龍苑中菜廳

營業中

休息中

一年一度大閘蟹嘅季節，梗係要食大閘蟹餐。1. 四小碟蒜泥白肉、五香牛展、燒腩仔、陳醋雲耳。不過不失。2. 原裝燉竹笙響螺湯熱騰騰，很暖胃，而且吃到軟熟的螺肉，蠻舒服的。3. 大閘蟹主角大閘蟹有兩隻公的，全餐的highlight ，蟹膏好香，好味！4. 蟹粉小籠包小籠包充滿肉汁，加上蟹粉的鮮味，不能錯過！就是略嫌每人一隻，不夠滿足。5. 花雕蛋白蒸蝦球蝦球完全無味，花雕蛋白好一點，這道菜令人失望！我只吃了一個蝦球一啖蛋白便放棄了。6. 蟹粉蟹肉扒豆苗豆苗柔嫩可口，蟹粉蟹肉也清晰可見，味道清新鮮甜！7. 蟹粉蟹肉燴伊麵這個芡汁和味道跟扒豆苗那道幾乎一樣，略欠誠意，朋友一口也沒有吃8. 黑糖薑茶湯圓薑味夠，加返d分。整體來說，這個餐味道一般，而且性價比不高。但環境坐得舒服，同朋友傾吓偈是不錯的選擇，但不用特別選擇這大閘蟹套餐，可考慮點小菜或更滿足。

昨晚同閨密共5人，一齊到龍苑食大閘蟹餐，諗住老字號信得過，點知食到一肚氣，連投訴都慳返，每人兩隻大閘蟹共10隻，一次過上晒10隻大閘蟹，食完第一輪，第二輪大閘蟹已經凍哂，其中有兩隻不能入口，目測大閘蟹只有三両至四両，膏唔香唔多，基本嘅蟹醋味道古古怪怪，其餘餸菜蟹粉豆苗、蟹粉伊麵、蛋白蒸蝦仁（玻璃芡好厚）個個餸都淡而無味，蟹粉小籠包送到枱上，5粒有4粒已經破皮流晒啲汁，套餐唔包花雕酒。埋單每位$855-

龍年訂了兩間酒店的盆菜過年，龍苑是其中一間，去年訂過不過不失，不是十分出色也不是難食，所以今年都繼續訂一個二人盆菜打算初二開年食用。記得去年取盆菜時是用兩個背心袋盛載，今年也是一樣，新年流流就咁用個像垃圾袋的白色背心袋裝著，像廉價茶餐廳的外賣，問問職員有沒有紙袋或環保袋，答案是兩樣都沒有！至於盆菜食物亦一樣不敢恭維，雞、鵝、蝦均甩皮甩骨，食材擺放也很馬虎，像一盆隔夜餸，味道也很普通，$728是如此質素，以後也不會再幫襯！

星期五的晚上，慶祝朋友生日，選擇了龍苑，除了因為交通方便，另一原因是朋友是這裡常客，知道有甚麼菜式好食，點選的菜式沒有失手，好味好吃。朋友推介以下必食之選🍽 叉燒可惜今次巳買完，但見職員向每枱客說【沒有叉燒了】，就知道這的叉燒很出名，每枱客都有點這菜式。🍽黃金蝦球不錯，蝦球都爽口彈牙。🍽金銀蒜帶子蒸飯很香，份量也很多，因我們只有二人，所以每人也吃了三碗多。🍽紅燒海參扣鵝掌因沒有叉燒，所以改點了海參鵝掌，這個正常發揮。🍽木桶豆腐花必食之選。這個我在餐牌沒見到，可能沒有留意，朋友說叫就有，於是就點了。豆腐花以桶盛載，端上來是熱騰騰的，豆腐花很滑，份量很多，足夠四人享用，因此，我們每人也是食了三碗多，而且價錢只是98元，性價比超高。今次是在openrice訂位，可享有8折，不過，今次用朋友會藉，有75折更化算。

