黑門水產すいさん (棉登徑)

營業中

休息中

行過棉登徑，感覺好似去左日本咁，成條街都散發著日本美食嘅香味～ 我地揀左間裝修勁有日本feel嘅居酒屋～ 餐牌成本書咁厚，真係睇到花多眼亂，樣樣都想食😆最後揀左呢幾款👇北海道蜜柑鯛薄切刺身 $238 魚肉新鮮爽口，散發出蜜柑鯛獨有嘅香味～海膽蟹味噌甲羅燒$88滿滿嘅蟹膏，海膽，魚子及蟹肉蓋滿蟹蓋，色香味俱全，超級大滿足！！ 而且師傅仲會即場係面前燒，真係好正～黑門帆立貝伴魚籽醬 $98 好正嘅口感，夠哂鮮甜，簡直係天堂級嘅美食！極上壽司盛合 $488 12件不同嘅壽司，鮮味十足，而且個壽司飯好好味～極上大漁貝燒 $128 有蝦，蠔，扇貝及少量魚子，扇貝份量十足，而且鮮甜可口，忍唔住連個汁都飲埋😆黑門令伊勢海老湯海鮮雜炊（粥）$650係我人生中食過最貴最好味嘅粥😋😋有蠔，大蜆，魷魚，伊勢海老以及冬菇，果種鮮味真係無得輸～令人一試難忘，超超超級好味呀！ 📍黑門水產すいさん (棉登徑)尖沙咀棉登徑8號地下3-4號舖

今日夜收工，就同老公喺K11附近食宵夜，想食啲高質日本菜，一解思鄉愁。同事介紹，就係K11對面，有間黑門水產出名高質日本菜。雖然已經夜晚9點，但都有唔少食客。環境好有情調，好似日系居酒屋。想食啲特色刺身，就點咗北海道蜜柑鯛刺身。入口有一股好香嘅蜜柑味。刺身新鮮鮮甜。黑門帆立員伴魚籽醬，口感豐富每啖都可以食到帆立貝嘅鮮味，仲有魚子醬同海膽，超正同事大力推介餐廳嘅甲羅燒，就試左海膽蟹味噌甲羅燒。師傅會喺你面前機燒，視覺味覺雙重享受。配威化餅食，溫馨提示如果威化餅唔夠可以問店員拎多一塊。黑門三文魚加州反卷，三文魚好厚切，個加州反卷仲有好多蟹籽包住。黑門令龍蝦湯煮海鮮，龍蝦湯吸晒海鮮嘅鮮味，蝦肉非常彈牙，仲有大大隻蠔。最後重點咗去日本必定要食嘅燒雞皮，雞皮燒到剛剛好，非常香脆。推薦大家一定要去試吓。

食完同男朋友一齊肚屙 如果一個人都話可能腸胃不好 無理由兩個一齊 同埋d野食十分普通對唔住尼個價個位又逼又無乜冷氣 食到嬲 完全唔知自己食左乜值尼個價錢 完全唔會想再食 恐怖體驗

今次嘅日式大冒險，我黎到一間喺尖沙咀行起街嚟嘅日本居酒屋。入到去間地嘅裝修好有日本feel，好似穿梭咗去咗當地嘅小酒館。最先嚟個秋刀魚，條魚超正，嘅油脂豐富得嚟唔腻口🍢，燒焗後嘅香味簡直係閃閃發光！嚟到黑門水產唔可以唔試下個北海道蜜柑鯛薄切啦，彈牙魚皮加上微微嘅甜味，真係想話聲：多謝晒老緣！再嘗下融合咗蟹肉、蟹籽、蟹膏、同鵪鶉蛋嘅黑門令蟹味噌甲羅燒，creamy得嚟層次豐富，幾乎忍唔住想叉多幾啖😋。飯局嘅壓軸當然係黑門令彩虹丼，一丼飯上面鋪滿鮮美海鮮，梗係色彩繽紛功夫碟，食落去鮮味得嚟帶點醉人，真係超滿足！講到新鮮，活鮑魚就真係霸氣側漏，每一啖都爽口得嚟肉質緊緻。呢次食飯經驗真係有過飽之嫌，但暴飲暴食一次，總算值得喇！食味豐盛簡直係幸福爆燈💥，下次再黎，我都一定會帶埋成班friend仔黎享受這番美食饗宴啦！🍣🍶

