影片
更多
2018-11-20
55 瀏覽
臺式麻辣鍋 $112呢個麻辣湯底真心得 的確有幾分臺灣地道風!用料包括娃娃菜,牛肉片,麻辣餃,甜不辣,福州魚蛋,豬紅,沙白,米血糕,大腸,魷魚圈,凍豆腐,金針菇,炸枝竹,泡麵,鳴門卷,青豆角材料當中最重要一定係豬紅同米血糕! 去台灣食開麻辣鍋都知其中最地道既一種就係落大量豬紅去熬個湯底 落得誇張啲既食出黎仲會有幾分藥膳feel 辣度我就只係揀左小辣 唔會over 又辣得幾過癮 不過唔食得辣既朋友都係揀其他款好啲除左個湯掂之外 料方面牛肉落左唔少 泡麵同個湯最夾 嗜辣之人一定鍾意 豆角我本身麻麻唯有犠牲佢 掃哂其他料之後果幾塊豬紅同米血糕我都無放過 有夠滿足一百蚊出頭其實係個set 鍋料以外可以揀飯或粉絲 如果揀粉絲要早啲落鍋 因為佢用個火係控制到一定時間就燒完 Lunch我見另有menu 六十蚊左右有個迷你少少既鍋 我覺得午餐晚餐既價錢都唔貴 睇牆身見佢開左咁多分店 果然無失場 性價比唔錯既呢間一人一鍋值得推薦咖喱奶蓋鍋 $112首先黎啲資訊性 咖喱奶蓋係新品上市 材料包括娃娃菜,豬肉片,奶蓋,沙葛,黃金魚子球,甜不辣,炸魚蛋,魷魚圈,蟹柳,四季豆,粟米,粉絲,炸枝竹,金針菇,鳴門卷,
臺式麻辣鍋 $112呢個麻辣湯底真心得 的確有幾分臺灣地道風!
用料包括娃娃菜,牛肉片,麻辣餃,甜不辣,福州魚蛋,豬紅,沙白,米血糕,大腸,魷魚圈,凍豆腐,金針菇,炸枝竹,泡麵,鳴門卷,青豆角
材料當中最重要一定係豬紅同米血糕! 去台灣食開麻辣鍋都知其中最地道既一種就係落大量豬紅去熬個湯底 落得誇張啲既食出黎仲會有幾分藥膳feel 辣度我就只係揀左小辣 唔會over 又辣得幾過癮 不過唔食得辣既朋友都係揀其他款好啲
除左個湯掂之外 料方面牛肉落左唔少 泡麵同個湯最夾 嗜辣之人一定鍾意 豆角我本身麻麻唯有犠牲佢 掃哂其他料之後果幾塊豬紅同米血糕我都無放過 有夠滿足
一百蚊出頭其實係個set 鍋料以外可以揀飯或粉絲 如果揀粉絲要早啲落鍋 因為佢用個火係控制到一定時間就燒完 Lunch我見另有menu 六十蚊左右有個迷你少少既鍋 我覺得午餐晚餐既價錢都唔貴 睇牆身見佢開左咁多分店 果然無失場 性價比唔錯既呢間一人一鍋值得推薦
咖喱奶蓋鍋 $112
首先黎啲資訊性 咖喱奶蓋係新品上市 材料包括娃娃菜,豬肉片,奶蓋,沙葛,黃金魚子球,甜不辣,炸魚蛋,魷魚圈,蟹柳,四季豆,粟米,粉絲,炸枝竹,金針菇,鳴門卷,沙白 一共十六款料
照餐牌打返啲材料黎出黎 然後先講我整體印象 火鍋黎講湯底用咖喱crossover奶蓋都幾新穎 上枱時既賣相其實一般 原因係中心既奶蓋遮哂啲料 食落就唔同講法 咖喱味清晰可嘗 同時用作湯底既感覺又唔會太膩 而奶蓋味就唔係好特出 始終咖喱味重易搶味啲 撥開奶蓋之後啲料終於見光 一人一鍋黎講已經算包左好多材料 每樣材料份量唔多 淺嘗下都好
材料當中菜類份量相對唔少 無論娃娃菜定津白都係火鍋良配 黃金魚子球大大粒 入面唔知係沙律醬定明太子醬 好好食 豬肉片愈食愈有 原來都落左幾多片下 甜不辣口感唔錯 魚蛋感覺就唔係好炸 沙葛就唔知係咩東東 其他類似金菇蟹柳我都鍾意開 不過就邊度食都一樣味
我都好耐無食過一人一鍋 呢種玩法可以自私食之餘食物又豐富 偶然食下幾滿足 8鍋提供既多款湯底值得一讚 總有一款岩你
金桔檸檬梳打 $30
巨峰提子梳打 $30
相比起抵食既鍋飲品價格優勢唔大 好在首先份量足夠 然後款式夠多有選擇 打邊爐又無理由唔叫飲品既
今次叫左既兩杯梳打 我個人鍾意金桔檸檬多啲 呢杯係餐牌有皇冠標記既飲品飲落酸酸地 胃口都出返黎 開完胃再拆返餐火鍋一流
張貼
