麻辣派對 (金百利廣場) (已結業)

食辣嘢有時真係會食上癮，約幾個志同道合喜歡食辣嘅朋友，決定今晚挑戰銅鑼灣麻辣派對餐廳响金百利4樓，地點超方便。餐廳有別於一般食湘菜嘅裝修，以為自己去咗鋸扒食辣嘢點少得啤一啤，嗌咗一筒Asshi生啤，飲到尾都keep到好凍，正主食就叫咗個酸菜魚鍋，揀咗生魚片、麻辣雞鍋(半隻)、孜然蔥爆蒙古羊肉、酸辣土豆絲、清炒萵筍同戀味毛肚。酸菜魚鍋個份量簡直係超巨型，我哋四個人最後居然都食唔哂，仲有幾片魚片剩，以呢個價錢真係超級抵食，當然質素都唔錯，魚片超滑，湯底又夠鮮麻辣雞鍋個汁就好濃郁，連火爐一齊上，一路滾一路食。越食越麻，越食越辣，越食越過癮孜然爆羊肉個孜然味就唔太重，羊肉份量又係超多，最好食係個京蔥酸辣土豆絲就好爽口，酸辣味道幾平衡，但比想像中稍辣，後來要撥開辣椒先享受到清炒萵筍就係全晚唯一唔辣嘅，用嚟平衡下味覺戀味毛肚其實就係牛柏葉，都係用麻辣汁伴食，爽口又吸汁，但又係越食越辣結論係麻同辣都食得好開心，好過癮，四個人埋單千零蚊，又飲又食真係好抵👍

這間裝修新派兼別樹一格的麻辣川菜，上次試過一次後已令人印象深刻，今日又有機會享受這裡獨有的川味！餐廳保持一貫的羅曼蒂克氣氛，非常有情調！一行三人，點了一個水煮糸列～二人套餐$458，再加一碟小食已足夠。先來是熱騰騰的雞腳湯，以6小時精燉而成，材料豐富，味道濃郁！👍👍水煮魚有4款口味，有辣有唔辣，江團魚肉嫩滑鮮味，配有粗條薯粉，口感豐富！麻辣口水雞～川味醒胃、麻辣入味、雞件嫩滑入味！手撕包菜/涼伴秋葵～包菜爽脆鮮甜，秋葵則爽口鮮脆，風味獨特，令人回味！食物保持一貫水準， 果然是新派川菜佼佼者！

今日終於出糧啦好開心，一定要同朋友食餐好嘅今日去銅鑼灣金百利廣場食辣野地鐵站一出行5分鐘就到地點非常方便，入到去空間感都幾大座無虛席我哋開始點餐我哋點左小食有牛展，雞腎仲有我最愛嘅炸雞軟骨，同埋口水雞，呢個小食幾夜魅做開胃菜一流，而魚方便我哋點左酸菜魚，呢隻魚主打無骨多肉加上酸菜嘅味道簡直係冇得彈，而且份量都好多一啖魚肉加湯簡直係冇得彈，除此之外魚嘅種類都有四款我哋揀咗最平嗰隻試吓，肉質唔錯容易咬口，而且好滑身非常入味，而炸嘢方便炸得好香口，飲品都非常大杯，配料亦都非常多有芽菜同埋粉絲做底，我哋唔食辣，都覺得好食而呢度嘅服務質素都好好會同你講解每一道餸，而牛展味道正常冇乜特別，下次可以試吓呢度嘅炒小菜呢度嘅龍蝦同埋聖子都好出名下次一定會再食。