-📍 黑門水產すいさん (棉登徑) (尖沙咀)地址：尖沙咀棉登徑8號地下3-4號舖（尖沙咀/尖東站N4出口步行2分鐘）📞：23270128/ 51980128Merry Christmas🎄🎁🎊今次要推薦俾大家既係呢間位於棉登徑既港板黑門市場居酒屋🏮，呢度無論裝修布置以至食物質素都好高CP值，感覺瞬間由香港🇭🇰飛咗去日本🇯🇵一樣，而且服務周到 真係值得一試🙌🏻————————————————————————💎北海道本釣池魚 HKD288💸池魚刺身新鮮有彈性，爽口 配合池魚沙律🥗兩種不同食法都有驚喜 同平時外面食既池魚好唔同👍🏻💎黑門令蟹味噌甲羅燒 HKD78💸靚仔店員哥哥好細心幫每位客人燒蟹蓋🦀️，蟹蓋包含蟹肉蟹膏蟹籽同鵪鶉蛋好creamy好香 再燒到流心 就咁食或者配疏打餅食都唔錯💎赤鬼海老天反卷 HKD168💸炸蝦🍤飯卷份量岩岩好 一口一件 炸蝦又夠脆再配埋飛魚子 好好味💎黑門令大漁魚子醬脆脆包 HKD98💸珍貴既魚子醬再配新鮮既吞拿魚、

因朋友想食壽喜鍋，自己又想食刺身，綜合倆人口味來到尼間日式水產店。六點幾店裡已經好熱鬧，好幾張桌子都升起熱騰騰的蒸汽。北海道蜜柑鯛薄切刺身顏色鮮白透明，魚肉紋理清晰，入口冰冰涼涼，鮮嫩可口。海膽味噌甲羅燒用量極足，蟹籽蟹肉蟹黃鋪滿整個蟹蓋，仲有靚仔哥哥幫手燒，賞心悅目又味蕾得到享受。角切海鮮沙律好好味，好幾款魚蝦刺身，跟沙律及醬融合得恰到好處，炸藕片雖然是點綴，卻出奇好味，配合酸酸甜甜味道，鮮脆兼顧。牛肉壽司鍋🥩肉質幾好，湯鍋多種蔬菜及蘑菇，又唔會太重口味，滾左飲兩啖湯，暖埋心同胃。三文魚加州飯卷冬天食都幾刺激，一定要加足量的芥辣，冰冷的口感加溫熱的辣覺刺激，未嘗不是一種享受。章魚小丸子一份有六粒，餡料食得出真是有章魚🐙，一啖一個～辣酒煮角螺好適合當下酒菜！超級好味，角螺又大隻，肉質彈牙，索滿噻辣汁，螺肉一撩就可以好完整撩出來，好滿足～

見間餐廳咁多正評咁多 所以去book位試下食物正常普通，唔覺有咩特別好食，份量唔大，唔值哩個價錢燒蟹蓋比你影一影相，然後佢拎入去燒，無得自己用爐燒 最不滿係，係坐左一個鐘都無，職員 就話"食物到齊未？出面好多人等位"，仲要態度唔係好 如果你咁多人等位 ，應該係餐廳控制 book位人數數量，或者講明用餐時間幾多如果你一早入座時 有講明入座幾耐，我未必會考慮哩間餐廳   我地之後有加野食，職員長期都望住你食完未，食完就收走你D碟 ，再次話 "好多人等緊 "餐廳價位唔算平，如果 要一個鐘內就催你走 ，我不如去茶餐廳 /其他餐廳，可能仲開心用餐體驗好差，無下次，唔會推介哩間餐廳  ，直頭blacklist佢  

今日想食日本野，一直都知哩邊多日本餐廳，今次就揀左黑門水產，因為係出面都見倒裝修好靚，門口仲貼左一堆明星相，一定唔會伏🤣入去兩個人都安排左四人座位，坐得好鬆動。真係居酒屋feel，可以慢慢傾下計。首先叫左個我之前冇食過嘅梭子魚刺身，朋友話好食所以叫，果然唔錯，十分鮮甜，雖然係刺身，但有用火槍燒過個魚皮，入口有淡淡炙燒味，好食！蟹味噌甲羅燒燒之前會比你影相，啱晒打卡吧好多蟹籽，配埋餅乾，一流！三文魚加州卷，三文魚好新鮮，整得好好，唔會一夾就散，好食！鐵板柚子胡椒蔥燒牛舌心熱辣辣上台仲出緊煙，牛舌好嫩爽口，配搭淡淡柚子味，食得多都唔會覺得油膩！掂！一定會推介比朋友，下次再嚟要試下啲是日推介！！

