101台式休閒餐廳 (青衣城2)

營業中

休息中

今日行過，見到新開咗間台式餐廳，門口餐牌好吸引，所以一於入去一試。餐廳門面好光猛， 座位好闊落， 環境好似一間休閒咖啡店咁， 令人感覺好舒服，好relax無拘束。今日叫咗個deluxe嘅set lunch, 包括一個主菜，一款小食和一杯飲品。而我就揀左7味雞翼肉燥飯， 台灣腸和熱芋香珍珠。七味雞翼夠乾身和滑，無乜油，而肉燥就好香滷汁味， 夠入味，唔會太鹹。 台灣腸就帶有少少黑椒味， 感覺好香口和好軟熟,份量又多。 最後杯芋香珍珠， 甜度剛剛好，珍珠軟硬適中, 喺咁凍嘅天氣,飲杯暖笠笠嘅嘢, 真係冇得頂。 價錢非常經濟， 選擇又多， 呢個都係一個唔錯嘅選擇呀