101台式休閒餐廳 (青衣城2)

營業中

休息中

首先，一入到去完全冇人理，出面又無人等位，我就以為好似大快活果啲咁落左單再自己揾位坐，點知我落完單之後話堂食，個店員 (紮馬尾，50x歲)就即刻好大反應咁話:「下！你係度食？我出左單啦，唉」跟住又不停係我面前俾說話我聽，對住walkie講:「佢落左單先轉係度食」又咦咦唉唉咁，其他店員又態度好差咁講: 「oh my god！依家好混亂」等等嘅說話我承認我都有問題，但啲服務態度都唔好咁差啦，至少想講客人壞話都唔好係客人面前講啦，少少尊重都無。另外唔該揾人長期企係門口，我未見過一間餐廳無人係門口俾指示客人架囉。

又黎要開心星期五5️⃣緊係又到左唔煮野食食返間好味外賣既時候啦💛青衣有既非大集團餐廳真心少🥢台灣古早牛肉麵🐮 $55個牛肉湯底係夠濃既牛肉好入味都好夠淋 不過當然唔係入口即溶啦🐂個麵都夠彈牙幾正🍜🥢香烤雞扒🐥 香茅豬扒🐷 蕃茄汁薯菜🍟 $66原本係餐廳入面食應該會係一個鐵板呢個係普通平價茶餐廳價錢💰雞扒豬扒都係非常普通薯條可能擰到返屋企耐左已經淋左配菜都一定要點汁先至有味麻醬手撕雞凱撒沙律🥗 $42呢個係相對比較驚喜既沙律麻醬好香本身都好襯雞同沙律手撕雞超滑 而且有味 好明顯有醃過黎煮🐤平民價黎講呢間餐廳真心幾好💛多選擇之餘性價比好高

101台式休閒餐廳 青衣-估唔到係連鎖之島青衣，仲要喺青衣城入面都仲可以搵到超抵嘅下午茶！-🔍 肉操花枝丸米線（連飲品）$31真係超抵！咁嘅價錢係商場入面咁都搵到，仲要包埋飲品！而且米線份量亦都足夠，唔會好似人哋下午茶特別細份咁。-📍 101台式休閒餐廳 (青衣)青衣青敬路33號青衣城二期地下G30號舖

下晝喺青衣城有啲口乾，想買杯嘢坐低飲，休息一下，行過呢度見到下午茶三十幾蚊就有嘢食有嘢飲，咁雖然唔肚餓都入去坐低咗，去連鎖coffee shop單買一杯咖啡隨時都唔止呢個價錢，仲一般都唔係幾好飲添。叫咗「無骨香辣三杯雞肉燥新竹米粉」，個名好長😅。好快嚟到，都幾大碗，湯底微辣幾好味，雞肉就細細件總共有四、五件，都有少少三杯雞嘅香味；仲有啲肉燥同豆腐卜，味道全部都可以接受。湯唔係好多，米粉就真係好多，係一碗非常「充實」嘅米粉。另外加兩蚊要咗杯凍珍珠奶茶，幾滑幾好飲，不太甜；如果要熱嘅就唔使另外加錢。其實飲杯嘢解渴先係我嘅主要目的😅全部加埋$38，真係好抵食。

男朋友係青衣返工接佢收工順便去青衣城食埋飯🙆🏻‍♀️呢度跟餐好得意 會有埋小食同埋特飲佢有勁多台式特飲嘅選擇叫咗士多啤梨奶昔同埋芋香珍珠奶茶味道係好小學雞嘅嗰種甜味不過螞蟻人來講我覺得還可以接受主食食咗蕃茄牛肉麵🍅蕃茄有幾大塊 但係味道唔出牛肉夠淋身入味 麵方面都幾有彈性唔錯👍🏻男朋友嘅雞扒肉操飯雞扒香香脆脆🐓配菜亦都叫係咁以炒過下🤣小食方面好推介鹽酥雞雖然唔係好正宗不過脆口 肉質夠淋 而且份量夠多兩個人食都夠過下口癮其實佢叫買套餐就唔算平價不過叫做好多款嘢食同埋抵食🤣仲要係黃店嚟嘅 值得支持

同🤴🏻係青衣城行街搵下有咩食，其實青衣城食肆都偏向貴價少少，還未搵到工的我唔想食咁貴，就行左去青衣城2期逛逛，原來佢地下都有幾間相對平平地的餐廳，例如M記、大家樂、一粥麵！我地就揀咗101台式休閒餐廳，當時餐廳約有8-9成客，探熱入座後先睇下個餐牌食物唔貴都係$40-60👏🏻我就揀左‘特盛醬汁雞扒肉操飯’$53，🤴🏻楝左‘黑椒薯仔醬爆牛柳’$54 ，七味雞翼5隻$31，另每人加左$15有杯加大飲品！先講下個雞飯跟滷肉飯配上醬汁甜甜地，同飯好夾。有兩塊中小型Size雞扒，煎得外皮酥脆，雞肉嫩滑食落有雞油滲出👍🏻👍🏻！相反🤴🏻個牛柳飯就比下去了😕，首先唔應該叫牛柳，叫牛薄片吧！黑椒汁較重黑椒味唔覺有辣，薯仔有烤焗過好香好甜！🥔七味雞翼好細隻似未發育🐥最後講下飲品要加$15好似好貴，但佢係用酒吧啤酒杯🍺咁大杯裝比你，$15可以接受😃

