麵檔

食過好多次，終於都記得寫返個食評。每次出銅鑼灣有時間都會黎食呢間咁有風味嘅懷舊車仔麪檔！呢間隱藏喺時代廣場則邊嘅麵檔，古派嘅裝修設計+ keep住大聲播啲708090年代舊歌，正正子呢。我每次必點嘅係佢哋嘅豬紅，豬紅滑嘟嘟 吸盡秘製汁精華。另外牛腩夠淋， 豬皮夠爽彈，酸齋不得了，冬菇 蘿蔔 都勁入味，仲好多正野 不能盡寫... 配埋佢地自家製辣醬+辣椒菜脯，食到鼻尖冒汗都停唔到口。勁大碗份量十足，食完個肚暖笠笠，勁滿足呢！…查看更多

銅鑼灣這間車仔麵店開幕幾年，位置方便(就在時代廣場後面)，經常都會經過被其懷舊港式風裝潢吸引，今次終於有機會嘗試。入內才發現除了裝修有舊香港特色外，牆上擺設有80-90年代香港/華語歌手的紀念物，店內也播着這些年代的廣東歌及華語歌，主題氣氛十足。有足車仔麵選擇豐富的特色，單是麵的種類(連菜底)便有七款，餸料總共35款，而且還有分類方便食客選擇，這點值得一讚。三餸粗麵（香辣豬紅、沙嗲豬皮、魚腐）($50) ★★★★✰豬紅豬皮都爽口沒有豬臊味，魚腐則味道正常。三餸粗麵（溏心滷水蛋、自家製韭菜餃、大排檔鯪魚餅）($53) ★★★★✰韭菜餃皮很薄，溏心蛋確實沒有欺場，鯪魚餅作為所有餸料中唯一一款要加錢的我就覺得不太抵，感覺平平無奇。另外可提牛腩汁湯底對我來説鹹度適中，也是抵讚。罐裝飲品+$10，凍檸茶等+$15，合共五六十元一餐麵食在同區算幾抵食，而且味道不錯，路過又懷念車仔麵的話值得一試～…查看更多

店鋪裝修主打懷舊風，牆上貼滿七八十年代港星海報播住當年金曲，好啱懷舊嘅朋友🎵​平時食車仔麵必點蘿蔔、豬、紅豬大腸、魚蛋都係常客今次加埋鮮豬潤、牛百頁、豆卜、酸甜齋加 $3 仲送杯凍飲🥤除咗麵底仲有菜底🥬酸甜齋同豆卜都係豆製品，酸甜齋偏酸但吸滿湯汁都幾好味😋菜底係生菜真係好抵😆…查看更多

每次食晏時間經過總係喺門口排咗條龍，通常五六個人啦，暑天都幾曬，店內約30個位，小迫，介意勿排。今次等咗十零分鐘。排緊嘅時候揀好嘢食，入座後好快就食得，我揀咗三餸：自家製韮菜餃、大排檔炒豬膶、炸豬扒，米粉加自家製沙嗲汁。一隻大雞公湯碗有兩條菜心，枱上（好辣）嘅菜莆任添，正！菜餃正常發揮，炸豬扒唔太油唔重鬆肉粉味，豬膶片數較多切薄易熟啲，但唔知點解咬落鬆散唔實在可能唔夠新鮮。同埋再講多次菜莆好辣！試咗一舊先好再添～ 整體不錯，埋單三餸$50…查看更多

麵檔可以話係銅鑼灣區其中一間最常幫襯嘅食店，因為近公司味道又唔錯，不過食嚟食去都係嗰幾味餸，豬紅、大腸、蘿蔔、瑞士雞翼，今日等位時先發現佢個menu 原來係有撈麵同飯嘅，而且張相睇落又唔錯喎，所以決定要試試佢。叫咗個葱油雞扒撈粗面，比平時叫車仔麵係要耐少少，嚟到嘅時候我同同事們都有啲驚訝到，誰又會諗到係車仔麵店會用一隻銀色西餐碟去上一個撈麵呢？仲要係比刀叉你食，真係估佢唔到，而且除咗件雞扒，仲有隻幾靚仔嘅糖心蛋，成碟麵個樣真係不得了。味道嘛，麵就唔算係爽口，但條條麵都有沾到汁，味道係可以，雞扒就係炸過嘅，外脆裡都唔乾，加埋個葱油都幾夾，而且有一定厚度，所以真係要用刀叉食嘅，仲有兩條菜襯托，食埋覺得成件事平衡咗。下次去到底食車仔麵定試埋未食過嘅飯類好呢🤔🤔🤔…查看更多