小學同學生日，我們選擇食中菜慶生，聽聞龍苑中菜很出名，今天突意來試一下。我們被安排坐於一間房中，房內只有四五張枱，空間尚算闊落，不會過於嘈吵。我們點了以下四菜和一湯：1. 杏汁燉豬肺湯當這道湯上桌時，我們就聞到了濃郁的杏仁香氣。湯的口感清甜，非常滋潤。另外還有豬肺和雞腳湯渣的配料，兩者都非常美味。2. 招牌紅酒燴牛尾煲配蒸花卷這道是餐廳的招牌菜，牛尾燉得非常入味，汁料還可以用花卷蘸食，味道絕佳。不過，這道菜比較油膩，吃完後已經飽得差不多了。3. 原個菠蘿咕嚕黑豚肉我本來對這道菜抱有很大期望，但黑豚肉切得太細又碎，再加上子薑的烹飪方式，讓我有點失望。唯一值得稱讚的是新鮮的菠蘿，非常清甜可口。4. 豉汁帶子蒸豆腐這道菜的帶子蒸得剛剛好，口感非常嫩滑，一點也不會過於嚼勁。5. 薑汁芥蘭這道菜很一般，可能芥蘭並不是當造。6. 南北杏雪耳燉津梨我還點了這道甜品，它的甜度適中，非常滋潤可口。這裡的員工服務非常周到，態度友好。整個晚上過得非常愉快，我們對這次的聚會印象深刻。

昨晚朋友同我慶祝生日。因為自己腸胃炎未好，原先訂了西班牙菜在早上決定改中菜，希望食得清淡D。同友人搵了好幾間餐廳都冇位（可能將近冬至），最後去了尖沙咀金域假日酒店的龍苑。四個人吃飯，點了4個餸1個湯。杏汁豬肺湯先上，平時唔食內臟嘅我，都覺得呢個湯好正；碗湯一上枱已經聞到一陣杏仁味，飲後非常有滋潤同和暖的感覺（適逢昨晚只有13-14 度）。真係超正。之後，另一個值得驚喜嘅係砵酒燜牛尾；如果喜歡食牛，呢個好直得推介。4個人，每人分到一舊（我就2舊，因為細size啲），吃落去完全有驚喜，真係燜得好淋，D汁嘅配搭又適中；佢有附上一D小包點比你點D汁來吃（雖然自己D腸胃炎未好，不敢多吃），但可見主廚諗得週到。之後點了的豉計帶子蒸豆腐，薑汁炒芥蘭同原個菠蘿咕嚕肉；味道可以，不過冇以上2款咁出色。值得一贊係招呼我地圍枱的服務員真的很有善；有細心幫我地分埋食物上枱👍🏻總括來講，呢間酒樓，可以再去。

星期六氣溫再度下跌吃火鍋絕對是最適合的美食，如果喜歡打邊爐但又怕熱氣我就推介大家去嘆個蒸火鍋。這夜跟好朋友來到金域假日酒店內的龍苑中菜廳，撐檯脚品嚐味道純美的海鮮柏木蒸氣火鍋。甫坐下來服務員先送上餐前小食、火鍋醬料及粥底配料，就算食蒸火鍋也不怕會味道單調啦。這個給兩位用的海鮮柏木蒸氣火鍋豪華套餐收費為$1768，內裏分別有十款不同種類的生猛海鮮、三款新鮮蔬菜及粥底，絕對可以令喜歡吃海鮮的我大飽口福。柏木火鍋顧名思義用上特製木盒來蒸煮新鮮食材，此吃法能夠保存食材原汁原味好Pure，最重要是不會上火非常適合怕熱氣的我。品嚐這個火鍋蒸煮食材的時間要拿捏非常準確，所以服務員會送來一個煮食計時器！那便不怕火鍋配料會蒸得過火了。侍應姐姐先將新鮮生猛的海中蝦放入木盒內蒸上數分鐘便可享用。蒸起的海中蝦帶上清麗的蝦肉色，吃下肉質爽彈有嚼勁鮮味濃郁好正耶。然後來到品嚐這夜我們最欣賞的波士頓龍蝦，擁有非常飽滿身軀加上晶瑩剔透的肌膚很誘惑。此刻我這個肥師奶煮餸的細胞頓時跑了出來！用上四款醬料中的香口金銀蒜一同蒸熟，粉嫩的龍蝦肉質爽彈又鮮味加上蒜香美味度爆燈。接下來嘆同樣鮮味來至馬來西亞的瀨尿蝦！好友不愛吃瀨尿