呢間一直都有幫襯開， 今次係最難食嘅一次啲飯林嘅，有兩舊雞細過女仔手掌，最好笑係佢比把刀我，係鋸扒用嘅刀，搵义拮都嫌有餘，仲要唔夠汁，有一舊有燶邊，脆脆地，但係就比較乾身肉燥飯啲肉燥奇少，唔夠撈飯。玉子豆腐，夠炸粉好大舊，煙靭過糯米糍， 我未食過咁難食嘅玉子豆腐，係癡牙嘅到台灣腸，切到薄到火腿咁薄，一兜仲要係油浸咁樣，食到落底，係一層油。份量係OK嘅。到珍珠奶茶，真係屋企樓下間珍珠奶茶都好飲過佢，啲珍珠硬嘅，個心實嘅，係咬到脆脆地嗰種神，冇乜茶味，但係又唔知點解飲完之後我會瞓唔着，又冇乜奶味成餐食完之後都唔知食咗啲咩，油到夠飽，但係就頂到瞓唔到

琴日經過青衣城想簡簡單單食碗麵就走見到「101 cafe」有台灣麻辣湯底嘅麵食即刻心心眼！入去叫左碗韮菜餃拼魚腐嘅米粉再加5蚊要杯珍珠奶茶加配飲品嘅價錢合理嘅，珍珠奶茶茶味好濃，但珍珠太硬。而碗粉最出色嘅係啲米粉😂😂絲絲分明，口感好好👍🏼但湯底令我有啲失望唔夠濃，而且係單純的辣說好的麻辣呢☹️而韮菜餃同魚腐都無特別。但值得讚嘅係抗疫措施上做得幾好，用好高嘅板同易拉架分隔座位入座前仲會禮貌地提醒客人食物到左先可以除口罩，令人感覺幾放心👏🏼

今次午餐叫左個雞扒玉子豆腐肉燥飯($45)，上菜上得好快，唔洗10分鐘。雞扒煎得ok唔太乾，但又未到好食。玉子豆腐就係炸既，無咩味咁😅話明肉燥飯專門店，所以本身對佢個肉燥幾大期待，可怕希望愈大就失望愈大😔佢比得好少肉燥，仲要個汁太甜（本身係甜控既我都覺得佢整得過甜）🤓不過白飯分量好大，大食既人都應該會飽肚👍🏼。以出街食既話，食物質素同價錢都叫做相對既。不過如果你係追求美食的話/接受到$80-100一餐既話，就可以搵過另一間黎試啦🤭

突然想食台灣野，今晚揀左101，嗌左佢嘅set，主食加一款小食再加大杯野飲。今晚遲左，大約9點坐低食，本身想嗌玉子豆腐，但已經賣哂，間舖星期一至四收夜晚10點，last order係9:15pm，夜收工先黎食嘅朋友要留意下。.我地嗌左一碗三杯雞番茄烏冬同苗栗牛肉麵，配花枝丸同台灣腸。牛肉麵嗌左最小辣，但都覺得辣左啲，下次會叫佢再少辣，同埋啲牛韌左啲。三杯雞烏冬好味，啲雞好滑，辣度算係bb辣，唔食得辣既人都handle到！烏冬要加$10，係稻庭烏冬，同番茄湯都好夾。.野飲嗌左一杯愛在墾丁同無糖茉莉花，都幾fresh，大家可以試下。

每次嚟到都係食麻辣湯麵🍜今次中晒伏，每次落單個個員工好似唔聽人講嘢，都要重複幾次，重複無問題，小辣都講左幾次，但結果碗野到左不得了，小辣我已經食過幾次但估唔到俾左碗外星小辣我？小辣都要睇心情？加湯無問題，但好歹都比碗清湯我，比碗清水我想點😑個員工總串過我，溝通唔到就忍，忍住都要食，密密分油！！！所以究竟係落單既問題定廚房問題？我淨係知，我個咀更加發炎！經過今次，以後唔敢再食伊間野！圖一先係我平時食開既小辣！🤦🏻‍♀️

間間分店既味道同評語都唔同🤔 食既係青衣店😉成間餐廳採開放式設計幾光猛💡不過叫野食可能要努力叫多幾次‘虎嗚樣’喇😆呢度既下午茶選擇幾多性價比算不錯📈👍🏻下午茶供應時間(14:30🕝-18:00🕕)<無骨香辣三杯雞肉燥新竹米粉>下午茶🕞黎講份量算係幾充足👍🏻三杯雞其實唔係好辣個種黎😉舊豆卜係重點⁉️精華都索曬入去😲肉燥新竹米粉絕對合格有餘👍🏻配凍珍珠奶茶🧊+$2 過下茶癮係還可以既🙈

星期日瞓到咁晏，通常都唔會食晏，直接食下午茶啦！呢間台式餐廳唔係開張左好多年，但都有好多人幫襯，因為佢嘅食物選擇眾多，味道都算真係唔錯啦。$35一個下午茶，可以食到米粉，再加兩款小食同一杯嘢飲。呢度嘅推介會係厚多士，分量十足，味道一流。

早上去左青衣等睇戲，突然想食個休閒早餐，所以搵左間台式餐廳試下，一入到去見到個格局唔錯，而且令我諗起我既台灣之旅。個裝修好加分，好似去左台灣既感覺。點左個套餐，番茄牛肉通，番茄汁味都幾濃，至於牛肉就茶記水準啦！味道都算ok既！個碎蛋味道ok la! 牛油厚多士都幾軟！杯苿莉花茶就真心茶包沖既感覺，無茶香味！無計啦！我家人由茶鄉出生，飲茶比較講究既！呢個set 只係36蚊，cp 值算中上既！如果下次飲埋杯好茶就更完美啦！

經過好多次，因唔想幫襯大家樂集團，所以過對面間101食lunch，試一試。見平時晚上d一人邊爐都幾多人食，估應該唔錯。午餐時，老公個咖喱牛腩，個樣一般，食落都一般……三杯雞辣度夠，麵都彈牙，雞就唔入味，又係一般。