101台式休閒餐廳 (青衣城2)

營業中

休息中

星期五又係唔知食嘜好嘅日子~試下依間101台灣野，位於青衣城二期低層，原來青依層都好多野食, 下次食飯又多啲選擇。依間唔駛等位, 5個人都可以一齊坐，環境都舒適，食物方面亦有好多唔同選擇，有午餐，有商務餐，亦可單點另加$5有珍珠奶茶。我點左台灣苗栗香辣牛肉麵，小辣，麵係用台灣麵，麵質煙銀，牛肉一黎到個樣好乾，唔會覺得好食，咬落又無想像咁硬，但依然係會黏牙，食左兩舊都唔想再食，至於湯底就牛肉味十足，不錯，辣味略嫌有點小。珍珠奶茶，珍珠有啲硬，但茶底有茶味，亦好大杯。

這是幾個月前的，見一個好耐沒見嘅朋友，想食台灣食物，就去了這間。價錢不算貴，而且仲有經典撈麵，有很多選擇。豬頸肉飯（$53），飯量多，肉燥有計，肉還可以。還有半隻鹵水蛋，鹵水味夠。另外點了古早牛肉麵（$55），好香牛肉，而且夠林，入口即溶，湯亦夠濃。麵條夠口感，整碗好豐富。另外亦點了大份鹽酥雞（$27），份量比我們想像多，小小油，但不至於翻炸，味道不錯。夏日摩摩茶（$38），食完油飲一口，正中下懷。

放工回家，不想煮飯，就到青衣城，這兒快成了我的煮家飯堂呢！一坐下，諗都唔使諗叫兩個一人商務餐。台灣古早牛肉麵這個牛肉非常的軟熟，蘿蔔也煮得很林很入味，而湯也濃而不咸，加上有大蔥帶出的香味，整體配搭不錯，值得一試。無骨香辣三杯雞肉燥飯這個比較令我失望，肉燥飯尚算正常，但三杯雞和我平常吃的卻有很大分別，所以也不怎樣寫寫。鹽酥花枝丸花枝丸炸得剛剛好，外脆內軟，咬下去的肉質也非常爽口，值得一讚。章魚餅這個餅煎得挺香，不過略嫌油了些少。最了章魚外，我也吃到不同的配料，味道也挺不錯。珍珠奶茶及香芋珍珠我倆都喜歡喝有珍珠的飲品，見到餐牌有珍珠類飲品基本上都必點，這間店的珍珠大小適中，咬口剛好，配合奶茶和香芋也非常好喝。整體來說，除了三杯雞之外，其他食物和飲品基本上都不錯。

間鋪係青衣城 ，算係好就腳，一出MTR 就夠 兩個人 叫左幾款台式野 ,份量都幾大份，女仔既講都幾飽 。野食既顏值都 幾高 ,唔輸蝕 其實青衣城貴價餐廳 野食都好食 ，包埋飲品都唔係好貴

下午茶推介，$28有牛乳芝士撈公仔麵+熱珍珠奶茶，好抵，一杯台式飲品都$20，份量OK，過來下午茶，又坐得舒服。滑蛋名乎其實的滑，也很重香草味,但我喜歡清淡一點，略嫌少少鹹,但整體幾好。最驚喜101小食2串1, $32兩種小食，沙律不迷你，好大碟。+$7仲有一碗蕃茄濃湯通粉，又係好大碗，而且味道算清新，冇乜味精味，豬扒幾軟同大塊，$39仲有台式飲品，+$5就係熱香芋珍珠，呢個餐真係叫得過。老公亦讚三杯雞，香辣有水準。這裡有最低消費，下午茶每人$30，午晚每人$50.

近青衣地鐵站有間101食台式肉操飯的餐廳🍴經常都好多人排隊。今日覺得自己好好運👍🏻因為唔使排長龍就可以入到去食lucky 今次決定點二人餐店內整齊乾淨，感覺舒適牛肉好軟身比較入味😊沙律菜是新鮮的食材，所以唔會太多水。鍾意食熱氣野的我，當然食唔停口啦！食完先飲番杯涼茶你哋估吓這個是什麼?這個是芝士玉子豆腐呀！係咁多樣裏面最好食嘅一樣🥰值得推介，好香好好味呀！鹽酥炸雞也是餐的其中一項小食，不過我顧住食忘記影相所以其實佢本身係多兩舊㗎點了芝士烏冬，味道不會太濃烈也不會冇味道，剛剛好，汁也夠多。飲品我點了水果茶😊其實佢有好多台式嘅飲品例如盆栽奶茶☕️還有一個主菜包心菜炒牛肉，我覺得比較鹹要加飯或許芝士烏冬一齊食會好啲。整體二百幾蚊咁多嘢食加埋嘢飲真係好抵😊👏🏻👏🏻👏🏻👏🏻👏🏻🥰🥰🥰

