麵檔

營業中

休息中

門面、室內外裝修都別樹一格，加上播住70、80年代舊歌，充滿香港舊情懷，都幾好feel，第一印象唔錯㗎。👍🏾買咗個蔥油炸雞扒撈粗，外賣，個盒好大，方面撈麵，細節位睇得出間鋪幾細心。打開一睇，色香俱全，個糖心鹵水蛋好靚好吸引。😍夾箸麵入口，第一口覺得鹹香鹹香，算惹味。不過，食多兩啖就開始頂唔蒲，鹹到嘴脣、口腔都唔舒服，放棄。我以為自己味覺問題，問問食同一個麵嘅幾位飯腳，原來大家都覺得有呢個問題，我哋猜測究竟係廚師一時重手咗，定係一貫風味？咁重口味，真係不了不了👋🏾，十足風間由美，真係唔係個個好呢味、頂得順，極重口味🤢。至於睇落好靚嘅糖心鹵水蛋，糖心口感啡we good，但味道都係偏鹹，搞唔掂。可能係畀個鹹到揦喉嘅撈麵影響味覺？其實平日行過都見佢幾多人幫襯，點知我第一次光顧就伏咗。他朝有日屎窟痕想幫佢平反，都係穩陣啲食個車仔麵算，撈麵不了。

今次等一次食，放lunch叫咗外賣。一開始俾錯第二個客既外賣我，好彩未走遠佢就叫返我轉頭。返到上office打開先發現佢比漏咗一個餸，之後又要返去攞。去到見佢地仲手忙腳亂咁處理緊啲外賣。嬲嬲地返上office食，依？又幾好味。牛腩同豬大腸都好入味，隻蛋又真係糖心。一開始見啲麵少怕唔夠飽，但啲餸既量都合理，都滿足既。下次都係堂食算，仲可以省2蚊。

呢間車仔麵剛開的時候沒有太多選擇，味道都是普通，但因為工作關係附近只有呢間車仔麵檔，而本人又很喜歡食車仔麵，所以一直都有幫襯，越嚟越做得好。豬大腸夠肥美入味，蘿蔔清甜冇渣，酸齋夠大件，魚肉春卷普通，豬紅不是平時食開一般正方形，一夾就散偏鹹。五個餸$58外賣加兩蚊

時代廣場後街有間新開的車仔麵新店叫【麵檔】，不過大廈維修中，店名也找不到。幸好見到「請勿吸煙」，如果唔係會找不到。門面參照舊式公屋設計，有常見的圓形通花透氣窗。另外，報導話店主細個係住東頭村23座，所以特別在大門旁寫上”23”。牆上貼有軟硬天師、Beyond及周慧敏的Poster。最注目是門口放着黑膠唱碟機，而且正播放小編童年偶像BEYOND 的歌，回想起跟蹤家強、追車、放學去二樓後座等……所有回憶返曬來！！甫入車仔麵店，店內連懷舊公屋設計，又放有舊式收音機、電視機、暖水壺……等五、六十年代擺設。這裡的車仔麵餸菜餐不太花巧，餸菜都是大路款式。三餸麵$44，四餸麵$52，五餸麵 $58。【四餸麵$52 炸豬扒、豬腸、豬皮、牛肚】這碗車仔麵賣相吸引，車仔麵份量多，餸菜舖滿整個碗面。每款配料都整齊排好，不似坊間車仔麵店配料都是亂糟糟呈上。車仔麵上放滿大量青葱，似一座小山，單看這個賣相已經令小編食慾大開。寫這編食評時再看點餐紙才發現可以加汁，有自家製沙爹醬、辣醬、腩汁及混醬，下次真係要一下。不過小編不太好太濃味的湯底，因此可能這個沒有加汁的湯底比較適合小編。這個車仔麵食完唔口渴，就知道湯底

第一次幫襯，見咁多人話好食，終於可以食到，中午時間要等位，預等左10分鐘先入，叫左豬紅，豬手，酸齋，韮菜餃。沙嗲醬汁好正好濃烈，要試。豬紅要試，韮菜餃要試，米粉/油麵最襯

