101台式休閒餐廳 (青衣城2)

正常既台灣野食小店。野飲比想像中大杯，5蚊唔通整個靚茶底比你咩。員工態度唔錯，上菜都快。叫左個豬骨濃湯+手工麵+雞扒+花枝丸+5蚊珍珠奶茶。湯底都唔會太淡，都份量夠，可以再黎。😀自選雙拼麵有幾種麵底可以揀手工麵似刀削麵既薄款咬落都薄唔會太硬肉燥飯ok野飲好大杯…查看更多

見好多comment都係去完迪士尼係青衣城搵食我都唔例外先唔講呢個古早味牛肉麵既味道 齋見到佢個size已經覺得好嘩然真係超大碗！！玩左成日勁肚餓見到呢碗野係好滿足牛肉好多 遍佈全個碗面唔夠淋不過未柴到會攝牙喇個隻兩舊好淋既蘿蔔浸左牛肉湯好耐入哂味牛肉湯好飲我覺得50咁蚊有咁既質素真係算係好好 以量取勝 啲麵完全多到食唔哂珍珠奶茶係加錢既要改善既係啲珍珠真係唔好食唔煙韌 係擺左好耐既感覺 咬落去似泥膠不過overall黎講覺得幾ok下次黎青衣諗唔到食咩應該會encore…查看更多

101台式休閒餐廳 (青衣城2)無諗過而家想食個有多士, 炒蛋的茶餐係咁困難，剛剛在尖沙咀, 好多餐廳都執晒咁, 有平價的粉麵粥, 厚福街都好多日韓台, 唯獨茶記得”紅茶”爆人龍。ANYWAY入正題，去青衣原本諗住都要去返屋村或者大家樂先有常/茶餐，睇睇下101台式休閒餐廳原來有我想食嘅野，價錢合理$50, 即刻入去。我就係想食個有多士, 炒蛋, 有濃湯麵嘅下午茶，搵得我咁辛苦。叫左個沙嗲牛肉米粉，多士炒蛋拼火腿, 熱奶茶，簡單得嚟又唔簡單。沙嗲牛肉米粉，味道夠濃不錯，牛肉似香口膠”難趙”, 米粉仲係硬少少, 要浸多1分鐘。多士炒蛋拼火腿，多士夠厚不錯，有奶油就PREFECT，炒蛋不油，火腿2片份量亦夠不錯。熱奶茶一般，好過連鎖快餐但比出面茶記欠味道。地方企理，人不算多, 比起對面連鎖式快餐舒服，無咁嘈，得閒可以入去HEA, TEA一TEA。…查看更多

午市套餐：P7 鹽酥雞肉燥飯（$52）凍珍珠奶茶（+$5）鹽酥雞份量少得可憐，得5粒，其中有2粒仲要好細粒，味道還算是可以，但唔太酥脆，明顯是已經炸好一段時間。肉燥份量適中，勉強夠撈哂啲飯嚟食，味道可以，唔太鹹，肥肉唔多。滷水蛋有半隻，味道正常。另外有些少雪茶及椰菜伴碟。凍珍珠奶茶，大杯，珍珠份量適中，但有啲珍珠中間仲硬硬哋，疑似未煮淋。奶茶味道一般，茶味偏淡，要咗少甜，都仍偏甜。$57有飯有凍飲，以青衣城嚟講算係咁，但食品質素就極之一般般。平日中午12點鬆啲，食客唔多，所以坐得都舒服。…查看更多

去完迪士尼好肚餓 佢完全滿足到我既需求 入座即刻有店員埋黎落單 落完唔夠一分鐘有大大杯野飲。 再過大概兩分鐘已經出齊餐。 職員態度唔錯。 乾淨企理。食物份量正常，餓完一日一大杯甜嘢落肚好滿足，凍朱古力牛奶好飲。啲嘢好唔好食就見仁見智，我無乜要求，無特別好食，但係性價比黎講合格有餘，唔好expect太多其實都係填個肚姐。 重點就係：快。 食物有好多唔同選擇一人晚餐$80有找，啲嘢新鮮滾熱辣出菜。有主食，小食，飲品，每個都好多選擇。…查看更多