麻辣派對 (金百利廣場) (已結業)

今日去完Sogo 掃貨，去了Sogo 對面的大廈覓食。餐廳主打吃各種辣的食物，可以選擇不同的辣度，亦有走辣選擇。星期六的下午亦有午市套餐，價格合理，而且份量夠大，難怪几乎座無虛席。手拍蒜泥青瓜爽口，帶有少少辣和蒜香。可以選擇不同的粉，要了雲南米線，少辣，米線滑溜。咕嚕肉配有洋蔥、紅青椒和紫薑，脆脆地，酸酸甜甜，配白飯剛好。酸菜魚有大量爽口牙菜，魚肉多而且厚身，相當滑溜。跟餐配有凍飲或熱飲，或者加$10要特飲。

今日心思思想食酸辣粉，又想食酸菜魚，於是去麻辣派對一次過滿足曬。見門口已好多人，午餐牌好多選擇，而且價錢好抵。叫完好快送到，人手好充足，叫了酸菜江團魚，酸菜魚鐵鍋上，夠保溫，而且好多塊厚切魚，份量好多，再加了芽菜和咸酸菜作配料，好入味。另外叫了川辣豬軟骨酸辣水晶粉餐$58，中辣，原來好辣，酸酸辣辣又帶點咸味，簡直刺激味蕾呀！我諗我適合小辣多啲，水晶粉較煙韌，索曬酸辣汁，好惹味，還有花生，而豬軟骨都有好多件，選了燉湯，有藥材味，足料，滋補養生湯。再叫了招牌口水雞餐$68配雲南米線，雞肉好滑，麻醬汁濃，有大量花生。餐飲好巨大，叫了凍奶茶，好濃郁，加$10要水果茶，好大杯，有西瓜和火龍果肉，解辣。見到餐廳13:00 已坐滿人，相當受歡迎。

今日同朋友去行sogo，行完搵野食～見到係對面金百利有間麻辣派對，大家都想食辣野就上去試下啦~餐廳有好多花花怖置及裝飾，連碟都係花花型😋我地叫左個前菜同乾鍋🌶麻辣毛肚呢碟係冷盤，毛肚其實即係牛柏葉，好爽口~上面既秘製辣醬辣得過癮！十分開胃，食指大動🌶哥樂山椒雞丁／肥腸／五香豆干／鮮牛肉乾鍋好大碟，叫左一個主食可以另加$10變成雙併~ 我地叫左雙併雞丁／肥腸,，另外再加五香豆干同鮮牛肉做配料~豆干炸得香脆，鮮牛肉都好腍滑~我地叫左小辣，平時食開３小辣既我覺得味道岩岩好~足料、惹味，十分夠分量！

早些天經過銅鑼灣SOGO，看到對面金百利有家主打麻辣菜的餐廳，剛好LUNCH時間就決定在這裡午餐。餐廳在４樓，整個氣氛真的有點在「開派對」的感覺，挺有特色的。菜式選擇不少，水煮、涼菜、海鮮、小炒、粉面均有，辣度可以自己選擇，是日共點了３份套餐：川香豬軟骨炆津白(小辣)和酸菜江團魚(中辣)，跟餐是白飯，另外叫了涼菜黑醋伴秋葵(小辣)，跟餐的選了酸辣水晶粉。餐飲點了凍檸茶及6小時的燉湯，可惜燉湯出清了，職員建議換成老火湯。川香豬軟骨炆津白(小辣) - 豬軟骨入味，而且煮得剛好，軟骨有點咬口又不至於很難咬，肉的比例也挺多，可惜津白比較硬，能再炆得腍一點更好。酸菜江團魚(中辣) – 雖然叫的是套裝，但魚的分量不少，魚連皮但沒骨，口感嫩滑，由於叫的是中辣，紅油偏多，跟平常黃色湯底的酸菜魚有點不一樣，問了職員才知道，如果喜好是黃色湯那種的酸菜魚，要叫BB辣才行。黑醋伴秋葵(小辣) – 由於是套餐，秋葵份量不是很多，但是口感涼爽爽脆，黑醋酸味溫和，小辣帶點點辣味，非常不錯。酸辣水晶粉份量不少，不過水晶粉有點煮過了，比較腍。老火湯 - 粉葛豬骨湯，就像家常煲的湯一樣，湯還是要熱的才好喝，但喝得出沒加味

