Chef's Stage Kitchen

營業中

休息中

揭開飢腸轆轆之旅，我今次去咗間舒服夠晒氣派嘅餐廳。初初，熱氣騰騰嘅麵包，啖啖香脆，咬落去滿口幸福感，簡直正到爆燈💥。湯品方面，濃郁得黎唔膩口，仲有推介必試嘅生蠔🦪，每隻新鮮得滑嫩，海水味剛好，鮮甜得嚟絲絲入扣！來到主菜，咋咋聲嘅炭燒豬鞍扒，肉質嫩滑得黎香噴噴，搭配喺旁邊嘅波士頓虎蝦尾，鮮嫩多汁，我一啖一啖嘆舌根都快融化😋。緊接著，卡邦尼粗管麵嘅表現都唔差，每粒麵手感剛好，轉個幾圈入口，奶香味溶入心扉。最啱心水嘅，係嗰清新過癮嘅Kiwi Mojito同Dirty Chocolate，一杯醒神，一杯濃郁，啱晒唔同喜好嘅朋友。飲品之嘉嘅呈現，成日引誘我唔停試新嘢。食完之後，我只想話，如果你想滿足味蕾而又唔想揼錢包，這間西餐廳肯定值得一試！食物質素、環境氣氛都同價錢成正比，咁嘅好味道，真係令人回味無窮👍！

難得平日放假, 所以同老公去左澳南度行下海傍! 順便黎試下朋友介紹左好耐既西餐廳! 行到黎餐廳既呢條街, 感覺都幾chill😎..可能係因為平日同時間尚早既關係, 餐廳仲未係好多人! 侍應安排左我地坐一張靠窗既四人枱! 坐得好寬敞好舒服! ..然後我地就坐低睇下個menu📋..見到Burger嗰頁提醒客人佢地有濕紙巾😂 好貼心♥️因為出去食burger最驚就係搞到對手油淋淋!!!!..選擇困難症的我們最後揀左二人餐!..有餐湯同沙津各一, 今日係吞拿魚沙津同粟米周打湯, 沙津用黑醋汁, 酸酸地好開胃😚粟米周打湯味道濃郁唔會過咸👍🏻係一個唔錯既開始呀🫶🏻..頭盤我地揀左香煎珍寶帶子及釀煙三文魚酥皮餡餅📸帶子煎得好香, 好鮮甜! 酥皮餡餅好鬆脆🍽️點下側邊d薄荷汁會有種好fresh既感覺🌿..主菜有得揀一個意大利粉/飯🍝加一碟扒🥩我地揀左墨魚汁鮮帶子海蝦扁意粉🤩墨魚汁超級夠! 食到我地個嘴都黑晒😆海蝦好香好鮮味!! 意粉既質地剛好!! 有少少咬口🤏🏻份量都好足夠2個人分黎食🤤..到主角🤯炭燒美國極黑豬鞍扒拼香草牛油焗波士頓龍蝦尾😋本身我鐘意食牛多d, 但呢排食得太多, 轉下口味, 所以揀左豬!

原來將軍澳有間咁高質既西餐廳，地鐵站行過去5分鐘左右，暗暗地2人世界都幾有feel，我地早去到，夜啲就多人了，最好訂位~我地叫左Dinner Set for 2，覺得比較掋食。多D人叫5-6人set仲掋！下次聚會可以考慮。我地揀左一個普通餐湯，另外加錢升級左龍蝦湯，好濃郁，唔錯。跟餐有手指餅配，好香口，可以點醬或者湯黎食。Appetizer我地揀左炸車打芝士青辣椒+秘制美國水牛城辣雞翼，朋友唔食得辣，所以特上左辣汁，不過青辣椒都有輕微辣~但係！配車打芝士，creamy得黎唔會漏，第一次食呢個口感。主菜我地揀左Crab Risotto！份量2個人share岩岩好，而且每一啖都食到蟹肉絲！肉方面點左Pork&Lobster，佢個炭燒美國極黑豬鞍扒真係好juicy！超好食！完全唔柴唔un！香草牛油焗波土頓龍蝦尾都算大隻，我地2個share都啖啖肉。配燒汁仲有菜有菇同埋忌廉千層薯，唔係普通既薯蓉only！口感有層次，忌廉好食。跟餐仲有2杯飲品，好多選擇，凍凍地我點左黑糖紅棗薑茶，飲完暖番曬。朋友叫左Tropical Forest，配西餐都幾解渴。

