麵家山下 (已搬遷) 新店位置

住係附近 而且之前聽過麵家山下後面段故一路好想試 終於去試左一去到真係成陣隱世地道日本小拉麵店味道好有特色呀！成間舖頭細細間分兩層唔係繁忙時間 2點左右 都等左10幾分鐘先有得坐講番碗麵🍜嗌左黑蒜湯底既叉燒拉麵($68) 唔會齋得個蒜味 但好濃味好好味叉燒唔係好多塊 但舊舊都半肥瘦 正另外嗌左醬油拉麵 比叉燒拉麵好似少左2、3塊叉燒醬油湯底相對淡味好多 不過豬骨味都濃忍唔住飲哂成碗湯加左$10要隻溏心蛋對於蛋控既我真係心心眼食完個陣聽到沾麵已經沽清應該又係好好味 下次再試下！估唔到係上水既巷仔都食到日本既感覺 呀

星期日晚上7點半 黎到上水搵食之前好似上網見到有人話上水有間拉麵都好食一search openrice就見到呢間一於黎試試地鋪落order上樓有位食一上到去個環境都幾特別有種日本得黎又有家既窩居感覺等左15分鐘有得食味增拉麵好好食 好夠味 又唔油黑蒜拉麵略嫌太油 叉燒既份量都唔少但油脂比較多下次再黎會encore味增拉麵$10一杯乳酸飲品係淡味既益力多 可以唔飲～值得一提既係估唔到加蛋係加一份就有兩隻蛋下次黎加一份蛋同人share就夠

晏晝搵麵食來到呢間家庭式拉麵店拉麵店，首先係樓下order嘢食，然後上樓上坐，樓上環境好有日本小店嘅感覺，有日本嘅poster, 六七張枱，大約可以坐到20人左右，我哋下午兩點嚟到大約有十幾人，等左10分鐘左右，嘢食就到啦，有一個日本人送餐，我哋分別每人叫咗拉麵DX 同 特盛拉麵。 拉麵DX有兩隻溫泉蛋啱晒鍾意食蛋嘅我 麵質軟硬適中但湯底不是很濃，特盛拉麵份量較多比較啱男仔食多啲,鹽味雞翼超正，食落好crispy 而唔太油👍🏻👍🏻

講起拉麵, 通常都會想起一蘭, 豚王這些大店，若非居於上水的朋友推介, 實在不可能知道這裡會有一間好吃又有名氣的拉麵店這次選餐單推介的拉麵DX這款拉麵採用較硬身的麵, 食落去很有嚼勁, 不是淋軟軟的叉燒用上半肥瘦, 油脂分佈很平均, 吃上去有層次湯底很濃郁, 不過如果吃開清淡的, 可能會覺得有點咸不過這碗麵用料十足, 有2顆糖心蛋, 可以把油膩的感覺消除

成日幫襯呢間拉麵店！仲要介紹過唔少人黎食⋯由佢一間食到變2間⋯好食既程度可想而知，仲新出椒鹽雞翼（好重胡椒味⋯唔推介） 辛辣湯底由微辣到而家真係有辣度～所以唔多講⋯但今日去真係令我好失望好失望⋯唔知係果個阿姐 心情係咪唔好⋯首先一上去同枱有人走，個阿姐黎收碗順手收埋我地張飛仔，我地出聲佢仲要話我地做咩放係枱⋯無啦啦比佢話，杯一早到既啤酒擺到明係啱啱倒，又懶係好咁問：咁呢杯係咪你地架？再黎見佢投訴一個幾好禮貌既侍應哥哥仔，事源果個侍應哥哥以為有2個女仔只係得2人，叫咗佢地去2人枱，話有人等緊3人，果2個女仔又唔出聲，等果個阿姐上咗黎，先出聲坐返去3人位果邊，日本老闆娘上到黎，阿姐就疑似投訴話「人地3個人，果個男仔叫人地坐去2人位」，唔知係咪新入職先唔講名啦吓～個姐姐黎咗之後，都有幾個新面孔但都做唔長既～我地食野都食得好快～飲剩杯啤酒，諗住坐幾分鐘抖吓，點知個阿姐走黎叫我地走，有人等緊仲話煮咗麵𣺉咗就唔好！喂你一早同我講限時呀嘛⋯⋯仲衰過去「學校食物」，成段都唔夠60分鐘呀！真係唔該曬！個語氣仲要唔係問你可唔可以幫幫手，係通知你走，轉頭直接叫人上黎呀！我真係第一次遇！平時食飯其實見多人等或

