Cockloft (已結業)

今日同朋友係中環行街，行下行下係蘭桂坊附近嘅巷仔見到一間隱世嘅法國餐廳🇫🇷 入到去，別有洞天😳 竟然有個旋轉樓梯，可以影下相好特別。雖然間餐廳細細間，但裝飾得好有格調。我地今次就沿着樓梯上咗2樓坐，雖然係閣樓，座位都好寬敞，坐得好舒服。聽啲staff推介就叫左，慢煮雞胸同墨汁海鮮意大利飯。首先上左個西蘭花忌廉湯🥦配竹炭法包🥖，法包既竹炭味好特別，而個湯味道天然得黎西蘭花味好出，非常適合注重健康嘅人士！到主菜，慢煮雞胸真係令我好驚喜😋，我平時都會抗拒食雞胸，因為通常都會好乾，但佢嘅雞胸真係好Juicy好滑，真係值得番去再食🤩。另外，個墨汁海鮮意大利飯都好好食，墨汁味濃郁味道，滿滿嘅海鮮味，如果中意食risotto既一定要食！食物啲分量適中，我同朋友兩個人食就岩岩好，不過永遠都有第二個胃俾甜品既！甜品我地就叫左tiramisu tondo🍰，口感好特別，好似雪糕咁，入口即溶好creamy! 其他甜品都好吸引，可惜我地有啲飽食唔到，下次一定要番去再試！😝😝