呢間文華東方酒店嘅居酒屋開咗未夠一年，室內採用古典風嘅歐式設計，但係食日本菜，每個角落位置都係打卡位，影相一流🤩但食物真係唔好太大期望🙈同等價錢應該有其他更高質素嘅選擇🤨 當日菜式： 🍣Chef’s Selection 12 pieces $688 廚師發板壽司12件，🍣較細同刺身好薄，飯係醬油底 🥪A4 Kagoshima Wagyu Sando $678 4件和牛三文治收費絕不便宜，但麵包唔鬆脆，外層竟然連基本烘底都無😅味道就真係勁一般，似食緊普通三文治🙈 😋Warabi Mochi chocolate $88 星期六晏晝去無提供套餐，全部散叫，以上未計10%service charge,但匯豐信用卡有折，環境係幾舒適同寧靜（因為無咩人😂）但呢個價錢真係寧願去食omakase 🙈

Christmas Set dinner🍽 Billow 呢間小白鷺餐廳平時係勁難book位，電話係冇人接聽，要透過第三方網上book位，非常神秘🧐基本上星期六日晏晝係唔會有位，平安夜晚特意過嚟試吓 當日book左8:15pm，點知原來book咗都要排隊等入座，餐廳都算多位置但真係勁奇怪，大約等咗半個鐘終於入得，唔知係咪太多枱嘅關係，當日每上一菜都要催佢先肯上，上菜極慢🙈同埋竟然係唔包飲品要另外散叫🧐 不過餐廳泊車係免費👍 Christmas set dinner $798 per person (+10% service charge) 頭盤： 香煎南非鮑魚，日本山藥蓉 🧐食唔到鮑魚味 湯： 🥣法式海鮮濃湯 🧐飲落有少少苦,得一小隻青口 主菜： 🐮宮崎A4肉眼，美國蘆筍 肉份量幾多，有和牛味，但肥膩咗少少 甜品： 😋朱古力慕絲.抹茶蒟蒻.紅桑子奶凍.薑餅 要另外加錢嘅飲品：

呢間位於東涌新喜來登酒店嘅采悅軒推出多款精緻打卡嘅中菜😍顏值與味道並存🤩留意返點心夜晚時段係無的 菜式： 🌹川味玫瑰鮑片 $498 將鮑片整成玫瑰花嘅形狀，食落仲有啖啖川辣味，打卡得黎又好食😋 🌼火瞳菊花菜 $98 將卷心菜雕成菊花嘅形狀，湯底用上宣威火腿(中式Yunnan Ham)煲成，唔係普通嘅菜湯🤪清甜得嚟又有濃郁嘅風乾火腿味👍 🐷乳豬拼盤（乳豬件、蜜餞西班牙黑毛豬叉燒、海蜇）$348 乳豬皮好脆，叉燒肥瘦適中👍 燈影藕片$98 用蜜糖同辣椒油製成嘅蓮藕片，集甜同辣於一身，中和返味蕾😋 🍜濃蝦湯海鮮泡稻庭麵$368 海鮮湯底勁濃同足料，每啖都有蝦粒，好掛汁😋 除咗散叫之外，餐廳仲有幾款價錢實惠啲嘅套餐，但就冇左啲打卡靚中菜😛

呢間位於K11 Musea Glasshouse 隔離嘅餐廳，外牆係360度LED Wall,大約每半個鐘就轉一次個背景，餐廳好細得十張枱度，當日只叫左4道菜都食咗2個鐘，等上菜勁慢🙈 臨走一望原來啲食物係喺隔離Glasshouse拎過去，但價錢就貴一截😅 食物就真係唔好食，只係食個Led wall特色咁🙈其實同樣Led wall設計好多clubbing都普及，只係放左去餐廳就變咗樣新野咁🧐 當日菜式： 🦞原隻龍蝦海鮮焗飯 $598 D飯好乾冇咩味，龍蝦都冇咩鮮味 🍞36個月伊比利亞火腿蕃茄配西班牙水晶麵包 $138 個名好似好勁咁，但其實係普通凍麵包上面放一小片ham,性價比低 😋香辣白酒焗蜆 $118 份量好少，得幾隻蜆，味道似普通日式放題嘅蜆 🍓甜品係生果泡芙，正係記得生果係酸

山長水遠入嚟西貢近清水灣嘅cafe諗住感受下世外桃源chill下，點知同網上d 打卡相睇上去2回事🤢外觀勁普通完全唔值得特登入嚟，食物仲要超級難食到不可接受😩 🍔和牛漢堡配薯條 $195 睇相望落🍔好似好足料咁，點知一咬落去，啲配料凍嘅🤢塊牛仲有勁大陣羶味😖本人真係未食過🍔可以係咬到去凍嘅😅仲要等左佢勁耐先上🙈跟住啲薯條睇落去好明顯係翻炸，梅嘅🤢 🌮北京烤鴨卷 $155 呢個個味道正常少少，但都係凍嘅似擺左好耐😅份量仲要勁少唔係好值咁嘅價錢 另外仲叫咗杯Mocha,賣相差到相都廢事影，飲落仲要冇咖啡味，似用奶粉沖🤢 總之真係唔值得咁遠水路食啲咁難食嘅食物，其實佢outdoor嘅草木decor🌴好多市區嘅cafe都有類似效果囉🙈