麵家山下!有可能係上水難得一見的好店子!江湖傳聞日本人開既，不過要去食，並唔係咁易，先要排除萬難越過水X客，起勢咁閃避，同時考驗EQ唔同人口角，才可達到此店，果然食好野要付出! 環境:簡陋的同時有種和風味道。 食物:拉麵DX!用75可以有咁多材料?!?!?!?講梗係有2隻糖心蛋，4片日式叉燒既豬骨拉麵，豬骨味濃拉麵爽彈，糖心蛋啪落去蛋黃味香溢好食，日式叉燒，薄既，好食又夠飽。

日本拉麵近幾年在香港捲起的旋風似乎從沒有停下來，每隔一段短時間，總會新的拉麵店加入戰場，當中有本地薑、也有日本人氣過江龍連鎖店，全部標榜正宗日本地道口味之餘，亦各有特色。尤其是日本過江龍，更加來自日本不同縣市，風味各異；某間你認為是香港 No. 1 的拉麵店，其他人可能會不屑一顧。講起本地薑日本拉麵店，相信大部份人心目中首屈一指的應該都是開業超過六年的「豚王」，香港這股日本拉麵旋風其實某程度上也是由「豚王」帶起來。至於其他日本過江龍如「一風堂」、「麵屋武藏」、「一蘭」等等，有些是日本總店直營，有些則是海外專營權或加盟店，到底是那一種類，相信只有店舖老闆才真正知道實際情況，一般小市民根本難以知悉。無論是哪一種營運方式的日本過江龍拉麵店，始終擺脫不了連鎖店的模式，味道及賣相皆有統一規格，雖然給予客人非常專業的感覺及一份信心，但偏偏就是缺少了小店的一份溫馨及親切。這一日因為工作關係來到上水，一個幾年前曾經成為香港人茶餘飯後討論的地方及港聞的焦點：水貨客集散區。雖然近兩年因為政府的干預措施，水貨活動已經有所收斂，但上水街頭依然充滿藥房、普通話始起不絕、旅行拖喼繼續周圍轆！因利乘便，決定一訪曾經

一心諗住試食 因為本人係麵控叫前叉燒拉麵加蛋 再叫多個炸蠔湯底算淡 未去到好濃蛋唔夠流心 都唔夠入味不過叉燒有驚喜 叉燒個面再燒過 所以比平時d叉燒多左d 炙燒既味道拉麵係黃色個種 我就中意食白色個種 所以有d扣分炸蠔唔錯 好新鮮 大隻多汁

呢間日本拉麵店係初初來粉嶺區工作，同事已經推介，可惜一直因為門口無得泊車嘅關係無緣，今日終於唔使泊車而食到，只係好細間，左右都係水客店，堆滿人及貨物，去到門口，有個後生男仔店員招呼，佢話唔怕熱可以坐樓下（面壁位，可以睇到師傅煮麵）當然唔制，上樓上雅座，不過條件係無提供水（水只在樓下，要就自己落樓斟，而且先要落單比錢！食品選擇唔多，分別只在份量同餸菜多少！比晒錢上樓上坐，樓上裝修簡單，牆壁上有日本人畫及明星簽名！之後男店員會攞食物上來！叉燒拉麵($68)湯底好漿口，起晒膠質感，豬骨味濃！滑身麵彈牙！加上爽脆青蔥芽菜增加香味，叉燒好多塊，唔係捲起再切嘅腩肉，係一塊五花腩切片，近肥膏部分瘦肉滑，底部瘦肉就硬！肉味濃！好味！味附雞蛋（$10）蛋白剛熟，幾彈牙，蛋黃流心，蛋味濃厚，不過醬油味唔夠入味！乳酸飲品（$10）高身杯，乳酸唔夠凍，味道其實幾怪！酸酸地解膩一流！店員一個，唔多出聲，辛苦見佢上上落落！態度唔算積極！正正常常咁上水區難得好味嘅拉麵！