今日行完將軍澳海傍，就順便食個early dinner,就搵到一間好有情調既西餐廳名叫Chef's Stage kitchen。餐廳格調好好，令人感覺好舒服，衛生環境亦都很舒適，好適合同情人黎享受。我地今日點左個二人套餐。頭盤我地要左一個吞拿魚沙津同一個龍蝦湯。吞拿魚無腥味，新鮮的蔬菜配上酸甜的醬汁非常開胃。龍蝦湯味道濃郁滑溜，感覺好足料。前菜是香煎珍寶帶子配釀煙三魚酥皮餡餅，帶子煎得岩岩好，生熟程度剛剛好，不會Over cooked，非常鮮美，煙三文魚餡餅很有特式可以一試。主菜我們要了白酒煮紐西蘭海鑽蜆扁意粉，和澳洲穀飼肉眼扒配香草牛油焗波士頓龍蝦尾加忌廉千層薯。海鑽蜆很鮮甜肥美，海水味濃配上白酒煮意粉清新而有點少辣，很開胃。而牛扒軟淋有肉汁龍蝦肉爽甜，非常夾，而且忌廉千層薯很有驚喜，香滑又有薯味，值得一試。飲品點了推介的冰磚鴛鴦，奶茶底香濃配上咖啡凍磚，好飲而又得適合打卡。另一杯點了Princess Heart, 外形美麗有層次，味道甜美，非常適合女孩子飲用。由餐廳環境食物飲品和服務都很好，值得推薦。

上次觀塘分店消費有送$100 coupon可下次消費用。呢日午餐特登來到將軍澳海邊食呢間Chef’s Kitchen 。餐廳有室內及室外位置可供選擇，十分舒適，卡位闊落。沙律有調味，新鮮而且好清新。Eggs Benedict 荷蘭醬汁好好味，配水波蛋一流。是日餐湯配小牛角包明太子意粉超好味道，醬汁好香好濃郁。叫了Green Tee Latte , Coffee Latte，咖啡同樣很好飲。連咖啡平均$150一個餐，性價比高。

今晚同書友仔去食咗一個好正嘅晚餐~ 就係去咗「Chef's Stage Kitchen」~我地叫左二人餐再加野食，先試咗佢哋嘅炭燒穀飼澳洲肉眼扒拼香草牛油焗波士頓龍蝦尾～正常啦，冇特別之處，但都好好味。肉眼扒係好嫩滑，龍蝦尾就算焗過都仲保持住鮮甜嘅味道然後，我又試咗佢哋嘅燒法國春雞，真係好香嫩皮脆！個皮烤到金黃色，咬落去有啲脆脆嘅口感，雞肉都好多汁，以雞黎講唔算平，但又真係巧食～最令我地驚喜嘅係佢哋嘅法式生牛肉他他！呢個真係太好食喇！佢哋將生牛肉切成細粒，再加入各種調味料同埋鵪鶉蛋，混合得恰到好處，每啖都帶出牛肉嘅鮮味同口感。一黎到就畀朋友食曬，相都影唔到切，佢哋都大讚～最後係初榨純橄欖油蒜香白酒煮紐西蘭海鑽蜆扁意粉。意粉煮得好爽滑，蜆肉鮮甜多汁，同埋有啲蒜香同白酒嘅味道，好開胃。意粉軟硬度適中，食落好有嚼勁。總括嚟講，「Chef's Stage Kitchen」嘅晚餐真係好出色！佢地D 奶茶都巧巧飲~ 呵呵 