現在回頭一想，自從搬離老家之後，已有好多年沒有在青衣城吃過東西了....闊別多年，現在商場已擴展至phase 2了。新地方又大又多店舖，若果我仍在此住的話，肯定會經常到這裡留連....今天來到第二期，隨便走進去這一間店，一個人就攪掂了今日的晚飯....在這兒，您不會覺得一支公來吃飯會有甚麼麻煩或不方便，因為這裡有一個一人份dinner set供應，絕對不需要在a la carte menu上選，以免浪費食物之外又有一系列主食的選擇....這兒正其名為肉燥飯的專門店，我今晚選的當然就是它了；另外再拼以鹵水三寶及加一碟菜蔬，便是一頓甚豐富的晚餐了....先談招牌的肉燥飯，肉末感覺上有點太瘦進口咬時有些乾嚡，但鹵汁就算是色水夠深亦相當的夠味，用來撈飯就啱晒....鹵水三寶分別為雞腎、大腸以及翼尖。三款料在吸盡鹵汁底下自然是不會難吃得到去哪裡。最突出的反而是最下欄，最平平無奇的翼尖，基本上一進口，皮與肉就化掉了，炆煑得夠曬時候....置旁的半只鹵蛋相反就一般，無論蛋黃以至白都蠻死實的....反而置於飯與料中央的醃蓮藕片卻弄得非常爽脆且甜辣有致，食得令人胃口大開....菜沒有甚麼，算是為身體補充

2018年11月24日。晴。青衣。呢日要來青衣做嘢，早餐都未食就過到來過到來就喺青衣城覓食啦～不嬲都幾鍾意食台灣嘢，所以就揀咗呢間啦～午市有套餐，好似都幾吸引但睇真啲，散叫原來更抵！有飯～亦有麵～餐廳啲位都算闊落，有卡位無骨香辣三杯雞肉燥飯，$47雞肉未夠嫩滑，但都幾香有少少辣味，件數都唔少中間嘅配菜調味唔錯，醃得幾入味，鹹得來帶少少辣肉燥用來撈飯鹹淡適中，唯一敗筆係所有嘢都唔夠熱上枱都只係暖暖哋，食食下就好快凍晒即磨咖啡，$7嗌個飯加7蚊就有杯即磨咖啡都幾香濃，啱晒重度咖啡上癮人士台灣古早蕃茄牛肉麵，$60蕃茄得好少，蔥同洋蔥就大量但全部嘢都係生嘅，就咁擺上面蔥同洋蔥食得多有啲辣口牛肉唔多掂，但數量多我食咗一嚿，肉質死實，勁嚡口，又韌男朋友食咗一兩嚿已經放棄麵質又腍，成碗麵都好唔掂珍珠奶茶，$5飲得出明顯係用香精溝出嚟嘅多飲無益。。。

9點幾見青衣城好多店都開始收舖，但呢間開到11點，所以一試！嘩！2人餐份量真係飽到嘔！勁誇張😂野食okay既，但印象唔深，不過性價比實在太高啦！牛扒okay、不過鐵板上侍應都無問要幾成熟，所以有少少偏老啦。包心菜炒豬頸肉超多菜，正！豬頸肉都炒得唔錯，但食到最後真係太多油同太飽所以無食晒。最有驚喜係鹽酥雞塊同肉燥新竹米粉，夠晒台式！肉燥芝士瘋薯都唔錯！208有咁多野食，真係有機會會再幫親！😆😆

去咗試 青衣城二期嘅101台式休閒餐廳 叫咗幾樣嘢都係中伏！無骨三杯雞火鍋，點解冇骨呢，用雪藏雞柳梗係冇骨啦 。連台灣腸都做火鍋配料，但係又會淋左，個湯又唔係特別好，重味精味道。個火鍋有跟一個賣相好似廚餘既麻辣青瓜做前菜 ！另外仲叫左七味雞翼同鹽酥雞，碟雞翼上菜個時已經凍嘅晒 ，我有一下真係驚佢人地食唔晒拎俾我食，而且又唔好味，另外個鹽酥雞味道一般，同食開既又有啲唔同。總結個火鍋真係中伏，我諗我唔會再去試。

