麵家山下 (已搬遷) 新店位置

間中都會掛住嘅食店，逢星期六日都逼爆人，晚上好早就關店，所以最好係平日嚟食。門口係街市/水貨店旁的隱世麵店，勝在人均消費比茶餐廳貴一截，未被國內同胞攻陷。哩到係先點餐付款，再坐低等樓上係用餐地方，地方簡潔，以摺枱圓櫈為主，牆上有多幅日本poster，最特別係有圖書玩具，相信係東主小朋友嘅天地。今日三人食，約十分鐘就有老闆娘親自送上。2碗DX,1碗standard的拉麵麵質係偏爽嘅小曲麵，叉燒半肥瘦，即叫嘅燒帶焦香(係哩間店嘅特色）DX會有多D叉燒，仲有2隻流心蛋，份量更大湯頭係溫和嘅豬骨湯，可選醬油，黑蒜，味噌同辣味。本人最愛係味噌，因為可將味道提升，配搭麵食最正，喜歡辣可以加七味粉。

店系開系後巷的，因人多，就坐系出面嘅位置，還可以順便欣賞師傅在煮麵。點咗叉燒拉麵，叉燒系薄切的，雖然無滿滿的口感，但食落好鬆化，唔韌。麵就一般啦，中規中矩。湯底雖不驚艷，但食完唔會好口乾。

同朋友去呢到食, 都係一個幾不錯既聚腳點, 我地坐樓上, 人流唔多, 食飽留係到吹吹水, 唔錯!今次我地兩個食左最原始既叉燒拉麵, 老實講, d叉燒真係入口即溶, 第一口食落係有驚喜! 可以同日本既質素睇齊(剩係叉燒) 不過我個人覺得d湯比較油, 同埋太過濃味. 總括, 我都覺得成碗麵係好味!!!因為d叉燒分數太高了!

拉麵($60)+蛋($10)，揀選黑蒜湯底（仲有其他選擇，例如辛辣同醬油等等）味道：豬骨湯底唔夠濃，黑蒜油淡淡地；蛋係半生的，我個人覺得可以再熟少少，不過都夠入味；麵條係黃色曲形拉麵，掛到湯但不是我杯茶（感覺黃色拉麵有淡淡梘水味道）；叉燒有稍稍燒過，呢個值得比like!環境：隔離舖係肉檔同水貨店，要先點餐後上一樓食，不過用餐環境好一般，衛生麻麻服務：不過不失，有隻鎮店小狗行黎歡迎你整體：有點期望過高，未必再來

第4，5次食。怕冇位。所以book位。幾好味。美中不足是我已第二次食到成一舊舊的义燒。我比較鐘意食一片片。嗰個一條型狀的燒餅不太好。conclusion我久唔久都會去食一碗。冬天食一碗超正。但有点貴

又落上水搵食了，之前聽過有間拉麵店非常出名，上開網一搵就搵到呢間"麵家山下"喇。餐廳位置比較隱蔽，夾雜於好多藥房中間，門面完全唔顯眼，唔係突登搵都未必見得到。餐廳分兩層，樓下門口有餐牌，等你揀好後落單俾錢，之後就上閣樓等佢送麵來。樓上大約二十個座位，牆上貼咗日式海報，佈置非常簡單。等咗大約五分鐘，拉麵就到了。今日點咗叉燒拉麵，先試啖湯底，豬骨湯香濃鮮甜，飲得出無落味精，拉麵唔會煮得太淋，食落爽口彈牙，叉燒夠入味，亦非常柔軟，配料有芽菜，紫菜及筍，當中筍片夠爽口好味。總括黎講，呢間小店由日本人親自打理，店舖雖然唔起眼，但拉麵風味十足，絕對值得支持。

