麻辣派對 (金百利廣場) (已結業)

已經嚟過呢度食好多次~ 我覺得係香港性價比最高嘅酸菜魚!呢度坐位好寬闊，坐得好舒服，私隱度高～ 食物選擇勁多！酸菜魚超大碟，夠3-4人share食! 我地叫左最平既江團魚 $198～而且入面有埋水晶粉~超多舊魚～應該有廿幾舊? 每塊都好大！又厚肉～好抵食！呢度既酸菜魚湯底味道剛好～酸味適中～(我地叫左BB辣）餸飯一流！ 白飯$12叫左個口水雞～$68 啲雞都足料～好多肉既～都係揀左BB辣～非常開胃！另外仲叫左金牌酸辣水晶粉～$48~ bb辣 都幾辣～但係好彈牙，好開胃！最後仲有桂花冰粉送！清新唔算太甜～中和番之前食辣的刺激感！絕對會再encore!!

「麻辣派對」係尖沙咀同銅鑼灣都有分店，之前經過過好多次，今次終於可以係銅鑼灣食到 😋我哋一入餐廳就已經聞到好香嘅麻辣味 🌶雖然餐廳叫「麻辣派對」，但大部分嘅嘢食餐廳都好貼心咁可以俾客人選擇辣度（甚至走辣），因為我同朋友都唔太食得辣，所以大部分都揀咗BB辣，但依然食得好過癮 😋我同朋友各叫咗一碗粉，再叫咗幾個小食：我叫咗「金牌酸辣水晶粉」，水晶粉好彈牙，個酸辣湯真係非常惹味：朋友叫咗「川香豬軟骨水晶粉」，份量好多：因為我哋嘅「招牌口水雞」叫咗唔辣，反而食得出好重嘅雞味：「涼拌黑木耳」爽脆：「黑醋伴秋葵」份量都多：

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間中菜館，品嚐中國味道。麻辣派對位於銅鑼灣金百利廣場，地鐵站出發不用三分鐘便到，地點方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人共點了幾道小菜，一起互相分享。涼拌花膠(⭐⭐⭐⭐⭐)這個涼拌花膠一份七至八件，吃起來爽身。我們選的是BB辣，惹味得嚟可接受。麻辣無骨鳳爪(⭐⭐⭐⭐⭐)清新開胃的前菜，爽口有一點軟骨的鳳爪，配上香料十足的醬汁，令人食慾大增。孜然蔥爆蒙古羊肉(⭐⭐⭐⭐⭐)這個蔥爆羊肉吃起來十分惹味。羊肉本身煮得淋身，而且有淡淡的羊騷味。蔥蒜吸收了羊肉汁的味道，伴上白飯一流。黃燜豬手鍋(⭐⭐⭐⭐⭐)氣溫驟降下吃這個豬手鍋就最適合不過。餐廳用明火暖著上枱的，即使慢慢吃也不會變凍。豬手炆得淋身入味，吃起來有十分重的膠質。一份大約有五至六件，十分抵吃。總括而言，這間餐廳食物質素不錯，而且價錢十分大眾化。下次經過也一定會再來。~~~~~~~~~~~~~~~~~~~~~~~~麻辣派對銅鑼灣記利佐治街1號金百利廣場4樓R1號舖推介菜式：孜然蔥爆蒙古羊肉，黃燜豬手

今日朋友請食飯，佢就比較鍾意食辣，所以去咗呢間麻辣派對，個人來講其實就唔算太鍾意食辣野，平時都係食10小辣嘅人。第一次嚟呢間餐廳，佢個裝修幾特別，好多射燈，燈光比較暗，好多花球嘅裝飾，同傳統川菜嘅裝修就完全唔一樣。前菜炒土豆絲及萵筍，兩個餸上枱都好精緻，有少少辣椒吊味，唔算太辣，土豆好爽脆，萵筍夠清甜。之後嗌咗個酸菜魚，呢度啲餸原來真係可辣可以唔辣，所以揀咗BB辣，酸菜魚揀咗黑魚，上枱俾佢嚇親，雖然只係$200，但係差唔多有四人份量，裏面魚片都差唔多有二十片，加上芽菜酸菜薯粉及蒟蒻片，味道地清淡，湯底有鮮味，飲咗兩碗湯，又唔會覺得太油膩。之後嗌咗個麻辣雞煲，同樣份量都好誇張，個雞煲下邊會有個蠟燭，所以開頭吾覺得特別辣，但係慢慢食嘅時候辣椒同花椒味都會越嚟越出，雞嘅份量約半隻，入口除咗辣味，仲有好惹味嘅雞汁，味道非常之濃郁惹味，越食越上癮。餐廳味道出奇清淡，唔會太多油鹽（可能因為食BB辣？），而且薑蔥蒜都唔算好重手，有鮮味得來唔會蓋過晒食物嘅原味，算係唔錯嘅體驗。

