101台式休閒餐廳 (青衣城2)

營業中

休息中

✿╮❤╭✿ ✿雜感女生 好味日記✿ ˚*•✰。101 Taiwanese Cafe．品嘗台味。✰•*˚ ✿✿Dolce Vita@青衣✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 【放假食事】 說到很久沒去的青衣城，原來擴建了2期 多了很多特色商店，買女生的東西好方便 和朋友shopping後，當然食番餐好既！ 見到101的小cafe，入去食個靚麵先 先來炭燒豬頸肉燥飯 豬頸肉入味帶焦香，爽口好吃 肉燥飯是經典的台灣味，配隻滷蛋，就夠台味了 台灣古早蕃茄牛肉麵 大大件的蘿蔔、蕃茄，湯汁香濃 牛肉咬得容易，又夠濃香 麵質也是充滿台味的口感，很地道 台灣鹽酥雞+鹽酥花皮丸 去台灣必食的東西，入台食店一定點 椒鹽味香香的，雞夠酥脆，花皮丸夠彈牙 不錯的小食！ 士多啤梨牛奶沙冰 好樂天的飲品，因為有隻樂天熊仔！HAHA 牛奶好香，冰冰爽爽 甘桔檸檬水果茶 熱飲令果香更突出，很滋潤的感覺 是日排長龍，好在早拎位，搵食要趁早！ 小評： 味道：★★★★☆ 環境：★★★☆☆ 服務：★★★★★ 衛生：★★★★☆ 抵食

牛肉麵加珍珠奶茶@101台式休閒餐廳 出差回來，航班DELAY了3小時，說好的年夜飯也趕不上，灰到核爆。飯仍是要食的，和同事坐機鐵到青衣找點東西填肚才回家吧 青衣城二期開了很多新餐廳，不想食快餐，路過101台式休閒餐廳 便想也不想就進去了 裝潢舒適，店員非常有禮貌，尤其是門口那位哥哥 半自助形式，不過要加一的~餐牌掛滿牆上，款式很多 食飽不過是幾十元可搞定的事，有主食小食加飲料~ 飲料都有幾十款，不過跟餐的還是要留意有些款式是要加錢的 麻辣牛肉麵加珍珠奶茶這個是SET$76， 麵底是粗身的麵條，食起來有點Q彈，可以掛湯的，食起來頗滑而且份量非常之多 雖然是麻辣，但湯底不是很辣，不食辣的朋友都可以一試。 而入面的牛肉好大片，沒有羶味而且好滑，肥廋適中 鹽酥雞 ，非常大舊，上面加了些味料但不會太咸 值得一試！ 加大了的珍珠奶茶和普通SIZE~ 我覺得普通SIZE都已經很夠喉了~ 同事點了古早牛肉鍋$72 非常抵食~份量驚人，聲稱是一人份，但一個女孩子是絕對食不完 牛肉份量也非常之大方，上桌時店員為我們加熱，稍為一滾就可以食了~ 肉燥飯跟餐加$5 必點，上面的肉

之前已經去過呢間餐廳啦 覺得好好味 同朋友知道青衣城開左分店 即刻去試下啦！一去到 覺得餐廳環境好舒服 又開揚 D staff  Ge態度又好好 好有禮貌 唔該前唔該後 好主動咁安排位置 同埋幫我地落單 一打開menu 樣樣野都好吸引 諗左一陣 我同朋友就決定左食咩啦 2個人叫左2個一人餐 一份係炭燒豬頸肉肉燥飯 配鹽酥雞2件 飲朱古力牛奶沙冰另一份 係台灣麻辣鹽水雞翼麵 配章魚餅2件 飲無酒精雞尾酒（茉莉花味）炭燒豬頸肉肉燥飯 賣相好好 好香好好味 肉燥好有台式味道 豬頸肉唔會太乾味道岩岩好 唔會太咸 值得一試！ 至於 鹽酥雞 大大舊 啖啖肉 一個字 正呀！另一個一人餐係台灣麻辣鹽水雞翼麵 呢個麵好岩嗜辣的朋友 有4種辣度可以選擇我就選擇左最低辣度 但已經好辣！ 辣得黎好好味 ！ 麵的軟硬到岩岩好 好有口感！雞翼好入味 好juicy 食到lam lam 利😍 連章魚餅都好正 好香味道好好 下次一定會再叫！飲料方面 朱古力牛奶沙冰 唔會太甜 朱古力味好濃好香 而茉莉花味的雞尾酒  淡淡花香, 配合埋青檸 酸酸地 好開胃！已經係第2次係呢間餐廳食 一定會再去！

