麵檔

營業中

休息中

3月2因為盜月者嘅謝票日，一個長期唔出銅鑼灣嘅新界人出左去，睇完戲肚餓🤤到一個點，但又覺得銅鑼灣食嘢超貴，行下睇下，竟然俾我發現左依間車仔麵招牌有啲復古嘅感覺，attract 到我嘅反而係佢播歌嘅機！竟然係黑膠，我咁大個人除咗睇電視📺見過，都未見過實物。咁就令我停低咗，望下個餐牌。認真，係鬧市中，我估唔到會有咁嘅嘢價位，價錢同我係新界嘅車仔麵差唔多。我最估唔到嘅係有下午茶時段，但因為我真係驚食唔晒，所以無叫四餸，淨係叫左三餸（蘿白，豬紅，豬腸）蘿白好軟，無根不過不失。豬紅豬腸，無咩羶味，而且好入味，推介！沙爹汁，有少少辣，但係惹味嘅，可以值得一試！

啱啱去咗間【麵檔】試吓佢哋嘅車仔麵，個懷舊感覺真係濃到出汁，令人忍唔住想拍吓照先。來到車仔麵，每樣配料擺得好整齊，第一眼見到就覺得食指大動💫。炸豬扒浸喺湯裡面雖然唔夠脆，但係肉嘅味道都幾好，豬腸滑溜溜，一啖咬落去，好過癮。牛肚嘅質感軟腍得正，豬皮帶啲嚼勁，真係滋味非凡😋。湯底我就無加咩醬汁，飲埋湯都不會好渴，應該係少咗返啲味精。牆上嗰啲舊時嘅Poster同埋門口嗰張黑膠唱碟機，都令到呢場食旅仿佛穿越返過去，唔錯唔錯👍。雖然冇奶茶，不過叫咗杯凍咖啡，都算解渴。員工態度友善得滯，整體走咗滿足回頭。下次想試吓佢哋加醬嘅湯底，聽落都幾吸引。嗱，記住喇，啲炸豬扒真係要快手食，唔好等佢浸太耐喎！

第一次食到個豬紅係好似豆腐甘 好得意個口感，但食落無咩豬紅果種獨特既味道🤔其他餸都好食 ，味道其實同其他車仔麵差唔多但料好足。份量大份而且個湯清甜 無咩味精水準保持到既話會一直去食。

講真食呢啲車仔麵檔都係貪人情味，但呢間所有員工做嘅所有行為都係趕客，首先，隔籬枱遊客話要一碗同我一模一樣嘅車仔麵，佢直接求其上啲嘢俾人，到人哋話唔啱嘅時候佢先至出過第二款。之後細路女喺張單後面畫咗堆公仔，居然可以問都唔問直接抌？佢阿媽同個員工講想要返嘅時候，個員工居然直接話：「冇喎抌咗」個細路女直接喊咗，係直到第二個員工係堆單度拎返出嚟先唔喊。食完就眼超超，仲要走嘅時候時一句「下次再嚟」、「拜拜」都冇。完全唔會想嚟第二次，嘢食都非常普通。

鬧市中嘅一間車仔麵店裝飾懷舊附有港式情懷，門口黑膠唱片機仲播住一啲經典金曲🎤入座之後自行剔紙仔落單，配料款式都係比較傳統▶️ 三餸車仔麵 ($49)麵底七選一，揀咗粗麵平日少食呢類麵，只係細個食撈粗麵嘅時候「接觸」過麵質還可以，屬爽彈形，不過少少易斷味道上帶微微獨有嘅鹼水味 湯底係滷水湯，呈深啡色，味道濃郁入味，應該係自己用煲，食到尾見到有塊金不換香葉🌱另外仲有香蔥芫荽，令湯底更加香唔油膩，不過偏鹹，食完幾口渴吓三餸揀咗推介嘅滷水孖筋、蠔油花菇、糖心滷水蛋滷水孖筋確實好食👍🏻質感實身煙韌彈牙，唔係腍啤啤或過硬，只係份量有啲少三粒蠔油花菇口感唔錯，有香菇味，不過唔夠juicy🍄糖心滷水蛋做到半熟效果，蛋黃望落晶瑩剔透 (只係邊位熟咗少少)可惜味道一般，唔夠入味，蛋白食唔到滷水味，蛋黃食唔到甜味🙁-只能話係一碗平平無奇嘅車仔麵，除咗牛筋好食之外其他都好一般 (朋友叫嘅五香牛腩唔得，貢丸好一般)如果湯底冇咁鹹都唔錯嘅服務ok，上菜快手，侍應多為一啲上咗年紀嘅哥哥姐姐環境舒服嘅，鍾意佢內部裝修，好有舊式香港風味🇭🇰性價比一般，每碗麵同配料份量唔多，食完一碗唔會夠飽😅不過有學生證可以減$5如果係為