《不負責任食評 — 麵檔》評分：🌕🌕🌕🌗總評：呢間車仔麵嘅裝修好特別入邊大部份都係香港以前比較懷舊嘅物品有種返到去八九十年代嘅感覺但當然價錢都係2022年嘅價啦🫠雖然一碗車仔麵都接近$60但係份量上都唔會好孤寒整體來講佢啲滷水唔係好濃味 湯底都係食落好舒服 唔死咸叫咗幾個佢比較多人讚嘅餸豬大腸清潔得好乾淨唔會有怪味 但亦都唔係好入味 比較淡口炆到好淋 直頭有少少爛咁滯呢樣就好睇個人口味我自己就鍾意食有口感嘅豬大腸 呢款就唔係好啱我🤔個人最中意雞翼同豬紅雞翼鹵得好入味豬紅就係比較滑嗰一款唔係街市好常見好挺身、方形嗰隻滑溜之餘炆得幾入味 唔錯👍🏻我覺得比較差就係個粗麵底你唔可以expect佢係潮州麵檔嗰種好彈牙嘅口感食落口一咬就知零口感 我就唔太中意🤯如果偶爾想食公仔麵佢個份量係會比新記多啲既喺附近返工都可以試一試🤔

曾經聽過兩位Foodie朋友講過麵檔好食，成日只會經過呢度，今次終於有機會入嚟坐低食😋今日大約2點半去到舖頭，去到舖頭門口已經見到三個人企喺度，見佢哋剔緊菜單，即刻多口問句係外賣定等緊位😂我驚自己冇位坐要等，最後等咗大約5分鐘就有位。呢個比我嘅感覺空間唔大，客人都係快食快走叫咗兩碗車仔麵～兩碗都好大碗，一碗五餸幼麵，加咗秘製辣椒汁加腩汁，酸甜齋，豬紅，韭菜餃，五香牛腩，魚肉春卷。另一碗叫咗粗麵，加沙嗲醬，沙嗲豬皮魚蛋，魚皮餃，豬紅，牛腩。我同朋友最後加咗好多菜脯落碗麵🤤兩款湯底辣味慢慢滲出黎，我特別鍾意酸甜齋，酸甜好味配埋湯一齊食加添辣味👍超正。牛腩未話好腍，但肉味重又香，豬皮大大塊，索晒加咗腩汁湯底🥰味道好啱食，湯底辣味吾算辣，但好惹味，令我好想快啲再嚟食多次，我要試晒佢哋嘅湯底同小食😆

好食既車仔麵買少見少，無論餸、湯底定麵都係好好食😋又大碗，以呢個價錢係銅鑼灣食飯，性價比好高，如果我屋企附近有間就好嚕。「一個豬手雞翼飯、一碗五餸車仔麵，一杯凍檸茶、一罐雀檸呀🙋🏻‍♀️唔該！」大排檔豬手雞翼飯 ($50)豬手同雞翼都係滷水醃過炆過，非常入味，咸甜味調得均勻，豬手肉炆得夠腍，豬皮食落彈牙滑嫩，滿滿膠原蛋白😋雞翼都係煮得好夠味，大大隻好厚肉👍🏼加上鹵味溏心蛋，食得好滿足，啲飯係用短幼身既米煲，煲得唔會太乾或太濕，仲有啲蔥花豉油，呢碟飯既水準高呀🆙！五餸車仔麵 ($58)醬：混醬 (秘製辣醬、自家製沙嗲醬、腩汁)餸：香辣魷魚、墨魚丸、懷舊豬大腸、沙嗲牛柏葉、振興濃汁牛丸麵：油麵大大碗，望落已覺得性價比好高！推介要混醬，咁就三種醬都試到，辣度中等，沙嗲醬都好濃郁，撈埋腩汁真係一流！我地叫個五樣餸都一樣好食🤤水魷魚新鮮彈牙；墨魚丸有墨魚粒真材實料，又夠彈牙；豬大腸厚切大粒有嚼勁重豬腸味，洗得好乾淨；沙嗲牛柏葉好食過出面酒樓，新鮮易咬開；振興濃汁牛丸十分重牛味，又彈牙爽口。食車仔麵必配油麵，麵條柔軟，仲好掛湯，入哂味😍環境方面，呢到既裝修都係以懷舊香港特色為主，黑膠唱片、白色窿窿窗

