龍苑中菜廳

營業中

休息中

我認為人生很重要的兩件事是：一、食；二、去旅行，而在尖沙咀Holiday Inn龍苑吃特定的亞洲萬里通套餐，就可以兩者兼得，既有美食，亦可以為AsiaMiles儲分，一舉兩得！ 龍苑的門口真的好夠派頭，內裡是傳統的中菜廳設計，紅彤彤，高貴而不俗氣。今次我們吃的亞洲萬里通套餐共有八道菜式，每位由$568減至$328 (兩位起)，只在周一至五供應。 酥炸韮菜餃 這個有點像懷舊炸蝦角，不過裡面還加了韮菜，更加香口，餃子炸得香脆又不油膩。 雞絲粉皮夏天來了，吃一點涼菜更舒服，像這個雞絲粉皮，吃起來很清爽，沒有黏口的感覺，上面還灑滿了芝麻，更添香氣。 滋補燉響螺 我是湯怪，這個實在喜歡，有響螺的鮮甜味之餘，湯很清，沒有一滴油，感覺健康。 百花炸釀蟹鉗 又是我喜歡的蟹鉗，薄薄的一層炸漿，脆口不油膩，蝦膠彈牙，而且分量十足，叫人吃得滿足。 菠蘿咕嚕蝦球 蝦球都很大顆，咕嚕汁酸甜開胃，伴碟還有子薑片、菠蘿等等，又是另一夏天消暑菜。 崧子雞崧伴叉子燒餅這個除了松子、雞肉之外，還有西芹、馬蹄、甘筍，吃起來十分爽口，夾在鬆脆的叉子燒餅內，十分配合。 黑松露鮮露筍 露筍鮮嫰，

昨晚揾定今天食乜，揾到 Holiday Inn 内龍苑中菜，坐低見到有龍躉稻庭烏冬，馬上落單，點知係中伏，都係一分錢一分货；每有牛肉燒賣都會點，例牌都會叫蝦餃，無乜特别中伏，原因用料吾新鮮

老實講佢啲中菜都算精緻嘅同埋服務係超級好但係都係摱車邊真係唔夠精緻叉燒唔係好滑仲有少少過咸添燒肉 亦都唔夠精緻又唔夠脆好彩齋菜方面選擇都算夠多不過都係中等價錢貨色佢個燒鵝都ok嘅咕嚕肉上時有個菠蘿殼其實大家都知佢會重複使用我其實真係唔想 佢用呢舊嘢不過對外國人而言呢個係非常新鮮又精緻嘅佢嘅咕嚕肉真係整得幾好食嘅唔通呢個係 外國人餐廳呢雖然我可以畀個ok佢但係以呢個價錢應該可以做得更好令我驚奇嘅係竟然好多人食唔通我冇叫啱嘢食

金域假日酒店的龍苑，想去了很久，可惜沒有機會，看完介紹後知道這裡有一個新餐可以儲萬里通里數，就立刻搵機會試下。三百幾位仲可以用消費每兩元儲一里，嘩，心諗邊有咁著數。叫了一位姊妹陪吃，兩個人食剛剛好，靜靜地又傾到密偈。菜式有八道，開頭我們吃了雞絲粉皮和酥炸韭菜餃，兩小碟咁係不錯的，至少我會覺得味道是令人滿意的。韭菜餃和粉皮喺酒店食你可能覺得唔太啱feel，但味道直逼我喜歡的川菜店。百花炸釀蟹鉗，好大舊，朋友嘴細細，好難搞。咕嚕蝦球，又係巨人般大，酸度剛好，蝦又爽口。我自己幾喜歡這個崧子雞崧伴叉子燒，這種小食是很吸引女孩子的。我最喜歡食菜，黑松露鮮蘆筍自然我地兩個要搶食。最後的海皇焗飯，已經食唔哂了，幸好朋友不用減肥，佢話海鮮多，飯又撈汁好令人容易吃多了。甜品相對普通，不過我覺得咁平，可以食咁多野，好值得介紹人過黎，而家剛開始做promote應該不難book。