撞正Sogo 大減價 點都要去掃完貨見肚餓 近近地隔離商場有間食麻辣嘢嘅就上咗去啦環境上我就影唔到喇因為好暗同個friend兩個人食嗌咗一個酸菜魚因為驚多骨所以嗌咗桂花魚不過就貴啲呢個酸菜煮桂花魚真係失望嘅 除咗啲魚大嚿同埋份量足之外另加嘅配料其實得好少但加咗幾樣都要加$100 三樣嘢就係金菇牛柏葉同埋萵筍真心唔穩陣完全唔係酸菜魚味雖然埃中辣但係嚟到個酸菜魚竟然係橙色食落去仲有浸蕃茄湯底味唔知係咪我錯覺好似燶燶哋咁湯底京蔥炒羊肉呢個穩陣 好食但價錢都唔平一下穩陣但價錢都唔平水果茶解辣一流入邊都幾多生果睇落幾大杯不過其實啜兩啖就冇晒喇最後埋單七百幾蚊一碟羊肉一鍋酸菜魚三個白飯兩杯水果茶呢個價錢來講真係唔穩陣環境我就覺得一般好嘈好暗同埋個電視係咁播老細上大陸玩真係唔想睇

今晚三人行去食酸菜魚，老公話一直都揾唔到正宗四川味道，我個人首推介的就係銅鑼灣的麻辣派對。裝潢好有party feel, 除了酸菜魚，當然還有水煮魚等等，但我唔食得辣，所以今晚主角就係酸菜魚鮮椒爽脆生腸滿滿的一個小山，十分爽脆，而辣度剛好，作為前菜十分合適孜然蔥爆蒙古羊肉點了孜然蔥爆蒙古羊肉，羊肉都蠻多，孜然跟羊肉是絕配，令人一口接一口酸菜剥皮魚好大的一窩，魚是先煎炸過才送入銅，有別一盤滑滑的肉質，但個人也很喜歡這口感，有魚味，酸味也很夠，另加了薯粉超級索味，爽口彈牙還有桂花甜點，清熱解辣，正三人簡簡單單食得很滿足

一開始留意這間餐廳， 是在尖沙咀店看到長長的人龍， 從樓下望入餐廳內裏， 看到的是花巧的裝修， 而從名字知道餐廳是專吃各款麻辣菜色的， 這種反差萌已經令我留下印象。 後來在Openrice發現餐廳的評價不錯, 而且在銅鑼灣有分店, 我這個港島人實在找不到不試的原因。知道食物分量不細, 而且第一次幫襯, 先叫了泡椒雞鍋， 加了血旺（ 即豬紅）及有機花菜作配菜和川香豬軟骨米線。泡椒雞鍋， 加了血旺（ 即豬紅）及有機花菜分量是超級大， 一上枱已經聞到幾款辣椒的香氣， 配合本身中國芹菜和類似蒟蒻的配料， 再加上後加的豬紅和有機花菜， 只是配料已經非常豐富色彩繽紛， 而且各自發揮所長， 最深印象食其中一款經醃製的淺青色辣椒， 吃下去帶點酸辣， 辣味不會停口腔， 但卻令人齒頰留香， 吃完再吃其他食材更覺得香口。 作為主角的雞件同樣大大件啖啖肉， 就算有溫火不停加熱依然保持鮮嫩肉滑， 沒有過多的肥膏， 配上各款配料煮出的酸辣泡椒精華醬汁， 真的令人吃上癮。川香豬軟骨米線代替米飯的選擇。 又跟泡椒雞鍋的酸辣有所不同， 酸辣米線的酸度比較強， 辣度就相對溫和 ，容易入口 ，配合帶點肥膏部分的豬軟骨更加夾

銅鑼灣金百利四樓呢間人氣麻辣店，裝修靚、情調好，星期日下午兩點多依然接近全場滿座，非常熱鬧黎過好幾次，質素穩定有保証，雖然叫麻辣派對，但好多食物都可以揀小辣或走辣，味道亦同樣出色卡位寬敞，坐得舒服午市套餐好抵食，$58-78，包飯包飲品，重可以免費轉燉湯；重點係份量同晚市單點既一樣咁多大大杯鮮檸c，解辣一流，一定夠飲！奶茶有驚喜，第一次飲，一直覺得食辣唔岩配奶茶，但今日不能飲凍飲，就點左熱奶茶！出奇地有水準，口感滑有茶香燒椒小皮蛋好惹味，椒味香底既青瓜絲清新爽口，酸酸辣辣又有蒜香，好開胃！孜然蒙古羊肉孜然味好香好惹味，個汁好正，好適合送飯！羊肉份量好大方，成碟都好大碟，配埋大蔥酸菜煮鮮牛肉差不多每次都點，牛肉份量好多，吃極都重有；湯底夠酸又有蒜香，還配上很多金菇，非常豐富湯底喝了不少，回家也沒有口乾那種味精感滿意、滿足

