Billow

營業中

休息中

小白鷺餐廳全新打造之後終於book到了，3小時免費泊車不錯唷，被安排坐在半室外的環境，涼涼的天氣特別寧靜、寫意，如果天氣凍也不用怕，billow很貼心每張枱旁都安放了一個火爐，客人如有需要，都可以點火取暖。▫️Super Salad Bowl．Kale．Quinoa 另加了雞胸肉，除了羽衣甘藍、藜麥，還有雙色椰菜、南瓜，新鮮之餘入口有咸咸的感覺，似乎廚師做了點手腳，可能用鹽浸過，令到青澀的蔬菜多了口感層次，雞胸亦很滑嫩。▫️Clams with White Wine好新鮮既大蜆，粒粒肥嘟嘟，欣賞廚師處理吐沙過程做得一絲一苟，平時去餐廳唔多唔少都會食到少少沙r，但今次真係無，白酒亦好入味，咬出來又鮮又多汁，簡單的菜式煮得不平凡。▫️Black Cod燒黑鱈魚侍應係我地面前淋上香噴噴的鰹魚汁，銀鱈魚食得多，黑鱈魚真係第一次，原來油脂比較豐富，公認口感最好的頂級魚，食落口真係比平時既銀鱈魚好大分別，肉質好滑，厚身又嫩，食完有種想再食既感覺。▫️Guava Lime & Bitter 及Botanical Punch兩杯梳打drinks製作得很精緻，嘩！漸變色好靚呀，味道都好有水準，酸甜平均，不會過甜

最近見到billow外邊有鬱金香花田盛開，梗係要來影相打卡啦！順便試吓呢間環境優美嘅湖畔西餐廳~餐廳係歐式嘅裝飾設計，外面仲有一個湖，環境好舒適，恍如置身國外，好似去咗小旅行咁呀～餐廳有分成三個唔同嘅區域，室內位置、走廊位置同埋戶外位置，個人就特別鍾意走廊位置，依家天氣唔凍唔熱啱啱好，拱形窗框望住外面嘅湖光山色，真係好正😌日式照燒雞扒漢堡．薯條$148呢個係下午茶Menu入邊嘅，漢堡包烤得好脆，上層麵包口感有啲似多士，厚切雞扒配搭照燒汁都幾惹味。薯條係比較幼身，就啱啱炸起特別香脆。燒大虎蝦 •龍蝦汁扁意粉$238龍蝦汁香濃，扁意粉煮得軟硬適中。虎蝦好大隻呀，肉質爽口彈牙！龍眼茶$35好特別嘅一款茶，下午茶最適合，仲可以再加熱水添。

想去依間位於小白鷺的湖邊餐廳好耐，餐廳只接受網上訂座，但預約經常爆滿。今次選擇平日中午前來，我地無駕車，由大埔墟站轉乘的士，5分鐘已經到達。純白色歐式建築風格，簡潔又優雅，好似去了世外桃源。餐廳設户外座位, 大木窗框位可以望到湖景, 而室內位有落地大玻璃，景觀開揚，同樣望到湖景同火車經過。而食物方面，我地要咗一份炸魚薯條同牛肉漢堡包。炸魚柳都幾大份，不過肉質較乾，而漢堡包塊包氣孔好大，塗了牛油仍非常乾，不過裏面塊牛肉漢堡唔差，都仲保留左肉汁，平時唔點浪費食物嘅我都放棄左塊包，淨係食塊漢堡，伴碟嘅薯條炸得金黃香脆。🙋🏽‍♀️想知更多飲食資訊, Follow Instagram: misslittlebigeater

Throwback to this meal, from a few months ago💕I’ve been waiting to try Billow since it renovated. It is perfect for a date or a small group dinner 💕𝑴𝒚 𝑯𝒐𝒏𝒆𝒔𝒕 𝑹𝒆𝒗𝒊𝒆𝒘 🍽 𝗧𝗮𝘀𝘁𝗲 : ▐ Traditional beef tartar•quail egg yolk$148▐All the ingredients balanced the dish well. The tangy flavour gave a great start of our feast🤤▐ Grilled king prawn with tomato salsa $168▐This was a super fresh large snack. Really love the fresh tomato with natural sweet🥰🥰▐ Risotto with sea-urchin•Hokkaido scallop•salmon roe $26

