龍華酒店 (下禾輋)

營業中

休息中

小時候對沙田龍華酒店的印象係旁邊有柴油火車聲、鸚鵡鳴叫和像置身日本動漫［千與千尋］的場境，雖然位處下禾輋邨，但每年去沙田親戚拜年時，晚飯一定去呢度🧧疫情後第一次舊地重遊，當然必選招牌紅燒乳鴿，即叫即炸嘅乳鴿嫩滑入味又juicy, 大大隻，撕開時油份流出，外皮金黃香脆，再點埋淮鹽吃，回憶返晒嚟，絕對保持到當年水準😋雞粥好棉密鮮甜，粥底滑身，粥面仲有層雞油，雞件份量多，有雞味又吾會乾，配上香蔥熱辣辣上枱，第二度食吾到🤪特式干炒牛河吾乾身，青蔥芽菜都有爆香過，牛肉質地細緻幼滑，店員話呢個餸係李小龍最喜愛的菜式，巨星果然識食🏅薑汁芥蘭份量多，薑味重但吾辣喉，廚師炒得每條菜都有薑味，爽脆彈牙，至於甜品就叫咗原味手造豆腐花夠滑，木桶上好有風味，放入口中已溜到喉嚨，配上桂花糖水 確係錦上添花，有咁高質食物和優雅氛圍，物超所值！🥰