101台式休閒餐廳 (青衣城2)

營業中

休息中

論台式食物當然令人諗起都流口水嘅肉燥飯、牛肉麵、仲有嘆返杯台式珍珠奶茶。呢間以台北地標101自居的台式休閒cafe，想必以「小確幸」式精品食物作定位，觀乎其牛肉麵賣到八十幾蚊碗，肉燥飯七十幾蚊碟，價錢你都咪話唔高檔！食落就......肉燥飯真係食到「好燥底」，飯多肉燥少，食到一半就冇曬餸，都未講啲肉燥只不過係罐頭水準！紅燒牛肉麵係就係大大碗，弊在食連最基本的「熱」字都做唔到，凍冰冰咁點會好食？都未計佢牛腩有攣攣的「毛」。至於成個台式飲食文化嘅靈魂「珍珠奶茶」果粒「珍珠」簡直係「慘不忍睹」黎形容，莫講話冇「QQ」的口感一咬就散，你見過「崩」左嘅珍珠？真係繼聰有云：「唔係猛龍唔過江，唔咪豬扒唔化妝！」不如返台灣學多幾年師再化個靚妝先再返來啦！