上水有咩好食？openrice睇完之後，最後食麵家山下，聽聞真係日本人開架喎，照住地址搵搵左好耐，原來係d類似後巷既地方，周邊都好多垃圾..都幾污糟，店舖有隻可愛既狗狗~客人要先係地面order食物，再上1樓坐，但1樓好細，只有3，4張枱，我都等左一陣先有位~我order左拉麵XD，75蚊，等左15分鐘就有得食啦！原來個麵有2隻蛋，好飽呀！蛋係溫泉feel既蛋，咬開一半會有流心蛋漿。叉燒係日本隻叉燒，軟軟地，薄薄地，吸收晒拉麵個湯底！湯底唔算濃，少少咸，麵質似日本拉麵，真係日本食到既拉麵質地，煙un，軟硬適中。小食我叫左芝士餅，20蚊2件，都算貴，因為都唔係太大件，芝士都多，味極濃，有d膩....其實除左門口個環境之外，其他野都OK，店主都識講廣東話，落單無難度~

話說今日與友人五點已經到達店面,才發現店舖落場六點才開,於是我們在附近閒逛.這間店雖然不起眼，但居然很旺喔。我們六點準時回到店面職員已經把餐牌拿出來。我們點好餐就由旁邊小樓梯上樓上。樓上燈光很黃很暖，佈局很有格調，牆壁上都黏著日式海報。好快碗野就上左，好香。第一淡梗係試下個叉燒啦，喔，我果碗係DX ，簡直係大滿足，不過兩粒蛋未算十分滿分，下次選普通叉燒碗就好啦。叉燒的做法很出乎意料，煮好的叉燒還用火辣過，有微微的焦味!! 拉麵也是很易入口，不像平時在某連鎖拉麵店的那種喔，沒有雜質味或苦味。最後我連湯底都飲埋。飽到ㄒㄧㄥ唔到，滿足!!!!!

麵家山下以老火豬骨湯聞名的山下，現已有兩間分店，上水店為總店。拉麵店分小兩個營業時段，分別為下午12-4和6-9。TastyBuddy曾兩次食閉門羹，所以出門前必須打探清楚店舖是否營業。麵家山下不在大街，因此需要仔細留意街道名稱。與傳統日本拉麵店一樣，店前都有一條長長的人龍，大概這就是品嚐美食的代價。拉麵的配料不多，只有溫泉蛋和叉燒等，食客可因應自己的喜好和胃口選擇配料。湯底比較油，但不算咸，食完都不會口渴。其他拉面店的辣湯拉麵都是紅色，但這家拉麵的湯只會加上辣椒作辣味，感覺比其他拉麵店天然。麵質夠硬，符合TastyBuddy對拉麵的要求，儘管拉麵在湯內浸泡一段時間，麵質都不會發漲和變軟。由於味道好食，特此送上空碗一個，以示證明。

一想到黎氣氛好恐怖。但系感覺唔錯。食既野到拉！好香！第一淡飲湯！不錯！但只係第一淡囉但啲面就差左啲！比我想像中差滴章魚丸唔好吃咁多野係個叉燒好食！！！冇拉滴湯偏咸。。。

這是一個34°C 的夏日在門口落單付款後，便由山下而上進入神秘麵店傳說中由日本人煮的拉麵，是多麼的令人祈待找到座位，等了15分鐘，它...終於來了兩隻內冷外熱的溫泉蛋，一口咬落去，蛋白和蛋黃在口腔內四濺再加上那薄切的叉燒，很白、很滑。那入口即溶的感覺，令人一試難忘最後，那原汁原味無味精的湯底直沖入身體，與血汗交纏，融為一體(好喇好喇.... 簡單講句，湯多o左少少油、叉燒真係肥o左o的。個麵有少少少少硬但係真係好味。喂!仲有可樂十蚊罐呀! 只收現金。)

店舖位置好找，設有樓上雅座，十分舒適。鋪頭採用先付錢再下單的方式，轉頭會有職員送上拉麵。筆者是次點了特盛拉麵DX，黑蒜湯底。且看$75元的價錢看看什麼味道，是否抵食。黑蒜湯底味濃，不會太味精，湯頭濃郁滑口，但可以再清一點。拉麵份量多，麵條質感較硬及彈口。麵內有兩隻溏心蛋十分驚喜。蛋白部份較厚，蛋黃未至於很流心，但蛋味較重，不失為好的溏心蛋。叉燒半肥瘦，入口酥化，以火槍灼燒，表皮焦脆。叉燒厚切，咬下有口感，份量也較其他拉麵店大方，更顯出其十分抵食。在上水，$75元的價錢能吃到這種質素日本拉麵，十分難得。所謂一分錢，一分貨，食客也不能要求太多。若一時起拉麵癮，此店可以說是區內首選！