8鍋臭臭鍋 (謝斐道) (已結業)

8鍋臭臭鍋🙊🍲cp值很高的台式一人邊爐😳.台式麻辣鍋🌶小辣嘅話只有熱但唔算太麻🔥特別係好濃香科藥材味😳我個人係幾中意的🙈相比起大陸食嘅個陣香精味😫牛肉甜不辣等基本都索哂湯頭嘅味道好濃郁🤤入面嘅魚蛋會爆汁好正🤫.香蒜牛肉鍋🙊原本以為會好重蒜個陣臭味🤭點知加埋粟米個湯係幾清甜的😱唔食蒜頭嘅我都飲咗幾啖湯🤩.一個吉野家邊爐都要60蚊了呢度百一蚊左右就可以食到十五六樣嘢食同埋濃郁嘅湯底👍🏻雖然每款食物都得兩三件(牛肉份量係好足夠但係會飽到捧住個肚走😂另外餐牌都寫好哂入面有咩材料非常貼心👍🏻仲有黑糖珍珠鮮奶🤪味道拍得上出面大排長龍嘅奶茶店🥤比起任食邊爐係更惜食同高質嘅選擇💓會想一去再去嘅邊爐店😆

原來銅鑼灣都開咗臭臭鍋，台灣有好多分店，而家近近地都有得食～番茄白豚鍋 $112 番茄味香甜，料都好豐富，淨係食餸都應該夠飽！蜂巢豆腐吸收晒的湯o既精華～～～　好味平時好少食豚肉，因為怕肥同怕臊，但呢個ok～ 有得混醬，有辣椒油、豆瓣醬 、沙茶醬同蒜蓉有我鍾意的鮮淮山～～～ 仲有蓮藕～～ 爽脆～～鹽酥雞 $ 42鍋配粉絲 / 白飯，我要咗粉絲，因為粉絲可以吸收晒d番茄湯精華！朋友要咗新野， 咖哩奶蓋鍋 $112奶味唔算濃，飲落似creamy d 的咖哩，一樣好多料，好夠飽！加 $12 可以要滷肉飯桂圓黑糖薑母茶 $30滋補熱飲，薑味夠濃夠辣，我鍾意～～ 仲有桂圓同紅棗，好適合女仔飲！芒果鮮奶沙冰 $35

老公上內地公幹，正好抽空約埋個好姊妹去銅鑼灣買野同食晚飯啦！ 可惜天氣不似預期落好大雨，搞到無晒 mood, 好彩我朋友話早點去食一人一鍋，心諗好呀涼涼地，去到目的地先發現原來唔係放題而是台灣特色鍋物，更加有多款不同口味供選擇，店內滿滿客人，不過等左一陣好快已經有位了。店內裝修都有心思，店員安排坐位還提供menu比我地，圖文並茂一目了然，還有多款台式飲品選擇~珍珠奶茶，奶蓋，金桔青檸蘇打，沙冰，冬瓜茶等等。 開餐啦！枱上附上四款調味料同醬油，竟然有我最愛的蒜蓉同沙爹還有豆辦醬同辣油等。Menu 清楚列明食材 台式飲品又點少得呀，我朋友喜珍珠奶茶$33，奶味較重珍珠質地可以做得煙韌些，而我選左金桔檸檬梳打$30！ 爽~ 酸酸甜甜夠解喝！蒜香牛肉鍋 $112 包飯或粉絲口湯較清，材料豐富，冰豆腐吸收晒 d湯精華，由其是我們選擇吸力強嘅粉絲，牛肉金菇，腐竹魚片黃牙蔔，清清地也不錯！招牌臭臭鍋 $112 湯底較濃味，話得臭臭鍋當然聞到臭臭地，佢地用上臭豆腐，血米糕， 鵪鶉蛋 ,金菇，豬肉片同貢丸當然炸菜最惹味，還有粉絲香菜特別香。小食酥炸花枝丸 $38將花枝丸介花炸後就不規則，味道酥軟煙韌。

The food was great and it came quick (as it should). But the service was lacking. The floor staff lacked motivation and didn't really look towards the customers as they should. One thing I'd like to point out is the lack of professional etiquette. No smile nor even a response back to a simple thank you. Music was coming from the kitchen, could be heard and it doesn't seem they even mind the customers.