酒店餐廳一向予人食物有水準及穩定的感覺，自己亦深信這個道理，近年多了新人在酒店設宴不無關係，至少不會怕臨門結業，令人不知所措。 金域假日酒店內的龍苑酒家，是個人欣賞的其中一間，絕無做花假，就連自己的生宴及老媽的大壽，都曾選擇龍苑，身邊的朋友都知道。 而近日餐廳又有抵食套餐推出，埋單人均$400左右，仲可以儲飛行里數，可以話win win。 小食 雞絲粉皮 仗著人多，碟頭份量都不少，粉皮比起雞絲更吸引，滑溜可口，沾了醬汁好惹味，略嫌有點咸，但雞絲撕得細碎，拌勻之後啱啱好。 酥炸韮菜餃 炸得外層香脆，餡料韮菜切得夠碎，盡情釋放了香氣，就算不蘸點陳醋都好正。 湯 滋補燉嚮螺 畢竟龍苑的傳統菜色做得紮實，燉湯在自助餐中一向是焦點，今次燉嚮螺湯色清澈，熱辣辣的火喉十足，陣陣幽香隨著水蒸氣四散，喝起來更是滋補。 熱葷 百花炸釀蟹鉗 很傳統的酒宴菜色，即炸即上檯，蝦膠飽滿又彈牙，蘸點些少甜酸汁去除了油膩感，實在不錯。 菠蘿咕嚕蝦球 甜酸汁的調較啱啱好，但可能掛住影相，蝦球表面脆

尖沙咀金域假日酒店「龍苑中菜廳」最近與 Asia Miles 亞洲萬里通合作推出了一個菜式豐富，價錢相宜的套餐，兩位起，每位價錢只是 $328，即使連加一，還不到四百元，便可嚐到多道美味菜式，十分抵食，如果訂座滿8位或以上，還有「當紅炸子雞」一隻奉送，就更加抵食了。「雞絲粉皮」味道不差，不過醬汁稍多，吃到最後，就有點偏鹹。「酥炸韮菜餃」炸得通透，香脆可口，趁熱吃最好不過。「滋補燉響螺」湯色清澈，湯味清甜，是一道稱職的滋潤靚湯。「百花炸釀蟹鉗」這道經典的喜宴筵席菜式，每次碰上都會充滿期待。而這次吃到的，比不久前在另一間酒家吃到的為佳，蝦膠彈牙，口感甚佳，蘸點開胃醬汁，好味道。 「菠蘿咕嚕蝦球」這脫胎自「咕嚕肉」的菜式，其實挺吸引的，以蝦代肉，效果也不差，外層的脆漿夠脆，裡面的蝦肉仍有彈力，配以甜酸開胃的咕嚕醬汁，還不錯。很久沒吃過的「崧子雞崧伴叉子燒餅」也好吃，燒餅十分鬆脆，不過這晚的燒餅不知道為甚麼開口極細，教人難以把材料放進裡面，就不太方便。 「黑松露鮮露筍」青嫩爽口，又夠健康。黑松露味道雖不太濃，我覺得反而比黑松露味蓋過露筍本身的清甜味為佳。這夜我們人多，有「當紅炸子雞」一隻奉送。

香港人一年去幾多次日本？得閑問吓隔離左右啲朋友或者同事，或者問吓你自己！而喜歡旅遊的你，亦一定不會對亞洲萬里通 Asiamiles 陌生，因為聰明的你一定懂得儲分，去兩次長途 long hauls，就會賺夠三萬積分分夠去日本，尤其揀去北海道有直航，原價要六千幾，廉航無法比！ 唔好睇少平日食飯買嘢儲的分，唔覺唔覺都可以有幾多，身為聰明的消費者更加會有在優惠嘅時候谷盡佢，當我知道金域假日酒店龍苑中菜廳有亞洲萬里通套餐優惠，每消費$2可賺取一里數的時候，我知道適宜馬上去研究下，原來每位只需$328 可以吃到八道菜的懷舊套餐，八個人更送當紅炸子雞一隻，酒店環境酒樓價錢，真是超值！ 龍苑中菜廳位於金域假日酒店地庫一樓，門面有氣派，傳統高級食府格局，迎賓處有舒適的候位座椅。 食用大廳磚牆、地氈、雕刻特色巨畫等等，傳統粵式飯店裝潢。 留意優惠只適用於星期一至五，九道菜式，風格不同，各有千秋，絕對物有所值。 腰果 唔知道係咪肚餓，我覺得餐前贈送的腰果味道不俗，唔覺有加鹽，質地堅實，健康美味。 雞絲粉皮 平日在上海餐館吃的皆用上芝麻醬汁，粵式做法用豉油汁，風味不一樣，各有可取，只是有點不習慣，幸

