Billow

昨天去吃晚飯，過程中有一些食物我覺得不太理想，向員工反映，他們非常好，各位同事都有溝通，他們知道這件事都跟廚師跟進，主動幫我更換食物，再來的時候也有跟進。雖然都不太好，但係他們有解釋，我們理解和明白不是他們問題，但整個過程當中非常欣賞，非常有禮貌值得一讚。也很主動作出一些補償。其實都係一件好小事反映給他們聽，但他們有聆聽並作出好積極的跟進及回應所以我非常欣賞，在現今香港餐飲業，應該要值得一讚和支持。…查看更多

帶老公黎食生日飯，第一次黎，估唔到又幾好食。食甜品時餐廳送左個驚喜比我地，係個甜品到寫Happy birthday.. 非常sweet.. 叫左個牛柳好高質。漢堡包都好好味。沙律就得一款菜比較特別。…查看更多

呢間都係我生日前揀好嘅餐廳，訂咗生日正日嚟食午餐，餐廳座位都闊落，窗外嘅景真係幾靚，環境清幽，湖水同草木都打理得好乾淨:)。我哋每人點咗一款午餐，食物個樣幾精緻，不過味道冇咩驚喜，不過職員有禮，簡單嘅生日飯，影下相都唔錯:)。窗外環境好靚，餐廳裏面嘅電視機播住喺外面電視仲可以舉行婚禮嘅宣傳片段。蕃茄忌廉湯，多啲忌廉會好啲。美國牛肉湯，豆芽菜。炸蟹肉丸子，鮮無花果南瓜配馬蘇裡拉芝士意大利飯，淡咗啲。慢煮加拿大豬排，醃椰菜沙律，豬係幾淋幾好味:)。龍眼茶熱朱古力法式焦糖燉蛋，生日可以寫祝賀語，燉蛋最好味。…查看更多

今日上網先至訂1:30 pm, request咗Window seat,最後因為太多人，所以食頭盤嘅時候只可以坐裏面，食完頭盤個湯之後我哋就轉咗去window 位到坐😍今日環境天氣都好好，所以望出去特別靚，影相都特別靚。我同埋媽媽都每人都order咗一lunch set ，我就要個蕃茄海鮮扁意粉,另外就叫咗個rib eye , rib eye都好有牛味，個個薯蓉啲牛油好香，蘆筍都好食😋另外嗰個蕃茄扁意粉個味好好，又唔會太鹹，個扁意粉個質感軟硬適中，經已係第二次食😋原來今日仲有鬱金香展，食完嘢我哋就行咗出去睇，雖然唔係咁大，但都好靚，今日雖然係平日，都見到唔少人帶埋啲寵物嚟影相👍🏻…查看更多

網上好多人介紹過話，話要提早book位先至入到，今日好好彩walk in可以坐到吧枱附近，等其他客走咗之後就坐到窗邊位🥰，真係唔同啲對住個湖食野都有feel啲🍝🍝，同埋價錢就會覺得值，因為埋單都差唔多200幾一位，雖然嘢食都好味，但唔坐窗口位對比其他cafe就有啲貴個人比較鍾意佢個漢堡包好足料，好厚肉，而且啲薯條好脆，又大條，食過唔停口，個湯都好好開胃🤗 反而個all day breakfast就普通咗啲嘞…查看更多