影片
更多
2022-10-11
174 瀏覽
Openrice頭幾名既車仔麵，見出名咪試吓先。7點去到等左5分鐘就有位，入邊坐得比較迫夾。同隔離痴得好埋，講嘢要細細聲，唔係好舒服。講返碗麵，叫咗咖喱牛柏葉、紫菜、魚皮餃、米線加咖喱醬 2.5/5辣係幾夠辣，食到我唔敢狼吞虎嚥，驚濁親。但係唔可以用一個出色嘅車仔麵來形容，牛柏葉比較靭，魚皮餃比較細粒，米線比較林。另外一碗麵，咖喱魷魚、墨魚丸、豬皮、伊麵加腩汁 3/5咖喱魷魚都爽口，墨魚丸鬆散唔結實，其他正常。地點：登龍街出名多嘢食，除咗有車仔麵，仲有泰國菜居酒屋等等，相信平日午餐時間一定好多打工仔都去食。環境：同隔籬枱好近，大家都要壓低把聲講嘢，仲要嗱嗱聲食完即刻走，坐得唔舒服唔自在。價錢:$40一碗三餸車仔麵，平係幾平，所以都唔會有太多要求了，但係值唔值得再嚟，就真係唔會再返轉頭，唔係好明白點解會咁多人鍾意食。服務:店員表示唔夠辣可以加辣，其他正常，暫時只收現金。
講返碗麵，叫咗咖喱牛柏葉、紫菜、魚皮餃、米線加咖喱醬 2.5/5
辣係幾夠辣，食到我唔敢狼吞虎嚥，驚濁親。但係唔可以用一個出色嘅車仔麵來形容，牛柏葉比較靭，魚皮餃比較細粒，米線比較林。
另外一碗麵，咖喱魷魚、墨魚丸、豬皮、伊麵加腩汁 3/5
咖喱魷魚都爽口，墨魚丸鬆散唔結實，其他正常。
地點：
登龍街出名多嘢食，除咗有車仔麵，仲有泰國菜居酒屋等等，相信平日午餐時間一定好多打工仔都去食。
環境：
同隔籬枱好近，大家都要壓低把聲講嘢，仲要嗱嗱聲食完即刻走，坐得唔舒服唔自在。
價錢:
$40一碗三餸車仔麵，平係幾平，所以都唔會有太多要求了，但係值唔值得再嚟，就真係唔會再返轉頭，唔係好明白點解會咁多人鍾意食。
服務:
店員表示唔夠辣可以加辣，其他正常，暫時只收現金。
張貼