論台式食物當然令人諗起都流口水嘅肉燥飯、牛肉麵、仲有嘆返杯台式珍珠奶茶。呢間以台北地標101自居的台式休閒cafe，想必以「小確幸」式精品食物作定位，觀乎其牛肉麵賣到八十幾蚊碗，肉燥飯七十幾蚊碟，價錢你都咪話唔高檔！食落就......肉燥飯真係食到「好燥底」，飯多肉燥少，食到一半就冇曬餸，都未講啲肉燥只不過係罐頭水準！紅燒牛肉麵係就係大大碗，弊在食連最基本的「熱」字都做唔到，凍冰冰咁點會好食？都未計佢牛腩有攣攣的「毛」。至於成個台式飲食文化嘅靈魂「珍珠奶茶」果粒「珍珠」簡直係「慘不忍睹」黎形容，莫講話冇「QQ」的口感一咬就散，你見過「崩」左嘅珍珠？真係繼聰有云：「唔係猛龍唔過江，唔咪豬扒唔化妝！」不如返台灣學多幾年師再化個靚妝先再返來啦！

喺青衣城呢個冇咩選擇嘅情況下，入咗去呢間台灣食店。價錢幾平，$40-50就有嘢食有嘢飲。叫咗一個三杯雞滷肉飯，朋友叫咗一個玉子豆腐配雞扒滷肉飯。個三杯雞小小辣，食得多就會開始覺得難，唔食得辣嘅朋友唔好叫。至於個玉子豆腐配雞扒，個炸王子豆腐幾得意，外脆內軟幾好食。另外叫咗一杯凍珍珠奶茶，珍珠奶茶係意外驚喜，幾好飲。

約左朋友係青衣城食lunch，我來到先羅位，明明入面有位，門口果位馬尾小姐就要我禁飛先，已經同佢講左2個大人加一個手抱BB，有BB車，佢竟然安排我坐係餐廳中間，我再講，有BB車wor，佢要我BB車放後面😡😡即係要我朋友抱住BB來食嘢？我坐底左一陣再見到門口附近有2個鬆動既位置，有位男職員幫我轉過去坐，BB坐係BB車就可以放係我地枱側邊，其實呢個問題好易解決，唔知點解門口個位馬尾小姐會甘樣安排，餐廳應該好好培訓下果位職員講反食物，呢度多數叫呢個Deluxe Set多，因為個餐有碗麵/飯+小食+飲品我地叫左2個餐，小食要左涼拌青瓜 + 台灣腸青瓜賣相好似俾人食過甘台灣腸還可以，有小小黑椒味叫左2碗都係麻辣牛肉麵，一碗小辣一碗中辣但來到都係話2碗小辣，算喇😩麵份量太多，同埋唔太似係台灣食個d麵，蘿蔔太大舊喇，係腍既，但一d味都無囉，牛肉就正常喇，湯底小辣都有辣味既

某日自己一丁興起重臨食ne間就叫左ne個板燒雞柳拼日式章魚餅肉燥飯，小菜點左香草芝士玉子豆腐，飲珍珠latte。總結：主食方面章魚餅得1塊略少，雞塊頗多，但整體食落沒咩特別。最好食係炸玉子豆腐，而珍珠同latte好似唔多match. 下次唔點ne個就好啦～

在睇戲前，我們先搵食。見到商場最低的一層有此間未曾品嚐的食市，故入內一試。 我們二人分別叫了兩個餐共四款食物，感覺一般。 紅燒牛肉熱石鐵板燒配薯菜：肉質稍硬，感覺不太新鮮；薯菜則算香口。 鹵水豬大腸：夠地道，弄得算不錯，頗惹味 台灣麻辣板燒雞柳拼章魚米線（中辣）：辣度夠，但完全不覺「麻」；板燒雞柳及章魚味道一般；而米線則夠軟及滑。 麻辣麻醬手撕雞：這是我咁耐以來，第一道感到難食的手撕雞。於該手撕雞中，完全感受不到「麻辣」，而麻醬則太多，掩蓋了雞味，而雞肉本身也頗靭。整個醬汁、配菜（青瓜）及肉質的配合，感覺很奇怪。 此外，我們還點選了珍珠奶茶及一杯熱飲，味道算是不差。