最近工作繁忙，飛唔到去日本住，好掛住去黑門市場食海鮮刺身，唯有黎呢間係尖沙咀既黑門水產頂頂癮😉😉😉🔴鱈魚白子有輕輕火炙過，再加上酸汁、蔥花，白子本身夠晒creamy ，加左酸汁就更加開胃😝😝🟠黑門帆立貝伴魚籽醬帆立貝有煮過，半熟感覺更加濃味，再加上海膽好鮮甜，而個頂頂度，再加埋魚子醬，增加層次感，好好味。🟡海膽蟹味噌甲羅燒呢個真係成餐飯既重點，材料豐富新鮮，份量都好多，餐廳安排左師傅幫我哋係枱上面燒，因為我自己都試過係日本食，火喉真係好難控制，師傳夠晒專業幫我地燒到好好味！🟢極上大漁貝燒同上面果個一樣，都會有師傅幫手燒，貝上面有2隻蝦、大大粒帆立貝，仲有生蠔同海膽，加埋師傅凖備好既汁去一邊燒，超好味，夠晒鮮😍🔵芝麻黑豚耳爽豬耳切到薄薄地，好爽口脆身，好岩送酒。🟣黑門令四食一送到既時候，wow左聲，好eye catching！呢個set有4個小丼飯，包括蟹肉、三文魚籽蟹籽、吞拿魚同三文魚，樣樣夠高質，每碗都配左赤醋飯，刺身都好新鮮，再加埋茶碗蒸、湯同沙律，好豐富。⚫串燒我地叫左燒雞皮、雞腎、翠玉瓜、冬菇，香口惹味，食到唔停口。

之前已經食過銅鑼灣分店，食完之後已經好想再去🤣，今日同朋友剪完頭髮諗住食個晚餐，行入棉登徑，發現有好多嘢食，最後朋友揀咗呢一間話想試吓☺️位置十分方便，喺尖沙咀N4出口行幾分鐘就到，好容易搵🙌，店舖地方好大好闊落，裝修好靚，好有日式feel，座位亦坐得舒服😌，👫店鋪員工服務態度好nice📃打開餐牌，食物嘅種類有好多選擇，餐廳用QR code落單， 十分方便，order完坐定定，等待侍應將食物放到面前🥰，我地Order咗以下食物👇💁‍♀️黑門角切海鮮沙律 HK$98.00大大份，用不同嘅刺身切粒，再加埋沙律菜同沙律醋，作為前菜好開胃🥗💁‍♀️深海池魚薄切刺身 HK$238.00薄切嘅池魚，每片都晶瑩剔透，沾埋附送嘅醬汁一齊食，好夾，唔會搶咗池魚嘅味道🐟💁‍♀️黑門令蟹味噌甲羅燒 HK$78.00甲羅燒會有師傅幫我哋燒埋先上枱，完全唔洗自己動手，燒之前會拎出嚟俾客人望咗先，香濃滿滿嘅蟹膏配埋蟹籽、鵪鶉蛋、蔥花一齊放係蟹蓋內，燒大約5min左右，蟹膏味好重，咸咸地嘅海水味，配埋紫菜餅食啱啱好🥰💁‍♀️油甘魚刺身(4切) HK$98.00💁‍♀️三文魚刺身(4切) HK$78.00非常新鮮不在話下，仲每片

星期五晚同朋友食飯，幾日前訂位同入座時都無講有限時，我地諗住可以坐耐小小傾下計。我地7:00入座，食左一個鐘左右8:00就有職員過黎問野食到齊未，門口好多人等緊，暗示我地食完好埋單走！但我地仲想加野食，佢就無奈走開左，之後食到8:30，職員又黎話，因為出面人好多，如果無野食未黎，入座限時90分鐘就要走，即係催我地要即刻埋單走！我地由入座食左個半鐘就比人趕走，如果一開始講定有限時我地未必會食呢間！一度食啲職員仲一度黎望住你睇你食完未想趕你走咁！感覺極差，啲野食又唔係平！但同快餐店既服務質素一樣，請埋啲大陸呀姐無禮貌！以後唔會再幫襯呢間店！貼錢買難受

與快要移民嘅朋友相聚，決定帶佢嚟我鍾意嘅日本餐廳食farewell 飯。呢間餐廳我已經食過一次，無論係環境定食物質素都令人有置身日本嘅感覺！今次揀左黑門鰻魚玉子燒 $98玉子燒十分嫩滑，外面同裡面都有惹味嘅鰻魚，鰻魚肉有口感。另外點了北海道蜜柑鯛薄切刺身 $238蜜柑鯛魚生片切得好透薄，鮮甜唔腥，仲隱約有淡淡嘅蜜柑味，感覺好新鮮。廣島吉列炸蠔4件 $98外脆內鮮，一啲都唔腥，每人兩隻好飽，性價比高。北海道本釣池魚 $288之前已經食過，佢有兩個食法。首先係厚切魚生片，可以品嚐到池魚嘅鮮味。另一部分魚生切粒加上牛蒡絲整成醬油漬，配上紫菜食，就係我更鍾意嘅食法。條魚骨同魚頭唔會嘥，可以同店員講加$60整豆腐魚頭湯。上次飲完之後好回味，今次當然都要畀朋友試下。奶白色嘅魚湯本身已鮮甜加上配料如冬菇豆腐更豐富。飲一碗熱湯，十分滿足。黑門令海膽櫻花蝦海鮮炒飯 $238海膽、蟹籽及櫻花蝦混和喺本身已經有八瓜魚魷魚等嘅海鮮飯入面，令到個海鮮味更加濃。食埋呢個炒飯就真係啱啱好，滿足。朋友都好滿意今餐farewell飯，希望佢去到外國唔會太思念香港嘅日本嘢食😋。