101台式位於青衣城商場內，平日晚上也座無虛席以休閒的筆觸為由，面積頗大以白、紅為主色調收銀機旁邊再添置闊落座位，整個空間設計植入摩登風貌面向商塲街景無論天花、自然柔色光、牆畫、食物及飲料方面管理則強調台式風味，容易吸納客人目光之餘套餐以價錢親民打造出一個輕鬆慵懶的咖啡廳於一身自攜電腦無線上線或包場派對讓顧客懷緬昔日美好時光吧！作為最喜歡三杯雞涮涮鍋把傳統火鍋改良以台式香腸、包心菜、章魚餅、花枝丸、甘筍、玉子豆腐、鴨血、美國肥牛、豆卜、無骨雞肉由前菜小食主主菜食起，以時令三杯雞拼盤火鍋加$48可追加高級安格斯肥牛片湯底熬製倍鮮濃郁而份量足料豐富，雪花肥牛片脂肪均勻軟腍味濃結實入口即溶，雞肉依足台式帶點滷汁風味啖啖肉，手工花枝丸和章魚餅香口鬆脆，混合所有材料即時味蕾變成富新鮮感同時又不會搶走配料原本的味道，滿口港人吃辣口味，而重點係享受店長推介士多啤梨牛奶雪香，打破一般火鍋店沉悶既格局！令一款推薦牛肩胛熱石鐵燒，熱騰騰熱飯配合熱石温度令鐵板上一鍋滷肉燥滿桌香噴噴，滷中温潤帶甜伴著大件牛扒和薯角爽口好煙韌，牛鮮豐盈原汁原味可以密密食滿足程度爆分，三重口感juicy色香味兼備，加$5元仲可以

今日嚟到青衣城二期見到開咗呢間台灣菜，見佢下午茶嘅價錢都幾大眾化，但因為差不多係晚飯時間，所以waiter 都俾埋晚市menu 我地睇都有幾多選擇，我地最後㨂咗個二人火鍋套餐前菜係沙律同芝士玉子豆腐，味道ok, 冇乜特別主菜我地揀咗古早牛肉，因為呢個好似係佢地嘅招牌食品，嗰鍋話咁快就到，果然冇令我地失望，湯底嘅味好好，有少少葯材味，牛肉好tender。除咗牛肉，仲有好多其他配料，份量都好足，夠唒兩個人食。另外仲有一碟安格斯肥牛，肉質都好好，新鮮😋唔夠仲有烏冬或者台灣麵餐茶就叫咗珍珠奶茶同愛文芒果水果冰茶，奶茶味道唔錯，水果茶一開始覺得比較甜，但食落嘢再飲就覺得啱啱好飲品種類其實仲有好多，見到有好多人叫盆栽奶茶，貌相唔錯

今日行過，見到新開咗間台式餐廳，門口餐牌好吸引，所以一於入去一試。餐廳門面好光猛， 座位好闊落， 環境好似一間休閒咖啡店咁， 令人感覺好舒服，好relax無拘束。今日叫咗個deluxe嘅set lunch, 包括一個主菜，一款小食和一杯飲品。而我就揀左7味雞翼肉燥飯， 台灣腸和熱芋香珍珠。七味雞翼夠乾身和滑，無乜油，而肉燥就好香滷汁味， 夠入味，唔會太鹹。 台灣腸就帶有少少黑椒味， 感覺好香口和好軟熟,份量又多。 最後杯芋香珍珠， 甜度剛剛好，珍珠軟硬適中, 喺咁凍嘅天氣,飲杯暖笠笠嘅嘢, 真係冇得頂。 價錢非常經濟， 選擇又多， 呢個都係一個唔錯嘅選擇呀

青衣城二期工程完成啦，多左好多食肆，行到地下嗰層，好多快餐店，全部都要排隊落order及自取食物，今日好攰，想俾多10%服務費被人服侍，所以搵左101台式麵試下；我叫左個套餐—台灣古早蕃茄牛肉麵$81，可以免費轉台式肉燥新竹米粉、渝川麵或米線，我揀左渝川麵，碗麵幾好食，牛肉夠林，麵質都ok；個餐跟小食，我揀章魚餅（2塊），味道唔差，係炸得油左啲；餐飲可選冷熱經典台式飲品，而我就加左$10要在杯香芋牛奶砂冰，原價要$45㗎，個賣相好好，有香芋味，夠大杯，可惜我期望啲冰可以打得幼細啲。

