Bistro La Baie (MONTEREY Place)

營業中

休息中

𓊔 𓊔 𓊔常聽人家說澳南有很多打卡又好吃的餐廳。早兩天朋友帶我試了一家走歐陸風的餐廳Bistro La Baie，裝修非常高雅。主打價錢親民的法國菜，配合整個用餐環境，的確賞心悅目。𓈕 Mini Burger $148Mini Burger一碟有三件，雖則說是‎ Mini，但漢堡扒也不算是一口bite size，吃起來還是很飽足的。特別喜歡他們配以炒洋蔥和小酸瓜，吃起來有牛油脂香，但沒有油膩感。𓈕 Mussels (Half) $168非常大隻新鮮的青口！惹味濃稠的白酒醬汁底，用來蘸酸種麵包非常滋味。𓈕 Seared Chicken $198特別推介！店子選用了三黃雞，雞味與油香味並重，配上炸過的紫蘇葉，份外香口。用上薏米作飯，盡吸醬汁精華，口感煙靭，非常出色。原來澳南一帶的確臥虎藏龍，屋苑下的小店都如此出色，真的要多找幾天過來發掘一番。𓊔 𓊔 𓊔📍將軍澳澳南海岸唐俊街23號MONTEREY Place地下G02號舖

Bistro La Baie地址: 將軍澳海唐俊街23號MONTEREY Place地下G02號舖電話: 23600801餐廳地方寬敞，還有超大的戶外座位，可帶寵物，面對無敵海景，遙望將軍澳跨灣大橋，環境很好，坐得非常舒服。❤️ 𝑺𝒆𝒂𝒓𝒆𝒅 𝑻𝒉𝒓𝒆𝒆 𝒀𝒆𝒍𝒍𝒐𝒘 𝑪𝒉𝒊𝒄𝒌𝒆𝒏 香煎三黃雞配芥末薏米飯雞皮煎至香脆，肉質鮮嫩多汁，以薏米飯代替白飯，口感十分特別，加黑松露味既泡泡係飯面上，賣相甚佳，十分欣賞！ ❤️Wagyu Beef Cheek Bourguignon法式紅酒燉和牛頰肉，伴芝士炸蔥薯蓉份量很多，有三大件，牛肉味香濃，肉質十分嫩滑，配紅酒汁好入味，薯蓉香滑，加上紅蘿蔔，炸紫蘇葉，口感豐富，絕對值得一試！ ❤️ Duck Confit "Tartine‘’ Sandwich 慢煮鴨腿三文治香脆法包上舖滿一絲絲的鴨腿肉，再加上布里芝士、牛油果醬、焦糖、洋蔥，味道很有層次感，薯條炸到脆卜卜，十分滋味。餐廳環境闊落開揚，食物味道與賣相甚佳，員工服務有禮，值得再訪！

澳南有唔少高質餐廳 食色香味環境 每樣都不可或缺 今次呢間非常之有情調嘅法國餐廳 有海旁靚景 可以帶寵物 內部裝修同服務態度都令你有短暫去左歐洲嘅感覺 🍽️💚Roasted Baby Carrot & Kale $68烤甘荀羽衣甘藍、蜂蜜牛油醬先試左個小食 甘荀足足有6條咁多 大大條但係都好嫩 烤過之後有BBQ嘅香味 羽衣甘藍用咗蜂蜜牛油嚟炒 健康得來又好味 🥕 💚Baked Halibut $248焗比目魚、蜆、牛油汁、毛豆、法式炸薯仔比目魚我自己都試過 非常難處理 皮好易痴底又好易散 佢做外皮好香脆 肉要輕輕夾起 入口即溶 牛油汁煮蜆有d白酒味 十分鮮甜 至於法式炸薯仔 第一次食呢個做法 唔知係咪法國傳統菜式 先炸完再吸滿汁 口感綿密 🐟 🥔 💛Seared “Three Yellow” Chicken $198香煎“三黃雞”、芥末薏米飯、黑松露雞湯泡沫 三黃雞皮薄脂肪少 肉汁豐富 薏米飯食落似risotto 更加彈牙 亦都更健康 除左好食 仲要好睇 佢嘅黑松露雞湯泡沫就正正有呢個效果 d泡泡好鮮甜 撈埋飯食就無咁膩 🐔 🍽️Bistro La Baie (將軍澳)📍將軍澳澳南海岸唐俊

