101台式休閒餐廳 (青衣城2)

營業中

休息中

服務態度真係奇差，唔會再幫襯先講等位，二人枱等極都冇，係都要叫三至四人枱，但叫極都冇人入，但咁都唔會比二人檯入好辛苦坐低之後，叫落單，但服務員個個都當睇唔到食物質素一般， 唯一可以讚既係杯嘢夠大杯

去青衣城覓食，經過重重考慮因素之後，由於太懷念台灣的臭臭鍋了，所以就選左ne間有台味的店食食看。原本想一人一火鍋，但望到隔離個鐵板燒好似好正就轉軚食下。反正開心share就一個台灣麻辣豬頸肉火鍋，清湯配渝川麵；前菜麻辣涼拌青瓜＋$5的盆栽香芋珍珠，套餐價$89 。另選無骨香辣三杯雞熱石鐵板燒；小食選鹽酥雞飲品（因為唔係我飲所以唔記得啦）,套餐價$75。 先講火鍋，配料多多，有辣有唔辣，任均選擇，但俺唔食辣所以清湯就好。有兩，三塊大大塊豬頸肉，好好咬。落渝川麵去食好好食個程度令我下次會再回點ne款麵，溫馨提示：終極大佬為煮到最後的菜，吸曬d精華，辣到我想唔食，好彩有大大杯野飲混埋oreo仲有珍珠tem, 當堂解辣。 到三杯雞鐵板燒啦～～俺們選小辣，又滑又嫩的雞塊經調味魔法後，好好食呀！！配住肉燥飯（可惜汁比較少） 我們最後也撐飽到食不下了，絕對食飽，都岩男士一起去架～～

今天下班再一試食101台式餐廳，一見餐牌新出左好多食物，鍋物都多左牛雞豬選擇，又有鐵板餐，兩款我都想試，但最後都係選左鍋物。89蚊，有前菜、鍋物、選一款粉或飯，同一款台式飲品，其實份量都幾多，我選雞鍋物中辣，覺得幾好味，但啲米線就食唔曬。而我父母就選了牛鍋物，個牛湯底唔辣，飲過一口湯底好唔錯，值得一試。另外飲品方面，佢包一杯大杯台式飲品，仲要好多款都唔洗加錢，就算加叫啲特別啲都係五蚊左右，我叫左個朱古力雪香，唔洗加錢既，都真係好好味而另外鐵板餐我之前未試過，其實今次都好想試，不過可惜食唔到咁多野，好彩隔離枱咁岩就係叫依款，上到枱好似pepper lunch咁，真係好香，好正咁，下次應該都會一試。

無骨香辣三杯鷄涮涮鍋今次 終於試咗喺青衣城二期商場新開嘅台式餐廳 同朋友分別嗌咗兩個set 一個係無骨香辣三杯雞涮涮鍋 另一個係鐵板餐 我認為 呢一個涮涮鍋都係值得推薦嘅一人火鍋值得推薦既一人火鍋 味道濃郁 最緊要係份量多 兩個人食都飽到嘔 價錢又適中 涮涮鍋重可以選擇 唔同嘅麵底有新竹米粉同米線 而我同朋友就揀咗米線啦 個湯底都算入味 不過 美中不足嘅地方係 個米線相對油咗少少 另外同朋友嗌咗嘅鐵板餐 相比起涮涮鍋 涮涮鍋嘅性價比較高 可能因為鐵板油比較多食落比較肥膩 亦都冇刷刷鍋咁滋味 中意涮涮鍋既朋友仔又多左個選擇啦

之前已經去過呢間餐廳啦 覺得好好味 同朋友知道青衣城開左分店 即刻去試下啦！一去到 覺得餐廳環境好舒服 又開揚 D 態度又好有禮貌 好主動咁安排位置 同埋幫我地落單 一打開menu 樣樣野都好吸引!2個人叫左2個一人餐 一份係雞排玉子豆腐肉燥飯，玉子豆腐炸得剛剛好，粉漿夠薄而上菜時夠脆，好食！肉燥也不錯，只是稍嫌份量不多，不夠撈飯。雞扒都好厚，照燒汁幾好味。小食就叫左台灣腸，算係幾似台灣當地既風味，唔錯！仲有個就叫左豬排肉燥飯，豬排勁大塊，絕對適合大食既朋友，亦相當入味，幾好食！而小食就叫左雞翼，但味道唔太夠，有Ｄ淡個人覺得是日排長龍，好在早拎位，搵食要趁早！

當時個女侍應寫完單但沒有入單害我呆等半小時只顧帶位 隔離枱又係漏單又沒有比水 , 餐具有點洗得不乾淨沒有紙巾提供.食物偏淡 可以話係冇味 ,就算麻辣都淡口如非冇位 不會再去.