今日喺銅鑼灣想食個鍋物，醒起之前同事講過嘅呢一間台式鍋物好抵食，一百一十二蚊就可以一人一個爐，啱哂同我嗰個唔食得辣嘅表姪女一齊食。多多綠，即係益力多綠茶，兩者嘅味道平衡，有益力多味又有綠茶味，甜度揀咗微甜，下次試吓個甜度上升一級，應該會更加好飲。麻辣臭豆腐，呢個麻辣臭豆腐認真夠臭，一擺上台，唔食臭豆腐嘅表姪女即刻表示缺氧，但係對於我嚟講，嗰份香濃嘅臭豆腐味甘香撲鼻，勁鐘意臭豆腐嘅我當然樂於食埋佢嗰份啦。鹽酥雞，鹽酥雞充滿住台灣嘅風味，外皮酥脆，口感嫩滑，特別鐘意佢上面嗰啲九層塔碎屑，九層塔嘅香味令整個食感更加昇華。招牌臭臭鍋，作為臭人嘅我當然係揀臭臭鍋啦，臭臭鍋故名思義就係用咗臭豆腐嚟做個鍋底，辣度揀咗中辣，麻辣味道夠香夠濃，刺激過癮，除咗臭豆腐之外仲有好多豐富嘅材料，例如白豚肉，台灣貢丸，米血糕，大腸，豬紅，沙白，鵪鶉蛋，蕃茄，榨菜絲，韮菜，金菇，娃娃菜，鳴門卷，炸枝竹同埋粉絲，由於湯底裏面加咗臭豆腐嘅關係，令整個鍋底都帶有微微嘅臭豆腐味，鐘意食臭豆腐嘅朋友絶對不容錯過。黑麻油雞鍋，表姪女就揀咗黑麻油雞鍋，呢個雞鍋帶有少少藥膳嘅感覺，因為鍋底裏面加咗啲藥材，包括枸杞同淮山，叧外米酒同

經過cwb 同朋友都想打邊爐所以就諗住食一間台灣嘅打邊爐餐廳而且聽講好似都係幾出名喺世界各地都有佢嘅分店都增加我對呢間餐廳嘅嘅信心餐廳入邊都係幾大而且唔會坐得好迫一個係牛奶鍋勁重好濃嘅牛奶味而且入邊嘅材料都好豐富有肉有茶而且仲可以揀粉絲飯同埋公仔麵咁就可以配合唔同口味嘅你啦唔到南瓜配呢個牛奶鍋都係幾香嘅而且出嚟每樣餸都好重味每一口都食到濃濃嘅奶味我好鍾意蒜香牛肉鍋蒜味都幾重而且都幾多牛肉個湯一嚟到就已經食到好濃嘅味你入邊仲有蛋 粟米 豆腐丸等等等都好似我哋屋企打邊爐咁奶蓋烏龍茶我叫咗少甜味道比較淡下次都係叫返正常桂圓薑茶好好飲嘅薑茶飲完會全身暖粒粒

今日落雨天氣再凍幾度，見證寒冷天氣不遠矣！朋友相約到8鍋臭臭鍋吃火鍋驅冷，價錢唔貴大概百多元一位，食法很簡單每人一鍋唔使你遷就我同時我遷就你，啱啲有不同食物喜好的人，或者一啲食得辣但一啲唔食得辣嘅人。去到餐廳已坐滿人，個個埋頭苦幹食個火鍋，餐廳唔算大，啲座位 適合三五知己，攞起餐牌睇有多個火鍋款選擇，因應需要可以加配其他食材，還有些小食同飲品，種類不過不失。再睇佢哋嘅餐牌介紹臭臭鍋喺2005年成立，從8款湯鍋起家而命名，大大話話有13年了。【蕃茄白豚肉鍋】湯底甜甜地不過蕃茄淡啲冇想像中濃郁，有頗多餸在鍋中滾下滾下，越煲越出番啲蕃茄香，豚肉唔錯，肉質腍而同時吸收湯汁令口感更佳。【香蒜牛肉鍋】湯底相對清淡啲，反而蒜頭嘅比例幾多帶出陣陣蒜香，牛肉幾爽但唔好滾太久，否則嚡口要啃多幾下。【酸辣羊肉鍋】我朋友鍾意羊肉，驅寒恩物是也，佢話羊味濃唔騷幾得，加埋酸辣湯底刺激味蕾。蜜味台灣腸~眼見呢道小食幾多油，不過幾香有清清蜜糖。食餐加埋杯金桔檸檬梳打酸酸甜甜清新醒腦，朋友話整體食物不錯，遲啲天氣再寒冷又再嚟食過，咁就這個冬天不太冷。🥢❤🥢❤🥢❤🥢❤🥢

