101台式休閒餐廳 (青衣城2)

營業中

休息中

之前已經去過呢間餐廳啦 覺得好好味 同朋友知道青衣城開左分店 即刻去試下啦！一去到 覺得餐廳環境好舒服 又開揚 D 態度又好有禮貌 好主動咁安排位置 同埋幫我地落單 一打開menu 樣樣野都好吸引!2個人叫左2個一人餐 一份係雞排玉子豆腐肉燥飯，玉子豆腐炸得剛剛好，粉漿夠薄而上菜時夠脆，好食！肉燥也不錯，只是稍嫌份量不多，不夠撈飯。雞扒都好厚，照燒汁幾好味。小食就叫左台灣腸，算係幾似台灣當地既風味，唔錯！仲有個就叫左豬排肉燥飯，豬排勁大塊，絕對適合大食既朋友，亦相當入味，幾好食！而小食就叫左雞翼，但味道唔太夠，有Ｄ淡個人覺得是日排長龍，好在早拎位，搵食要趁早！