有次經過這間餐廳門口，以為是茶餐廳，後來發現是車仔麵，就告訴自己一定要來試，雖然我經常避免吃澱粉，但對車仔麵真的沒有免疫力（雖然又吃不了很多）😂我喜歡這裡的裝潢很懷舊，顏色對比很強烈，裡面又有很多懷舊海報，看得出在餐廳設計有花過心思。🔹四餸麵 $56其實我是可以叫大麵或細麵，不過裡面有自己不吃的食材所以還是選擇了四送麵，我選擇了清湯蘿蔔、炸魚片頭、香辣水魷和香辣豬紅配粗麵。對我來說麵的份量頗多不過很彈牙，蘿蔔交足功課清甜沒有渣，不過我想大讚一下豬紅，從來不知道原來可以有這個嫩滑的口感，味道濃郁，水魷都很爽很好咬，不過對我來說有點太辣，我吃到一邊哭了😂喜歡吃辣的朋友一定要點，這個程度你們會喜歡～～

😝懷舊香港麵檔😝餐廳以80年代在香港為主題 裏面有好多經典懷舊又富香港特色嘅擺設物 例如有梅艷芳張國榮嘅黑膠長片 舊式黑白電視衣車等 恍如去咗香港歷史博物館 - 🥘大排檔豬手雞翼飯 $50好鍾意啲豬手炆得咁琳 滷水雞翼亦都好入味 配合埋豉油撈飯 真係食過返尋味 鍾意豬手嘅朋友唔好錯過！-🍲五餸車仔麵 $58點咗五個餸 叫咗墨魚丸 振興龍汁貢丸 糖心滷水蛋 有記魚肉春卷 清湯蘿蔔 因為好飽 所以點左溝湯菜底 下次有機會要點下d麵底-📍麵檔 (銅鑼灣)銅鑼灣勿地臣街10號地舖

👍🏻 自選六餸麵半年後再訪 車仔麵配餸多左好多選擇 今次揀左✋🏻餸麵 再加多個餸😹以下係我哋覺得特別值得推介嘅餸❤️✅ 懷舊豬大腸✅ 鹵水孖筋✅ 蠔油花菇✅ 清湯蘿蔔餐廳自己鹵既食物保持到高水準 每一樣都可以做到入味 而口感保持到最好狀態😎湯底選擇左混醬 既有沙嗲醬同豬骨湯嘅香味 又有秘製辣汁嘅微微滲出非常惹味❤️👍🏻蒜香豬扒飯餐廳新推出左三款飯 豬扒皮脆肉嫩 火喉岩岩好 豬扒用左蒜香調味 味道鹹鹹甜甜 好正！😋 飯內有蔥豉油 好有懷舊感覺注意事項⚠️- 店內用咗懷舊屋邨concept裝修 好有趣 打卡都好靚添💕

(＾Д＾)┈┈┈┈┈┈┈┈┈┈┈┈┈┈銅鑼灣特色懷舊車仔麵檔✨每次經過都被復古環境吸引，店外還有唱片機播著懷舊金曲😳就似回到70年代一直都想找機會試試看🫶🏻終於襯著假期初訪一下～┈┈┈┈┈┈┈┈┈┈┈┈┈┈𐂐 ⠜五餸車仔麵 $58 (3.5/5)平日我也是最愛米粉底而菜式選擇了水魷，蘿白，牛栢葉，魚皮餃，牛腩～好大的一碗，小鳥胃建議2餸就好😹比較喜歡蘿白跟牛腩✨蘿白味道鮮甜沒有筋牛腩因用左五香粉醃製關係入口味道很香濃餐廳還會提供秘製辣醬味道不會太辣怕辣也能輕鬆入口✨┈┈┈┈┈┈┈┈┈┈┈┈┈┈𐂐 ⠜蒜香豬扒飯 $50 (3.5/5)份量超級多，感覺好適合體力勞動的上班族豬扒炸得頗脆，入口不會油膩～┈┈┈┈┈┈┈┈┈┈┈┈┈┈𐂐 ⠜車仔檔沙嗲魚蛋 $28 (4/5)很滿意這個醬汁，沙嗲味香濃！辣度也很足夠～魚蛋也是彈牙口感🫶🏻┈┈┈┈┈┈┈┈┈┈┈┈┈┈Ig @cheri_foodiary

