龍華酒店 (下禾輋)

營業中

休息中

整體黎講都不錯去之前以為會冷清冇乜人 點知入到去都坐左半場 到7:30個陣都差唔多滿場（可能係因為紅日）啲職員都好有禮貌 入枱後有主動問係咪openrice book位好快就係app confirm已出席上菜個陣都會講：請慢用間唔中都會有人黎睇下熱水煲仲有冇水冇嘅話就會即刻攞去fill如果咁啱經過沙田都可以去試下見到好多人都推薦咕嚕肉 就叫左一份黎試下擺盤都幾靚 真係有一大個菠蘿係隔離不過個人就鐘意連菠蘿一齊炒多啲（個人喜好）啲咕嚕肉酸酸甜甜 好開胃 不過份量比想像少啲菠蘿都唔錯 好快就比人搶曬黎食鐘意食咕嚕肉嘅都可以叫黎試下呢間餐廳最出名乳鴿 點都要試下佢價錢黎講$128一隻 算係有少少貴落單個姐姐好貼心咁主動問我地想1開2定1開4因為我地4個人就1開4上到黎都幾大隻下 仲要係熱辣辣隻乳鴿都好多肉下 鐘意食乳鴿可以試下呢個雜菜煲對比起其他就較為普通主要就係少少海鮮+菇+菜+粉絲啲菜係偏爽口 屋企人覺得如果再煮淋啲會更好不過份量就真係好足 食完即刻飽左如果想試多啲唔同嘢食 可以留翻個quota食其他上到枱到幾大碗 份量夠曬4個人食啲粥都幾綿 不過略為有少少咸以為啲雞煲完粥會變嚡 點知都

在opem price預訂了9月15日晚上7:30, 到達時沒有跟我核實預訂資料就安排入座,今天郤收到通知說我缺席。昨天的經歷簡直是我這一年來最恐怖的一次體驗,先不說突然加價了。最可怕是落單時,竟然跟我說這個餐牌不準確,,拿來一個差不多全部是打交叉的餐牌,跟我說剛換了廚房,很多菜式都冇。之後戲肉來了,5分鐘後很快來了乳鴿,先不說好不好味。之後的一小時,全場...對,是全場沒有一枱是沒有催過他們點解咁耐都未嘢食, 大家你眼望我眼。我另外點了干炒牛河和椒鹽豆腐。足足一小時後催了無數次才出現,而且難食到難以形容,幾多錢已經唔想再講,最後奉勸龍華一句,你簡直掉了咁多年的臉,以後冇可能再幫襯。

奉勸千祈唔好嚟，中秋節食飯，一肚氣！訂咗位，求其揀個位背脊頂住都話係咁㗎啦。你嗌單佢話你落咗都冇用，都唔會入機，唔得閒。落咗單，五樣嘢漏咗兩樣，不停嚟錯嘢。正式俾錢受罪，仲話盡咗力。香港都唔知點解會仲可以容納呢啲咁嘅酒家，唔係佢話自己係酒店。荒謬！好似佢哋唔係做緊生意咁。冇得頂。等咗成一個鐘頭都冇嘢食！ 嗌藍妹都要話摷一支凍。好似尋寶咁。簡直係嘥人時間。飲咗一個鐘多，就係食呢啲。想叫乳鴿（鬆），佢話好耐，自己出名嘅菜都turn down, 冇得頂！唔怪之叫頂鴿。 出面咁多人用心煮嘢，用心服務，基本尊重飲食嘅文化都冇。我細個嚟呢度，先諗住回憶一下日美好時光，真係一個好好嘅回憶，一定記得唔會再嚟。 可惜！ 都冇心機影啲食物，不過$168 扇貝點都要影，細隻到瑤柱仔咁細，大家可以睇吓水準有幾高。 你可以有好多藉口。又話廚房唔得，人手唔夠。但係依啲係你管理你間餐廳嘅責任，請你記住，客人都會俾錢，諗住欣賞你嘅菜，你做唔，唔係唔好意思就OK。

今天我在晚上的時候和家人一去吃龍華酒家，然後我們慢慢地點，七點落單，去到八點都冇嘢食，我就認為這間餐廳的服務態度好差，在網上看到一眾好評，所以才會來試試，但沒想到，服務如此差