安格斯牛柳(180g) $308紐西蘭羊架 $288海膽繪意大利飯 $268黑松露忌廉汁. 野菌扁意粉 $228白酒煮大蜆 $148酥脆窩夫 $148Billow’s tiramisu $118Billow自從裝修完之後好似每幾個月就有一個主題, 之後夏天既時間係個湖會有水上樂園, 前排聖誕節既時候有聖誕村, 呢排好似又有鬱金香花園, 都幾多活動。我地之前係聖誕個排去, 其實室內既窗口位只有3枱, 好好彩我地到既時候有窗口位, 應該係室內最佳位置, 望出去個湖係好relax。室外都有大概3張枱係湖邊, 但就算預訂約request左都唔一定有, 所以坐唔坐到都係講彩數。前菜既清酒煮蜆都幾入味, 份量同味道都ok。羊架, 牛柳同野菌扁意粉都唔錯。海膽意大利飯同我想像中都有d出入, 本身以會會有一片片海膽係上面, 但佢將海膽醬意大利飯, 個人麻麻地中意呢種味道所以覺得一般。甜品方面就真係非常特別, 酥脆窩夫比想像中細好多, 但配碟有香蕉同雲呢拿雪糕。Tiramisu 本來係餐廳推介, 但同我對Tiramisu既認知有好大出入, 呢到既Tiramisu 只有白色同啡色既cream同埋咖啡粉,

一場黎到，山長水遠入到黎呢個地方，個reception同我講無！得！入！我真係呆左，四點九last order，我四點到都話冇位。明明入面大把位。。。外賣又只可以order野飲。。。好失望好唔開心。。。好嬲宜家唯有出返沙田或大埔食野，唉！新年流流。。。個reception仲要態度好差，好叉串！總之我地唔會再黎！好失望！只可以係附近行下，影下相，冇曬心情！好想開佢波，但都冇辦法，未食野，冇氣力！😢😢

Christmas Set dinner🍽 Billow呢間小白鷺餐廳平時係勁難book位，電話係冇人接聽，要透過第三方網上book位，非常神秘🧐基本上星期六日晏晝係唔會有位，平安夜晚特意過嚟試吓當日book左8:15pm，點知原來book咗都要排隊等入座，餐廳都算多位置但真係勁奇怪，大約等咗半個鐘終於入得，唔知係咪太多枱嘅關係，當日每上一菜都要催佢先肯上，上菜極慢🙈同埋竟然係唔包飲品要另外散叫🧐不過餐廳泊車係免費👍Christmas set dinner $798 per person (+10% service charge)頭盤：香煎南非鮑魚，日本山藥蓉🧐食唔到鮑魚味湯：🥣法式海鮮濃湯🧐飲落有少少苦,得一小隻青口主菜：🐮宮崎A4肉眼，美國蘆筍肉份量幾多，有和牛味，但肥膩咗少少甜品：😋朱古力慕絲.抹茶蒟蒻.紅桑子奶凍.薑餅要另外加錢嘅飲品：

又寫返上年食過嘅餐廳～ 大埔呢間「Billow」我一直都有興趣去，再加上之前都有見youtuber有介紹呢間嘢，令我更加想去😆不過呢…餐廳位置比較隔涉，餐廳有Shuttle Bus，可以上Lake House個網睇時間。最理想嘅方法都係搭的士或者自己揸車入去🤭 一落車四周環境有種去咗外國嘅錯覺！餐廳外被綠色植物及棕櫚樹圍住，餐廳建築外貌好歐陸風情，純白色外牆，配上玫瑰金色logo，非常典雅🏛 好啱打卡！附近亦有湖泊，有唔少水上活動可供選擇，幾適合一家大細嚟玩🛶 餐廳室外同室內空間都好大，亦係一間pet-friendly餐廳🙊 現場都見到有幾隻貓，唔知係咪店主養㗎呢😆 呢度嘅brunch menu都幾多選擇，聽聞呢度大廚係法國藍帶畢業，真係要試真啲先得😎❤️ 安格斯牛柳(180g)·封煎鴨肝·薯蓉·燒蘆荀 $308睇相都知煎到好燶🤣 牛同鴨肝煎得都過咗火，鴨肝過熟口感就唔太好，望落乾癟，食起上嚟更覺得非常油膩😅 薯蓉只係加左黑椒調味，無牛油味🤔 蘆荀唔夠嫩，煎到有啲乾。 以$308嚟講我會期望更好。❤️ 慢燒法式豬腩肉·蘋果蓉·焦糖洋蔥 $268賣相幾靚👀 豬腩肉有四大嚿，可惜同樣有啲過火候