公屋孕育咗香港2/3人口，其中包括大胃所以嚟到懷舊公屋主題嘅車仔麵店，唔多唔少都會有份親切感㗎加上呢度會播舊時嘅廣東歌，真係邊食邊䟴䟴腳，咁食法更地道位於銅鑼灣地段，五餸嘅車仔麵唔算貴但份量都幾為驚人，連大胃都差啲食唔晒大胃碗麵係腩汁麵，揀咗五款餸都係肉。南乳豬手平平無奇，但骨肉易分，煮得夠腍鹵水孖筋同樣熬到好腍好彈牙，骨膠原滿滿。懷舊豬大腸嚿嚿都好大碌，彈性非常充足沙嗲豬皮塊塊都好大塊，沙嗲入晒味夠晒辣。秘製雞翼尖好好噒，條條都好有味胃民嗰碗就係自家製沙嗲醬湯汁，飲落都幾惹味，令麵條更有風味五香牛腩層次豐富，肉味留香炸魚皮份量幾多，而且塊塊脆口，浸湯唔浸湯食都好得飲品方面，都有港式飲品供應。凍檸茶檸檬大塊厚肉，果味夠料同茶撞就連嗌支可樂，都用玻璃樽裝呈上，本土味更濃

一向貼地鍾情車仔麵，銅鑼灣呢間夠哂地道餐廳裝潢同牆上餐牌，充滿著屋村懷舊風味，回憶返哂嚟要整到一碗高質嘅車仔麵，事前真係要好多準備功夫，唔怪得呢間店坐爆食客店員好有效率，一埋位就有得食喇✨五餸車仔麵河粉吸盡充滿腩汁嘅湯底，味道好香濃，好貪婪咁揀咗"五款"唔同嘅車仔餸🔸香辣水魷🔹炸豬扒🔸振興濃汁牛丸🔹糖心鹵水蛋特別欣賞🔸"五香牛腩"肉軟腍又唔靭，肉味香濃✨香辣豬紅必食．必食．必食勁滑呀加上辣汁好惹味，真係超正除咗車仔麵之外，原來都有飯類選擇✨大排檔豬手雞翼飯豬手炆得夠腍，外皮口感煙煙韌韌，好有嚼口仲有好多件添，比預期更有份量瑞士雞翼食到停唔到口以後Lunch可以再嚟喇

好耐都無食車仔麪啦😍，竟然比我發現係銅鑼灣地鐵站附近， 有一間好懷舊， 門口放著黑膠大碟唱機， 播放著beyond 歌的小店。 💕真的要試試（5⭐️最高）主要以食車仔麪為主， 選擇亦好多❤️▶️自選：貢丸、雞翼、魚肉春卷、炸魚片頭、蘿蔔配米粉跟沙嗲醬（5⭐️）❤️5款選擇價抵食之餘， 仲好大份😅。 大大碗， 勁滿足👍🏻。 貢丸爽口彈牙；雞翼好入味。魚肉春卷同埋魚片頭， 咬落好幼滑☺️；蘿蔔好juice 又唔老😜。 米粉份量大， 沙嗲醬同湯底又好夾， 一d都唔會太咸😍蒜香炸豬扒飯（5⭐️）大大塊豬扒被切成6件， 而每塊都係大件的。 😁飯面有少少秘製汁， 雖然汁量唔會太多， 但因為同埋豬扒一齊，就會變得岩岩好👍🏻。。❤️必食❤️每張枱都放有辣菜蒲。雖然我唔食得辣， 但係都忍唔住手加咗兩次係飯到， 😜因為真係好好味😄。凍檸水/熱檸水好正， 勁多檸檬🍋