不知你有沒有儲開里數的習慣，平時儲里數的朋友，經常無所不用其極，出街食飯行街睇戲甚至朋友結婚都爭住綠卡，還記得我曾經有一個朋友需要留守到最後幫朋友碌卡以賺取里數去歐洲，如果你是一個這樣的人，機會黎啦飛雲， 有個不錯的東西介紹你。 金域假日酒店的中菜廳由5月開始，推出了一個亞洲萬里通的優惠，星期一到星期五，我剛好第一日就吃了這個餐，八道菜只是$328，最重要如果你係亞洲萬里通會員 可以憑每兩蚊消費賺取一里數，就算兩個人食都儲到。 不過最抵係如果你可以夾埋八位以上去食呢個餐，除了八道菜以外還會送一隻當紅炸子雞，三百幾蚊喺酒店餐廳食中菜仲要有九個菜式，仲可以儲里數，我相信知酒店，酒樓應該都搵唔到咁超值嘅餐。 第一道菜為雞絲粉皮和酥炸韭菜餃，兩個點心都已證明為主，滑滑的粉皮配上濃濃的醬汁，還有嫩滑的雞絲，開胃醒神。 小巧的韭菜餃非常豐滿，炸得勁脆的外皮油而不膩，一口吃下去最怕的不是不好吃，而是辣到嘴。 滋補燉響螺，也不用說這裡的燉湯是有多保證吧? 百花炸釀蟹鉗，這些最傳統的飲宴菜色，你可能會係好多飲宴都食過，不過這裡是絕對做得出色，最喜歡係炸得啖啖爽口，不會好似有啲酒樓可以又凍又無味無

以前都來過龍苑中菜廳，念念不忘這裡的傳統風格粵菜。最近酒家就推出了每位$328的亞洲萬里通優惠套餐，我就第一時間來吃了這套餐，今晚有成十個人，當然可以每碟大大份。 「雞絲粉皮及酥炸韮菜餃」粉皮滑溜有餘，又夠煙韌，如果醬汁清淡一點會更好。我自己幾喜吃餃子的，韮菜餃難得炸得香脆，餡料切得幼細，咬落十分爽脆。來一客足料的「滋補燉嚮螺」，細細個時已經知道，有嚮螺必定是靚湯，必定清甜滋潤，我也必定要吃埋湯渣才滿意。以前大時大節或飲宴都會有「百花炸釀蟹鉗」，實在是傳統酒家必有的菜色，傳統的都是這樣大隻豐滿的，蝦膠炸後都要爽滑彈牙，當然亦有醬汁在旁，我通常只蘸很少很少的，以免影響脆炸的口感。「菠蘿咕嚕蝦球」又是很熟口熟面的慣常中菜，蝦球勝在大粒，但我略嫌醬汁的酸甜度不夠重，好像淡了些少。「崧子雞崧伴叉子燒餅」這道其實都可以說成是手功菜，因為材料(崧子、甘筍、肉料) 都要剁得很碎，然後再炒香，放入香煎過的燒餅入面。每次不宜放太多料，少少已經吃出那種充滿層次的鬆化感覺，你大可以叫這是中式的Burger!因有當晚有超過八個人，酒家就附送一道「當紅炸子雞」，炸得十分皮脆而保持肉滑，而伴碟的七彩蝦片也是傳統的

好朋友們約吃飯，地點在四通八達的尖沙嘴，假日酒店的意大利餐廳試過幾回，食物份量十足，絕對抵食，今回吃中菜，餐廳的名字叫「龍苑」。今次點了亞洲萬里通套餐，吃飯可賺飛行里數，有八位更有炸子雞送，豈不快哉！人齊便開飯，先來雞絲粉皮，這版本與上海館子不同，沒有青瓜絲，沒有麻醬，而雞絲是手撕的，堆得滿滿，有酒香和麻油香，粉皮通透，味道是不錯的，個人較喜歡有青瓜絲，口感較爽脆。酥炸韭菜餃，樣貌似煎粉果，餡料足，漲卜卜，韭菜香味重，連豬肉和蝦都感染到其香味，皮夠薄，煎得香，咬開有汁，有水準。滋補燉響螺，每人一盅，夠熱是基本要求，湯色清澈，響螺滋補滋陰，味道溫和，對經常在外工作，缺乏湯水人士應多飲用。百花炸釀蟹鉗 ，打至彈牙的蝦膠，炸得金黃，外層香脆香口，內裏保持濕潤，包著蟹鉗，鮮味浮現，廚師炸功了得。菠蘿咕嚕蝦球，咕嚕煮意從來都受大眾歡迎，酸酸甜甜，大蝦球上了粉炸，增加口感和香味，咕嚕汁酸度適中怡口，配菠蘿，黃椒等甚美味。 松子雞崧伴叉子燒餅，雞肉切幼成雞崧，加了矜貴的松子仁，馬蹄，甘筍粒等同炒，炒得乾爽，放入叉子燒餅內，香口惹味，成一件中式三文治，超好味！黑松露鮮露筍，新鮮露筍爽脆多汁，加黑松露炒