世間上除咗臭豆腐之外，應該冇其他食物用"臭"嚟挖苦自己，不過世事無絕對，這家店正正是以"臭"嚟命名的，其實係以臭豆腐為首嘅鍋而命名的。 鍋嘅款式都幾多，當然初次食叫招牌鍋有保證，的確個鍋有惹味嘅食材，味道係幾過癮，好似米血糕平時少食嘅台食，係糯米煙煙韌韌幾有趣， 不過沙白比較細粒同埋冇味， 主要係靠湯底帶起的味道。 大、中、小辣之中我揀了小辣已經好夠味道，當然唔夠可以再加佢哋嘅蒜蓉醬、沙爹醬、甚至再加辣椒油都仲得，火鍋滾住嚟食越食越熱，就算冬天都冇有怕。每個餐都會跟一碗飯或者粉絲，驟眼來看粉絲不多，不過放在火鍋裏一發脹就可大可小，多到食唔曬。麻辣臭豆腐，有啲似鹵水豆腐，要趁熱食，如果唔係一凍咗會好臭。 盆栽奶茶即係朱古力加紅茶，面有曲奇餅碎增加了口感層次，幾順滑，唔錯。臭臭鍋的臭再加辣，完全啱曬我呢啲鍾意食臭豆腐嘅人啱曬key。

係鵝頸橋除左打小人之外，附近其實都有好野食，天氣凍凍地，打個邊爐最正！！我地去左呢間8鍋食臭臭鍋，原來仲有好多鍋揀架，一人一鍋可以叫兩個款。睇下好咩好食先。臺式麻辣鍋，嘩，好像好好好味，成個鍋都係料，我唔客氣啦⋯⋯牛肉片有好多塊，夾極都有，我仲搵到蜆肉添呀，個湯底麻辣度十足，好彩我叫左小辣，對我黎講啱啱好。蕃茄豚肉鍋，有好多蕃茄，湯底有蕃茄既酸酸甜甜味，即時胃口大增。因為太好食，我認唔住兩個鍋都夾黎食。火鍋套餐可以跟飯或者粉絲。蜜味台灣腸，點都要叫個小食食下，台灣腸好好味，正如我去到台灣都一定會食，可以懷念一下台灣既味道。天氣太凍，所以叫左熱既珍珠奶茶同香芋珍珠，奶茶香味夠，粒粒珍珠彈牙，我覺得仲好飲過冷飲。

「你知道嗎？櫻花飄落的速度，是每秒5厘米！」「如果，樱花掉落的速度是每秒5厘米，那麼兩顆心需要多久才能靠近？」。。。🦉要談那麼哲學的問題。。。還是先取張票，找個位置坐低，再叫杯特色飲品，讓頭腦 鬆一鬆，慢慢想！芒果鮮奶冰沙 $35芒果跟鮮奶經過在攪拌機超過5秒的廝磨後， 不經不覺已經「搭上了亅，混在一起。這杯小冰版本 的台式特飲 ，沒有很甜丶也沒有很冷。good！芒果味很出 丶 鮮奶的存在感。。。 就是為了讓沙冰可以在我的口中無拘束地滑滑流動， 兩者混合了的果味沙冰， 對我來說，無論是質感還是味道， 兩者都是剛剛好！ 正所謂：剛剛好、就是最好！ 所以我十分欣賞這杯可以幫我解渴又好味的沙冰。巨峰提子梳打 $30我沒有試朋友的這杯飲品， 目測賣相不錯， 用來在facebook刷 存在感也不錯 ，你認為呢？。。。🦉福福郎最近愛上了看「 日本寫實派動畫大師 」新海誠 的動畫。。。雖然櫻花飄落的速度我不知道， 但是香港去東京的飛機航程需要四個多小時，這個我倒認識！「我們即使發了一千次短訊， 但心與心之間， 估計只能靠近一厘米！」。。。🦉招牌臭臭鍋 (小辣) $112這個台式臭臭鍋是最近吃的潮流，

