龍苑中菜廳

營業中

休息中

金域假日酒店的龍苑，想去了很久，可惜沒有機會，看完介紹後知道這裡有一個新餐可以儲萬里通里數，就立刻搵機會試下。三百幾位仲可以用消費每兩元儲一里，嘩，心諗邊有咁著數。叫了一位姊妹陪吃，兩個人食剛剛好，靜靜地又傾到密偈。菜式有八道，開頭我們吃了雞絲粉皮和酥炸韭菜餃，兩小碟咁係不錯的，至少我會覺得味道是令人滿意的。韭菜餃和粉皮喺酒店食你可能覺得唔太啱feel，但味道直逼我喜歡的川菜店。百花炸釀蟹鉗，好大舊，朋友嘴細細，好難搞。咕嚕蝦球，又係巨人般大，酸度剛好，蝦又爽口。我自己幾喜歡這個崧子雞崧伴叉子燒，這種小食是很吸引女孩子的。我最喜歡食菜，黑松露鮮蘆筍自然我地兩個要搶食。最後的海皇焗飯，已經食唔哂了，幸好朋友不用減肥，佢話海鮮多，飯又撈汁好令人容易吃多了。甜品相對普通，不過我覺得咁平，可以食咁多野，好值得介紹人過黎，而家剛開始做promote應該不難book。