麵尊

營業中

休息中

銅鑼灣有幾間好食嘅車仔麵可以選擇，我個人至愛就係麵尊雖然每次嚟到都要排隊，但你食過之後下一次一定甘心樂意再排🥢我揀咗三餸米粉 + 菜（$66）食車仔麵就要點喺屋企煮唔到嘅餸，豬大腸必試，非常入味又乾淨😋 牛腩都好淋，唔黐牙🤓 咖哩魷魚爽口彈牙😛 朋友點咗蘿蔔，試食一舊，係勁甜！有入口即溶嘅感覺，推介👏🏻話說我都幾喜歡食麻辣，而佢個麻辣醬雖然得一少匙，但你只要每啖放1-2mm 咁細粒就可以帶出好香嘅麻辣味，滿足☺️

💭平時食開上環麵尊，銅鑼灣分店反而未試過，呢日口痕就去排隊食啦，一如既往既好味😋我覺得呢間車仔麵個湯底夠甜味道好足！係呢度食d 要時間入味既餸係點都唔會失望架👍🏻🌸豬頸肉 豬大腸 冬菇 米粉 HKD 40豬大腸同冬菇係我每次食麵尊必點既兩個餸！因為豬大腸同冬菇都煮得好入味🔥每次食都會覺得好滿足！豬頸肉都係必點之一，啖啖肉又唔會覺得鞋口！記得記得要加咖哩辣，惹味好多！食車仔麵個人會減米粉，唔會un 胃之餘米粉又細到d 湯汁👍🏻👍🏻😋🌸咖喱魷魚 紫菜 魚皮餃 粗麵 HKD 40咖哩魷魚都係其中一樣必點既餸！每件魷魚大細切到剛剛好！紫菜同魚皮餃係比較common 既車仔麵之選，加落碗車仔麵都係無得輸😋😋😋喜歡飽肚感既朋友可以揀粗麵😽因為揀粗麵好頂飽😄

銅鑼灣高級餐廳有好多，但有時想食本地食品，車仔麵係我嘅不二之選。之前已經食過麵尊嘅車仔麵，我特別鍾意佢哋嘅咖喱湯底，原來佢哋連咖喱醬同麻辣醬都有賣💓麵尊嘅自家製醬都係新鮮製造，無添加防腐劑，想買都要睇吓啱唔啱時機，我都預訂左幾日先有貨⭐️銷魂咖喱醬一打開已經好香咖喱味，老闆提我一定要撈勻先用，撈好之後肉眼已經見到好足料，煮完麵加半湯匙落湯底已經好惹味，係香辣咖喱奪魄麻辣醬啱晒鍾意食辣嘅朋友，芯爸基本上每一餐都會辣椒油送飯，呢隻麻辣醬唔使用好多，已經可以將餸菜昇華，如果打邊爐加少少落去做湯底都好好食溫馨提示，開封之後嘅醬都需要擺落雪櫃冷藏，存放一年都可以🥰

好幾次路過都見大排長龍，今日見條隊尾比較短，等左15分鐘就入座，叫左個大尊面+熱奶茶，總消費62元。比起斜對面角落個間車仔面老店，配料味道各有千秋唔算突出，但計份量，麻辣醬料及湯底則麵尊取勝。原諒我沒有食物照，因為味道中規中矩，個碗底照才是重點。簡單講係配料各款食起來都有其自身的味道，然後放埋一齊咁lor，我意見係以前小儀主理（唔係而家美心管理）的‘’麵麵掂‘及’深水埗一條街有幾間舖位的車仔麵更好食。水吧。。差，奶茶完全唔掂。。我飲唔到一半要放棄。。。但我最想提出係，唔該換晒堆甩膠的麵碗，由相片可看得出，湯底顏色入晒碗底，碗內花紋都甩緊，因為差不多食完，飲左少許湯底才見到碗邊，已經來不及了，好難唔令人覺得食左唔少膠顏料。。。其實正常在家中用碗用到咁，都一早會掉左去唔用啦，點解作為一間餐廳，都唔去選用點好材質的，甚至辛苦少少改用瓷器，寧願拿上手重身點或洗碗個位‘’鏡錫D‘‘’’都唔好咁樣俾人見到個碗咁肉酸。