今日同三五知己去咗銅鑼灣行街，大家忽發奇想就好想食水煮魚四川菜，企喺SOGO度抬頭望上去見到有間麻辣派對，於是我哋就一齊試試先。首先嗌咗個頭盤就係麻辣牛𦟌，牛𦟌炆得非常之入味，而且個辣味好香，配埋花生碎簡直真係好醒胃。跟住就係嗌咗個酸菜江團魚，魚肉非常之滑溜，又無骨，可以好放心咁大啖食，而且份量好多，個湯亦都非常之醒胃，最重要係個酸菜亦都好好食，食完亦都唔會有頸渴嘅感覺。另外嗌多個小食就係雞脆骨，其實係大粒嘅雞軟骨，雞脆骨炸得非常之香脆，而且加埋上面啲蒜同秘製辣粉真係冇得頂。最後不得不提，全場大家都好似飲緊凍檸茶咁，所以我哋都唔執輸帶返杯，份量唔止大杯，仲要茶膽沖得恰到好處，係一間可以回頭嘅餐廳。

同男朋友2個話想食干扁四季豆，第一時間諗起麻辣派對!今次係銅鑼灣店食比之前係尖沙咀店食好食，四季豆炒得唔會特別乾而且好入味！👍🏻十分推介！另外，我地仲叫左水煮魚🐟（小辣)叫左小辣，但係唔算太辣易入口。魚既份量非常多，2個人食十分足夠水煮鍋裏面仲有水晶粉同芽菜做配菜如果覺得唔夠仲可以再加配菜😋難得黎食麻辣派對，當然要叫我地最中意食既毛肚！佢個辣汁十分惹味，令人食極唔停而且一啲都唔硬，非常易入口😎今次即興晚餐，我同男朋友都非常滿意

跟幾個朋友出來食飯，選了麻辣派對。位於金百利，地點就腳。派對口水雞 | $68口水雞上有好多花生碎，與口水雞一起吃幾香口。雞肉厚身，帶些麻辣味是開胃的前菜。酸菜魚 - 江團魚 | $198水煮魚有四款口味，可選擇番茄湯，亦有得揀走辣。我們選了酸菜魚，魚肉滑溜，近乎無骨，食得放心。配菜的魔芋帶點Q彈口感。另加了水晶粉$38一煲上，水晶粉帶些湯的味道，食酸菜魚必食。黃燜雞鍋 | $168、肥牛肉 | $68點了一個雞鍋，燜雞鍋醬汁較多，味道濃郁，可配白飯食。連肥牛一起煮，但肥牛要快點食，煮得耐會韌。幾大鍋，多雞肉。川香豬軟骨炆娃娃菜 | $88豬軟骨本身帶辣，沾滿醬汁，豬軟骨可以再煮腍一點，娃娃菜好大棵。

以前不停食水煮魚，酸菜魚。😻😻今日試咗個麻辣烤魚。一入去裝修似內地四川菜地方，環境非常融洽食水煮魚嘅地方!今日order左一個麻辣烤魚，份量超大份！☀️☀️成條烤桂花魚，味道非常濃郁好味，裏面仲有芽菜,木薯粉，金針菇, 茼蒿，豆卜，芫荽大量配菜。其實不需要額外再點木薯粉。因為一份烤魚嘅份量已經非常足夠。😗😗🐟🐠🐬大力推介👄👄👄

天氣開始有啲清涼，冇之前嘅咁熱悶⋯⋯突然好想食啲辣食物一來可以暖下胃！二來可以刺激食慾⋯⋯之前去過呢間🥳麻辣派對🥳念念不忘他的酸菜魚！酸菜魚份量可以話超超大！為咗挑戰自己今次選咗大辣😬⋯⋯唔係講笑真係好辣🤓但係非常好味😏魚肉超多！配菜又多！大量芽菜和酸菜！我哋仲加咗水晶粉吸晒啲湯汁⋯⋯正呀😋古法咕嚕肉咕嚕肉外層炸得非常香脆⋯⋯明白點解佢叫古法⋯⋯因為有酸橘頭酸薑一起同炒！遺忘咗嘅味道翻返嚟！肉質鮮嫩肥中帶瘦！份量仲好多添⋯⋯所以每次想食辣野都會記得佢🤓