小食要炸花枝丸 $38開花4粒比較挺身，有少少泰國風味配酸辣醬。套餐係加飯/粉絲=$112咖哩奶蓋鍋娃娃菜、豬肉片、奶蓋、沙葛、黃金魚子球、甜不辣、炸魚蛋、魷魚圈、蟹柳、四季豆、粟米、粉絲、炸枝竹、金針菇、鳴門卷同沙白咖哩味重，入口有少少cream既感覺。打多數以咖喱為主，特別係甜不辣同埋黃金魚子球。後者爆漿有點甜酸又忌廉既味道。豬肉份量多過一人份量少少，唔會煲得耐而老，都保持到！黑麻油雞鍋米酒、老薑、雞肉、娃娃菜、炸枝竹、金針菇、枸杞、洋菇、淮山、鴨肉丸、米血糕、沙白、鳴門卷、粟米、台灣米線、玉子豆腐同牛丸大洋菇要煮得比較耐先入到味同無草青味，較後時間才吃！沙白三隻到，無沙既，多d仲好啦。鴨肉丸比牛丸細少少，後者有汁加軟組織好味d，哈哈！鴨肉不過不失，加上多黑麻油就野味d。巨峰提子梳打 $30因為食咖喱喎仲比較重未，所以飲梳打就比較清新解渴。慶幸提子嘅味道唔係藥水味，好！桂圓黑糖薑母茶 $30得熱飲既，冬暖之選。類似台灣嘅一個個方磚整嚟既，但味道好龍之過底布滿晒薑粒仔。薑味重之餘仲真係有兩粒小龍眼同紅棗坐鎮嫁。

秋冬季節，好多時都會食火鍋，同事昨晚同家人去8鍋臭臭鍋食，食到一鍋新上市的咖喱鍋好好味，她知我喜歡試新食物，今日立即話我知，我，立刻叫埋老公去試試，因為老公正在銅鑼灣工作，所以我就選擇銅鑼灣分店用餐。座無虛席，立刻按票號等位。咖哩奶蓋鍋：新品上市，娃娃菜、豬肉片、奶蓋、沙葛、黃金魚子球、甜不辣、炸魚蛋、魷魚圈、蟹柳、四季豆、粟米、粉絲、炸枝竹、金針菇、鳴門卷、沙白。火鍋是用明火熱住食，湯底咖哩味香濃，加埋奶蓋口感香滑，材料亦好豐富，薄切豬肉片鮮嫩，沙葛爽甜，特別一提是黃金魚子球，外層彈牙，入面流心醬加有魚子，細細粒口感好特别。其他材料吸收左咖哩湯底精華，十分惹味！同事冇介紹錯，喜歡食濃味的人最岩食。，芝士牛奶鍋：娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃。湯底芝士惹味，牛奶香滑，足料火鍋食材豐富。每鍋都會跟粉絲或飯。台灣腸(蒜味)：台灣腸切片後炸過，味香甜，夾埋蒜片食，又是另一種味道。芒果鮮奶冰沙：鮮奶味香濃帶少許芒果味，不太甜。巨峰提子冰沙：冰凍解渴。