喺銅鑼灣鬧市中嘅一間小鋪，晚上時間去到等幾分鐘就可以入座，門口放住一部黑膠唱片機，幾有特色。坐到入去就可以攞喺枱面上嘅點餐紙寫自己想叫嘅嘢食，一碗畫一張。車仔餸嘅選擇好多，只有兩款餸要另外加錢（都係加3蚊 可以接受）。我地叫咗三餸：油麵 牛丸 牛肚 豬扒 牛腩汁（$49）三餸：油麵 酸齋 冬菇 豬大腸 沙嗲汁（$49）再加多一杯凍檸茶（$15）上菜速度好快，一陣就有得食。望到兩碗麵嗰陣，對個豬扒有啲失望，啲豬扒好碎，唔可以用塊嚟形容，應該要用粒，從來都冇食過一粒粒嘅豬扒。其他餸都普普通通。個人覺得油麵偏硬，可以腍番少少。另外個沙嗲醬佢用匙羹裝住，就咁食就偏鹹，但撈埋落湯度又唔覺有味，呢個可能要諗下個沙嗲沖係以咩形式嚟上。仲有就係凍檸茶茶底唔夠濃，滿足唔到檸檬茶癮。整體嚟講，喺銅鑼灣用呢個價錢可以搞掂一餐不能要求太高。都可以係填飽肚嘅選擇。

之前一直都鍾意食麵檔覺得料有多選擇，質素又幾好 但最近食左2次都大失所望🫠🫠🫠湯底已經加腩汁，湯底色水好夠，但淡而冇味😵😵 以前都唔係咁炸豬扒腍啤啤👎🏻👎🏻牛腩仲要加3蚊，但非常乾，唔好食👎🏻👎🏻炸魚皮、貢丸、魚肉春卷都仲ok ，因為都係外購haha 🤪最近的第1次：魚肉春卷、炸魚皮、炸豬扒湯米粉 $46最近的第二次：牛腩、豬手、豬大腸湯米粉 & 貢丸、魚肉春卷、炸魚皮湯米粉唔會太想再食了，同區有其他更好的車仔麵啦

黎到銅鑼灣呢間走港式懷舊風既車仔麵店滿足下個胃😎 呢度好似拉麵咁係紙度揀曬自己想要既配搭再俾店員就可以嫁喇, 你要既麵5分鐘以內會送到😚1️⃣三餸$46/ 四餸$54/ 五餸$60/ 每款$102️⃣麵底: 米線3️⃣揀餸: 大排檔黃沙豬膶/ 自家製韮菜餃/ 香辣豬紅/ 魚皮餃4️⃣加汁: 秘製辣醬湯底本身甜甜地, 佢地個秘製辣醬辣得好惹味, 係流鼻水既程度, 餸既份量都幾多, 豬膶好彈牙爽口, 韮菜餃好香餡料好足, 米線煮到軟硬度剛好係爽口果隻😎 佢地既餸係勁多選題, 款款都好吸引🤩雖然係食車仔麵, 但係乾淨舒服, 多人既時候要搭枱, 最欣賞係會有生菜配搭, 仲有擺係枱面既菜脯甜甜辣辣都好好食x 一定會再黎幫襯, 性價比高😋