是晚到麻辣派對吃晚餐，雖然餐廳主打吃辣，但我們見他的各項菜式都可以揀辣度，甚至是不辣。我們點了幾款小菜，價錢便宜又抵食！無骨雞腳我們選了bb辣，雞腳十分彈牙而又軟熟，煮得非常好。這個花膠做冷盤十分特別，吃下去有點像豬筋的味道，再配少少辣非常惹味。我們點了一個豬腳煲，上桌時還有一個小 蠟燭加熱著，可以慢慢吃。豬腳煮得十分入味，配菜很多。有洋蔥和各種菇。味道偏鹹但份量十足，一家人圍著吃很溫暖。孜然炒羊肉十分合我心意，羊肉很多，大蔥也很香口，口感十分有層次，非常好吃。這個什錦豆腐有豆乾和豆腐塊，還有各種木耳菇類，雖然是齋菜但吃落美味又健康。最後還點了個豆腐麵做主食，豆腐十分香滑，麵也很有彈性好吃。另外炒了一碟芥蘭，十分有鑊氣，不錯的選擇。

今日去到銅鑼灣嘅金百利廣場，難得人少少就上去搵嘢食，最後揀咗呢間裝修非常之少女心，成個場地擺滿曬花花嘅川菜，好強嘅反差萌。擔心太辣，所以一嚟即刻叫杯水果茶，比想像中大杯好多，而且好多生果，飲落去清清哋，唔會太甜。朋友驚熱氣叫咗罐加多寶。健康啲叫咗蒜香牛油野菌雜菜，一放低嘅時候已經聞到好香牛油味，雜菜有秋葵、椰菜、萵筍等等，食落仲好香蒜味。我哋仲嗌咗個紅油火雞腎做配菜，非常之惹味，除咗雞腎，仲有花生同青瓜絲，餐廳亦都加咗花生醬，撈埋食一流，仲有啲似擔擔麵。嚟到主菜水煮魚，食客可以選擇用咩魚，我哋就揀咗比較少見黑魚，肉質比平日水煮魚食到嘅魚結實，但比較多骨，食嘅時候要小心。鍋入面仲有蒟蒻、芽菜同河，兩個人絕對夠食，我仲加咗炸豆腐角，入哂湯味非常好味。朋友仔叫咗碗白飯送水煮魚，都好惹味。埋單計數，如果唔係口痕叫咗好多小菜應該300有找。

銅鑼灣美食，食極都食都重有新鮮嘢，食麻辣嘢唔係個個食得，麻麻地就得，不過就食得小小辣。一行四人坐低，叫咗個主推食品，就係酸菜味剝皮魚，剝皮魚好耐冇食，一定要食，回憶都值喇，真係好大條同埋食落啲味道返晒嚟!酸菜芽菜。再加埋一啲薯粉，成個鍋香噴噴熱辣辣 。再加個黃炆豬手鍋，估唔到咁大鍋。一見到佢呀就發覺我哋叫多咗添，但係食下食下。 我哋慢慢傾下講下，都可以搞得掂不過真係好飽， 因為太好味啦 !京蔥真好味吸曬啲羊肉油脂，食落真係啖啖好味，羊肉小小酥就梗有，蒙古養吖嘛，呢味嘢真係配襯好 得，廚師手勢又了得。孜然蔥爆蒙古羊肉 紅燒牛腩炆津返個菜食下清下啲油脂。津白就真係非常啱，所有肥膩油脂一碟清，呢一餐真係靠佢清一清肥膩。回鍋肉 微辣微辣開胃好食 五花腩件件今薄啱曬口味 。凍物語水果茶兩杯，兩公婆一杯，兩杯啱啱好味道清新。