今日放假約朋友行街街，朋友知我為食，推介一間西餐廳[Chef's Stage Kitchen]。朋友係將軍澳屋民，我當然有信心啦😊。去到餐廳門口已經覺得好靚，外觀裝修簡約精緻，設室外座位，有點歐陸氛圍。室內設計同樣精緻高雅，座位闊落，空間感十足，感覺好chill。睇過餐牌，以午餐價錢同時享受這個環境，相當抵🤩。沙律及湯配牛角包沙律菜非常新鮮，配上微酸又爽口的青蘋果絲及香甜的車厘茄，混埋酸甜黑醋汁，好味又醒胃。南瓜湯味道香甜，牛角包外脆內軟。炭燒澳洲羊鞍扒 $158.-羊鞍扒煎得非常靚，表面焦香有燶邊😍，肉質軟腍油脂豐腴，肉味香濃帶輕微羊騷味，好好食🥰。扒類伴有燒薯仔，口感幼滑又惹味及煙肉炒椰菜，炒得香口惹口，同樣好味。炭燒美國牛肩胛板腱 $168.-牛肩胛兩面燒至焦香，肉質軟嫩具彈性，肉味香濃😋。拖肥薑鮮奶(熱) 跟餐價$38.-熱辣辣鮮奶，奶味濃郁香甜，每一啖都伴隨著陣陣拖肥及薑味，好好飲。焦糖鴛鴦 (凍) 跟餐價$38.-面層放有一粒特濃咖啡冰，慢慢融入奶茶後變成鴛鴦，味道香濃幼滑，加入焦糖，更加香甜好味😋。

今次又去左食二人套餐☺️介紹左好多朋友去食個個都大讚食左3年都仲係keep到水準👍🏻今次係同埋朋友連埋小朋友六個一齊去食Staff安排左梳化位置比我地坐Menu有好多選擇 但我地覺得二人set抵啲仲有個前菜沙律🥗好清新嘅味道香煎北海道帶子 三文魚酥皮評分：👍🏻👍🏻👍🏻👍🏻👍🏻煎到帶子邊位微脆而肉質又夠爽口三文魚酥皮好好食 好酥脆 炭燒美國極黑豬鞍扒拼香草牛油焗波士頓龍蝦尾評分：👍🏻👍🏻👍🏻👍🏻👍🏻呢個主菜真係超級好食 賣相仲好靚豬鞍扒仲好嫩滑質感 本來以為龍蝦尾冇乜肉估唔到原來都幾多肉😋軟殼蟹意粉評分：👍🏻👍🏻👍🏻👍🏻👍🏻軟殼蟹炸得好香脆 味道仲啱啱好唔會好油膩意粉軟硬適中配埋好creamy嘅汁真係好好食芒果伯爵茶拿破崙評分：👍🏻👍🏻👍🏻👍🏻👍🏻好脆嘅拿破崙 仲要係有伯爵茶味 真係好特別 同芒果都好夾 必食嘅甜品🍨

Chef's Stage Kitchen🍽️🍾🍝呢間餐廳叫做Chef's Stage Kitchen，係一個好正嘅地方。我今日食咗佢哋嘅芒果🥭蟹肉🦀牛油果🥑塔沙律，味道真係好到爆！個沙律菜爽口，仲有啲芒果嘅酸甜味，同埋蟹肉嘅鮮味真係好搭！加上牛油果嘅濃郁，令味道更加豐富。真係一道好開胃嘅前菜！之後我食咗意大利燒蘑菇🍄扁意粉🍝配黑松露忌廉汁，真係唔錯。意粉煮得剛剛好，配埋黑松露嘅忌廉汁，味道更加濃郁。燒過嘅蘑菇香味好濃，同意粉一齊食真係好好味！如果你鍾意黑松露味嘅話，呢道菜一定唔可以錯過。最後，我食咗炭燒美國天然即刻厚切豬𩣑扒🐖，肉質鮮嫩多汁，炭燒過嘅豬𩣑扒令到味道更加香口。個扒配埋薯仔同埋蔬菜，份量十足。如果你係肉食動物，一定要嚟試吓呢道豬𩣑扒！最後，我揀咗特飲forest🍸，味道好清新，好適合食完嘢之後飲用，令人舒服。總括而言，呢間餐廳嘅菜式真係好好味，服務亦都好好，下次一定會再嚟！