我對呢間拉麵店嘅認識，源於日裔老闆娘大戰水貨客嘅新聞。確實呢度係上水區嘅一片清泉，餐廳外未夠一米就已經有幾堆水貨客係到將啲貨入箱，四周圍都係行李箱，一眼望曬都係藥房，唔係專燈搵根本唔會察覺到呢間喺藥房堆入面嘅小店。麵家山下嘅舖面唔大，總共有兩層，樓下係落單嘅地方同廚房重地，落完單就係樓下等侍應拎碗麵上嚟。今次叫咗碗「叉燒拉麵」配辛湯底，拉麵係幼身，硬度普通。配菜都係基本嘢包括荀，蔥，蛋，紫菜。根據餐廳所講，呢度嘅湯底用上海外嘅豬骨熬足十個鐘而成，絕無味精，果然湯底好清甜，唔鹹，豬骨味好濃郁但唔肥膩，不過我自己個人鐘意油膩啲嘅豬骨湯底。湯底嘅辛味好強烈，係我意想唔到嘅高調，有種香港人鐘意嘅潮州或桂林辣椒醬嘅味道，估計係為咗遷就香港人口味而設，不過味道係吸外，鐘意食辣嘅朋友會鐘意。呢碗麵嘅精華係塊叉燒！叉燒薄身呈上，非常柔軟腍滑，脂肪同瘦肉嘅比例平均，一咬肥肉就差不多入口即溶，而瘦肉部分並無起渣，而且非常入味！暫時係我食過最入味嘅拉麵叉燒！

對山下的認識，可說是因為水貨客對其影響的問題而認識，對佢哋既食品都無從稽考！ 我有幾次唔係遇著餐廳落場，就係打風過後未有開門等事而未有機會真正品嚐一下佢哋既拉麵。 今日終於有機會品嚐到佢哋既出品！ 其實佢哋門面一般，如果唔細心真係未必揾到，而且開在賣水貨淋立的地方真係好易錯過。要食拉麵，首先要去地下門口落單，選好才去樓上，水是要自己裝的，要特別留意！ 樓上環境一般，一路上去都見到裝飾比較多塵，儘管拉麵的確好食，也希望老闆可以多留意清潔！終於講到拉麵，拉麵湯好味，無味精的感覺，雖然有少少油，不過非常好味，最後我都飲晒d湯，麵硬度適中，有正常/ 粗兩種 , Dx份量足夠食量比較大的我！ 差燒肥肉雖多，值入口即溶，值得推介！ 價錢也非常合理！ 大家有機會真係要去試試！

店舖開在普通唐樓的樓上，樓梯感覺有點殘舊，裝修方面仍有改善的空間，我點了一碗豚骨拉麵，日本拉麵最重要是湯底，他是做得十分香濃，唔會有味精的感覺，麵質比較硬身，不過我本身都喜好較硬的。因此在食物方面我給予他們高度評價。

真有點不大容易找啊，星期六下午1時多、上水石湖墟真是人潮洶湧進店家坐下後、氣氛明顯不同了，悠悠閒閒的、涼涼的，大家輕輕與好友細談，將街上那刺熱的陽光忙亂完全影響不了我們款式選擇不多、我們外加了一客燒蠔 和大板燒串，兩款小食都有意外驚喜，讚讚熱乎乎的拉麵來了，賣相吸引、且份量很足啊麵質彈彈、媽媽叫了「素拉麵$75」，驚喜它的叉燒份量也不少啊我選了「拉麵DX$80」，叉燒有點肥、令湯面也有一層薄薄的油脂，視乎你是否介意啦⋯⋯最最最最驚喜的，是兩只蛋都是我深深深愛的流心蛋，完完全全無諗過，上水這小店家的拉麵如此足料美味一定要再來（星期一休息啊）

早幾日聽老公講我哋上水有間好食嘅日本拉麵店，今日就去試真假😜去到見門口侍應叫先點餐俾錢，跟住上樓上等候。樓上的空間好細，奇怪嘅係嗨客人幾乎坐滿之時，環境依然安靜，每個人都在細聲傾計等待食物的到來，真的好難得。食物好快就送到，飲湯，食麵，叉燒，蛋，逐一試過之後，覺得叉燒同蛋真係好好味😋有種似嗨大阪食一蘭拉麵嘅感覺，雖然D麵唔同🙊但店鋪外的環境真的讓人好難發現同容易錯過😞