登龍街出名多正嘢食今日做完facial，係附近食個tea麵尊難得唔洗排隊緊係要食啦！！！麵尊真係咁多年都keep住高人氣，3點去到下午茶時間都差不多滿坐，好彩一個人易有位叫咗米粉加4個餸時菜、紅腸、雞中翼、豬頸肉 相比起其他車仔麵檔，每款餸嘅份量都幾多豬頸肉同紅腸都各有4、5塊👍🏻👍🏻👍🏻生菜 燙嘅時間啱啱好，顏色都睇得出好翠綠，好爽口 咬落去索索聲 雞翼 滷水滷嘅時間夠，入味，無雪味，骨肉易咬分離豬頸肉 都係滷水味，入味，肥瘦參半湯底加咗腩汁，唔會太咸，配米粉啱啱好！聽到隔離枱話麻辣幾好，下次試下麻辣先😆🥤凍檸茶 糖水一樽自己加檸檬夠曬多！只收現金 記得撳定錢先去食呀！

係timesquare後巷,全條街最多人排隊,所以試試🚶🏻‍♀️🚶🏻‍♂️🚶🏻‍♂️正常嘅車仔麵價錢, 中規中矩但要最低消費$40起/每人第一碗:,♥️豬紅- 正常🐽豬大腸- 幾好喎, 佢會挑走晒啲肥膏🍗雞翼- 好入味, 啲骨係一lun就出晒嚟嗰啲🍜油面- 正常第二碗:🥕白蘿蔔- 冇絲, 好甜🦑咖哩魷魚- jeng必叫🐽豬大腸🍜米線- 正常個湯底都好飲嘅夠濃入味加埋嘢飲一人$5x埋單但個人認為不值得一排建議人少少非繁忙時候先去食

朋友介紹銅鑼灣有間食沙嗲湯底好出名既車仔麵店叫麵尊佢哋出左奪魄麻辣醬同埋銷魂咖喱醬，係麵尊外賣左罐奪魄麻辣醬，可以係屋企用作湯底或者調味都一樣Very Good! 奪魄麻辣醬用料夠足 花椒八角蒜頭味炒得好香 食魚蛋燒賣點醬又幾過癮🥳 最開心係不含防腐劑同人造色素 更加可以放心食喇！

Openrice頭幾名既車仔麵，見出名咪試吓先。7點去到等左5分鐘就有位，入邊坐得比較迫夾。同隔離痴得好埋，講嘢要細細聲，唔係好舒服。講返碗麵，叫咗咖喱牛柏葉、紫菜、魚皮餃、米線加咖喱醬 2.5/5辣係幾夠辣，食到我唔敢狼吞虎嚥，驚濁親。但係唔可以用一個出色嘅車仔麵來形容，牛柏葉比較靭，魚皮餃比較細粒，米線比較林。另外一碗麵，咖喱魷魚、墨魚丸、豬皮、伊麵加腩汁 3/5咖喱魷魚都爽口，墨魚丸鬆散唔結實，其他正常。地點：登龍街出名多嘢食，除咗有車仔麵，仲有泰國菜居酒屋等等，相信平日午餐時間一定好多打工仔都去食。環境：同隔籬枱好近，大家都要壓低把聲講嘢，仲要嗱嗱聲食完即刻走，坐得唔舒服唔自在。價錢:$40一碗三餸車仔麵，平係幾平，所以都唔會有太多要求了，但係值唔值得再嚟，就真係唔會再返轉頭，唔係好明白點解會咁多人鍾意食。服務:店員表示唔夠辣可以加辣，其他正常，暫時只收現金。

蘿蔔：食車仔麵我最喜歡吃蘿蔔，這間餐廳做得非常出色，入口即溶，完全沒有根，大大件，吸滿湯汁非常入味。酸齋：意想不到車仔麵竟然可以配搭酸齋，酸酸甜甜幾開胃，與車仔麵沒有違和感，好感有點像魚腐，同樣是很給湯汁的。腩汁湯底：很香濃，不是隨便的味精，加上咖喱辣，整個味道很好很有質素，不是簡單的車仔麵。咖喱辣：比想像中辣，吃得辣的朋友一定要試試，很過癮又很惹味。雞中翼：多肉飽滿，有點像滷水雞翼，本身已經烹調過，入了味，不肥膩。

如果話車仔麵係香港飲食文化既精髓，我相信並唔過份。而麵尊係車仔麵界泥講，可以話係我心目中既top5。👍🏻👍🏻👍🏻所以今次又泥『啪』番碗車仔麵先。無錯，係『啪』。因為你就係要嗱嗱聲食完，之後讓番個位出泥比佢入其他客。雖然係咁趕時間，但我依然享受，因為佢碗麵真係出色。😋😋我有選擇困難症，所以咪埋眼就揀左『大尊』要油麵，腩汁，同埋最緊要既多蔥。等左無耐，野食就上枱喇。🍜首先最吸引我既係個湯底，果種深色同質感，一睇就知唔簡單，加埋蔥飲一啖，真係唔講得笑。至於啲餸，豬紅，豬皮，魚蛋，紅腸，簡單既食材，但都絕對唔馬虎。我特別欣賞既係果兩舊蘿蔔，無渣之餘仲好甜。所以話，難怪呢間麵尊成日都大排長龍。