今日黎到將軍澳雖然已經預咗會有好多連鎖嘅餐廳，但係呢間啲嘢食望落都好吸引，而且啲扒好似好jeng 咁。我哋兩個人嗌左個二人餐$698，食到好飽！餐湯：南瓜濃湯南瓜湯打到好綿密，而且秋天飲落好舒服。側邊仲附上烘咗嘅麵包可以點餐湯一齊食。前菜：芒果蟹肉牛油果㙮 （+$18）前菜每一樣材料嘅味道配搭都好夾，層層分明，每一層嘅份量都比得好足。芒果酸酸甜甜好fresh。側邊仲有黑醋汁沙律。主菜：炭燒穀飼澳洲肉眼扒拼香草牛油焗波士頓龍蝦尾 配燒汁忌廉千層薯肉眼扒叫咗五成熟，煮得啱啱好而且上面嘅炭燒肉味好香，食落冇咩筋。波士頓龍蝦尾亦都整得好出色，龍蝦尾拆咗肉，上面加咗龍蝦膏，每一啖都好鮮味。忌廉千層薯都好好味，入邊有粒粒薯仔，中間仲包咗芝士，外脆內軟。初榨純橄欖油蒜香白草煮紐西蘭海鑽蜆扁意粉意粉上面有好多粒好大隻嘅蜆，同白酒齊煮得啱啱好好，好鮮味，而且肉質Q彈。意粉亦都同橄欖油一齊炒帶有微辣。餐飲：柚子蜜糖伯爵茶 （跟餐$58）伯爵茶同柚子蜜嘅配搭喺出邊真係好少見，但係飲落去有啲似金橘咁樣好順喉。側邊仲有兩塊窩夫鬆餅。朱古力雪糕特濃咖啡 (跟餐$24)Movenpick 朱古力雪糕同咖啡真係好夾，

Chef stage 絕對係將軍澳區，其中一間最好食嘅西餐廳，呢間餐廳提供好多唔同嘅菜式，包括意粉、漢堡、意大利飯、豬鞍扒、牛扒等，應有盡有。而我今次就同家人一齊識佢嘅午餐，叫咗一個明太子意粉同埋豬鞍扒。兩道菜都好好食，調味啱啱好分量亦足夠唔會覺得太少。佢嘅加$28嘅套餐有牛角包同埋湯都係水準之上。而呢間餐廳嘅內部裝修以及職員嘅態度都令人滿意，係一個非常唔錯嘅用餐體驗。好期待下一次再試吓其他菜式特別係聽講佢嘅豬手同埋牛扒都係幾好食嘅。

今日去左 Chef's Stage Kitchen，佢地嘅 brunch 真是令人驚喜，超級巧食！首先，我叫左佢地嘅「星級早餐」套餐。呢個套餐真係好多野食，入面有燒烤菇、金門火腿、蘆筍、炒蛋、烤豬肉腸同煙三文魚～每一樣食材都經過精心佢地嘅烹調，口感新鮮。特別要提嘅係牛油果醬查上酸種麵包，真是巧巧食！另外，仲有出面比較少見嘅橙乾藍莓醬乳酪杯，帶有清新的果香，非常醒胃。接落黎係「煙三文魚班尼迪蛋」套餐。佢地組合了煙三文魚和班尼迪蛋，班尼迪蛋的外層柔軟，內裡蛋黃流心，搭配埋薯餅同芝士焗蕃茄，味道豐富又多層次。煙三文魚的鮮嫩口感和微微的煙燻味道，同班尼迪蛋的濃郁蛋香，真係完美結合，超級巧食～