潮流興講「隱世」依個term，但大部份個啲隱世小店都只係遠離市區少少，極其量只可以叫山卡拉小店。 😂😂 但今日依間小店真係可以隱藏係亂世之中，佢位於上水藥妝店林立既新康街.....既後面，如果唔係openrice，我都唔會知道依間舖，甚至跟住地圖行都miss左個路口.... 😫 由於間舖算係後欄位，夾係兩條大街中間，一眼望落個感覺都比較up dup 🙊 要先係下面廚房叫野食付款，再上樓上食。平時最驚啲樓上位有陣up味或者好焗，不過依度都無依啲問題，只係環境普普通通甘啦。餐牌有幾款拉麵選擇，因為叉燒拉麵($70)既叉燒份量會多啲，所以我叫左叉燒拉麵加蛋(+$10)，普通面配黑蒜湯底。野食黎到覺得個賣相都不錯! 一食落口即刻加翻哂啲分 😂 湯底好香濃又唔太油，明知唔健康都忍唔住飲幾啖 😋 最正當然係主角叉燒，又有豬肉香味仲有面頭輕輕燒過既炭燒味 😋😋 至於特登加錢都要食既雞蛋呢，我諗一睇相都唔洗我再解釋啦 😂😂 另外，同行朋友叫左醬油湯底幼麵，無試食不過目測都唔係話幼好多 😂 總括而言，我覺得依個都係一個會令人掛住既拉麵，而且相對其他拉麵店佢都比較平。如果有時一個人食，唔洗追求靚既環境同朋

麵家山下係上水算幾出名嘅拉麵店 於是搵日去食左個晚飯結論係如果你想食一碗值得回味再回頭食嘅麵 麵家山下可能滿足唔到你如果你想食一餐算好食又唔頹嘅晚餐嘅 麵家山下係你好好嘅選擇舖頭比較細 係上水舊墟嘅細巷入面 分左兩層 係樓下點菜比錢之後就可以上二樓等食店裡面幾乾淨幾靜 大概有二十個位左右 牆上貼有舊嘅日式海報 燈光有些許昏暗 有種舊區小店嘅味道上菜速度幾快 大概十分鐘我點嘅普通拉麵 醬油湯底就到左睇圖都見到叉燒偏瘦 冇咩特色麵係普通嘅拉麵 幾有彈性 但唔係太掛湯成碗拉麵最值得讚嘅就係個湯底 唔太濃 食落唔係味精味而係真係豬骨嘅味道 唔會好油膩 亦唔會好清淡係上水黎講 麵家山下嘅質素算唔錯 如果叉燒可以再改善一下相信成碗麵會更好味

再次到訪在上水的一個小日本角落難得在家附近找到一間有水平的拉麵店今次帶跟我一樣大愛日本的媽媽來到😍😊.排了一會兒隊日本人老闆娘亦親切為我們先落單再安排入座這裡的做法是跟日本傳統拉麵店一樣的都是在下單的時候先付錢再慢慢享用拉麵😛.今次被安排到樓上閣樓坐這裡的裝潢真的很日式💕令我與媽媽這一小時彷佛置身於日本一樣.由於是午餐時間 人流都不斷而且所有拉麵都是即叫即整😌所以我地都耐心等候.首先黎到嘅係即炸嘅小食炸蝦 ($22)炸物配蛋黃醬是很日式的吃法😋炸蝦端上時仍然熱騰騰 非常好味😚😚炸漿亦不會太厚👍🏿👍🏿蝦是很爽口的一種🦐 甚是滋味.媽媽叫嘅終於黎到拉麵DX ($80)叉燒較多的一種拉麵 而且附著兩隻溏心蛋先說湯底 豬骨湯底十分濃郁而叉燒是半肥瘦的一種 一口咬下油脂的油香從口中散開😚.我點的菜盛り拉麵 ($75)因為很喜歡吃菜的關係 有愛最愛的芽菜和椰菜 而且老闆絕不手軟菜疊得厚厚的😚而上面的蒜令拉麵更香😍媽媽最後還是把一隻溏心蛋讓給我蛋的生熟程度剛好😋蛋黃呈固態但仍有流心蛋漿 大愛❤️❤️.日式汽水味道沒有太大分別 都是只喝到汽水的味道😂這餐跟媽媽吃得很快樂😍連平日不喜歡拉麵的媽媽也嚷著要再來

因為誤坐錯左架小巴而掉頭衝左入上水食野男朋友一向中意食拉麵, 所以就係網上搵到黎呢一間幾有家味道嘅拉麵小店係未入店舖前, 首先要係門面落好order同俾埋錢, 之後先行樓梯上二樓進食~ 今日狀態唔算好肚餓, 所以小丸子就嗌左呢一碗大人氣拉麵：叉燒拉麵 (多叉燒, 芽菜, 紫菜, 荀, 蔥)碗拉麵一黎到, 當真好多好多叉燒, 仲要係手切薄身豬腩肉製成嘅叉燒, 試飲埋湯底, 唔算肥膩~食完真係飽飽, 下次有機會試埋隻溫泉蛋先~