間唔中都會去嘅" 8鍋台式 臭臭鍋" 喺銅鑼灣也有新分店。 今日經過Sogo嗰邊， 特意行返去灣仔方向去試試。自家混醬~當然都離唔開我最愛嘅"招牌臭臭鍋"$88 連 合式 飲品"泡沫紅茶"或"茉香綠茶"。 套餐亦附設米飯或粉絲。火鍋上枱就聞到好香嘅特有沙茶味道。 材料豐富： 有肥牛肉，娃娃菜，貢丸，米血糕，臭豆腐，豬紅，沙白 ，大腸，鵪鶉蛋，蕃茄，榨菜絲韭菜，金針，鳴門卷，炸支竹 和粉絲。 肥牛肉 份量不少， 不過唔好淥太耐。 其中最地道嘅就係臭豆腐， 切得細細件。雖然有臭豆腐嘅味道但係質地都好幼滑，香軟。 榨菜絲好爽脆。 再放上自選嘅粉絲， 味道口感都豐富， 非常滿足。order了 茉香綠茶。 茶味甘濃， 冰塊唔算太多，凍凍哋配合台式火鍋一流。台式香腸(蜜味)， 一段香腸切開許多 薄薄細片， 表面有層蜜糖， 但 香腸肉質冇烘烤過，稍覺油膩。另一款是了"藥膳羊肉鍋"。材料也不輸蝕， 有娃娃菜，羊肉片 翡翠魚豆腐， 淮山，油豆腐，金針菇，粟米，沙白，香菇，粉絲，名門卷，素鮑魚肉丸，蓮藕，炸支竹 沙白。。 湯底有輕微嘅藥材味唔算濃郁， 和羊肉片味道非常夾。 魚豆腐和淮山 都非常健康美味又索

臭臭鍋係台北灣引入香港嘅，感覺好新鮮所以要黎試吓啦！佢有尖沙咀店同銅鑼灣店， 而我呢就去咗銅鑼灣店！佢個環境好舒服架，位置都好闊落！坐得好舒服！加上佢店內有台式飲品可以叫，非常好！同埋唔好睇佢好似一鍋嘢好少咁，我同朋友兩個一人叫咗一鍋加小食，點知最後食唔晒！———————-招牌臭臭鍋——————其實臭臭鍋臭唔臭架呢？呢樣野就見仁見智啦，因為佢個味道好似臭豆腐咁，有人好鍾意， 亦有人覺得臭！一邊食就一邊覺得自己食緊不同食物嘅臭豆腐味！好得意！鍾意是新鮮野嘅人，真係需要一試！———————-蕃茄白豚鍋——————-雖然呢個鍋唔係招牌菜，但係我個人覺得好好食！ 因為佢個番茄湯底好濃！其他餸都好入味唔需要再點任何調味料！佢除咗白豚肉之外，其他都係素食嚟㗎！我好鍾意食菜所以覺得好好食，好啱我心意！————————炸花枝丸——————-等左一陣先到證明係真係新鮮炸嘅，佢嘅花枝丸精華係墨魚丸呀，都幾新鮮好有墨魚味同埋咬到有啲墨魚粒係中間！唔錯🤤總結：食臭臭鍋果然係唔錯嘅選擇，環境舒服慢慢坐慢慢食，味道唔差，一人一鍋份量啱啱好！

臺式麻辣鍋 $112呢個麻辣湯底真心得 的確有幾分臺灣地道風!用料包括娃娃菜,牛肉片,麻辣餃,甜不辣,福州魚蛋,豬紅,沙白,米血糕,大腸,魷魚圈,凍豆腐,金針菇,炸枝竹,泡麵,鳴門卷,青豆角材料當中最重要一定係豬紅同米血糕! 去台灣食開麻辣鍋都知其中最地道既一種就係落大量豬紅去熬個湯底 落得誇張啲既食出黎仲會有幾分藥膳feel 辣度我就只係揀左小辣 唔會over 又辣得幾過癮 不過唔食得辣既朋友都係揀其他款好啲除左個湯掂之外 料方面牛肉落左唔少 泡麵同個湯最夾 嗜辣之人一定鍾意 豆角我本身麻麻唯有犠牲佢 掃哂其他料之後果幾塊豬紅同米血糕我都無放過 有夠滿足一百蚊出頭其實係個set 鍋料以外可以揀飯或粉絲 如果揀粉絲要早啲落鍋 因為佢用個火係控制到一定時間就燒完 Lunch我見另有menu 六十蚊左右有個迷你少少既鍋 我覺得午餐晚餐既價錢都唔貴 睇牆身見佢開左咁多分店 果然無失場 性價比唔錯既呢間一人一鍋值得推薦咖喱奶蓋鍋 $112首先黎啲資訊性 咖喱奶蓋係新品上市 材料包括娃娃菜,豬肉片,奶蓋,沙葛,黃金魚子球,甜不辣,炸魚蛋,魷魚圈,蟹柳,四季豆,粟米,粉絲,炸枝竹,金針菇,鳴門卷,