8鍋臭臭鍋 (謝斐道) (已結業)

難得去銅鑼灣，行行下街見到呢個一人火鍋湯底都好多選擇，餐廳環境都唔錯，光線充足，設計頗有格調。餐牌有幾新穎既咖哩奶蓋鍋，於是就入左去試下啦入到去見到個牆上面有晒佢係台灣同香港既所有分店，雖然位置之間有啲窄，但都仲可以接受既。我地揀左個芝士牛奶鍋（$112）同埋 黑麻油雞鍋 （$112） 然後加左個牛肉卷 （$48）上菜都上得幾快，唔洗等左好耐就有野食，一開始仲諗住粉絲咁少會唔會唔夠食，但點知入面真係好足料！芝士牛奶鍋同入面既料真係好夾好好味，入面有鳴門卷同埋蟹柳，同個湯料好夾，個豚肉好厚好有鮮味，連埋湯汁個味道好豐富反而黑麻油鍋一開始比湯料入面既藥材掩蓋左啲黑麻油，但個味道好鮮，同入面既蔬菜、菇類好夾。可惜啲雞切得比較細，唔太滑，有啲可惜然我地食食下太口渴就嗌左啲梳打 （$30）啲梳打好香，好fresh 唔會好似坊間一啲人造既香味，值得推薦！如果想試下台式邊爐，不妨一試😋

同frd過黎食 七點幾黎到 見到唔係好多人 一黎到就有位 雖然唔洗等位 但係味道認真麻麻。。。 我order咗麻辣鍋 小辣 我個frd order咗蒜香牛肉鍋 菜品冇咩特別 份量都算大 但係都係d丸仔 腸仔嗰d 少少肥牛 個湯仲幾油下。。。我個frd嗰份蒜味好怪。。。火唔可以較大細 一開始滾到傻 d煙係咁撲上塊面度 之後就冇火 凍得好慢本來諗住俾中評 但係食完第二日我哋嗰肚都有唔舒服 都肚屙😣😣😣 唔知係咩問題😰😰😰本來諗住俾中評 但係食完第二日我哋嗰肚都有唔舒服 都肚屙😣😣😣 唔知係咩問題😰😰😰差評差評差評差評差評

無意中搵到見到有位坐就入來呢個鍋配粉絲無得彈我叫左小辣👍🏻👍🏻👍🏻👍🏻👍🏻羊肉超好食！反而下次我會叫呢個鍋因為凍凍地既天氣暖粒粒幾好食飲品叫咗冬瓜茶同埋水蜜桃紅茶飲品都唔算太甜菜都好新鮮反而牛丸有驚喜佢會湪熟曬先嚟俾我哋食等我哋唔使等太耐而且牛丸非常有牛肉味

餐廳位置好容易揾，就係一蘭隔離。餐廳製湟好別緻，好台灣CAFE風格，令人覺得可以係香港呢個繁忙嘅都市入面揾到少少喘息嘅空間。牆上掛左唔同分店嘅相，同埋仲有好有藝術風格嘅塗鴉。值得一讚嘅係枱椅唔會擺到好近，令到坐嘅位好逼，佢地位同位之間嘅空間好闊，坐得好舒服，亦唔會聽到隔離枱講咩，有反D私隠。MEUN上面有9款唔同口味嘅火鍋揀，每款都只係$88蚊非常化算，包粉絲/飯，加$12蚊仲可以升級至魯肉飯，套餐仲包一杯飲品，非常多野食。招牌臭臭鍋名符其實嘅臭臭鍋，真係夠臭，同時又好惹味，推薦食入面嘅腐竹，吸哂湯D味，好好食。台式麻辣鍋呢個鍋入面本身已經有泡面，所以加埋佢送嘅主食會好飽，麻辣鍋係台灣名物，係呢到一樣食到台灣味道，推介食鴨血，鴨血同麻辣鍋係PREFECT MATCH!鹽酥雞同台灣腸鹽酥雞炸得十分香脆，調味好夠，好惹味!台灣腸有一種甜味，好令人一口接一口食！巨峰提子梳打&奶蓋烏龍茶飲品係用飲品鋪嘅杯入，令人好似係飲品鋪飲嘅咁，巨峰提子梳打唔會死甜，唔會好似飲汽水咁，果味十足！奶蓋烏龍茶個奶蓋好CREAMY，正！烏龍茶烏龍荼係額外加嘅，所以特別大杯，有茶甘味，清清地好好。餐廳十分貼心，外面