一直都覺得龍華系得乳鴿好食！估吾到今時今日連乳鴿都咁難食！真心回水！炸大腸普通，鋪底既菠蘿系黑色壞左既！菠蘿咕嚕肉，菠蘿都系壞既！咕嚕肉系乾到無肉！汁就算啦系酸既！牛柳粒系韌既！唯一正常既系乾炒牛河！5個人食左$1237！真心吾知點解可以咁難食！就算餐廳改善都系無下次！解議考慮book枱既都系放棄，十分不建議！！

龍華乳鴿 是招牌菜👍他們是自設農場飼養皇鴿，肉味比較濃，燒得皮鮮香脆，肉質非常juicy，非常夠味，上檯香氣撲鼻，賣相好，必食💯生磨杏汁燉白肺湯和薑蔥焗廣島蠔就正常水準👌飯後甜品豆腐花非常滑溜，有黃豆味，配上清清甜甜的桂花糖水，好特別，也是必點item 😋工作人員非常友好和熱情🤗食飽飽唔好急急走，可以周圍行下，同孔雀白鴿打下卡影張相，再去同鸚鵡妹妹傾陣計，會是一種開心的體驗🦜📍沙田下禾輋村22號交通一點點不方便，要步行大約15分鐘才能到達選擇一：由沙田瀝源邨步行十分鐘，沿沙田警署旁行人天橋前往選擇二：沙田站往排頭街方向行，行入上禾輋邨，再向前行見到天橋便是要留意一下的是付款方法是只收現金，不接受信用卡及任何電子支付💰

前兩年公司 搞春茗 嚟過一次 印象好深刻 當時啲嘢係好食吧 乳鴿一咬落去漏汁又滑 皮又脆又香 一人一隻 小菜都唔失禮 絕對比大牌檔有鑊氣 事過境遷 今日再去 沙田乳鴿呢個發源地 因為前幾日有朋友生日 大家都係沙田友 又諗唔到食咩 就提議去咗呢度食 位置有啲遠 市中心過去要行15分鐘 去到 唔多人 得4枱客 可能我地遲啦 8:30先食 叫咗 乳鴿 小炒王 雞粥 炒蜆 好似芋頭魚嘅鴨 （唔記得咗叫咩名）仲有個咕嚕肉 乳鴿都仲可以 不過明顯冇之前咁好 小炒皇都可以 好難會出事雞粥反而唔錯 幾棉雞都滑 又唔係重骨嗰隻啖啖肉嘅個芋頭魚嘅鴨 我覺得當芋頭魚吃ok ge 不過朋友話食唔到鴨味 所以一般啦 咭嚕肉就好細舊 完全係炸過龍定還是發育不良 我就唔想考究啦 炒蜆 味道冇問題 不過有沙 致命傷主要 我覺得一般是 上菜唔夠熱 🤔好似攤凍左咁 可能人太少啦 水準有落差 不過值得一讚係 好好服務 帶咗個蛋糕 🎂 冇額外收費 又吹你走 因為我哋遲完完全全冇感覺趕客情況希望疫情過後 經濟好番啲 期待佢仲撐得住啦沙田特色係要保留嘅 另外裝修都好懷舊 不過唔係污糟係乾淨嘅 打咭ok ge 有機會都會再去

都隔咗幾年冇嚟沙田龍華乳鴿，諗返起都有啲好笑，明明以前喺附近做嘢，老細竟然請食野唔係請呢度，🤷🏾‍♀️而係求其喺商場買其他茶飲、小食做外賣，真搞笑。再吃，反而龍華乳鴿已經冇以往那麼旺場，當然，這天是閑日而且是晚上，現場去到只係見到得幾台客人，簡直係場面凋零。結果我們一行五人都叫了個餐醉乳鴿雪凍的，都夠凍，味夠香濃，但是因為凍了，乳鴿的質地就梗係冇咁滑，不過都不算太過鞋身，可能因為它的乳鴿本身都帶點脂肪，即使弄成醉乳鴿，也不見得特別。 炸乳鴿就最知名，夠晒大隻，外皮香脆，內裏蘊含大量肉汁，因為店員話如果我哋一人一隻的話，其實唔使切原隻上，用手套自己撕開，保留更多肉汁，溫度夠晒熱燙，你可以見到乳鴿的肉中間還含有大量汁。平時我食呢啲set餐嗰啲小菜，都不太喜愛，想不到，這個XO醬炒雞柳，雞柳夠話不嬲，帶少許XO醬的辣味吊味，味道香濃跟住有個湯羹好受歡迎般，看到餡料除咗啲菜粒之外，只有火腿、蝦粒、瓜、冬菇等等，不太啱我食，因此都沒有試。可能又係因為一人兩隻乳鴿都比較多肉，以及炸大腸好似客人不算特別鍾愛，於是吃得比較多肉，因此後尾冇人食停晒手嘅時候，我都吃了不少湯浸白菜，份量夠多，味道不會太過鹹太