最近搬到銅鑼灣時代廣場附近工作，開始問下朋友介紹午餐好去處，有朋友介紹我黎呢間麵檔食車仔麵。今日叫個三餸，一向鐘意食內臟，見到車仔麵少有嘅黄沙豬潤，五香牛肺，梗係叫來試，另外叫左朋友話好食嘅酸甜齋。上枱份量幾大，我已經叫扣底，最後都食唔晒啲米粉😅 先講湯底，好傳統嘅車仔麵湯，唔太濃，帶甜，不過本人就唔係好好甜口湯底，不過揀左混醬，叫做咸返少少我可以接受。黄沙豬潤煮得好嫩，火候控制得好好，可惜有少少𥻗…唔知係咪洗切處理得唔夠導致。牛肺大大舊，少少五香味，不過口感太實，唔夠軟熟。酸甜齋係好味嘅，但如果有美味齋揀就更夾味。整體味道可以，價錢合理，乾淨舒適，可作為以後午餐其中一個選擇👍🏻加分點: 有配生菜🤣營養均衡👍🏻

三餸只要$42!!! 估唔到時代廣場隔離都有平價抵食車仔麵，cp值其實好高，不過蚊蟲有啲多。*鹵水孖筋 + 清湯蘿白 + 糖心鹵水蛋 $42米線 + 腩汁 + 自家製沙嗲醬牛筋有三四塊，軟軟糯糯，滷得入味。蘿白清甜但略為有少許渣。糖心蛋做到完美流心蛋黃，但滷水只有豉油鹹香。米線好索湯，沙嗲醬份量少，單食好惹味，一撈開就食唔到沙嗲味🥲朋友叫咗南乳豬手、酸甜齋，豬手軟糯但膠質未算多，酸甜齋甜味多啲，因為兩者都甜底，令湯底變甜。

位於時代廣場對面可以食到$46起既車仔麵真心抵食，不過建議大家12點頭要到先可以避開條人龍🙈Momo同Boo分別試左一個粗麵同一個幼麵🍜前者較掛汁，後者就爽口啲🤗餸方面甜酸齋好大塊🥰超掛湯但可以更酸😛炸廚師腸聽落幾特別🤣食落正常發揮☺️韮菜餃🥟皮比較厚🤔牛丸牛味幾濃而且質感彈牙😍👍🏻鹵水孖筋超入味，可惜豬紅有點失色🥺下次要再試下其他餸先😛Momo&Boo指數 (5分最高)⁣⁣⁣⁣⁣味道: 😋😋⁣⁣😋⁣價錢: 💰環境: 🤩🤩🤩性價比:👍🏻👍🏻👍🏻👍🏻

最近想食平啲就同朋友黎左呢度食車仔麵，三餸麵都不過$46，簡直窮人恩物。而且款式都好多，除咗常見嘅豬紅蘿蔔、牛雜雞翼之外，仲有豬潤、牛孖筋、鮑汁雞腳等等。三餸麵叫左五香牛肚、蠔油花菇同香辣豬紅😬牛肚炆得好淋，有成5、6塊，而蠔油花菇同香辣豬紅都超級入味，麵底揀左粗麵，呢度既菜脯都幾好食，勁快就清晒成碗麵。朋友就話爆汁牛丸同豬手都好好味，雖然份量唔係話好多，但因為夠平可以試多幾個餸，如果怕肥仲可以叫菜底，糧尾可以再黎食過👍

之前叫外賣都覺得好好食 湯底好味 豬扒好食但最近叫咗幾次都好難食豬扒硬無味道，五香牛腩好硬咬唔開味道不如前，咖啡淡到好似水諗住可能忙得滯先咁差，第四次都依然係咁失望 ！！！！！！！！！！！！！！！！

第一次吃我覺得幾好吃 所以之後都有keep住嗌但唔知點解呢幾次嗌 水平差左好多d肉咬唔開 咖啡好淡 好似水咁⋯🥲希望下次吃可以變返之前咁 咁好吃 加油💪☺️☺️☺️☺️

was walking around CWB and made this discovery. The soup base is nice and strong, not like many shops which just added salt into watered down soup. The 4 dishes chosen, all yummy. Drank most of the soup base since it's so good, and, no thirsty side-effect, which is a good sign, no/not much MSG added. Iced lemon tea, made the way I like, not too strong and very refreshing. And, for those weight conscious or low carb eaters, can choose veg over noodles. Worth it, absolutely worth it