天氣開始涼返些少，又係時候再食返D火辣辣嘅菜式，今次就揀咗喺銅鑼灣灣嘅麻辣派對。一去到門口就聞到香噴噴嘅麻辣味道。而職員亦都好迅速咁安排坐位比我哋。今次揀嘅嘢食以小菜為主，包括：- 乾煸四季豆- 口水雞- 手拍青瓜- 雲南酸菜米線- 燉湯乾煸四季豆泡完油再炒，將豆嘅水份抽乾咗，成碟四季豆變得好香口，配埋肉碎&辣椒去炒，一路食一路好想叫碗飯嚟餸。口水雞嘅汁又係好好味，又係餸飯一流，最緊要D雞煮到滑一滑，好味！手拍青瓜夠入味。雲南酸菜米線我就無食到，不過Honey話好味。燉湯夠哂足料。

這一個月來都忙著很多家庭瑣碎事變少了出街吃飯，讓我最懷念的都是中餐！而中餐我最喜愛便是辣的東西，川菜，湘菜！當我在想起辣中餐的時候，腦海一個念頭便是“麻辣派對”！而剛好今天我和女朋友在銅鑼灣sogo附近遊走，已隔離金百利廣場正正是麻辣派對，二話不說便上去！久違的裝潢，久違的餐具！想起麻辣派對銅鑼灣店很多年沒來，所有的東西依舊腸派對感覺！派對風格些少昏暗的環境，絕對是麻辣派對的裝潢的特質！由於我們中午吃了很多東西所以晚飯便不選擇太多，輕輕鬆鬆的點上了香鍋加上一些配菜便足夠！這個香鍋是歌樂山辣子雞，配菜點相蓮藕和四季豆多點蔬菜！點上香鍋的朋友不要錯過豬大腸，因為配上豬大腸只是加十蚊而已，而且份量多的很！所有配菜和辣子雞的味道完全融為一體香辣刺激！吃上一度列賽當然也要點上一些清炒青菜來中和辣味！所以我們便點上炒萵筍，萵筍炒上蒜頭芡汁，蒜香濃入萵筍鑊氣足夠！同時我們易點上水果茶作為我們的飲品，水果茶大大杯而水果亦很新鮮，不要因為只喝水果茶而放棄了裏面的水果！而且水果茶的分量也很大杯，兩人一杯亦剛剛好不多不少！

一排無食麻辣派對 又心思思想食但呢排食得太多辣野 唔想食辣好在呢度可以揀好辣 中辣 小辣 bb辣 唔辣 得左黃炆雞鍋黎麻辣派對除左水煮魚之外其實雞鍋都係另一必食推介上碟時都係成鍋上 下面仲有火保温 貼心雞肉好入味 亦好嫩滑另外亦可以額外加配料 非常有彈性今次加左茄子 有機花菜呢啲蔬菜本身都無味但呢兩樣都好索味當食到七七八八時候 蔬菜已經煮冧 非常惹味仲有加左蒙古羊肉 估唔到非常夾雞鍋 值得一試最後不得不讚 雞鍋配料非常多有芫茜 乾蔥 洋蔥 食哂都飽飽 滿足

The restaurant offers a variety of dishes. It is tasty and tastes authentic. The presentation is nice too. The food could offer more spice and is a bit pricey. However, beware that there is a wait on Friday evenings. The noodles are nice and the Chongqing chicken dish is a must try, the flavours of the dishes are great. Overall, the restaurant was very nice and the environment was great too.