响青衣城睇完戲已經21:00，想搵食醫肚好多餐廳仍然要排隊（好癲！）好彩G/F 食肆一般都唔駛等。晚上9點，各人飢腸轆轆，揀一人套餐就最實惠喇！一人套餐由$85~$110 不等，有小食一款，主食一款，可配肉燥飯或米粉，飲品一杯，當然可以加$轉烏冬或特飲啦！今次點咗三個套餐，所以配搭都幾多吓！小食方面，麻辣雞絲加辣後非常惹味炸花枝丸就普通街邊小食咁 鹽酥雞又係肉碎而且勁厚粉 主食方面，牛肩胛肉一般般，牛味欠奉但勝在肉質夠嫰，配菜嘅蓮藕青瓜粟米反而好好食。雞扒一樣，肉嫰但冇味嘅，一定要點住個汁至得。紅燒牛肋條最入味，可能炆嘅時間夠長，肉質軟而不散 肉燥飯 - 肉燥汁太少但味道唔錯，如果多啲汁就更好喇！肉燥米粉比肉燥飯更大碗，女士們應該食唔晒！新竹米粉口感Q彈 飲品方面，珍珠奶茶不過不失。最伏嘅係“愛文芒果汁”以為係鮮果汁，其實只係濃縮果汁溝水。真失敗！！！餐廳食品質素以西餐廳嘅講算唔錯，但千萬唔好抱住食台灣菜嘅心態，否則一定會失望。

呢晚約咗兩個朋友一齊食飯，本來係想食一期嗰間韓國嘢，點知閒日夜晚等咗成廿分鐘都未有枱，最後朋友話改去二期期呢一間台式餐廳。去自助攞票機攞完號碼等咗唔使五分鐘就有枱喇。 員工好快上咗餐牌，估唔到有咁多套餐嘅選擇，個價錢仲超抵，同吉野家食火鍋差唔多，但係上檯後見到嘅份量就超級大，好抵食。叫咗個一人餐($75：香茅豬扒肉燥飯+小食麻辣手撕雞+飲品)，同埋兩個鍋(各$68： 古早牛肉鍋同埋無骨香辣三杯雞涮涮鍋)，其中兩個鍋加$5有珍珠奶茶飲， 而一人餐係唔使加錢就有盆栽系列特飲，揀咗個特濃朱古力盆栽。員工好快過嚟同我哋落單，當中同佢有講有笑，所以呢到的服務style都係比較輕鬆啲嘅。點完菜，正奇怪點解個員工咁耐都未上幾杯水畀我哋飲下㗎呢？之前黎過嘅朋友就即刻話原來餐廳有個自助茶水位俾客人自己去裝水飲，所以其實呢度都算係半快餐形式？香茅豬扒肉燥飯：個肉燥飯唔錯，不過個豬扒就好似比較乾身咗啲啲，冇乜肉汁，但味道係ok嘅。 最驚喜係個麻辣手撕雞，估唔到麻辣味都幾重，幾好味，而且比我想像之中嘅份量仲大啲。 跟餐嘅特濃朱古力盆栽唔單止賣相靚，味道都好香濃。另外兩杯珍珠奶茶都合格嘅，唔似有啲餐廳係勁甜同冇

青衣一向以美食沙漠聞名, 要係度找一間好食的餐廳真係難過登天。聽講青衣城二期開左好多新餐廳, 一於同男朋友黎試試呢間主打台式餐飲的「101台式休閒餐廳」。- 台灣古早牛肉麵- 雪菜肉絲肉燥新竹米線- 花生醬煉乳厚吐司- 朱古力牛奶雪香- 柑桔檸檬要睇一間台灣餐廳係咪正宗, 最緊要睇下個牛肉麵做成點。呢個牛肉麵真係不得了, 牛肉炆得夠晒林, 湯頭好甜, 牛肉麵夠晒入味, 讚。埋單都係100蚊, 食到咁多野, 認真抵食。

