101台式休閒餐廳 (青衣城2)

營業中

休息中

青衣城二期工程完成啦，多左好多食肆，行到地下嗰層，好多快餐店，全部都要排隊落order及自取食物，今日好攰，想俾多10%服務費被人服侍，所以搵左101台式麵試下；我叫左個套餐—台灣古早蕃茄牛肉麵$81，可以免費轉台式肉燥新竹米粉、渝川麵或米線，我揀左渝川麵，碗麵幾好食，牛肉夠林，麵質都ok；個餐跟小食，我揀章魚餅（2塊），味道唔差，係炸得油左啲；餐飲可選冷熱經典台式飲品，而我就加左$10要在杯香芋牛奶砂冰，原價要$45㗎，個賣相好好，有香芋味，夠大杯，可惜我期望啲冰可以打得幼細啲。