今日嚟到將軍澳海旁呢間法國菜，入面嘅裝修以藍白為主，成個感覺好優雅，空間闊落坐得舒服，同朋友過嚟傾偈一流👯‍♀️Seafood Ragout用咗海鮮馬賽魚湯煮嘅珍珠意粉，海鮮味濃郁，珍珠意粉同平時食開嘅意粉好唔同，食落煙煙韌韌，吸咗好多海鮮汁好入味🤙🏻Seared “Three Yellow” Chicken三黃雞煎到好香脆，肉質嫩嫩滑，飯底係薏米飯，食落煙靭好特別😆Mini Beef Burger (3pcs)迷你漢堡入面夾住咗牛肉漢堡肉，牛味濃郁，配埋松露蛋黃醬，味道唔錯😋

#fatchubelly將軍澳📍Bistro La Baie (將軍澳)💥Set Lunch ( soup of the day + BLB steak fries + americano) 是日餐湯係蘑菇湯湯嘅質地幾厚應該加咗好多蘑菇打成蓉同時入口順滑同蘑菇味好重有驚喜牛腹扒叫咗五成牛扒本身油脂唔高所以肉味比較濃有咬口但唔硬薯條亦都熱辣辣而黑松露醬亦都都好濃味點牛扒同薯條都好夾！💥 Set lunch ( Yellow Fin Tuna tataki + pan seared halibut + americano) 炙燒呑拿魚係要加錢有五片呑拿魚配上酸酸味味嘅柑橘汁好開胃香煎比目魚口感好淋基本上唔洗咬已經化開亦有魚油香薯蓉好大份口感creamy 唔會好油膩Bistro La Baie (將軍澳)將軍澳澳南海岸唐俊街23號MONTEREY Place地下G02號舖

位於將軍澳海旁的一間精緻法國餐廳, 無論裝修、食物水準抑或服務都可以感受到餐廳既用心, 而且價錢適中, 推薦大家可以試下.前菜法式北海道帶子刺身 $168帶子鮮甜味十足, 浸係柚子醋當中, 令帶子食落帶小小酸味, 再加埋青瓜絲、生洋蔥, 令成個前菜更加清新, 令人食完後更開胃.主菜香煎三黃雞•芥末薏米飯 $198個人認為呢個係必叫之選, 三黃雞煎至皮脆肉嫩, 而且雞油香味十足, 配襯煙煙韌韌既芥末薏米飯, 加上黑松露泡沫帶嚟既松露香, 非常好食.法式卡邦尼意粉 $178意粉醬汁夠creamy, 同時又做到剛好掛汁, 醬汁富香濃蛋黃香同忌廉香, 煙肉煎至迫出全部油份, 所以食落香脆, 非常不錯甜品法式橙酒可麗餅 $88除左橙酒既香味外, 入口仲有豐富玉桂香, 將橙酒淋係可麗餅之上, 令口感更濕潤, 配搭忌廉、金寶脆脆, 亦令口感更豐富.值得一讚係餐廳服務亦都非常貼心, 會留意食客進度去控制上菜, 而且前菜、主菜、甜品之間又會幫忙換碟換餐具, 服務一流.