平時食開嗰間車仔面，今晚冇開，轉咗去同一條街嘅面尊。呢間車仔面，平時都好長龍，今晚條龍短咗，即管去試吓。我哋分別叫咗兩碗。一碗四餸一面，另一碗五餸（菜底）。分別有酸齋、魚蛋、豬皮、豬紅、魷魚、牛腩、蘿蔔幾樣嘢。去到邊都要試吓。個酸齋，間間啲自家制都唔同，呢個整法酸甜適中，有口感唔會煮得太爛。一份酸齋有三四舊，可以接受。魷魚都整得幾好，微辣，彈牙，唔會過熟就變硬。魚蛋味道偏淡，冇乜魚味。豬皮剪得太碎。整體都幾好，平平哋又可以食得好豐富。多人排隊都值得等吓。下次會再幫襯。

銅鑼灣最好食嘅車仔麵之一👍🏼👍🏼每次經過都勁多人排隊，因為佢真係又平又靚又正🤩🤩車仔麵嘅餸選擇唔算話好多，但好野貴精不貴多，自己最鍾意食炸魚皮，因為點埋佢個特色湯底真心一流！😋😋佢個辣醬都好過癮！🔥🔥唔會話好辣，但有幾刺激😳豬頸肉又係不得不叫，份量多！🧐美味齋口感介乎魚腐同豆卜中間，中意呢類型食物嘅唔好錯過😌麵底推介油麵同伊麵！唔會太淋😎左叫右叫埋單都係50一個人抵到爛！

成日經過登龍街都會見到車仔麵舖有一條長長嘅人龍，真係好好奇點解車仔麵都會係排長龍去食，於是我哋又真係走去排下，雖然唔係等咗好耐，其實都係等咗10分鐘左右就有位，點單都係畫圈圏非常之清晰，有晒價錢，有晒配料，唔會食完都唔知自己俾幾多錢。既然車仔麵都要排長龍，一坐低我哋決定叫個四餸車仔麵，分別嗌咗腸仔，牛柏葉，魚蛋，油面。牛柏葉非常之爽脆，仲可以吸晒佢腩汁嘅精華，腸仔魚蛋就不過不失，但係墨魚丸係好香墨魚味，仲好彈牙添。另一碗就嗌咗紅腸雞翼麻辣腩汁湯底，雞翼唔係BB size，係大隻size，食兩隻都覺得好飽，至於個麻辣湯底真係非常之難忘，佢唔會非常之搶口，但係好香辛麻味。最後忍唔住嗌多份豬頸肉，豬頸肉個汁係甜甜地，好大份，亦都好嫩滑。終於明白點解咁多人排隊，如果下次要排，都真係好值排。

如果想快靚正食嘢，車仔麵，係唔錯嘅選擇，要高質少少，又或者穩陣啲，麵尊就岩晒😎😎如果諗唔到食乜嘢，經過麵尊，門口冇人排隊嘅話，我就會入去食。佢哋嘅食物都唔錯，環境又比一般車仔麵乾淨整潔。但有時繁忙時間，排隊就耐少少。補充鐵質之選：紫菜，豬紅，五香牛腩🤔紫菜幾爽口，份量都幾多，配河粉幾好食。豬紅份量都多。不過今次五香牛腩味道就比較淡，一樣冇乜肥膏，非常推薦！湯底方面，今次淨係揀咗咖喱辣，冇揀到麻辣，個湯比較甜，都幾好飲。

今晚開飯舀定一匙羹出黎試試，一開蓋係濃烈嘅咖哩味，但佢係香果隻濃，唔係攻鼻果隻。我老公本身食開辣，大大pat 就舀落碗飯到，我即刻問佢咩感覺，佢話：好食。一個平時對任何事都冷感嘅人，吐出衣2個字，頓時覺得好有說明力！於是乎我都唔執輸，加咗少少落白飯然後一大啖放落口，同一時間，我老公吞完果啖正嘢，接住話：不過好辣。...太遲。我接收到衣個信息嘅瞬間，強烈嘅辣味湧緊出黎，係我食過最辣嘅咖哩🔥神奇嘅係，最後我total 添咗3次。入口少少咸味，2~3秒之後條脷開始滾，好快接住落黎係好香濃嘅咖哩味！同埋有別於我平時食完辣會冇哂胃口嘅感覺，今次我條脷竟然keep 住有知覺，而且完全唔需要不停灌水沖淡，所以覺得超辣嘅我，添咗3次。又係果句，自家製造本身已經夠誠意，仲要香港製造，攞滿分！有機會我一定要去食佢個車仔麵！