Yeah,今日先知道青衣城第二期已經落成，行下行下搵到間有台灣嘢食嘅地方，不妨去試一試。今日叫咗個Deluxe set ( 包括有主菜小食同特飲):台灣麻辣牛肉麵(中辣):每一舊牛肉都肥美，又大件，足足有四件咁多，上面鋪滿大蔥，蘿蔔，還有吸滿麻辣湯底嘅牛肉，又彈，又有咬口嘅麵，跟埋牛肉食落去會越食越刺激 ，這就是完美吧！鹽酥雞:我乾乾的肉質，外皮的酥脆，咸道適中，最佳小食。特級朱古力(凍)：甜美香滑朱古力，加上大大杯，好抵飲。埋單$78(加一)， 食物總括嚟講系好嘅，特別係個牛肉麵，非常難忘，衛生同服務態度都非常好，絕對有下次。

都好耐冇去青衣行街啦,見到D鋪頭變左好多~係地鐵站既另一邊開左2期,間間野都好新呀!因為冇咩特別想食,見到呢間101台式餐廳又冇食過就決定食閒日晚上７點左右，本身入面都幾多人架喇,等左一陣就入到。都有好多唔同野揀! 出面個D顯示版有D似快餐店但其實佢係坐低叫野食架,哈哈哈!我地2個人,一個叫左一人鍋。個鍋一Ｄ都唔細架，仲好多料！牛肉係台式五香牛肉，好淋好入味，湯底係古早。真係幾似台灣地道個陣味。我好欣賞既係跟鍋既新竹米粉，食得出唔係普通野，係台灣入口個Ｄ好彈牙爽口，唔會一ＰＡＴ野同夾唔起。另一個叫左肉燥豬頸肉米本身呢個係飯ＳＥＴ，但可以轉米粉所以我都係轉左架！豬頸肉有Ｄ太肥，但個湯清清地易入口天氣凍食呢Ｄ濕濕地既野會暖Ｄ米線堅係多ＳＥＴ仲有包野飲同小食，小食我揀左花枝丸。不過不失，但係得３粒太少啦杯餐飲真係大大杯，係好飲既珍奶。雖然冇台灣咁正宗但完全可以醫治掛念台灣既心呀～

青衣城開左第二期商場，去左呢間台式餐廳食晚飯，叫左個極上熱石鐵板燒四重奏套餐，有小食、主餐丶主食同埋飲品，有成13款小食可以揀，我就叫左個鹽酥芝士竹輪卷，有兩粒咁多，主餐又有成17款可以揀，鐘意食牛嘅我就揀左牛肩胛鐵板燒，上枱時鐵板上有一塊牛肩胛扒同埋主食伴碟，主食都有得㨂，可以㨂肉燥飯丶湯肉燥新竹米粉丶薯菜，呢三樣都唔駛加錢，但係我就揀左加五蚊轉左要個芝士肉燥瘋薯，飲品都加左十蚊要一杯朱古力牛奶砂冰。

今日行過青衣城見到呢間新開嘅餐廳見人流唔錯就好奇想試下企係門口同職員單單對話左幾句話想睇下menu同入座已經覺得職員非常有禮貌唔該 唔洗客氣都有 好親切亦招呼得好周到果陣客人都唔少職員忙之餘都好好服務同態度朋友唔知紙巾擺邊到職員都上前幫手問佢搵緊咩又拎比佢我挑剔少少 如果職員多少少笑容就接近完美不過做到咁嘅服務已經好少見架喇另外餐廳嘅裝潢都非常之靚只係嫌座位有啲逼同埋書包冇位擺因為今日凍到得8度大家都著到好脹逼住要擺書包係背脊有點兒唔舒服不過地方有限都明白嘅食物方面都比我想像中好份量足夠甚至更多凍特濃朱古力奶茶嘅朱古力味都唔輸蝕珍珠同冰都夠多好滿意價錢合理👍