#龍華酒店 #lungwahhotelthis place open at 1938 nearly 90 year to now. the renovation is terrible inside. u can feel the aging and old. the air con is not strong enuf in this hothot summer today which is 34 degree celcius today.plus the location is far away from shatin mtr, u meed to walk 15mins to arrive there. but this is a very famous place to eat fried young pegion and sour pineapple pork. i hv heard this name for a long time ago but didnt try it due to it far loction.this time i was told by a fd

位於下禾輋既龍華酒店, 上網睇資料就話係1938已經開張....聽落非常有時光倒流感覺, 咁岩就到廢麥男友既爸爸生日於是我地就 book 咗龍華酒店食生日飯😌😌// 飯店外觀係好似日本鳥居⛩️沿路行入去飯店兩旁放滿傳統中式燈籠🏮🏮飯店入面有好多政要名人影星留下足跡😎✨擺設充滿五六十年既感覺💃🏻🕺🏻野食方面最出色一定係必點龍華炸乳鴿 & 沙田雞粥 👍🏻👍🏻整體來講，食物同網上睇到影評語差唔多加埋現場環境既配合非常值得試👍🏻👍🏻

聽講呢到乳鴿好出名，一直好想來呢度食嘢，終於有機會約埋朋友一齊嚟啦☺️咕嚕肉好有鑊氣配新鮮菠蘿🍍甜入心，仲有好飲燉湯，飲完好暖❤️，個石鍋鴿鬆炒飯勁好食😋，粒粒分明，唔硬唔軟好好味🥰，豆腐花係用桂花糖水，好特別👍🏻，食飽飯仲可以沿路打卡影相📸，兩邊掛住紅色燈籠🏮好特別，仲有記住去同鸚鵡「妹妹」玩🫶🏻紅燒頂鴿$98淮杞螺頭燉烏雞$88姬松茸燉鴿湯$88新鮮菠蘿咕嚕肉$168石鍋大少鴿鬆炒飯$168豆腐花1桶$68

經典酒樓，有特色，乳鴿確係出色 ，其他餸菜冇咩特別，一般酒樓水準，豆腐花要叫小份量才是木桶，大份是一個類似用餐前倒水的膠兜，這個真的傻眼了，我們訂的是十人餐，來的甜品是九件的分量，酒樓不好走，老人家及推嬰兒車不方便

懷舊情懷湧上心頭，來到龍華酒店🏨 食下心心念念的乳鴿😍 回憶殺的門口打卡位，好似日本鳥居嘅紅色長廊⛩️ 仲有花園同韆鞦，忍唔住影幾張相留念下😆 而且超幸運的！食飽飽後看到孔雀開屏了！🌻🌼🪺🦚🫧🌈 好，奔主題吧😂 我的乳鴿🕊️ 🥢紅燒乳鴿 (@196) 火候🔥控制很好，外皮香脆🥰 肉質鮮嫩多汁🤤 價格少貴但質素超凡！ 沒想到龍華的湯也很出色！🥄姬松茸燉鴿湯 🍲濃濃的鴿子肉香🐦，對不起了您真好吃😂 (怎麼可以吃鴿鴿?) 姬松茸的野菌味好夾，帶出清甜味覺🥄淮山杞子螺頭燉烏雞 🐥🍲 非常滋補養生的湯，清香的藥材味很易入口，吃兩口烏雞對身體更好🥄黃金花膠海皇羹 🐟🦐🍲原以為會很清，誰知材料多得溢出來了😯 超濃縮且十分足料👍🏻 蝦、花膠、魷魚🦑、瑤柱、蘿蔔粒……🥄沙田雞粥 🐥🍲粥底綿密，功夫很好，雞肉滑，有雞翅有腿應是半隻啦🥢XO醬爆龍鳳球 🦐蝦球🍤很彈牙，韭黃+紅蘿蔔🥕+西蘭花🥦 健康又美味🥢椒鹽豆腐片🥠外硬肉軟，有湯可蘸，像潮洲菜式🥢粉絲蝦米節瓜煲🍲 透明的中式粉絲，加上節瓜片、紅蘿蔔片、肉碎，煲在一齋相得益彰，夠冧啱我食😋 （職員態度硬朗、直言直語、用詞不加修飾，可能因為家庭/親戚式經營