深水埗長沙灣呢頭開咗好多新cafe,今次就試下呢間木系風嘅cafe,餐廳背景音樂都係用佛系禪修嘅音樂,座位都幾多，星期日中午1點去都等左一陣先入得 ☕️Rose Latte 一花一世界$48 咖啡附送禪語錄同餅乾，飲到淡淡玫瑰香味 🍵Mocha Latte 一草一天堂 $48 拉花好得意😝都係附送禪語錄，幾有特色 🍔和風軟滑芝士漢堡配香草薯條 $88 本人唔食芝士所以走左芝士🙈包好脆身，但入面塊牛肉超細舊，只佔個包一半度，有牛味，薯條都好脆 🍝明太子海鮮意粉 $108 海鮮份量ok,有幾舊大大舊的墨魚頭同青口，味道略嫌黑椒味較重蓋過明太子

睇人推介呢間和牛燒肉，見幾吸引就試吓先，點知真係幾高質😋 店內環境乾淨舒適，座位寬敞（全部座位都係梳化卡位）仲有啲牛雕像做裝飾，而餐廳亦擺放左日本黑毛和牛證書，信心保證👍 當日我主力食和牛，雖然係放題但佢擺盤都幾有心思，送一個好打卡嘅出煙既寶箱放住一塊和牛👍 而我覺得最好食就係和牛薄炙里脊肉😋 薄肉相對厚肉食落冇咁易濟，每次order佢都會附送一隻溫泉蛋🥚燒完肉再撈落蛋漿度so yum😋 當日揀咗以下套餐：但好似上少左隻小舟🧐 87款＋小舟•盛合*＋桶•盛合（牛肉4款)*＋ 是日寶箱* 🐮日本黑毛和牛5款（牛肋肉，牛肋間肉，里脊肉，薄交里脊肉•牛肉角切（一口牛）） 🐷日本豚肉同雞肉、 🦐海鮮5款(蠔、蝦、帶子，愚魚、蠑螺) 🥬野菜11款等 💵每位價錢$648+10% service

呢間深水埗純白cafe都開左一排，但係都keep住受歡迎！本月嘅星期日晏晝1點幾去，店外都出現人龍，差唔多等左一個鐘先入得🙈 點菜： 🍳全日窩夫早餐 $125 呢個All day breakfast 冇薯餅但係有一件炸海膽餅🤤上面仲舖有魚子醬🤪咬落去有爆漿嘅海膽味醬，幾特別😜反而招牌窩夫就一般般，咬落去比較粉感🤨 🌮洋蔥壽喜燒牛肉夾餅 $98 見佢個名係壽喜燒以為佢係甜甜地，點知一啲都唔甜👍牛肉+埋牛油果🥑勁match😋飽肚又好食 🍵Motcha Latte $42 ☕️焙茶燕麥朱古力 $45

預約了差不多兩個月的afternoon tea,本身好大期望去試，點知食完極度失望😖 食物未必太過細少，感覺食風似的 基本一般下午茶都有4個scone,呢度只比2件 仲要提staff上，先會上比你，以為要專登焗所以咁耐，點知又凍又硬的，係我食過最難食的scone,仲要係五星酒店出現🤦🏻‍♀️ 環境方面，d staff不停係你身邊/後面行黎行去，想影張無佢哋身影嘅相係極度困難，勁有壓迫感，完全不能輕鬆enjoy 臨完叫staff加水,竟然只加左一壺，另一壺話轉頭加完比返你，結果到埋單另壺茶都無左影🤦🏻‍♀️ 另外大堂廁所好污糟，完全唔似五星酒店應有既service 埋單+10% total,$809/2位 咁嘅價錢，食rosewood冇咁嬲 又貴又唔好食，份量極少，service差，環境又不能enjoy，十分中伏！

見到呢間係推薦餐廳，又咁多好評，一心抱住高期望黎試吓，現場都大量人等位 前菜，味道好特別，好似油炸鬼的味道 主菜叫左2個dinner set 1)碳燒紐西蘭牛肉眼扒配黑松露燒汁 叫左5成熟但係7成熟，牛扒冇牛味同唔似係碳燒，似蒸熟再煎過下，似足茶餐廳質素的牛扒但收貴價價錢，好失望 2. 碳燒鹿兒島極黑豚西冷扒配藍莓燒汁 都係一樣唔似係碳燒似蒸熟再煎，欠缺肉味，扒好厚身但肉質鞋身 總結，係茶餐廳食物質素嘅但收緊西餐的價錢，抱住期待去食會好失望