環境4分：間嘢地方好大好通爽，裡面D牆掛囇8鍋其他分店D門面相，同寫出主打菜加埋餐廳理念，夠簡單，可以畀四分。衛生4分：地方都打掃得OK乾淨，枱面有紙巾，筷子同匙羮，衛生唔錯可以畀四分。服務4分：樓面顆記落單上菜快手快腳，免費水添得夠密，服務可以畀四分。味道5分：1)     個香蒜牛肉鍋湯底蒜味好出，好濃，好野味。入面Ｄ料乜都打孖嚟，有甜味嘅粟米，魚蛋片同甜不辣炸蝦條，有健康嘅鮮紅蕃茄，娃娃菜，金針菇同其他雜菜，有彈牙嘅蟹籽丸，果個又鬆又爽嘅凍豆腐同啲薄片牛肉真係非常之咁好味，五分真係冇比多佢。2)     每個火鍋可以包碗白飯，又熱又香，Ｄ飯靚到好似係用日本米煲。3)     加錢打隻蛋落個鍋，乜都香滑囇。4)     台灣貢丸好彈牙。5)     烏冬一樣好夠彈。抵食5分：一人一百蚊唔使就可以响銅鑼灣區食個飽肚足料火鍋，雖然兩個人分一個鍋要加多客烏冬同台灣貢丸先夠飽，不過呢個價錢絕對超值，畀佢滿分。

天氣開始轉冷，寒冷的天氣下最想打邊爐。一個人在銅鑼灣尋尋覓覓，終於找到一間火鍋店。一個個午市套餐，均一價錢，先選湯鍋的種類，再選米飯或粉絲，再選飲品。最受歡迎應該是招牌臭臭鍋及台式麻辣鍋，但我不太吃辣，所以點了香蒜牛肉鍋。醬料有蒜蓉，豆瓣沙茶及豉油，可自由調配。侍應端上這個湯鍋，已嗅到陣陣香蒜味，令人食指帶動。內裡有多款配料，分別是娃娃菜，牛肉片，蟹籽丸，甜不辣，牛丸，凍豆腐，粟米，金針菇，炸枝竹，沙白，鳴門卷，魚豆腐及蕃茄。牛肉嫩滑，牛肉味濃。沙白鮮甜，與蒜香湯底味道很匹配。蟹籽丸彈牙，足料有蟹味。粉絲也很軟滑，煮熟後掛湯一流。小食點了炸花枝丸，沾上一點泰式醬汁，辣辣地很香脆。飲品是抹香奶茶，茉莉香和奶味突出，兩者味道配合得天衣無逢。

叫咗黑麻油雞鍋，個鍋用湯勺一撩根本成鍋都係麻油，個鍋啲火力又唔平均，之後就會見到滾起本來係湯頭米水色嘅水。啲雞係嫩嘅，除此之外成個鍋冇樣嘢值錢。食食下竟然俾我見到個碗到有粒黑色嘅嘢，我希望係香料啦，點知俾我見到隻嘢有翼，即刻乜都食唔落。呢個餐收成 $112 仲要加一，完全係呃錢，呢個價錢去吉野家食，仲有幾十蚊淨。個湯見佢咁油，我都唔敢飲咖喇，係咁咦試咗少少，除咗麻油同味精，我乜都試唔出。啲丸呢，就似係銅鑼灣超市冰鮮櫃到執出嚟。佢個兩粒磨菇，我唔知佢有無抹乾淨啦，但係就好似有霉菌咁一撻撻。

唔明點解咁多正評，$112一個鍋，d料勁cheap，d肉嘅肉質差過大家樂，sell湯底但無味普通味精湯，最期待嘅臭豆腐又唔臭，同普通白豆腐無乜分別，成個鍋得幾條菜，幾塊cheap豬肉，幾塊豆腐，兩粒丸，嘢飲廿幾三十幾一杯，八點幾到已經無哂滷肉飯（滷肉飯係要加12蚊轉嘅）連白飯都無，迫住揀得兩啖嘅粉絲，加點食物貴到離哂譜，價錢、食物質素同味道完全唔•合•理！食過好多伏店，但呢間真係第一次忍唔住要上嚟負評佢等其他人唔好中伏，落單個位哥仔仲要口齒不清又應下唔應下唔知做緊乜，兩個鍋兩杯嘢飲一碟鴨血加埋一，$170左右一個人，真係倒錢落海

