲品。雞肉雖然係雞胸肉，但係佢唔乾唔柴。忌廉夠多，但係又唔會太過膩！調味唔係太重，食開濃味嘅會略覺淡身。✨檸檬蛋糕咁厚身都只係$33，好好好好高CP值，檸檬味道好natural ，堂食仲會焗返熱俾你，邊邊位更帶點脆脆感。✨Americano·Earl grey chocolate餐廳咖啡豆較酸，但餘韻卻又較悠長。幸有伯爵茶嘅中和，朱古力入口唔太甜！
繼續閱讀
2025年1月5日 星期日今日難得周末放假，就同屋企人行下街影下相，悠悠閒閒咁度過，行到攰攰地就去呢間餐廳坐低飲杯野食返個下午茶餐廳人流唔算太多，係商場既開放空間，採光十分足夠，位置都坐得舒適餐牌除咗有咖啡同其他飲品之外，仲有提供唔少主食同甜品，連burger同panini都有，價錢尖沙咀黎講都唔算太貴，於是我哋就每人要左一杯飲品同一份甜品後上，再加一個panini點完餐返到個位等左一陣，飲品就即刻送到，係我要既matcha latte，黎到既時候已經聞到好香抹茶味，上面個拉花整得好靚，飲落去好順滑，而且由於我轉左燕麥奶，所以奶味比較淡，更加突出抹茶嘅味道老婆就要咗牛奶朱古力，朱古力味好濃郁，但係一啲都唔苦，亦唔會太過甜，加埋牛奶令到質感比較順滑食物方面有檸檬汁烤雞煙肉芝士意大利三文治，成個panini都塞滿晒雞肉，塊麵包烤過嚟暖暖哋，口感非常豐富，每一啖都食到嫩滑既雞肉，加埋檸檬汁，食落去完全唔覺得膩甜品方面我哋分別叫咗生酮意式芝士卷同生酮花生醬黑朱古力忌廉卷，冇諗過呢間餐廳都會提供新酮甜品，啱晒鍾意食少甜嘅人士首先呢個生酮意式芝士卷中間有大量意式芝士，味道十分濃郁，但唔會過甜，食完都唔覺得膩，而且個卷蛋好鬆軟至於生酮花生醬黑朱古力忌廉卷，冇諗過花生醬同朱古力都幾配合，食落去有淡淡嘅花生醬味，又食到黑朱古力少少嘅苦，味道幾平衡好似咁樣悠悠閑閑坐低食下飲下都唔錯，咁就渡過咗一個滿足嘅週末
繼續閱讀
去海港城吃東西有不少選擇，但性價比高的不多欵。這家位置挺方便的，就在海港城地下。小清新風格環境舒適，工作日到來人流少一點，可以慢慢坐下來放空一下😎。從尖沙咀地鐵站逛過來，大約5分鐘就會到。-伯爵茶鮮奶巧克力 HKD$43｜宇治抹茶鮮奶 HKD$40點了兩杯熱飲慢慢享受，也是用鮮奶製成的，會有美美的拉花📸。這裡的巧克力飲品選擇多，用伯爵茶的多了份香味，令人一試難忘的感覺。宇治抹茶的顏色較深色 味甘香濃厚。質感順滑奶味香甜，調配比例剛好欵。-Alchemy All Day Breakfast HKD$146顏色吸引又豐富的，這個全日早餐份量十足，食物包括：雞蛋(炒或太陽蛋)、培根、香腸、蘑菇、薯仔及牛角包。選擇了香滑的炒蛋，用了鮮奶一起製作，所以挺香蛋味。薯仔微辣感覺惹味。牛角包包質鬆軟，挺香牛油味。-香煎虎蝦配蘆筍辣蕃茄汁意粉 HKD$131熱辣辣的味真香，平常也喜歡蕃茄美食。虎蝦去殼挺入味，蝦肉大件肉質爽口彈牙。意粉質感煙韌，每一條也沾滿醬汁。醬汁味道微辣，吃完這個挺飽肚的感覺。-
繼續閱讀
您可能會有興趣的...