一向西人開，搵次夜晚同佢中菜下(其實係佢埋單，我先理佢 =P)佢自己順手儲埋分，好似每$2蚊儲1分(里數?)Aisa Miles野食搵里數，佢儲得開心(我唔洗俾就得啦 )(奸細)要左個套餐8菜加一湯，但要兩位起人頭$328(未加一)，下次可以試下媽媽節帶屋人黎人頭夠八個有隻炸子雞送一問始上左道雞絲粉皮涼涼地，都幾岩開始呢排少少回暖(熱)既天氣醬料一開始已落晒係下邊雞絲上面再加少少芝麻食之前記得要撈好，不然的話會得下邊既粉皮有汁另外，如果覺得淡味，可以加佢地少少自制既XO醬(重口味萬歲)再黎既係酥炸韮菜餃講到酥炸，出面食落一定脆啦入面既韮菜都香，基本上無點過汁已經食晒做開胃小點，算唔錯之後就到個湯。滋補燉嚮螺飲落都幾足料，幾甜比較偏向清甜個種用埋瘦肉，唔驚入口會油飲完仲可以食埋個幾粒嚮螺補完就再熱氣過，補身係為左放縱 XD飲完就到食百花炸釀蟹鉗呢個真心有驚喜除左個蟹膠彈牙之外食完最後隻蟹鉗真係仲見到有肉係枝鉗到 lol真係估你唔到，仲要成節尾指咁大舊左右之後係菠籮咕嚕蝦球初頭第一眼無留意以為食咕嚕肉食入口之後，無限黑人問號原來係蝦球 XD唔怪得無豬肉味，係蝦味口感都明明唔係架但個汁又唔係

位於尖沙咀金域假日酒店低層1樓的龍苑中菜廳，一向予我扎實的感覺，不時不吃，味道變化多端，款款都落足心機。 這陣子我們都在儲亞洲萬里通(Asia Miles)的分數，然而這邊更推出了亞洲萬里通套餐，$328/位，再加一服務費，亦可以賺取里數，每$2就可以賺1里數，也蠻化算的說，所以我立即跟他來這邊吃吃看。 雞絲粉皮.酥炸韮菜餃 雞絲粉皮雞絲鹹香，加入爽口的粉皮，涼浸浸的感覺叫人喜歡。個人會比較偏向自己加入調味料多一點，要是可以自己選擇加入相當份量的調味料的話，彈性更高更切合不同食客的需要。 酥炸韮菜餃不得了，外層金黃香脆，咬落去有餡料的汁流出來，而且並不算油膩，餡料很鹹香，叫人一吃愛上。 滋補燉響螺 燉湯一向是我的最愛。今次這個燉響螺更可說是捱夜一族的恩物，而我一定是其中一員。燉響螺滋陰補腎，清肝潤肺，一口氣喝畢整個燉湯，感覺其佳，就連這陣子喉嚨不太舒服都一下子舒緩了，實在不錯。 百花炸釀蟹鉗 話說由小到現在，每一次聽到有百花炸釀蟹鉗，感覺都很興奮的，因為這個可口的菜式是無法抗拒的。咬落去先是吃到香脆的外層，中間卻是彈牙鹹香的蟹膠，帶有點點鮮甜的味道，最入面的部分，還有一大塊

老公公司請客選定了金域假日酒店之龍苑，今晚就來探路。地方唔大，但勝在好舒服。招呼唔錯，勝在人手夠多。我地只點左兩個小菜，因為見人地分量唔少。原個菠蘿生炒骨好好味，食得出即炸，味道唔似一般酒樓咁濃味，多汁唔會有多有黏，仲加埋子薑，真心推介啫啫蝦米生菜煲 都唔錯有左小朋友之後，同老公出街食飯拍拖真係少之有少，呢晚龍苑中菜可以摸下杯底傾下計確實係唔錯嘅晚餐。順帶一提，中銀/HSBC有85折

未去食，打電話訂枱要求餐單(預計年三十晚食專年飯)，接線生態度差，send個email又沒有附件餐單我都甚少打評論，如果一家大細去好難想像會好態度。希望會改善。

12月尾爸爸生日，見到龍苑有團購做片皮鴨餐，就買左12位，約埋一班親戚去同爸爸慶祝生日！訂左12月26日晚去食，貪假期，大家可以唔駛咁趕！12位一枱剛剛好，不過張枱就坐得少少迫，枱與枱之間亦欠足夠空間，唔會有一般高級酒店的舒適感，有點扣分！比起12月中同樣去龍苑食飯，當晚的水準回覆正常！片皮鴨份量足，大家食到非常滿足！鴨唔太肥，剛剛好，又無羶味！包鴨的餅皮有米色、黃色和綠色，不過食落味道差不多，唔知有咩分別！另外，生菜包鴨崧就唔錯！除左主角片皮鴨外，其他的餸菜都好豐富！味道唔錯，份量亦都好足！燉湯都好夠熱，味道夠濃，大家都讚不絕口！爸爸生日當然要準備壽包，不過賣相麻麻，味道就一般啦！整體來說，大家對食物的味道、份量和賣相都幾滿意！當然，爸爸亦都好滿意呢餐生日飯啦！👍