今天和朋友在銅鑼灣逛街, 雖然時間早早吔，還未正式到開餐時間，但又好想食川菜，我們走到金百利廣場4樓這間「麻辣派對」😁😁 一於頭圍用膳😋不用多選，一於食（二人套餐 $458）手，撕包菜新鮮蔬菜🥬加上少許香辣漲了，當作沙律菜式😘😘派對6小時燉湯🥣老火湯, 湯料十足，瘦肉、雞腳、紅棗…派對口水雞口水雞, 調味醬料很到位，花生、芝麻、麻辣醬料是整碟口水雞的靈魂，更加惹味。麻辣水煮魚辣到三級制自己揀（大中細）選了中😊熱辣辣、香噴噴水煮魚加上配菜（基本有芽菜、薯粉等等，份量和味道都可以😘吃到頭殼頂到出汗 🤣🤣下次還要挑戰大辣💪🏻💪🏻紅糖桂花冰粉清甜可口，我一解剛才的麻辣味道🥰🥰

一直認為，能食辣，也是一種能力。為了練成「食得辣」，小時候的我曾練習食超辣的魚乾，邊食邊被辣得流淚，慢慢竟然愛上食辣。呢日同朋友來到銅鑼灣金百利廣場聚餐，選了4 樓的麻辣派對，貪其位置方便，正宗四川風味，夠香，夠辣，夠刺激，閒時黎食一餐，立馬精神爽利。餐廳較暗的燈光，隱約滲出一種神秘感，配上熱辣香口的小菜，正！麻辣派對有兩大必點熱銷菜式，分別是水煮魚及烤魚。🐟🐟「水煮魚」有幾款魚湯可以選擇，分別有水煮，酸菜，鮮椒及完全唔辣的蕃茄湯味，而魚方面，亦有江團，黑魚，桂花魚，剝皮魚，及有鴨血塊的毛血旺可選擇，認真講究。而超級香口既「銅盤烤魚」就有麻辣，酸菜，剁椒，同完全唔辣的紅燒蒜香味可選，魚就只有桂花魚。朋友最愛食這裡的烤魚，怎料未夠8 點，烤魚就已經售罄，真的很受歡迎，幸好還有大家都喜愛既酸菜水煮魚。先來2 杯水果特飲，凍蜜語水果茶冰雪鮮檸C飲大大杯，酸酸甜甜， 解渴解辣。 口水雞 - $68雞皮唔會太肥，肉質嫩滑，配上麻辣醬汁，開胃又好味 ，算係最唔辣的一款菜式，個個爭住食 。酸菜剝皮魚 - $248剝皮魚預先切塊煎香，魚身完整，越煮越入味，配菜有青紅辣椒，酸菜，豆芽，豆卜，蒟蒻，薯粉等

麻辣派對，在銅鑼灣也十分之出名，可能是性價比十分之高，價錢和茶餐廳分別也不大，但是能夠享受各式各樣的美食.餐廳環境佈置十分之有氣氛，自身於卡拉OK現場一樣.這個青瓜爽口，配上辣油十分之開胃.水煮魚的份量十分之多，加上魚肉十分之香滑，也是送飯之選，性價比十分之高.咕嚕肉十分之香脆，薄一薄的炸粉感受到廚師的功力.蓮藕香脆，加上香滑的豬手，也感受到屋企的感覺.大家並不要把它的名字混淆，不是全店是吃辣的，因此適合小朋友及老人家.