#超難預約 細細個就聽過小白鷺餐廳，不過一直都無機會去😆 星期六日真係一位難求，佢每7️⃣日前就會開始預約，搶唔到晏就位Book到夜晚，不過撞正禁晚市，餐廳比我哋改期優先Book到晏就食💥 點知果日撞正落雨，附近環境幾靚但食完都無機會去影相，好浪費🥲餐廳室內位就比較普通，無咩特別，而我哋坐呢個戶外位真係好靚，望到湖景而且空間夠大，有一種好嘆嘅感覺😗 但呢個位只限時7️⃣5️⃣分鐘，食得好趕，絕對無可能慢慢食慢慢傾慢慢影！食物方面質素同一般Cafe差唔多，除咗個牛肉漢堡係唔錯之外，其他都無果種umm好好食嘅感覺😆 而佢個Tiramisu 真係好難食，建議大家去試下之後討論下，事後問過係大埔返工會耐唔耐去食嘅朋友，佢都認同呢間餐廳個甜品真係麻麻，其他食物叫做普通，所以唔需要大太期望，只要抱住去食環境嘅心態就唔會失望😆精選幾樣價錢比大家參考，人均$500，覺得小食同甜品偏貴，午餐就還好嘅👇🏻💰美國安格斯牛扒 日本青森縣雞蛋 $268💰牛肉漢堡 車打芝士 煙肉 薯角 $198💰海骼燴意大利飯 北海道帶子 墨魚子 $268💰黑松露薯條 $78 💰Tiramisu $118 📍小白鷺餐廳🔍地址︰大埔大埔滘紅林

環境不錯👍食物都很好😋可惜沒人接聽電話和回覆留言！令人不知應否前來！一直留言到爆留言信箱📪服務大致可以，明白疫情關係營業時間至6時，服務時間不多，但作為客人的我們希望能前來享受一下！希望能聯絡我！

整體嚟講係食feel 🤣，由城市開車出發，加上餐廳景觀有湖境，有種去咗一趟小旅行既感覺☺️價錢很可以，食物質素與價錢是吻合的，只是不算很好吃🤣有時覺得可以喺香港令人心曠神怡、開掦既餐廳是無價的，相對對食物質數要求亦會減低一些，畢竟食材運送一定不是先到新界🤣Truffle fries ($78)基本上去到邊menu有薯條都會叫🍟 第一次到餐廳供應嘅茄汁(甜甜的)係好食過黑松露醬🙈 Risotto with sea urchin, scallop and black caviar ($268)海膽燴意大利飯真的很一般，海膽汁有少許腥，帶子面煎得香，脆脆的，內裡是剛熟、沒熟透，所以有點外脆內軟的感覺。Filet mignon (180g) with pan seared foie gras, potato purée and grilled asparagus ($308)安格斯牛柳(180g). 封煎鴨肝. 薯蓉.燒蘆筍整體是可以的，鴨肝外層沒有照片看起來這麼脆但生熟度剛好👌🏻 配菜蘆筍，不過不失。主菜安格斯牛做到要求的四成熟，離開市區加上此定價，覺得牛肉水準還可以的。下次嚟應該會試中餐廳，