經常係銅鑼灣食飯見到post介紹呢間餐廳是晚就同老公黎試下8:30前黎到 只有兩檯食客明明有好多好評 唔通係伏一人叫左一款鍋芝士牛奶鍋 同藥膳羊肉鍋兩款入面都係有丸 蟹柳 娃娃菜 腐竹呢d基本野 都唔會難食呱湯底咸左小小 感覺有dd味精當我食左8成食物時發現有隻豆豉甘大既昆蟲飄浮 有腳咖！唉 點解我甘黑仔 唔係一開始發現叫左職員黎睇佢仲問我係咩黎 之後話換個鍋俾我但都食飽左啦 所以我無要雖然一句唔好意思或者俾個折 都改變唔到個鍋入面有隻蟲 但當好似無事發生甘處理 係一間餐廳應有的態度嗎可能只係個別事件但呢次係第一次亦係最後一次

上星期和朋友到銅鑼灣睇戲，大家刀想食下一人鍋，朋友醒起附近有8鍋，所以我們前往！咖哩奶蓋鍋：睇到有新品上市 - 咖哩奶蓋鍋，立即order試下，湯底又香又濃郁，加入奶蓋，咖哩吾辣帶點甜味。配以豬肉片、娃娃菜、黃金魚子球、蟹柳、沙白、沙葛、四季豆、粟米、甜不辣、炸魚蛋、魷魚圈、炸枝竹、粉絲、金針菇、嗚門卷，一大鍋，好豐富啊！食材新鮮，吸收湯汁後食好惹味！芝士牛奶鍋：放有生雞蛋一隻和芝士一片，將佢伴均勻，湯底鮮味香滑，配白豚肉、台灣貢丸、蟹柳、心型魚豆腐、沙白、麻吉燒、娃娃菜、日本南瓜、香菇、金針菇、炸枝竹、蛋餃、鳴門卷、烏冬。材料也很豐富，有肉有菜，均衡飲食好味又健康！每鍋可選飯或粉絲，客人大多選粉絲，因為粉絲吸收湯底後，爽口又惹味！飲品：盆栽奶茶，茶味香濃，加入朱古力餅碎更添口感。而水蜜桃沙冰，甜度適中，冰凍好飲。花之丸：為小食，炸得不算油膩啊！

難得近排天氣轉涼，又係一個打邊爐嘅好季節，除咗連鎖快餐店嘅一人邊爐之外，其實來自台灣嘅臭臭鍋都係呢個風格，而且當中可以選擇嘅材料更加多更加特別。今次行過銅鑼灣我哋就選擇咗呢一間8鍋臭臭鍋，去到門口入面已經得返唔多位，入去之後見到有一個芝士牛奶鍋，見到咁特別都忍唔住點左一個黎試下，另外一個就保守啲點左招牌臭臭鍋。嚟到嘅時候反而覺得芝士牛奶鍋個味道比較好，可能普通果隻味道冇咁特別，牛奶芝士鍋越煮越香濃，對比之下我都建議大家可以試吓。而且呢度嘅鴨血好出色，我哋都忍唔住另外叫多咗一盤，鍾意食鴨血一定唔好錯過。

冷風吹過，毛管直竪，這個時候最好就是吃火鍋啦，放工後，同事帶我來了這間「8鍋臭臭鍋」，原來在台灣有多間分店，每人一個正方鍋都幾特別，最重要一人一鍋比較衛生。我點了個招牌臭臭鍋，有娃娃菜、白豚肉、鵪鶉蛋、蕃茄、臭豆腐、鴨血、台灣貢丸、米血糕、大腸、炸枝竹等，材料都相當豐富，湯底濃郁、惹味，鴨血滑嘟嘟，沒有血腥味，且大量蔬菜感覺火鍋也健康一點。同事則點了黑麻油雞鍋，飄來陣陣麻油的香味，配料有雞肉、娃娃菜、米血糕、枸杞、炸枝竹、淮山、鴨肉丸、沙白等，雞肉幾嫩滑，沙白又洗得乾淨，不會吃到砂子。古法秘製臭豆腐，豆腐切開，讓醬汁更入味，會有少少辣的，但辣度接受到的。桂圓黑糖薑母茶， 桂圓的清甜配上辣辣薑味，讓我感到很暖胃，整個人也暖起來了。