尖沙咀好多好嘢食，但係其實有好多都冇食過今日喺尖沙咀漫無目的咁樣行街行咗好耐有啲攰同餓，但係又未夠鐘食夜晚飯見到呢一間居酒屋門口幾靚入去食啲嘢頂肚 & 坐下入到去好有日本嘅感覺😁地方都幾大都坐得好舒服朋友想食刺身所以叫咗呢個蜜柑鯛魚薄切刺身刺身好夠凍 但又唔會冰到冇晒魚味好新鮮 好味 好快清晒另外一個朋友點名要食鱈魚白子我就未食過 😅見到個樣都有啲驚😖但係試咗一啖原來都幾好味 😳意外地一啲腥味都冇 食落去滑嘟嘟咁樣幾意仲有啲柚子豉油提鮮 仲有啲魚味添我就揀咗個蟹肉味噌甲羅燒配埋個餅乾簡直一流勁好食😋一啲都唔會太鹹～好香蟹膏味 正跟住仲有熱食 柚子胡椒香蔥牛舌一上枱勁香，個鐵板係熱辣辣嘅除咗牛舌之外，仲有京蔥、洋蔥等配菜超級香口 食送啤酒一流🍻🍻又係好快清晒跟住朋友話想試嘅海膽天婦羅第一次咁樣食海膽 都幾得意有紫菜脆皮然後入邊係軟林林嘅海膽不過就冇平時刺身食咁鮮味最後仲要多咗兩串串燒一串係雞尾一串係豬腩肉車厘茄爆汁車厘茄勁Fresh 完美作結～又可以行多兩個鐘先至食夜晚飯😝呢到好適合同一大班朋友飲嘢吹水

今晚喺尖沙咀揾野食，慶祝一下周年紀念日，一早喺OpenRice 做過資料搜集，知道呢間位於棉登徑既黑門水產評價好高😃今晚就特登過海黎試下😘好彩無中伏😝😝蜜糖芥茉火炙安格斯牛沙律- 安格斯牛烤得好嫩🥳沙律菜好新鮮！😊有驚喜嘅係原來仲有魚子😆黑門令蟹味噌甲羅燒- 店員好體貼🤭 會預先把甲羅燒送上，俾我地自行打咭😝再會喺我地面前幫手燒😃😃 甲羅燒配上紫菜味梳打餅😍好夾好好味☺️☺️火炙三文魚壽司- 三文魚經火炙迫出所有油份，入口肥美甘香😀😀北海道本釣池魚- 池魚油脂豐腴之餘😊魚肉亦更有咬口，簡單地俘虜了我們的味蕾，一試難忘😃😃鐵板燒海鮮雜菌- 食材豐富，有鮑魚、海老😆，仲有幾款菇類和蘆荀😃鐵板上已，熱騰騰，好惹味😊😊黑門果肉哈蜜瓜- 無論打咭同味道都一流🤭🤭🤭 雪糕有兩款味道選擇，分別是搽茶和曲奇🤩 我地今次就揀咗曲奇🥳 哈蜜瓜好鮮甜好味😃一客既份量唔算細，兩個人分享剛剛好🎉呢間餐廳水準好高，價錢又唔算太貴，待應服務態度又好，係一流既日本餐廳，值得推介🥳🥳黑門水產すいさん (棉登徑) (尖沙咀)尖沙咀棉登徑8號地下3-4號舖

📍黑門水產すいさん🇭🇰 尖沙咀棉登徑8號地下3-4號舖終於有機會試呢間Bookmark咗好耐嘅日本嘢🤩🤩見人地影個啲相都超正同埋佢裝修到真係好似日本嘅居酒屋🏮當自己去左轉大阪🤣🤣*openrice book位會有折*😋 香蔥吞拿魚腩丼 $188佢飯係醬油飯 份量超多 同魚蓉嘅比例係1/4左右除左香蔥之外仲有炸蒜吞拿魚腩都算幾新鮮 但唔算好鮮味😋 黑門凌虹丼 $218有吞拿魚、吞拿魚腩蓉、海膽、三文魚籽、飛魚籽、蟹肉就咁睇啲海膽嘅顏色 都唔算好新鮮不過食落去味道都ok 唔會腥😋 黑門角切海鮮沙律正常 份量都多～總括而已 唔錯嘅 可以一試可能我order錯嘢 或者太高期望 有少少失望🥲