我們同行有大有細小朋友，諗住搵一間舒適嘅餐廳聚會，上網見這間餐廳環境舒適諗住一試！～點知換來很差的體驗！ 可能因為一入門口職員見我哋有好多小朋友，就算裏面有空位，我哋要求可以分開坐，門口職員都唔俾，同我哋講只能坐出面out door , out door 環境一路坐低食, 全程餵蚊，勁多烏蠅！ ～～真係完全冇下次！

/Billow無意中係朋友社交平台見到呢間小白鷺餐廳有巨型聖誕老人掛喺出面, 一直都bookmark左想去🎅🏻 男朋友早左一個月book到聖誕節正日去食😋 環境超靚好似去咗外國咁, 除咗餐廳門口可以影相, 隔離都有户外活動中心可以瘋狂打卡👍🏻安排入座方面就要以排隊先到先得形式, 雖然我唔係第一個, 但服務員安排咗一個窗口位可以望到湖邊同聖誕老人🎅🏻所以我都好滿意而食物方面當日只有聖誕menu, $798 per person, +10%頭盤: 香煎南非鮑魚配日本山藥蓉鮑魚煮得十分軟冧, 味道較清淡餐湯: 法式海鮮濃湯🫕幾濃嘅龍蝦湯, 但海鮮就只有一粒小青口主菜: 宮崎A4和牛配美國蘆筍牛肉份量頗多, 牛味濃油脂重🥩 不過略嫌太肥膩, 食完有小小反胃燒黑鱈魚配松本茸及鰹魚湯呢一碟菜有驚喜, 黑鱈魚肉質非常嫩滑, 配上鰹魚湯好清新, 出奇地夾甜品: 朱古力慕絲, 抹茶蒟蒻, 紅桑子奶凍, 薑餅整體來講食物質素一般, 價錢較貴, 所以性價比唔高, 但環境真係一流所以都值得入嚟影相📸️Food: 😋😋😋(3/5)Price:💰💰💰(3.5/5) $900/ppService: 👩🏻‍💼👩🏻‍💼👩

放假同屋企人去新裝修過嘅小白露餐廳食下午茶，新裝修嘅小白鷺餐廳環境係非常之舒服又好嘅風景！我今日下午茶安排入座嘅時間都非常之準時而且係安排近落地玻璃窗嗰邊都好舒服！下午茶都有囉唔同嘅選擇！但係就發覺其實價錢係比酒店仲要貴！試咗啲食物嘅質素都係好一般！下午茶嘅價錢連埋飲品要成$200就真係太貴啦本想試吓特色嘅窩夫，但係冇晒！就試咗平時喺屋企都成日整嘅牛油果醬蕃茄青瓜大蝦多士，跟住試埋一杯玫瑰Latte但係就覺得太甜轉左普通Latte!Fish and chips 魚柳係可以嘅但係薯條就唔合格！“林啤啤”！雜菜沙律加慢煮雞肉沙律嘅份量都OK嘅亦都有啲紫色嘅西蘭花比較特別！Burger就買牛肉唔得囉又散又乾！估唔到杯咖啡都係比較失望！收咁嘅價錢但係個水準就真係唔得啦純粹係坐吓舒服下喺窗邊都可以嘅

好幾年前嚟哩度食過環境較為港式設計今日嚟到以為會食中餐原來夫君book咗西餐😂感覺耳目一新裝修靚咗好多餐廳內充滿大玻璃光線充足配上藍天白雲我哋坐靠近卡位亦有半開放式的牆身空氣流通特別放心望住湖中聖誕樹背後有火車經過間或又有小船渡過就如圖畫一樣美麗西餐食物同咖啡都好有水準唯獨tiramisu造型好似份子料理層層分離同想像好有出入始終懷念意大利大滿足版本的tiramisu洋蔥湯塊芝士麵包夠晒大😋魚肉鮮嫩上碟才淋上堅魚湯香噴噴有人最欣賞牛肉risotto 醋味唔會太酸黑松露薯條啱阿媽同bb😂有趣造型但無咩咖啡味嘅tiramisu 🙃食飽行湖一圈可能係冬天遇見好多小白鷺🥰就在餐廳門口有shuttle返大埔墟方便下次會再試下旁邊的中餐