見OpenRice 好評咁多,天氣又凍,所以去食呢個一人一爐火煱，暖一暖😌🍲酸辣🐑羊肉煱（小辣）材料有：羊肉🐏、娃娃菜、豆腐、酸菜、米血糕、甜不辣、福州魚蛋、豆乾、木耳、凍豆腐、沙白、雞蛋、金針菇、炸枝竹、鳴門卷🍥。材料豐富，湯底味道不錯，不過覚得酸度多左d，小辣都0k！👌🏻羊肉唔騷，都冇雪味👍！米血糕煙韌幾好味！🍲蕃茄🍅白豚🐖鍋🍲材料有：白豚肉🐖、娃娃菜、豆乾、蓮藕、蕃茄🍅、粟米🌽、香菇、凍豆腐、青豆角、金針菇、炸枝竹、粉絲、鳴門卷🍥、木耳、淮山。番茄🍅湯底夠濃，有一大個蕃茄。白豚肉肉質不錯，冇雪味👍其他材料都正常，好味嘅！另外讚吓餐廳推介嘅完美比例醬油介紹：沙茶醬/豆板醬3茶匙🥄＋豉油2茶匙🥄＋蒜蓉1茶匙🥄。溝左出來好香，yummy!

除了大圍打邊爐，我都幾鍾意一人一鍋，快靚正！和媽媽來到了銅鑼灣的8鍋臭臭鍋，是加入了臭豆腐的台式火鍋，正直冬天，都差不多坐滿人客！我們先點了台式飲品！我點了奶蓋烏龍茶，濃滑的芝士奶蓋加上清香的烏龍茶，不錯！媽媽的熱珍珠奶茶不會太甜！有9款鍋，比較熱門的有臭臭鍋、牛奶鍋和麻辣鍋！媽媽點了招牌臭臭鍋，我要補身，點了藥膳羊肉鍋，已經搭好配料，可搭飯或粉絲，配料可另點，一定可以吃到飽！臭臭鍋當然有台式臭豆腐，其他配料有大白菜、豬肉片、台灣貢丸、米血糕、大腸、豬紅、沙白蜆、鵪鶉蛋、番茄、金菇和鳴門卷等等。臭豆腐不算好臭，幾惹味。台灣特有的米血糕煙韌有咬口！我的藥膳羊肉鍋也不錯，羊肉不會羶，有椎山，健康！還有鴨肉丸，很彈牙！湯底有藥材味，不膩！吃完暖暖的！我們也點了個小食炸花枝丸，外面好脆口，大大粒好彈牙！一邊食一邊有火熱著鍋子不會冷掉，很好呢，難怪餐廳外都排滿食客！

台灣的臭臭鍋旋風陸續登陸香港，台式火鍋加上臭豆腐因而得名，食客貪其價錢大眾化，味道又有風味～今次到探這間過江龍火鍋店，湯底、醬料都是台灣的配方。先來客鹽酥雞～熱辣辣炸雞香氣迫人。外皮鬆脆可口，內裡雞肉肉質軟嫩，不錯～招牌臭臭鍋一來，隱約嗅到臭豆腐那獨特的發酵味。火鍋份量蠻多，有臭豆腐、大腸、朱紅、鵪鶉蛋、韭菜、蕃茄、榨菜絲、豚肉、炸枝竹、沙白等。臭豆腐夠臭，索盡湯汁，入口軟綿綿。除了臭豆腐，米血糕也是較傳統的台灣食品，口感煙煙韌韌，味道不俗，台灣味十足。火鍋整體味道沒有台灣的濃烈，應該是特別調配迎合港人口味。羊肉嫩滑沒有羶味，跟湯底很夾。火鍋料還有娃娃菜、魚豆腐、酸菜、米血糕、豆乾、木耳、凍豆腐、金針菇、粉絲等吃了一會，辣味慢慢滲出，酸辣味道很開胃。與麻辣相比，我比較喜愛酸辣，不會令味蕾麻痺，可以嚐到辣的層次。一人一鍋，邊談天說地；邊大口吃貨！爽