哇～来铜锣湾上班的第一天！同事带我吃了面档真的好好吃啊！可以自己加东西我比较喜欢吃河粉，牛腩汁的！绝绝子最喜欢加酸甜斋！还有萝卜还会加牛百叶非常推荐大家去试下～环境：小小的，只有一点点桌子，所以中午吃饭要排队哒服务：店里的哥哥姐姐都很热情，而且上菜很快！会贴心的给准备辣椒酱（辣椒酱也好好吃啊🤤）位置：这个店非常好找！就在利舞台和时代广场附近（具体大家可以谷歌一下）店里可以用现金啦，八达通啦，非常方便！…查看更多

今日行開銅鑼灣，午餐時間，行過見這間車仔面小舖有人排隊等食，見價錢合理，網評又讃，決定入去試吓。店內地方雖小，但乾淨舒適，職員有禮貌，叫左個4餸面$ 5 2，食物上枱超大碗，每款餸都好多，大腸不是薄片裝，大大嚿，肥美又洗得很乾淨！豬紅好滑，豆卜因沒有切開，浸湯食0 K，不會太咸，魚蛋大粒彈口，湯底濃郁，還有自家製菜譜任加，食落十分和味😋門口有懷舊歌星poster和唱機，系喜歡懷舊fans打卡位👍🏻。整體食物超預期，抵讚！…查看更多

💬「#泰孤獨的搵食之路 」又再出現，去到銅鑼灣想一個人都可以盡興嘅話，可以揀間特色嘅車仔麵，絕對係自己發板，想食邊款自己話事。呢間「#麵檔 」人來人往，加上係懷舊特色裝修格調，一定係有備而來，所以先至有咁多客人幫襯🍜.———————————————————————————🥢蠔油花菇🍄‍🟫、酸甜齋、懷舊豬大腸🐽、鮑汁雞腳🐔💬個碗的確好夠大，湯又裝得好滿，所以啲麵食落唔會乾晒；餸料方面，豬腸一大抽剪落嚟都有好多舊，真係以前嘅味道；雞腳同花菇都炆到好入味，今時今日每款餸都係獨立烹調都係誠意 。…查看更多

話說最近行完工展會之後有啲肚餓🤤就去咗銅鑼灣附近搵吓有咩野食😚見到呢間車仔麵又幾抵食同幾多人幫趁😋我同朋友就入咗去食我們每人都叫咗幾個餸諗住可以試吓🫨點知佢嘅份量都幾勁爆😵每個餸都幾入味同大份😱呢幾個餸都係我同朋友覺得幾特別幾好食😁都幾建議可以一試 — 五香牛腩、炸豬扒、大排檔黃砂豬膶、自家製韭菜餃、有記魚肉春卷、魚腐、酸甜齋～～～我心仲要咁大碗都先係$65🫨佢哋個腩汁好香濃好入味可分仲要係唔容易散嘅粗河粉🍜佢個湯底仲可以揀多過一個💥佢哋嘅沙嗲醬都香濃，花生味好出🥜我仲買咗幾個小食😚蘿蔔、豬皮、魚蛋$28魚蛋好好味🤤同埋佢哋個咖喱汁都幾出色🍛豬皮仲要幾爽口振興炸魚皮 $30估唔到原來佢個魚皮係成包新鮮即刻炸嘅😚我哋仲嗌多咗一個蠔油時菜$18🥬性價比:9/10好食程度😚: 我8.5/10回頭指數💗:9/10…查看更多

