Cockloft (已結業)

這間咖啡廳裝修非常有格調，從門口一進來就可以感受到它的設計風格, 咖啡廳的位置放了不少綠色植物，讓整個空間更加清新。西班牙墨汁海鮮意大利飯, 非常美味，滿滿的墨汁燉煮著墨魚，青口，蜆，帆立貝等海鮮配料。每個海鮮都保持著其原本的鮮甜口感，再加上濃郁的墨汁調味，每一口都是一股滿滿的滿足感。而意大利飯也非常地入味，每一顆米飯都吸收了墨汁的味道，讓整道菜更加完美。忌廉西蘭花蓉湯，西蘭花蓉湯經過濃郁的燉煮後，成為了一份美味的奶油湯。湯里黏稠的質地配上芬芳的西蘭花，讓人一口接一口停不下來。配上黑炭麵包，滋味十足。

平日中午黎食lunch，一早訂佐位，坐到13:00都見到已經full晒，成間餐廳裝修唔錯既，但上樓既樓梯真係有啲窄，唔係咁好行。叫佐3個set，餐湯係好飲既，蘑菇湯配竹炭麵包做餐包，蘑菇湯飲得出係真係手打既蘑菇蓉，好濃蘑菇味，無咩味精，淡淡地幾好飲，竹炭麵包都唔錯，幾香既👍🏻之後主食黎講，一個係健康啲既，燒豬上肩肉配炒蛋沙律同紫薯蓉，豬上肩肉就略嫌韌佐啲，亦太咸，炒蛋完全唔香唔滑，係沙律菜同紫薯蓉叫做夠新鮮🙃另一個係紅酒煮羊膝，呢個煮得幾入味，羊肉好腍，都幾大舊，但就騷佐啲，唔食得騷味既朋友真係唔好試🤫最後一個係卡邦尼雲吞，呢個真係整得唔錯既，幾濃忌廉芝士味，醬汁既煙肉都多，雲吞餡料都多芝士，幾creamy😌但重點係呢間餐廳上菜係好好好慢，真係超慢，我12:50左右落單，第三個主人食要13:40左右先黎到，等佐真係好耐，同埋另一個問係餐牌明明寫drink and dessert，點信餐廳竟然話原來呢個叫統稱，係唔包甜品既，想要就要另外加錢☹️餐牌上既寫法絕對係誤導顧客！如果中環打工仔趕時間既話lunch絕對絕對唔好黎呢間，真係會等到發火😇

喺中環嘅橫街小巷見到呢間幾寫意嘅西餐廳。店面唔算好大，但係見到可以上去，不過今日暫時坐住下層先。成個裝修好似一間法式小店咁樣感覺令人好舒服，亦都種左植物同埋見到鋼琴上面有唔同嘅啤酒杯，感覺好有藝術氣息。同樣啦，見到人哋叫咩手叫咩實冇死嘅，我哋叫咗: 紅酒燉牛肋條($148): 煮得好腍身，而且牛肋條數量都唔算少，配菜選材嘅質素都好高，紅蘿蔔夠甜而蘑菇都好新鮮。特別在佢哋用咗珍珠小洋蔥(pearl onions)，睇得出佢哋對食材嘅認真，平時出街食其實都唔會用上呢一種食材，其實我自己都係第一次食，識落去好似煮熟咗嘅提子咁樣，不過完全冇洋蔥味嘅。底下再配mashed potato，好香牛油味。慢煮雞胸($128): 好嫩滑，而且真係煮得啱啱好，唔會有筋食落去一咬就可以撕開，但同時肉質唔會好鬆散。配上沙律清新開胃，而且加埋適用花喺上面點綴，真係好精緻。同樣底下有mashed potato，份量剛好。餐湯係veggie soup，厚身同埋blend得好蓉。用餐包伴食感覺好滿足。總結：雖然主食嘅份量望上去唔算好多，但係有薯蓉同埋餐湯其實都已經好夠。好欣賞餐廳喺細節上嘅用心，用料同食材都好認真，