📍TST - HONG KONG 📍#椒鹽太湖銀魚本身好好奇咩係銀魚，原來就係白飯魚🤣🤣重條條都好大條，重用左生蒜同熟蒜一齊炒👍🏻一上枱就好香🤪 熱個時重脆，凍左就淋返少少#潮蓮燒黑棕鵝一黎到先幫你淋個汁上去，個鵝重有野熱住佢♨️時間耐少少中間個度會滾咁熱住🤣佢嘅例都有成四分之一隻，鵝肉好香唔靭，皮重脆脆地👍🏻 鵝汁好重五香味，某d位會肥少少但重係可接受範圍內🩷#蟹肉西施蛋白賽螃蟹 佢無用咁多油，係無咁油膩但係相對都無咁滑🥹不過佢因為蟹肉大大舊所以好重蟹味🦀我無落醋嘅習慣，所以覺得佢有d淡口..#飄香荷葉飯重單點左個荷葉飯，比想像中多好多料，有齊冬菇，雞肉粒，瑤柱，蝦乾 同少少鵝粒🍄都係淡口少少，味道正常發揮

話咁快又到食蟹季節，尤其是近排大閘蟹越來越靚，蟹膏開始澎湃，喜歡擦蟹既朋友，又可以開懷大吃一番。當然，下下要成隻拆都幾麻煩，在下此類懶人，最好就有人拆埋煮埋就最好。尖沙咀金域假日酒店龍苑中菜廳，係個人幾鍾意的一間餐廳，自己生日飯，又或者同朋友移民餞行，都試過係龍苑食飯，近排佢又推出［“蟹”逅在龍苑］套餐，原價$888，但優惠價只不過$638，加埋一同茶芥，大約$700左右，看似比其他地方貴，其實當中包含兩隻大閘蟹，比起好多地方只得一隻，真係幾抵食，再想加多一隻，都係$120。龍苑四小碟醉雞. 手拍青瓜.燒腩仔.陳醋雲耳四小碟前菜係醉雞、手拍青瓜、燒腩仔及陳醋雲耳。醉雞是預期的嫩滑帶酒香、拍青瓜清新爽脆、燒腩皮今次有點韌，而雲耳爽口彈牙。鮑魚絲海皇羹除了應有的鮑魚絲之外，更有蝦肉及花膠絲，非常滋補，勾芡亦未有過火，不錯。紫蘇蒸大閘蟹(兩隻)足4兩半重，簡單的紫蘇葉清蒸，蟹膏已見豐富，入口帶點黏嘴，而且仲可以有兩隻食，啱晒喜歡食大閘蟹既朋友。食大閘蟹又點可以無杯花雕呢？加粒話梅入口更可口。花雕蛋白蒸蝦球蛋白火喉拿捏得準，入口嫩滑，又有些少酒香，蝦球早已褪殼，可以啖啖肉，啱我。蟹粉蟹肉扒豆苗

秋意漸濃，又到吃大閘蟹的季節，香港金域假日酒店內的「龍苑中菜廳」，由10月1日至11月30日推出『”蟹”逅在龍苑』盛宴，菜式由總廚張偉彬師傅精心設計而成。原價每位 $888，現優惠價 $638，另收加一服務費，供應期有限，如有興趣請盡早訂位。首先上場的「龍苑四小碟」，包括：惹味鮮嫩的醉雞、爽脆的手拍青瓜、酥脆柔嫩的燒腩仔 和 爽滑有益的陳醋雲耳，四款小吃有水準，是開胃又惹味的前菜。之後係熱辣辣的「鮑魚絲海皇羹」，用料豐盛，每一啖也有豐富的口感，食落亦相當暖胃，好吃。紫蘇蒸大閘蟹（兩隻）～每隻約重4.5両，師傅以傳統的方式蒸煮，盡量保留原汁原味，蟹膏鮮甜、口感細膩綿密；進食時可配上鎮江醋、薑米來調味，滋味無窮！如未夠喉，更可以優惠價港幣$120追加一隻大閘蟹(不限次數)。花雕酒～酒精濃度適中，口感綿滑，回味甘甜；可放入話梅，另有一番風味，更有效化解大閘蟹的滯膩感。花雕蛋白蒸蝦球～鮮甜爽彈的蝦球，配上嫩滑的蒸蛋，在蛋中加入甘香醇厚的花雕酒，更特顯其酒香，惹味好吃。蟹粉蟹肉扒豆苗～每年10月初至2月底也是豆苗最當做的日子，而且它含有豐富的葉黃素和胡蘿蔔素；新鮮的豆苗配上濃郁的蟹粉，更是絕佳組