慶祝老友登錄，約了他夫婦二人晚餐麻辣party開心下。這兒環境好有情調，佈置好特別色彩繽紛。好吸引，而且外賣自取免加一再七折，好底啊！侍應生又好有禮貌招呼，坐位好舒服。老友太太今日身體抱恙，不想掃大家雅興，都出嚟慶祝真係唔話得，所以我哋今晚叫嘅餸菜，全部都要走麻辣，最緊要都係大家食得開心。原來走曬麻辣都好好味好特別。呢度裝住啲餸嘅碟全部都係用花花型嘅碟， 好特別好靚呀，好似一朵朵花擺喺你面前咁，令你食慾大大開胃。讚👍酸菜味型剝皮魚$248~剝皮魚好厚身，而且是很多舊呢！食落口有兒時媽媽煮嘅味到，結咗婚三十幾年都冇食過呢種魚了，魚煎得好香，入口好香口，大豆牙菜好多好爽口，重有當然唔小得嘅酸菜，酸酸減減好開胃，飲了一碗湯，食到尾原來重有薯粉㗎，好爽口。👍黃燜豬手鍋$178~嘩，呢個有點驚喜，好大煲，埋相好靚好吸引，好多豬手，而且一路食一路保溫著豬手，有微熱入口不覺豬手膠口的感覺配紫洋蔥超甜。推介勃然蔥爆蒙古羊肉$98~好多大蔥配搭羊好嫩滑，可能是不辣所以食到羊嘅鬚味，好似蒙古出嘅羊先至有羊鬚味。😋紅燒牛腩炆津白$88~津白大大棵，牛腩雖然外表係黑蚊蚊，不過入口好淋，唔錯。回鍋肉$88~包心

有次同朋友銅鑼灣SHOPPING後,就決定在銅鑼灣覓食,最後選擇開胃四川菜 ~麻辣派對。.店裝修好特別好有西式風格, 好有酒吧及PARTY FEEL。.Order 三款餸, 每款餸辣度可有不同選擇。 因朋友不太懂食太辣, 全都order BB辣,食落去剛剛好, 不會過辣。..【鮮椒爽脆生腸】 $78選了這款作為小食, 生腸極爽脆,吸附了濃濃的香辣秘汁,十分開胃惹味。..【孜然蔥爆蒙古羊肉】 $98即是羊肉片以孜然調味,香味四溢 ,咬落啖啖肉,肉質滑嫩不乾身,加配上香甜大蔥同炒,充滿邊疆風情。..【酸菜剝皮魚】 $248另加配水晶粉$38+秀珍菇$38一鍋酸菜魚上台, 高湯內已煎好剝皮魚件,入口卻特別彈牙細嫩,配上酸辣湯,滿口酸辣鮮香,令人胃口全開,內有好多芽菜。另配水晶粉及秀珍菇吸附酸辣味都好好味食。..送甜品 桂花糕桂花糕軟滑、彈牙口感, 味道清清甜的桂花清香味。

這間餐廳，有很多都是卡位，幾適合朋友傾偈或者情侶拍拖。派對口水雞$68口水雞肉質滑溜，點了BB辣，不食辣的朋友也可以吃到。川香豬軟骨炆娃娃菜$88又想食菜又想食肉，這個餸菜兩樣都可以食到。娃娃菜大棵，掛滿了醬汁。豬軟骨有口感，都幾大件。江團酸菜魚$198、水晶粉$38酸菜魚的盤很大，很吸引目光。江團魚肉質滑溜，帶有少少魚肥。除了魚肉，還有很多芽菜、酸菜及魔芋，食配菜都已經好飽。另外還加了水晶粉，夠四個人食。黃燜雞鍋$168、肥牛肉$68雞鍋醬汁味道較濃郁，有好多雞件、洋蔥、菇。額外點的肥牛份量也很多，沾滿了醬汁的味道。底下的火盆把雞鍋烘得熱熱。侍應會主動換骨碟，幾友善。每碟菜份量都幾多，性價比不錯。

6點在Openrice訂了7點的位置過去，發現網上訂位有9折。埋單阿嬸照正價計，我就問係咪有九折，阿嬸即刻好大聲問你係Openrice訂左位咩，我答係跟左show左預訂頁面卑佢睇，佢睇左後又大大聲問我：「你係咪提前訂？如果落座後訂係唔計的，你電話幾多，我要check吓你幾時訂位。我呢度係可以見到你預訂時間嘅」個樣好似我食左霸王餐咁恐嚇我跟住佢又check到我真係提前訂，就嘖嘖聲怪返門口接待阿姐唔早響⋯態度差成咁，自己錯又唔認，一聲sorry都冇同我講。全部嘢食都好貴，一份麻辣牛展88蚊得幾塊，唔知係咪驚檯細擺唔落就整細份D呢甘嘅服務態度仲要再加一其實如果唔想做優惠就係Openrice撤左九折優惠，唔好人地明明訂左位，又係度質疑人地啦