中午來了到灣仔食午餐，見到新開的麵店叫麵檔，而且裝修都非常有香港風味。原來這間店主打是食車仔麵，啱晒我口味所以即刻入去試新野！車仔麵可以點3-5個餸，今次和朋友一齊點了個5餸車仔麵食飽飽～我地分別點左：牛筋，牛腩，雞翼，滷水蛋，蘿蔔，牛丸，豬紅，牛肚，豬手和豬潤一上枱見到大大碗已經好滿足，一試個湯底好濃郁，仲有牛味配上少少辣醬真係非常惹味。咁多樣配料入面我最欣賞就係豬紅和蘿蔔，呢度嘅豬紅每一件都好大拿，而且食入口非常滑身，同平時喺出面食嘅豬紅口感真的很不同，連隔籬枱都大贊好食😋而蘿蔔煮得非常之入味，而且很甜，一食便知是靚蘿蔔。值得一讚的是這裏的雞蛋是用蘭王蛋，所以食入口蛋香非常濃，製成留心蛋，真的是一流啊整體來說這間店食物都好高質，而且裝修又有特色，值得再來…查看更多

As my friend was craving cart noodles, we visited this cart noodle resto in Causeway Bay. .I ordered Cart Noodles with 3 Toppings. For the ingredients, I chose Spicy Pig Blood Curd, Food Stall Suckling Pork Liver and Chinese Chives Dumplings. I selected Rice Noodles and added the House Special Spicy Sauce. The Pig Blood Curd was huge and well-marinated. The Pork Liver was pleasantly chewy with no unpleasant odour. The Dumplings were mouthful and fulfilling. The spiciness of the spicy sauce was on point. My friend got Cart Noodles with 4 Toppings. For the ingredients, she chose Satay Pork Rind, Fish & Meat Dumplings, Sweet & Sour Beancurd Dough and Radish in Clear Soup. She selected Oil Noodles and added the Homemade Satay Sauce. .The resto was adorned with vintage Hong Kong-style posters and decorations, evoking a nostalgic ambiance. They played Cantonese songs from the 80s and 90s as well. .We placed our orders by filling out a paper form. …查看更多

每次去時代廣場，都去呢間車仔麵食個下午茶。我通常叫三餸湯麵-豬皮、豬紅、豬大腸粗麵，豬紅爽脆，豬皮夠腍，豬大腸好有風味。因為個粗麵都好大個。我老公就會叫五餸湯米-炸魚角、雞腳、蘿蔔、牛腩、墨魚春卷。炸魚角彈牙、雞腳夠諗、蘿蔔又諗又甜、牛腩夠諗又入味、墨魚春卷又正😙每次我哋都互相交換餸，因為每款餸都有幾舊，該店吾會因為價錢就將貨就價👏🏾加杯凍檸檬可樂又吾貴😍舖面的裝修好懷舊，令我想起兒時的味道🥰…查看更多

全部餸都係同一個湯浸熟，連瑞士雞翼都係，仲要好鞋。麻辣係比pack豆瓣醬你，好難食。蘿蔔得一舊，會唔會太孤寒。湯就勁大碗，好似喺個海度打撈啲麵咁，食得好辛苦。呢世都唔會再幫襯。…查看更多

路過的時候被千千闕歌的音樂所吸引，lunch就揀這家吧！餐牌好懷舊，隻蠟筆🖍️也特別我選擇了三餸，菜底、牛肚、豬大腸、黃沙豬潤，沙爹醬，共49冇加一好快就端上來了，好大一碗，蔥芫荽給好多，沙爹醬盛在匙羹內強調：碗真的好大。好好味，尤其是豬潤。牛肚差少少你可以看到圖片左上角調料蓋上的水珠，可能是剛從冰箱拿出來掛……買單時先知只可以現金/八達通，我問點解冇支付寶openrice上又寫可以？店家話個個都係咁寫啦fine，最後轉fps俾佢…查看更多

今次嚟到銅鑼灣食車仔麵，就揀咗麵檔試下😋未入鋪頭都已經聽到門口部黑膠機播嘅歌🎵即刻好似一秒返返8-90年代咁🥰真係好有feel～一路食一路聽嘅時候好似置身電影場面咁🤣#三餸車仔麵（蠔油花菇、清湯蘿蔔、自家製韭菜餃+米線+牛腩汁）💰$49首先，蠔油花菇好非常入味好濃郁！花菇冧得嚟又仲有啲彈性，我自己就十分鍾意🤤至於自家製韭菜餃就無想像中咁好食，正正常常。可能因為煮韭菜餃嘅時候係用清湯煮，所以擺落碗麵嘅時候就…好似唔夠入味。不過！！！清湯蘿蔔就💯分好食🥹非常清甜，係我食過嘅車仔麵蘿蔔Top 1！嚟度食麵嘅話一定要試下😋…查看更多