銅鑼灣嘅Chili Party 係我同朋友最愛嘅聚腳地，因為環境氣氛，食物選擇多，質素亦不錯！今晚我一如以往，叫咗個川香豬軟骨酸辣水晶粉，好中意水晶粉夠咬口，豬軟骨又多骨膠原，美顏又抗衰老。上次食過孜然蔥爆蒙古羊肉，回味無窮，今次再食，仍然醬汁香濃得嚟唔會蓋過羊肉味，充滿風味。聽說秋葵對健康好處多，今晚都叫咗一份黑醋伴秋葵作為前菜。想食多啲菜，又唔想淨係食一種？蒜香牛油野菌什菜，咩都有，爆香嘅蒜味帶出整碟菜嘅香，係健康嘅選擇。

最近多了食辣，自覺應該挑戰一下川菜，便和家人來到這間麻辣派對，看看自己是否真的可以進一步，脫離譚仔十少辣的水平位置(10/10)：Sogo對面的金百利廣場，屬交通及購物的中心地帶，由港鐵銅鑼灣站E出口步行約30秒，地點相當便捷環境(8/10)：餐廳裝修有東南亞特色，以隱暗的燈光配合紫色的牆紙及梳化，充滿神秘感，同時亦頗為舒適服務(7/10)：門口有消毒潔手液，入座後會主動提供清水，唯侍應有點忙，下單要等待一下，幸好上菜速度頗快食物(8/10)：餐廳以川菜作招徠，大部分菜式都可自選辣度，比較少有。眼見每一枱的菜式均充滿辣椒粒，感覺火辣我們一行四人，點了幾道小菜，保守起見全部也選BB辣：派對口水雞 - $68首先選了作為川渝涼菜的代表的口水雞，這裡的雞肉嫩滑，配合花生、芝麻及香蔥，香氣十足，加上辣味的花生醬汁，相當惹味開胃酸菜味型剝皮魚 - $248餐廳會用一個大鍋上枱，除了肉質鮮嫩的剝皮魚外，加入味道火辣的花椒、泡椒、指天椒及酸菜，配上芽菜及芝麻等伴菜，然後鍋底放有入味的涼粉，味道酸酸辣辣，份量亦夠多孜然蔥爆蒙古羊肉 - $98孜然粉加上辣椒味道很香，羊肉很嫩滑易入口，加上大蔥既香且口感

我們點了一個酸菜魚，份量大到兩人都食唔晒，裡面材料有魚、酸菜、芽菜、辣椒、薯粉，魚肉很嫩滑無乜骨，湯汁酸酸味味令人好開胃，薯粉吸晒湯汁好煙韌。🤩孜然葱爆蒙古羊肉，材料有大葱、辣椒、羊肉，炒得惹味可口，好吃！想吃加辣嘅話，仲可以加魔鬼辣椒粉😂鮮椒爽脆生腸，好入味果然爽脆，下面仲有青瓜絲夾黎一齊食，味道清新又滋味～冰雪鮮檸C飲，係有青檸有檸檬嘅飲品，清涼透心～凍蜜語水果茶，裡面有橙、西瓜、解辣必備～

第n次食麻辣派對了，佢地既酸菜魚真係出奇地非常岩我胃口！！所以間唔時就會好想來食。🔸江圍酸菜魚(+蓮藕) 呢個係每次都會點的酸菜魚，其實覺得叫江圍已經足夠，江圍魚口感嫩滑，而且肉質厚實，店家事前去除魚骨所以真係啖啖肉。蓮藕真心係必點的配菜，唔會過份粉嫩同爽脆，整個口感就係剛剛好，吸收晒湯汁後依然帶少少甜，個人覺得很好食。🔸古法咕嚕肉因為叫得太多辣野，但一場來到又想叫多幾個餸，所以決定叫一個小炒試試，點知出奇地又唔錯，咕嚕肉外脆內嫩，酸度亦多岩岩好，肉質唔會死實，幾岩送飯。🔸戀味毛肚呢個係近幾次來食飯都會叫的涼菜，而佢最特別係一樣可以揀唔辣的！！出年好多川味涼菜都一早調好晒辣度，但呢度可以揀唔辣，小中大辣等，非常人性化。咁當然毛肚好爽口，調味都岩岩好，就咁食已經好入味好食。呢度既酸菜魚係非常非常大份，每次都食到個肚就爆，同時又超滿足。