地址－麻辣派對 (金百利廣場)銅鑼灣記利佐治街1號金百利廣場4樓R1號舖有日經過銅記濕平完後經過有人派傳單，見到個名好別緻，而且套餐又送野飲同甜品，好似幾好咁，所以就去試下啦，上到去環境都幾有特色，暗暗地幾好。💋酸菜江團魚，雖然係套餐，但佢份量都唔會話好少，佢魚的數目都有大約十零舊，算幾好的了，肉質方面鮮嫩而結實，唔會一夾就散，最重要係冇乜細骨刺，連老人家或者小朋友都適合，我相信怕鯁骨的朋友都可以一試，酸菜方面又係唔少，連埋其他，例如芽菜等配料都幾多下，酸菜食落都幾好，鹹酸味適中，唔會話太酸，佢令到成煲魚的味道提升了唔少。💋水煮江團魚，其實我地唔係叫呢個的，原本係叫牛肉，但因為搭枱關係，侍應將我地的掉轉左，夾落至知錯，不過我地又冇咩所謂，而且又趕時間去下一場，就繼續食啦。魚方面同酸菜魚一樣，所以唔重覆了，佢水煮方面辣椒都落得唔少，都好夠辣，而花椒又好多，麻方面真係做得幾好，但太多關係，我地食時要將佢除去都好花心機，但味道做得唔錯就由佢啦 XD

麻辣派對貴為必食川菜票王當然就係出色嘅麻辣川菜之選菜單非常多元化 除咗傳統嘅酸菜魚辣子雞仲有好多美味嘅選擇店舖裝飾陰暗有格調花花牆紙更加左一份浪漫嘅感覺今次點左佢哋嘅麻辣雞煲分量十足兩個人都食唔晒！雞煲可以自選辣到同埋配料雞件非常大件 雞肉嫩滑而且吸收晒辣汁嘅精華肉味份外突出 令人相當回味豬大腸非常惹味 爽口彈牙茄子都好掛汁 而且入口爽甜我哋仲配搭左金菇 平衡返咁多肉類本身仲想試其他食物但係份量真係太多 要等下一次

一向都好鍾意食酸菜魚🌶，呢晚又可以食辣野啦!🌶🌶🌶真係期待左好耐!🥳終於去左朋友有介紹的麻辣派對! ‼️-在銅鑼灣的地標附近，我覺得都幾易搵!即使在樓上店也容易找到呢!📍吃麻辣的川菜當然要食酸菜魚呀!😍真的期待而久!今晚點了酸菜味型江團-BB辣!🤩我覺得真係好食! 最值我大讚係魚!💙魚身好滑、好嫩! 好多魚肉! 而且好大好大份!重點是完全沒有骨! 真係好細心! 💯除了魚外，當然仲有滿滿的配料，好似芽菜、涼粉等等🍅🌽🥕🥦🥬有不同的配料，好夠味!而且BB辣真的食到果種小麻小辣🌶又唔會太過淡! 抵讚!份量好足夠! 2個人食都會好飽!🤤-除了酸菜魚，都點多了一樣小食呢!🥒點了黑醋伴秋葵，清新開胃，涼伴秋葵穴係好開胃!💚-由於食得太辣、一定要點下飲品呀!🍹我今次點了冰雪鮮檸C飲🍋有小清新的感覺! 岩晒配酸菜魚!💝-這間食物來說真的不錯😉唯獨是餐廳內比較黑的裝潢😆😆可能我個人比較喜歡光猛一點呢 但喜歡酸菜魚的朋友會好滿足呢!