將軍澳海旁呢幾年開咗好多西餐廳，好多更加有戶外位置，可以一邊望住海景🌊一邊食吓嘢，今次嚟嘅呢間都唔例外，戶外嘅座位對正將軍澳海旁，而入面嘅裝修就係走法式小餐館路線🍷Roasted Bone Marrow $248牛骨髓好大條😳比較特別嘅喺呢度除咗骨髓之外，仲加咗田螺一齊焗🐌將兩樣經典嘅法式前菜融合埋一齊，面頭亦都有啲蒜香牛油麵包糠增加口感🥖牛骨髓就咁食會有啲似食肥膏嘅感覺，加埋麵包一齊食就啱啱好🤓Seafood Ragout $218呢款馬賽魚湯都有啲變奏😗海鮮湯入面加入咗珍珠意粉一齊煮，所以菜式本身嘅湯汁比較少，反而似pasta多啲🤣海鮮嘅種類都幾多，有大蝦、青口、大蜆、同魷魚🦐入口除咗有海鮮香氣之外，蕃茄味幾出，而珍珠意粉嘅質感就幾煙靭😌Steak Frites (Flank) $298上網見到牛扒薯條都係呢度嘅熱門菜式，梗係要試吓😎牛腹肉揀咗五成熟，肉芯粉嫩，入口牛味都幾出，脂肪比較少🐮我哋揀咗配阿根廷青醬，以番茜、蒜蓉等打碎而成，加埋一齊嚟食感覺幾清新🥗啲薯條都炸得好香脆，唔經唔覺就會一條一條咁食落去🫢

將軍澳海滂開左間法國菜 用左藍白冷色調裝潢 餐內座位多數都係梳化式 所以食得開心又坐得舒服～ 除左內外用餐 室外用餐更可以享受埋大海View😍🔖焗金文拔芝士 HKD155原個焗金文拔芝士，配6塊酸種麵包、3塊無花果，芝士內裏融化、柔軟，味道更香濃。而且麵包焗得好脆，淋有少些蜜糖，令麵包更甜及更香。芝士、無花果配上麵包，令味道口感更有層次，亦更突出芝士香味🔖香煎三黃雞 HKD198雞扒煎得非常香，皮脆肉嫩，雞油豐富，而且雞肉好香、有肉味，單食雞扒已經非常美味。另配有芥末薏米飯，口感較硬、有咬口，味道香濃，最後滲出淡淡芥末香味。🔖法式紅酒燉和牛頰肉 HKD268非常豐富，牛肉味道香濃軟腍，肉味濃郁之外，紅酒汁更滲入肉中，味道好好。而且份量幾多，有兩大舊面頰肉。另配有薯蓉，好香薯仔味，相對較實身，雖然薯蓉幾滑，但都有薯仔粒，口感較豐富🔖Whiskey sour HKD88味道幾好，whiskey香醇温和，而且調配後味道香甜，較易入口，另蛋白打得好細滑，口感上更綿滑

ʀᴇꜱᴛᴀᴜʀᴀɴᴛ ʀᴇᴠɪᴇᴡʙɪꜱᴛʀᴏ ʟᴀ ʙᴀɪᴇ餐廳位於將軍澳南海邊的新法國餐廳面對住休閒的海景用餐餐廳設有室內及室外座位室內的裝修設計都非常打卡非常浪漫餐廳侍應會一直細心咁留意住你用膳的進度完成前菜後先會安排主菜都令人食得放心🔸 ᴄᴀʟᴀᴍᴀʀɪ ꜰʀɪᴛᴛɪ $148酥炸魷魚圏、蒜蓉蛋黃醬魷魚外層炸至酥脆份量都不少配上蒜蓉蛋黃醬非常開胃🔸 ꜱᴀᴠᴏʀ ᴄʜᴇꜰ ᴅᴀɪʟʏ ꜱᴘᴇᴄᴀɪʟ ꜱᴇᴀꜰᴏᴏᴅ ᴘᴀᴇʟʟᴀ $388 (ꜰᴏʀ ᴛᴡᴏ ᴘᴇʀꜱᴏɴ)西班牙海鮮飯不嬲係我私心選擇每次見到都好想點海鮮飯用料非常豐富魷魚、大蜆、青口、大蝦全部新鮮飯粒處理剛好帶有好輕微的焦香好味餐廳的價錢對應環境及食物質素都非常之抵食推薦!ʙɪꜱᴛʀᴏ ʟᴀ ʙᴀɪᴇ (ᴛꜱᴇᴜɴɢ ᴋᴡᴀɴ ᴏ)📍 ꜱʜᴏᴘ ɢ02, ɢ/ꜰ, ᴍᴏɴᴛᴇʀᴇʏ ᴘʟᴀᴄᴇ, ᴏ’ꜱᴏᴜᴛʜ ᴄᴏᴀꜱᴛ, ᴛꜱᴇᴜɴɢ ᴋᴡᴀɴ ᴏ