今日同朋友係中環行街，行下行下係蘭桂坊附近嘅巷仔見到一間隱世嘅法國餐廳🇫🇷 入到去，別有洞天😳 竟然有個旋轉樓梯，可以影下相好特別。雖然間餐廳細細間，但裝飾得好有格調。我地今次就沿着樓梯上咗2樓坐，雖然係閣樓，座位都好寬敞，坐得好舒服。聽啲staff推介就叫左，慢煮雞胸同墨汁海鮮意大利飯。首先上左個西蘭花忌廉湯🥦配竹炭法包🥖，法包既竹炭味好特別，而個湯味道天然得黎西蘭花味好出，非常適合注重健康嘅人士！到主菜，慢煮雞胸真係令我好驚喜😋，我平時都會抗拒食雞胸，因為通常都會好乾，但佢嘅雞胸真係好Juicy好滑，真係值得番去再食🤩。另外，個墨汁海鮮意大利飯都好好食，墨汁味濃郁味道，滿滿嘅海鮮味，如果中意食risotto既一定要食！食物啲分量適中，我同朋友兩個人食就岩岩好，不過永遠都有第二個胃俾甜品既！甜品我地就叫左tiramisu tondo🍰，口感好特別，好似雪糕咁，入口即溶好creamy! 其他甜品都好吸引，可惜我地有啲飽食唔到，下次一定要番去再試！😝😝

Cockloft搬咗嚟之後第一次食，食物同環境都令人好滿意白汁三文魚扁意粉($118) - 白汁帶有好香嘅芝士同海鮮味，三文魚同菜份量多，扁意粉好實淨好好咬，汁同粉嘅比例好好，係高質嘅意粉紅酒燉牛肋條($138) - 牛肋條燉到好淋好好咬，肉亦一絲絲，口感好好，紅酒味好出，伴碟嘅薯蓉好滑，配埋蘿蔔同菇好好味，感覺好健康西蘭花湯 - 口感好綿，西蘭花味重，好好味，包亦好熱好脆果茶 - 茶底係檸檬茶嘅味道，加埋好多唔同嘅雜果，味道更香更豐富，亦好解渴Cockloft門口擺咗好多植物，令人心曠神怡一入到去就有條好靚嘅樓梯上上層，牆身都用咗壁畫裝飾，又靚又有藝術氣息望返落地下啲燈飾同植物都好靚，成間餐廳嘅佈置好有心思地下嘅水吧同樣擺滿植物，其他傢俬都好靚，牆身仲有好多好靚嘅畫餐牌簡潔清晰，好多選擇都好吸引店員亦殷勤有禮，成個體驗都好好

依間餐廳勁正，如果唔係朋友帶我嚟食，我都唔會搵到。佢位於中環嘅商業中心，所以我估佢都係啲打工仔客人多。餐廳嘅環境好森系，好多植物算係幾有特色，入到去嘅時候都幾驚訝，會有啲置身外國feel佢仲有個開放式廚房～而且餐廳仲有第二層，好似可以俾人想去開party餐廳價錢以晚市黎講真係一d 都唔貴外賣仲有折！整體來講嘢食幾好味。我揀咗個芝士雲吞意粉。入面有好多種芝士整埋一齊，令到成個味道嘅層次豐富咗，亦都唔會咁單一。甜品我仲叫咗一個檸檬撻，唔單只係外表精緻，適合打卡，而且入邊嘅味道都同佢嘅賣相非常之配：酸酸甜甜咁。約人嚟食飯嘅話，呢一間一定係一個唔錯嘅選擇，特別係同異性嚟食，浪漫得來又好食。

路經一間充滿法式風格小店 ，門外擺放咗好多植物盆栽，而且標榜主打高蛋白低糖食物，就吸引我和朋友入內食晚餐。首先當然有餐湯，今晚係忌廉粟米湯配竹炭麵包，湯好幼滑，有粒粒粟米，加上焗得香脆嘅包一齊食，令人打開胃口。我叫咗法式傳統油封鴨腿 ，賣相精緻，打卡一流 。鴨腿表面炸得極之香脆，但肉質得以保留好多汁 ，夠嫩滑淋身，入口充滿油香，但唔油膩。再有幼滑薯蓉在底，增添食慾，而沙律菜則新鮮清爽，係完美組合。朋友點咗墨汁海鮮意大利飯 ，新鮮花瓣鋪面做裝飾 ，對比深黑色嘅飯，顏色更突出，食落嘅意大利飯 ，粒粒分明，軟硬適中， 咀嚼到裏面有細細粒海鮮粒，配合墨魚汁，相當入味，口感豐富。我哋再加咗20蚊，就有多個茄汁闊條麵，有新鮮蕃茄去焗，當然令到闊條麵充滿番茄香味，飽肚又滿足。餐廳嘅服務細心，又定時更換菜色，我和朋友都會再捧場。