終於等到食得辣嘅朋友放假，下午逛完銅鑼灣去「 麻辣派對」 食水煮魚～🤩餐廳果然充滿派對氣氛， 顏色繽紛之餘燈光效果亦充滿神秘感～ 和一般傳統重慶，四川菜的餐廳環境有很大的差別。今次揀咗水煮魚(江團) BB 級辣度。店員放低「水煮魚」， 已即時聞到麻香的味道，令人垂涎～份量十足， 沒有加輔菜也非常豐富！辣度準確， 不會吃到冒汗嘴唇麻痺狂飲水， 而係麻香，鮮辣兩者皆備。 江團嘅份量更加食極唔完， 厚切啖啖肉， 丁點細骨也沒有， 入口嫩滑也沾滿麻辣湯汁， 鮮味無窮！其他材料還有芽菜，水晶粉， 蒟蒻， 都是水煮魚不可缺少的伴菜～酸辣土豆絲$78夠鑊氣，熱辣辣上枱。 爆炒過的乾辣椒， 令土豆絲更香辣惹味！ 這種川式澱粉質配白飯也是不錯～凍檸茶$18夠大杯， 主要用來降溫， 味道正常發揮。冬瓜茶唔會太甜， 解辣唔错。還有其他烈酒，中國白酒， 紅酒，白酒～最後還有甜品放送： 桂花冰粉， 桂花清香，冰凍降溫一流！臨走時差不多滿座， 很多顧客都吃酸辣鍋，乾鍋， 超大份量而且賣相好惹味， 我剛吃飽已期待下次再來試其他特色鍋物～😍😍

今日同同事傾偈，講起大陸嘅水煮魚，酸菜魚，烤魚，麻辣火鍋，潮汕牛肉火鍋，串燒….樣樣好想食😋😋😋又想頂吓癮⭐️酸菜江團魚⭐️$78魚好滑，好新鮮，大大舊，最緊要無骨👍🏻👍🏻⭐️水煮鮮牛肉⭐️$78麻辣配鮮牛肉，味道好夾，牛肉新鮮肉質腍淋，仲有好多配菜⭐️干扁肉鬆炒四季豆⭐️$68呢個餸送飯一流，鹹鹹地肉碎撈飯…又食咗成碗飯，好內疚🥲⭐️水果茶⭐️$10（跟套餐）真材實料，好多水果既水果茶⭐️中湯⭐️跟餐送足料，火喉夠哂！每一次食飽左之後，都係話比自己聽，係時候要減肥🤣🤣

食物水準一般, 一杯啤酒嚟到得半杯 因半杯都係泡， 但服務非常非常差, 門口帶位阿姐同同事鬧交，然後黑面對客人😔 呢啲咁嘅服務完全差到不得了， 幾想即場小佢無骨酸辣鳳爪， 唔酸，唔辣😔

今日嘅辣癮起🌶諗起川菜第一間一定係麻辣派對😆佢又有兩間分店，仲要咁近我🥳所以二話不說，今晚就一於食佢啦～-首先講吓佢嘅環境～唔似平時川菜嘅餐廳咁🤣佢嘅天花掛住一個個花球💐環境偏暗但每張枱上面都有盞吊燈💡💡佢嘅座位亦十分闊落，同埋櫈都坐得好舒服😌-呢度嘅食物選擇有好多～如果想要湯嘅話，可以揀酸菜魚再加配料😆再唔係就可以叫乾鍋、小菜等等😋可以跟據你嘅心情再選擇😂😂-1.酸菜江團魚🐟$198 +水晶粉$38呢個魚真係超抵食😍😍唔知點解可以食極都有，食完一舊又一舊但係都仲有🤣🤣兩個人食都覺得有啲太多😆😆佢嘅酸菜魚湯底夠酸，叫咗中辣，都夠辣嘅～食完個嘴唇會有啲麻麻哋嘅感覺😋同埋江團魚都啖啖肉😋-2.香辣豬手鍋🐷✋🏻$178呢個豬手又係有差唔多12舊，兩個人食每人都食咗六舊🤣🤣完全滿足到想食豬手嘅慾望～感覺補充左好多骨膠原😆豬手亦都整得好入味，有好澎湃嘅辣椒包圍住啲豬手，開頭以為會好辣，點知都接受到仲好惹味添🥳-鍾意食川菜嘅你千奇唔好放過呢間麻辣派對😍😍佢一上菜真係會即刻wow一聲，個碟同份量真係大到dum一聲😍😍而且味道仲好正宗，又夠哂辣😋😋