今晚去了青衣城2期，見這台食店的裝修陳設整齊企理，給人良好感覺，便入內試試。今次吃了它的一人餐，古早牛肉麵+花枝丸+珍珠奶茶。這牛肉麵應是此店的招牌菜之一。它的賣相ok,只是（個人而言）湯不夠濃，牛不夠滑。即使我入店內時是很肚餓的，而我吃了大半碗麵已覺不想吃了。花枝丸及珍珠奶茶就沒有什麼特別。另外有些觀察是關於服務員的，不是說他們不勤力，只能說是動作不夠快。如我旁邊有一食客是吃火鍋的，他於鍋內的湯只剩三份一時已叫服務員加湯，而服務員一直處理其他事務，直至差不多乾水才加湯。此外，店外有很多人排隊等位，而眼見店內起碼有3張未收拾的空枱。這方面個人覺得可以做得更好！

這間101已經來過幾次，並已寫過食評並提出意見。今次再光顧，發覺所提意見各点皆有改善，證明該店管理層重視顧客意見，實屬可喜可賀。如何改善，且聽我道來。上次提及該店没纸巾提供，一些不習慣自帶纸巾的人，尤其男仕，會感覺不便，吃完無法抹嘴。今次見到櫃內已放紙巾，我是支持環保，不會多取，一張就夠了。上次提及餐刀亂放在多士上，令刀柄及多士都沾污。今次改善了，刀放在多士旁。上次提及的熱珍珠奶茶祇是暖而熱度不夠，今次熱度有極大改善，符合熱飲品的要求了。這是今次新試的雪菜米，屬平均水準之上。米粉硬度適中，不太稔，有口感。材料味道適中，沒有太咸感覺。豬扒份量足且屬嫰滑，惜用油太多，吃起來太油膩，感覺不太健康。除上述所提各點，上次提及個別初級員工服務欠佳，今次已不復見。能作出各項改善，功勞當然歸於其管理層，足見該店有力求上進之決心，讚

台灣苗栗香辣牛肉麵（呼～個名都好長下）湯底微辣，唔錯白蘿蔔夠淋牛肉都好多淋又入味，分量都算多～麵質都唔錯，唔會好淋整體都好滿意，都幾有驚喜，係我近期食過最好既牛肉麵

🍵🍜🍵🍜🍵🍜🍵🍜🍵🍜🍵🍜🍵🍜🍵🍜🍵Tea Set $ 37板燒雞柳肉燥湯新竹米+珍珠奶茶(熱) 好少茶餐碗麵會食得飽。。下午茶黎講佢算大碗，個人比較大胃，份量岩岩好🙈上台熱度十足，雞肉煎過香口野味，肉燥新竹米味道適中未入門口就聞到陣茶味，好香😚所以餐飲叫左杯熱珍珠奶茶，茶香撲鼻，有奶味又唔會蓋過茶味，珍珠煙韌有咬口 唔錯價錢合理，環境亦食得舒服🤤🍜🍵🍜🍵🍜🍵🍜🍵🍜🍵🍜🍵🍜🍵🍜🍵🍜

叫左手撕雞涼拌麵，一嚟到啲手撕雞一啲都唔係手撕嘅，係雞扒切開幾舊...個問題係啲雞件全部都係雪櫃拎出嚟，如果咁大舊．嘅話，食落又凍又硬唔知自己食緊乜😂本身問佢啲醬可唔可以另上 佢地話唔得因爲撈晒啦已經，尼樣我都明既👌🏻 但係D麵黎到食落 就知D麵真係雪櫃拎出黎 食落又硬又粉.........唉～涼拌麵我以爲係岩岩整完過冷河個D溫度，而唔係雪櫃拎D雪左好耐既麵同雞出黎🤦🏻‍♀️個醬正常無驚喜，簡單D黎講，無下次 🤗

由於網上外賣平台 係我住果區選擇唔多，今日見到呢間台灣餐廳，諗住有新野食好開心，order左3樣野，有麻辣麻醬手撕雞撈麵，凱薩沙拉，無骨香辣三杯雞肉燥飯各一，首先係凱薩沙拉只係普通生菜絲+粟米粒+麻醬，可能我孤陋寡聞，但真心沒想到凱薩沙拉是這樣嘅配搭，而麻辣麻醬撈麵中嘅手撕雞只係切雞柳條，真的好想知道何謂手撕雞🤔，還有無骨香辣三杯雞肉燥飯，雞沒有三杯同辣味，值得讚嘅係肉燥味道不錯。食物味道非常一般，可一不可再嘅餐廳！