放工去中環食飯，想幫襯下小店，見到有間情調幾好嘅西餐廳，用紫色燈去做主調，好浪漫嘅感覺餐廳有兩層，經過圓形嘅樓梯上咗去第二層，原來七點幾已經好多人幫襯餐廳推介有新菜單，叫咗個卡邦尼意大利雲吞，賣相好吸引，大約有10幾隻雲吞，配上濃郁嘅卡邦尼汁，幼滑細膩，每隻雲吞皮厚度都剛剛好，裏面充滿芝士好濃郁加上配料有煙肉、蘑菇同埋蛋黃，混埋一齊食味道好融合另外仲叫咗個紅酒燉牛肋條，配上薯蓉，紅酒味香濃，配料仲有蘿蔔、洋蔥同蘑菇，牛肋條煮得好軟熟，口感不錯而每個主菜可以加$25就有一個湯、麵包同埋飲品，今晚嘅湯係粟米忌廉湯，湯嘅口感好幼滑，味道香甜，加上粟米粒爽口，同麵包一齊食又有另一番知味輪到最精彩嘅甜品，係新鮮檸檬雪葩，賣相好靚，係打卡之選，用乾冰去營造煙霧嘅效果，令到成件事好夢幻。檸檬嘅尺寸比較大，所以容納好多雪葩，好清新清爽嘅感覺，酸酸地好開胃，充滿新鮮檸檬嘅感覺，為成個晚餐點綴不少餐廳嘅職員全部都好有禮貌，又會講解每個餐點嘅特色，感覺好親切，下次可以試吓呢度嘅午餐，相信唔會令人失望

呢間餐廳朋友食過晏晝話好好食，帶咗我嚟食夜晚！餐廳出邊滿佈植物好可愛！而且見到啲餐巾都係用咗唔同嘅植物做主題！✨煙肉薯仔湯配芝麻包啲湯嚟到嘅時候，熱辣辣仲出煙！而且都幾厚身同埋好香濃薯仔味！芝麻包仲啱啱焗過，所以表皮仲脆！真係好有心機🫶🏻✨Chicken breast in lemon drill béchamel慢煮雞胸肉配薯蓉沙律慢煮雞胸肉真係顛覆咗我對雞肉嘅想像！超級爆多執仲好食過雞腿肉！餐廳職員介紹佢哋廚師係用咗日本醃雞肉方法，而且表皮非常香脆！薯蓉都幾滑✨ Beef goulash呢度菜式嘅牛肋條好林！而且用咗紅酒洋蔥蒜頭做醬汁！牛肋條同埋薯蓉份量都好多！✨挪威三文魚柳配炒蛋 藜麥沙律菜 車厘茄 紫蕃薯(餐湯)炒蛋都幾滑，而且紫番薯冇咩地方有得食！三文魚柳就非常新鮮，而且一啲都唔鞋 ！呢個價錢食到！好抵！✨是日甜品-檸檬批檸檬味幾清新，而且係偏向清甜同埋creamy!

平時去蘭桂坊多數都係飲酒，最近有個friend介紹和安里有間新開法菜，個vibe好chill，而且性價比高，所以跟佢去試吓。門面好吸睛，出邊種咗好多綠色植物，有個好光嘅燈箱招牌。一入到去店面比較細，原來仲有一個旋轉樓梯可以上樓上用膳，上面較private。夜晚dinner set $338 包湯、餐包、前菜、主菜同甜品。粟米湯超濃郁，上面仲有sour cream，包烘得好脆，好啱浸湯食。店員推薦我哋食雞胸，一開始都無expectation，點知一咬落去完全唔係平時雞胸諧霎霎嘅texture，成嚿肉都好腍，好似雞髀肉，好impressive!再配埋特製醬汁同檸檬汁，更加提鮮。另一個主菜叫咗紅酒燉牛肋條，配薯蓉同紅蘿蔔，炆得好腍，啖啖肉。甜品我哋加錢叫咗個coconut sorbet afogato，呢個都係超特別，第一次食到。椰子雪芭融入咗去椰子殼入邊，再臨上熱辣辣嘅咖啡，冰火交融，我同朋友都俾100分！❤️‍🔥

ℂ𝕠𝕔𝕜𝕝𝕠𝕗𝕥 | ℂ𝕖𝕟𝕥𝕣𝕒𝕝店面放左好多綠植，可以話係蘭桂芳嘅城市綠洲，$100多少少仲有埋法式擺盤，可以講係性價比極高嘅lunch set 1️⃣Beef Rib finger in Bourguignon style牛肋條燜得入味香濃，只係用叉拮一拮，已經可以一分為二，同時加入左迷你洋蔥、甘荀、雜菌一齊燜，味道同口感嘅層次都好豐富牛肋條下面有份量唔細嘅薯蓉，打得都算幾creamy，一個人食一碟都好飽最驚喜係擺盤，呢一set只係$138，但廚師都好有心思擺盤，有晒擦碟同食用花👍🏻帶女朋友黎食，女仔一定即刻心花怒放2️⃣Chicken breast in lemon drill bechamel 雞胸煎得外層好香脆，配上檸檬蒔蘿奶油，感覺好清新，同樣配搭薯蓉同有靚花花擺碟每個餐亦都跟左餐湯，今日嘅係薯仔煙肉湯餐廳有分上下兩層，星期六12:30一開門我地入去就唔使排隊，座位寬絡，坐得舒服😌呢個環境、價錢同食物質素，都幾值得再黎支持💰人均價錢：$150❤️回頭指數：80%📍地址：中環和安里6-7號聯安樓地下及閣樓B號舖