位於沙田的龍華酒店是一家具有悠久歷史的餐廳，以其獨特的懷舊環境和多部經典粵語長片的拍攝地點而聞名。進入餐廳，你會被那種懷舊的氛圍所吸引，彷彿回到了過去的年代。餐廳的菜單上擁有各種粵式美食，其中脆皮燒乳鴿更是鎮店之寶。脆皮燒乳鴿廚師將乳鴿先以特殊的調味料醃製，然後用高溫烤箱烤至外皮金黃酥脆。每一口咬下去，你會感受到外皮的脆度和內部肉質的鮮嫩，而且肉汁豐富，令人回味無窮。新鮮菠蘿咕嚕魚塊這是一道充滿鮮味和多樣口感的菜品。新鮮的魚塊先被裹上薄脆的麵衣，然後油炸至金黃酥脆。入口後，你會感受到魚肉的鮮嫩和菠蘿的清甜，配合著酸甜的咕嚕醬汁，給人一種香脆可口的享受。懷舊風味砵蠔這道菜展現了懷舊的味道和獨特的口感。砵蠔先被輕輕烤過，然後以醬汁燜煮，整道菜口感豐富，給食客一種懷舊的情懷。馳名沙田雞粥這是一道經典的粵式美食，這碗雞粥是用傳統的燉煮方式製作而成，鮮嫩的雞肉和軟糯的米粒完美融合在一起。每一口都充滿了濃郁的雞湯味道，令人感到溫暖和滿足。總的來說，在這裡可以享受到精心烹調的菜品，讓食客仿佛穿越回過去的年代，感受到懷舊的魅力

細細個父母就鍾意帶我黎龍華飲茶睇孔雀，今日就帶趁另一半生日一齊過黎回憶下細個嘅味道。今日食依然保持到水準，裝修都冇大執，真係充滿童年回憶！紅燒頂鴿 (⭐️⭐️⭐️⭐️⭐️)乳鴿燒得好嫩，皮薄肉厚，雖然價錢比其他店家稍微貴，但物有所值，乳鴿大大隻，每一啖都好多汁，配埋新鮮炸起蝦片陳年的擺盤方式真係回味無窮。黃金花膠海皇羹 (⭐️⭐️⭐️⭐️⭐️)湯羹真材實料，顏色相當吸引，一分錢一分貨，金黃色由新鮮南瓜打磨而成，裡面放了不少的花膠、元貝等貴價食材，好暖胃補身。姬松茸燉鴿湯 (⭐️⭐️⭐️⭐️⭐️)姬松茸係名貴的食用菌，有不少藥用價值，煲出來帶點點杏仁香味，加上杞子和鴿肉更顯鮮甜，鴿肉份量十分多，有大半隻，個湯熱辣辣好暖胃，鹹度適中，啱晒要補身的另一半。香煎釀豆腐 (⭐️⭐️⭐️⭐️⭐️)豆腐大大舊好滑，外層炸粉薄而脆，面頭魚肉鮮甜不鹹，配合娃娃菜做底既能吸收濃郁醬汁，又帶點清新口感，送飯一流。懷舊豉油皇炒麵 (⭐️⭐️⭐️⭐️⭐️)炒麵好乾身，唔會有多餘嘅油分，每一條麵都長身幼細，大大碟食到4-5碗，餡料亦夠多，大蒜、韭菜、銀芽脆口新鮮，豉油味濃香。~~~~~~~ 龍華酒店 沙田下禾輋22號地舖 👍出色味道👍服務周到👍環境舒適