喺將軍澳南海邊對住跨灣大橋有間好靚嘅法國餐廳成日都想試，特登揀有生蠔優惠嘅星期四去試吓！呢度所有嘅店員都好熱情又服務周到，環境亦都好浪漫同高尚～生蠔🦪星期四優惠$50/3隻勁抵食$50/3隻，所以叫左半打！特價生蠔都幾大隻，有海水鮮味，幾新鮮！海鮮馬寶魚湯、珍珠意粉$218珍珠意粉第一次食，幾得意，佢有啲似一粒粒珍珠飯，但係又有啲似意粉！用咗海鮮馬寶魚湯做汁去煮非常鮮味，而且仲有大大粒新鮮青口同埋大蝦🍤，海鮮鮮甜美味！烤豬胛心肉（半熟）、芝士薯蓉、西班牙辣椒、雜菜沙律 🥗$248半熟烤豬胛心肉非常之嫩滑，好少豬肉係可以整到咁腍身同，滑油脂分布平均有幾片直程有接近豬頸肉嘅口感！墊底底嘅芝士薯蓉吸晒烤豬肉嘅精華，好滋味！KIDS MENU兒童餐單（配雪糕）炸魚薯條 $78炸魚薯條入邊嘅魚好鮮味,小朋友不停食～還有香脆嘅薯條份量都唔少！另外個雪糕有三種味道揀小朋友揀咗朱古力味，佢仲有小小藍莓、士多啤梨同埋餅乾碎，非常滋味！🍱Bistro La Baie (將軍澳)📍將軍澳澳南海岸唐俊街23號MONTEREY Place地下G02號舖

記返起上次過嚟澳南是上一年的事情， 現在已經開咗好幾間新的西餐廳。 見倒呢間法國餐廳冇乜負評， 於是決定試吓！ 今日係平日， 所以人不太多，餐廳環境幽雅而且寧靜，我哋坐低咗就分別叫咗兩個午餐， 分別是牛腹扒和油封鴨腿。 前菜有餐湯和沙律， 🍽️餐湯是日餐湯係薯仔餐湯，有大蒜味而且夠熱， 味道都不錯。🍽️香煎”牛腹扒” 配薯條， 牛扒叫半成熟， 溫度保存得不錯，牛扒咬落有汁，而且熟度剛剛好，不錯不錯。 🍽️ 油封鴨腿呢個菜係油封鴨腿配意大利飯，呢個鴨腿嘅肉質都幾鮮嫩又有咬口， 配合埋啲意大利飯都幾匹配。 另外，叫咗兩杯latte， 可以慢慢欣賞海景，是一個不錯的選擇！

今日我哋去咗將軍澳南海邊食午餐，餐廳位於海邊，就算坐室內都可以望到大大個海景，餐廳亦都有室外嘅位置可以選擇餐廳裝修華麗，以藍色風格主題，設有卡座，可以喺餐廳四圍打卡Set lunch 係一款前菜一款主菜加奶茶或咖啡前菜有烤紅菜頭蕃茄菲達芝士沙律🥗或者餐湯選擇，或者加$35轉炙燒黃鮨吞拿魚煮食方面，我哋叫香煎比目魚-檸檬酸豆汁 $238比目魚魚皮煎得好香，魚油好豐富，好重魚味，肉質嫩滑 ，而檸檬酸豆汁好特別，係綠色，不過其實唔點都已經好好味，加咗酸豆汁就更加帶出魚嘅鮮味另一個set叫左BLB牛腹扒、薯條同烤蒜 $268我哋叫咗五成熟，上碟嘅時候已經切開咗一塊塊，好重牛味，相當滿意，下次要試埋牛柳！另外甜品有兩款，因為我哋係甜品控，所以兩款都叫左一款係法式橙酒可麗餅 忌廉蘋果金寶 另一款係歌劇蛋糕朱古力同雪糕嚟緊下星期係母親節，見到餐廳有個母親節打卡活動，係IG留言同Mami嘅美食珍貴回憶，就有機會得到$1000現金券，上去 @bistrolabiehk 就可以參加