同朋友仔早收工就去將軍澳行街～出地鐵行咗大概兩分鐘左右，就有格調嘅西餐廳，環境靚，又舒服😺我地早去唔算好多人，坐多一陣就發現愈來愈多人食😹lucky!Set salad+soup沙律主要嘅汁係醋，酸酸嘅感覺好開胃🥗菜都好新鮮，仲加埋蘋果同紅菜頭，健康之餘，食嘅時候會有唔同嘅口感😋餐湯係椰菜花湯，椰菜花處理得好，食落唔會有一粒粒嘅口感，非常Creamy，上面仲有加少少橄欖油，令成個湯層次再提升。明太子軟殼蟹扁意粉🍝🍝🦀意粉熱到出煙！！意粉煮嘅程度啱啱好，唔會太淋之餘，又可以將啲醬汁掛起。意粉有明太子之餘，仲有唔少蟹籽🧡🧡食意粉嘅時候就會有多重口感！軟殼蟹炸得唔錯👍炭燒妞西蘭羊鞍扒🐏羊鞍大概九成熟，一開頭覺得可能過熟，但切開發現入邊呈粉紅色，鎖住唔少嘅肉汁🤤同時又唔會有太多血水👍👍羊鞍無蘇味，烹調過程處理得唔錯😺不得不讚嘅係佢嘅配菜，非常足料，有茄子🍆翠玉瓜🥒車厘茄🍅雞髀菇…仲有一個芝士薯餅，芝士薯餅煎得外層脆，入面嘅薯餅保持濕潤，芝士仲可以拉絲🧀💛💛💛黑松露薯條薯條熱辣辣🍟配埋黑松露醬同茄汁，非常惹味！Kiwi mojito🍸呢杯Cocktail加咗奇異果、青檸同薄荷葉，令成杯酒都好清新

呢間成日都食觀塘分店，但就從未黎過天晉匯呢邊，係donki買完化妝品就行過黎試下呢間分店質素係咪同觀塘差唔多～結果食物質素兩間分店都不錯，環境又relax好啱放工放學過去同朋友飲杯frozen吹下水～—————————————————————📍 Chef's Stage Kitchen地址: 將軍澳唐俊街12號天晉匯地下G03號舖✍🏻/食評/◍blue mussels呢個係我每一次黎呢間餐廳必叫嘅appetiser🤣佢哋d mussels真係好大隻好新鮮，產地仲要喺澳洲真係大大隻！香草忌廉汁好creamy配埋熱辣辣烘過嘅麵包外脆內軟真係食唔停口🥹🥹每次都係我必叫前菜！◍ Rib eye 8oz我鍾意rib eye夠重牛味又夠咬口，所以叫咗5成熟，炭燒味比較重，聞落好香，食落唔多筋🙌🏻脆脆無鹽薯條又係好正，澱粉質配埋rib eye真係好飽肚～◍ Fettuccini with US Beef cheek和牛面頰肉用慢煮嘅烹調方式好入味又唔會煮得過熟，口感嫩滑，闊蛋麵好香甜酒味又彈牙，食完好滿足🥹◍ frozen: Forest & SunflowerForest入面有芒果同菠蘿，入口少少

Chef’s Stage一直都唔會令我失望，今晚encore嘅時候發現新出左二人餐，非常抵食。龍蝦湯好濃郁creamy，沙律全部菜都新鮮爽甜，係好豐富嘅一人份。芒果蟹肉牛油果塔配搭都幾新穎，芒果意外地超甜味令牛油果變得好清新，成個味道昇華左。豬鞍拼龍蝦尾同牛扒比都不毫不遜色，豬鞍內裏嫩紅多汁，仲有炭燒香味。 龍蝦尾好幼嫩鮮甜，表面仲搽咗蝦膏一齊燒，香到爆。和牛面頰肉寬蛋麵重點一定係兩大塊和牛面頰肉，非常軟腍有肉味，仲有啲膠質嘅彈牙口感。 寬蛋麵有彈性同蛋香，醬汁比較濃味甜甜地。有前菜去到飲品都食得出有心思，好滿意。