晚市時段，2個人確實係要等一排，大概成45分鐘，不過菜式選擇好多，價錢都合理，而且上菜都上得好快，味道香氣賣相都唔錯，不過係坐得逼d姐BTW,加配特飲或者台式飲品都係5蚊左右，算係抵嫁啦會再去嫁，不過留意果度唔收信用卡

平日比較少黎青衣城，今日因為約左朋友睇戲，所以便選擇係依度食埋晚飯。我哋行吓揀吓，見到有依間食台灣嘢嘅餐牌睇落都唔錯，所以就決定一試。成間餐廳設計都比較開揚，由於去嘅時候已經係晚飯時間，所以餐廳已經full哂。等左一陣，終於有位，我同朋友即刻睇吓個餐牌有啲咩好食。餐牌成本都係set dinner，主要有一人餐同二人餐。我同朋友分別點了一人套餐。套餐包小食、主菜同飲品，大部分都係70蚊度，一啲都唔算貴。我哋揀左兩個小食，分別係鹽酥雞及台式香腸。鹽酥雞炸得香口，炸粉不算太厚，粉同肉比例適中。香腸亦都好好味，乾身不算太油。主菜係台灣牛肉麵同板燒雞柳併章魚餅肉燥飯。我留意到依度嘅牛肉麵係有三種口味嘅，包括：原味、辣味及蕃茄湯底，而我哋今次試左原味。牛肉嘅份量好足，蘿蔔亦滲入左牛肉湯嘅香味，加上面頭佈滿香蔥，其賣相都幾吸引吓。至於另外嘅雞柳併章魚餅飯，我本人就覺得最好味嘅係飯上面果塊章魚餅，中間嘅滷水蛋如果可以俾多半隻就更加好啦！由於set dinner包埋嘢飲，所以我哋點左個蜜桃紅茶同盆栽朱古力特飲，兩個嘅size都係屬重量級，特別係朱古力特飲，超濃味，對朱古力情有獨鍾嘅人士，一定要去試試。

最近看了一篇香港一人火鍋的比拼文章，文中推介呢間101台式火鍋店比吉野家的味道更好，剛巧青衣城2期新開了這間餐廳的分店，我和女友正好可以試一試……台式古早牛肉火煱$68火鍋的配菜比吉野家豐富很多，包括鴨血，肥牛，豆卜，玉子豆腐，台灣腸，花枝丸，牛展，章魚餅等等…… 湯底的味道的確把其他連鎖店的一人鍋比下去，配料也很好吃……如果大家覺得肥牛數量不夠，我見隣桌有追加一份$48的肥牛，多10多片肥牛會更加滿足……另外我們order了一份炭燒豬頸肉鐵板燒餐$79，跟餐的小食我們選擇了麻辣麻醬手撕雞，味道和平時在瑜興買的手撕雞有很大分別，首先這兒的手撕雞已經去雞皮和骨，啖啖肉很好滋味，麻醬配手撕雞味道意外地配合，而且份量很大，這道小食真心推介~豬頸肉口感同味道也做得比很多餐廳出色，就是太油了影響了白飯和蔬菜，希望可以改善一下午

琴晚foodpigss🐷🐷又黎到新開嘅青衣城二期覓食 試左呢間台灣餐廳 每人各食左個一人餐🤗 （主餐+小食+野飲）首先就係呢碗台灣古早蕃茄牛肉麵（$81）蕃茄湯味道幾濃 牛肉份量都幾多下💁🏻 麵嘅軟硬度亦都適中🙆🏻 啲蘿蔔都好大舊😲 仲有好多葱😍 岩曬🐷🐷呢個葱控💓 配埋個鹽酥雞真係可以稱得上係perfect match😜 另外就係特盛醬汁雞扒肉燥飯（$78） 雞扒size都唔細 可惜有點雪藏味👉🏻👈🏻 好彩有肥瘦度適中嘅肉燥搭夠😽 加埋手撕雞送飯一流🤡最後不得不提野飲係唔洗額外加錢就已經有好大杯嘅珍珠奶茶（記得叫小甜）😍😍😍 另外🐷🐷仲揀左杯朱古力珍珠🙆🏻 啲珍珠真係又大粒又多又煙韌😽 再一次合曬煙韌控嘅心意😚 真係要加分！ 然而呢餐係意想唔到咁飽肚👍🏻 都係一百蚊有找 性價比頗高喔😆