呢日黎到將南呢間Bistro La Baie 食下野~ 夜晚都真係唔算多人, 我地都坐到卡位, 估唔到佢D 食物都幾高質! 入面既環境都真係姆靚, 店員D 服務都好周到, 見到我地杯冇水就會即刻加水, 見到我地食哂碟上面既野又會幫我地收碟, 服務態度非常好, 又有禮貌! 我地叫左香煎三黃雞配芥末意米飯同黑松露雞湯泡沫, 另外仲叫左法式紅酒燉和牛頰肉配芝士炸蔥薯蓉, 另外仲配多個薯條 等左一陣, 3 樣野食都一齊上枱~ 都幾快手, 薯條夠哂熱辣辣, 同埋係幼薯條, 成條薯條都炸到脆卜卜, 真係好高質! 跟住就係香煎三黃雞配芥末意米飯, 呢個三黃雞煎到個皮勁脆! 我未試過意米當飯食, 食落口感又幾好! 好好味! 佢既黑松露雞湯泡沫令到個飯有好香黑松露味! 令人食完一啖接住一啖! 最後就係法式紅酒燉和牛頰肉配芝士炸蔥薯蓉, 呢個都好高質, 牛肉係一絲絲, 好淋, 好好味, 索哂D 紅酒汁好好味! 個薯蓉都好高賣,夠哂creamy同埋D 炸蔥係上面夠哂有咬口! 呢度將會變成我地既飯堂!

住將軍澳嘅你，你又點可以錯過呢間餐廳呢！就算你唔係住將軍澳，你都值得搵個周末入黎 chill 吓，享受吓呢間優質餐廳。～環境舒適，高級格調～呢間餐廳嘅裝修好有歐陸風格調，座位濶落坐得好舒適，好適合同幾個朋友慢慢坐食住傾計。係度慶祝週年紀念，生日，特別節日都好適合。打下卡留念都唔錯！～5星級服務～最令我讚嘆係佢哋接近酒店式服務。侍應會不時觀察著你嘅食嘢進度，當你食完Starter前菜後，佢哋先至會上Main主菜。俾到你一種安心享受每一道菜嘅感覺。～食物優質～Oysters Thur星期四佢哋有Oyster優惠 $50 四隻Oyster 都算大隻，淡淡鹽水浸住，再加啲檸檬汁，好似係海啱啱捉上嚟即開而食咁新鮮。Oyster肉質偏脆口，唔係Creamy嗰種法式北海道帶子刺身、牛油果、柚子醋Hokkaido Scallop Crudo生帶子厚薄適中，菜式擺位充滿藝術感。帶子新鮮配有清新嘅烤豬胛心肉（半熟）、芝士薯蓉、西班牙辣椒、雜菜沙律Pork Secreto肉質鮮嫩多汁，烤咗嘅肉更加提升咗濃郁嘅肉香和口感。芝士薯蓉好滑，配埋烤豬胛心肉好 yummy!烤甘筍羽衣甘藍、蜂蜜牛油醬 （黑）Carro

將軍澳海旁邊有間西餐，裝修好靚，環境舒適，好適合慶祝日子既選擇迷你牛肉漢堡 $148🍔每個漢堡包面上有條青瓜，中間果層係一塊多汁牛肉，加上洋蔥醬和松露蛋黃醬一齊食，夠晒惹味☺️ 雜菌燴芥末薏米飯 $178🍛有個既黑松露味既泡泡係飯面上，攪拌後整個薏米飯都有淡淡既黑松露味，薏米飯煮得夠爽口彈牙，加上濃郁既雜菌汁，口感一流😋😋法式紅酒燉和牛頰肉 $268🐂內質鮮嫩，一D都唔韌，有小小紅酒味，有兩條紅蘿蔔伴菜，配上芝士薯容和醬汁一齊食，味道滿分🤩