今天跟老公中環CHILL一下，LUNCH吃好一點。THE COCKLOFT店內環境寫意，有琴有植物，令人可以放鬆心情，亦特別在有一條迴旋樓梯去上層。樓上樓底不高，但餐枱之間位置充足。幸好有訂位，不然WALK-IN已經沒位置了。LUNCH SET有前菜有湯有沙律，我跟老公點了雞跟牛。前菜的芝士HAM咸香十足，當天的湯是菠菜湯很濃郁，另有一塊麵包可點湯。主菜之一Chicken breast非常有驚喜，相信是慢煮的，嫰滑香口。我不是個愛吃雞胸的人，但都被這道菜吸引著，忍不住要給它一個大讚﹗配菜mashed potato creamy亦夠飽。另一主菜Beef rib嫰口入味，牛肋條煮得軟淋，送飯一流，紅蘿蔔亦很惹味。配的飯亦很特別，不是普通白飯或紅米飯，有一點咬口之餘又不會過硬。這餐廳食物味道不錯，再配上有氣氛的環境，跟朋友聊天聚餐最適合。如果嫌不夠飽還可加甜品跟飲料呢﹗

中環多好野食係人都知，今日女朋友話想帶我去食一間西餐，平時都係我介紹多，今日難得佢咁有興致，就跟佢睇下有咩好西佢帶左我黎呢間「cockloft」，超有氣氛，紫色燈光配上情歌做背景，有啲浪漫唔怪之得咁吸引到女朋友呢到主打西餐，最特別係呢到仲提供高蛋白低碳水餐，真係岩晒啲on diet既朋友，出街食飯都唔洗就住就住今日餐湯係西蘭花忌廉湯配多士，菜味好濃郁，但完全唔會cover左忌廉湯啲味，估唔到又幾夾慢煮雞胸，慢煮得勁軟身，面頭仲輕輕煎過食落好香口，好有心機雞肉調味亦好足，配上醬汁食好濃味紅酒汁煮牛腩，同樣煲到勁淋，咬落唔會一絲絲咁咬唔斷，全部牛肉同紅蘿蔔都索晒啲汁，個汁亦唔會太咸，最後差啲想連啲汁都飲埋

有時收工想出吓去食嘢，之前有朋友食過呢間，話質素唔差，就決定同男朋友一齊去食🤭 一入去已經見到個環境好romantic，暗暗地只係點咗蠟燭，unexpected咁燭光晚餐咗😂Beef rib finger in bourguignon style($138) - 牛肋骨煮得好軟身，加埋紅酒汁真係classic，成個都好有心思咁做到好靚！【Protein Meal 高蛋白低糖】Slow cook chicken breast($98) - 有時想夜晚食少d carbo，呢款variety好多，配炒蛋、藜麥沙律菜、車厘茄同紫蕃薯，即使唔食Carbo都夠哂飽，又可以健康d！仲可以用$20加配蛋白飲品！另外每個set都配埋餐湯，埋單人均都只係$130，喺中環屬抵食之選！

今次我哋揀咗一間主打健康飲食嘅餐廳，話說啲菜式唔單止健康，而且味道都不錯！我哋試左Protein Meal套餐，主食揀左美國豬肩肉，咬落嫩滑，炒蛋好滑，藜麥沙律菜同車厘茄好新鮮，紫蕃薯蓉好特別，色彩鮮艷，令人食慾大開！🍳🍖🥗🍅朋友就揀咗晚市套餐，主食係慢煮檸檬汁雞胸肉真係鮮嫩多汁，慢煮令到雞胸肉質好柔軟，檸檬汁令味道更加清新，而且好大份，又附送餐湯同沙律菜，好豐富嘅一餐！🍗🍋最後，老闆好推薦呢度嘅自家製嘅蛋白飲品，係香港製造嘅，佢話好多熱愛健身嘅客人都會揀，點左套餐可以加錢轉！🍹💪總括而言，呢間餐廳嘅食物質素高，而且又好健康，真係好啱健身人士，下次會帶埋朋友仔過嚟再食👍🏻😋