1. 第一次食連繩上嘅大閘蟹2. 侍應擺低大閘蟹就走咗冇畀鉸剪3. 綁住大閘蟹條繩太粗剪極之唔開4. 二人餐啲嘢全部都係一個碟上唔會分開一人一份5. 埋單加一連茶芥$750一位，酒店收費茶餐廳服務

今晚喺度請一位好耐冇見過嘅海國朋友食飯，先唔好講有咩感覺。我哋叫咗如下。頭盤- 醉雞- 海蜇頭（呢兩味還可以）主菜- 例牌燒鵝 (肉嚡熠熠、乾噌噌)- 上湯竹笙時蔬 (還可以，根本零難度)- 黃金蝦 (呢味簡直係離譜，有異味，蝦身有少許霉口感，油膩，垃圾)以前疫情前喺度午飯飲茶印象幾好的，晚飯係第一次，亦會係我最後一次。仲有落單嘅時候完全冇話過要燒腩仔，但竟然側側膊落咗喺張單度。最離譜係叫甜品後大約十幾分鐘，啲甜品竟然攞咗係左近嘅上菜枱十幾分鐘，個個伙記行過望下就算，完全冇打算上甜品，直至到我反問佢哋嗰啲甜品係唔係我嘅都仲要擺出一副不大願意嘅態度先去上載。究竟你呢間係乜嘢餐廳，我一定唔會再嚟幫襯。👎🏻👎🏻👎🏻👎🏻

之前食過晚飯覺得食物質素挺好，想試試她的飲茶點心便约了朋友去一試。食物質素在預期之內，所有的點心、主食和甜品都不錯。用餐環境尚可，餐枱距離合理，可能服務員人手有點緊，服務一般，但會再去光顧。

與沒見幾年的朋友相聚，選了這吃晚飯，地方寬躺，有其他客，不冷清。在Open Rice 訂位散叫正價菜有8折，但最後選擇了套餐，雖然沒折，好像抵食些。茶介每位$22， 餐前小吃 - 腰果@$28， 逢上了兩碟。5人叫了4位份量的餐@$2088， 打算不足夠時再加其他，誰知份量足夠，可能全是細食的女士。忙於閒談沒拍攝餸菜，只是最初影了菜譜🥲約7:15 叫菜，甚知餐內的海皇冬瓜盅售罄，改了杏汁豬肺湯，份量有6碗。燒鵝 - 例牌份量，不肥，不過不失。檸檬柚子蝦仁 - 份量十足，有8 隻大🦐味道合格。瑤柱節瓜圃 - 其實是瑤柱絲泡在節瓜上，但獻汁太稠，賣相不佳。清蒸沙巴龍躉 - 蒸得不錯，當然不算大size龍仔荷葉海鮮蒸飯 - 好正，不油，多蝦和帶子，份量大，可添吃紅豆沙湯圓 - 料多，有百合，不稀不稠，不甜，非常好，因4位餐，只有4碗！

呢排天氣真係熱到不得了，嘆返個冬瓜盅真係必須的！今次試咗佢地嘅新menu「夏日至尊·養生冬瓜」，啱晒依家呢種天氣食，消暑降溫。明爐燒鵝，海皇瑤柱冬瓜盅燒鵝味道非常出色，肉質嫩滑又夠juicy。最期待嘅海皇瑤柱冬瓜盅足料又解渴，令人一碗接一碗，裡面仲有帶子及蝦肉，非常鮮味。清蒸沙巴龍躉，瑤柱節瓜甫 沙巴龍躉蒸得啱啱好，魚肉非常滑，豉油唔會死咸，又能帶出鮮味。節瓜甫加上非常滋味嘅瑤柱醬，清清地都好食！XO 醬西蘭花帶子，檸檬柚子蝦球，籠仔荷葉海鮮蒸飯平時女兒唔食蝦同帶子，但係佢今次搶住食，蝦球酸酸甜甜非常開胃。蒸飯粒粒分明，又有淡淡嘅荷葉味，女兒不斷話要再返黎食！最後仲有紅豆沙湯圓作結尾，非常滿足。紅豆沙口感綿滑，芝麻湯圓夠香濃。