麵家山下 (已搬遷) 新店位置

叉燒是碎肉沒有口感，而且很皺皮，湯底是清水，面質同一般出前一丁沒有分別，從來未嘗試過食咁難食嘅拉麵，包你食完後悔一生🤬 唔好話香港人不在香港食 肆 幫襯 ，有這些店家售賣食品 ，簡直是侮辱咗香港係飲食天堂， 如果唔信你哋走去試下一定畀個like我， 在全世界食那麼多拉麵從未試過 這樣的垃圾拉麵😭😥😢😂🤬🥵😡👹👺

食之前已經有黎姓友人提醒，表示相當難食但78蚊一碗醬油叉燒拉麵，斷估難食極有限丫又真係估你唔到可以難食到咁叉燒又薄又少無肉味又苦面頭黑色個d唔係炭香味係似屋企煲燶粥個隻湯底又無味，麵又係差成兜最好食就係幾塊紫菜同荀知唔知78蚊係咩概念?係你行入去鮮芋仙亂咁篤一個，再加布丁雪糕都仲得特別鳴謝;拿山下老細我唔係打手來，真係唔係爵士拉麵派來嘅你地兩個鬥難食鬥到出唒名本來我係想試唒你地兩間 了解下咩係難食不過聽聞你贏佢少少咁我就無試爵士既必要好彩試左你先，多謝你

超級好食，朋友介紹嘅。因為煮麵嘅係日本師傅，所以好有日本味。個湯底超級好食，濃濃嘅味噌味令我諗起一般。依度價錢合理，唔似一蘭嗰啲咁鬼貴、名過其實。我同朋友叫咗一碟餃子，都係好好味。依間會再過嚟食，依間舖頭雖然唔大，但麻雀雖小五臟俱全。正評係值得俾嘅。聽聞依間舖頭開咗超過10年，算係上水嘅老字號。同埋依度員工都好好禮貌，服務好好。老闆個人又好Nice，會同食客傾吓計。下次會再試吓其他小食，最想試吓佢個章魚燒

上水好多野食，但呢間餐廳嘢食有質素，而且外賣盒同筷子配套都係有質素，一個拉麵仲要多叉燒加兩隻流心蛋👍🏻👍🏻👍🏻都係$77，簡直係平靚正外賣只需要等20分鐘， order完之後落街去攞時間啱啱好，唔需要再等

foodpanda 20分鐘送到特盛拉麵 幼身拉麵 黑蒜 火燒叉燒章魚燒溫度：完全唔熱， 20分鐘送達應該無理由咁既溫度。叉燒：睇得出比普通價錢既拉麵好dd。 但係一味得個肉質軟， 感覺似係無let it rest 完先切， 熱辣辣切 搞到切唔到一塊塊。叉燒應該開舖前準備好 rest到room temp 再煎/燒。反正成碗拉麵我食唔到一整片叉燒。麵： ok 唔錯湯： ok 唔錯溏心蛋： 太生， 至少差45-90秒。 d黃係完全水。 章魚燒： 個漿有d太稀， 章魚燒有d過林其實以上需要改良地方都係低成本， 除左叉燒可能多d effort。 湯熱d， 溏心蛋熟d， 叉燒需要攤涼d先切再煎/燒。 咁樣就可以提升一整個level。

🍴麵家山下🍴 呢間鋪個位置有啲難搵， 所以係上水做野都無特登過黎食，但之前上網睇原來話呢間啲拉麵都幾出名+好食，即刻試下先😋😋😋😋😋😋 ------------------------------叉燒拉麵份量唔算太大，而叉燒🐷🐷🐷係用火炙過，而啲肉唔會淨係得肥膏，又唔會瘦到乾♥️，正。豚骨湯頭個味道都好正常，感覺唔錯。沾麵麵質正常， 肉都正常，但啲麵好似有啲掛唔到湯咁，個味爭少少，所以下次未必再叫了。

🍜 叉燒拉面(醬油) $75叉燒肥瘦程度岩岩好, 麵質唔錯係粗少少既麵, 湯底幾好飲添🌟因為鋪頭換左地方, 所以少左打卡既位🌟地方比較有隱蔽, 唔熟路既朋友可能要花少少時間先搵到小編ig page @foodie_masian 👈🏻記得follow埋同比個like👍🏻支持下🥰～～～～～～～～～～～～～～～～～～～～～～📍 麵家山下地址: 上水新康街63號地下D3-D4號舖※※※※※※※※※※※※※※※※※※※※※※※※※※※ 

麵家山下係一間隱世小店不知不覺係上水小街已經十週年🍜拉麵DX 食拉麵一定要有叉燒同蛋，所以直接叫DX如果鍾意多叉燒唔要蛋，可以叫叉燒拉麵拉麵DX真係特大份量，蛋都有兩隻叉燒 少少薄，但有4大塊燒得好好，肥瘦適中，腩肉好淋麵質好爽口彈牙👅味道:❤️❤️❤️❤️🍔賣相:❤️❤️❤️🏝環境:❤️❤️❤️🤵🏻服務:❤️❤️❤️❤️📸打卡:❤️❤️💵價比:❤️❤️❤️❤️💌雖然係小店，但餐廳係日本人主理所以口感都似真正日本拉麵🏠 麵家山下上水新康街63號地下D3-D4號舖🕰營業時間：星期一至日 1200-1530 & 1800-2000 🔖拉麵•日式🚇交通: 港鐵上水站 A4 出口, 步行約7分鐘☎️電話:64827340

其實我一直很喜歡這間小店，由他的舊舖開始食。當時食過覺得好好食，舊舖夠沒有裝修，好有屋企嘅感覺。睇埋之前有影片介紹佢嘅背景，同埋睇到佢同屋企人嘅努力之後，我非常欣賞佢哋。今次專登嚟食返睇下自己口味有冇變，同埋變左廚師有冇識食左😋🤤餐廳方面，佢哋搬咗入新舖，做好整齊嘅裝修，而冇加價，實在好為食下着想。因為就算舊舖冇裝修都好多人排隊食，佢實在冇必要搬店裝修。食物方面：章魚燒：對得住個價錢，即叫即做熱辣辣拉麵DX 揀左鹽味+$5，食得多拉麵都知鹽味先係原味，我揀因為想試真啲個味。豬骨湯底鹽味：濃而不咸，可食到最尾飲埋個湯都不覺咸，可是有一點鹼水味叉燒：應該大概2安士，燒得好好，腩肉好淋同豬肉味蛋：最屈機有兩隻，好開心，雖然外表唔靚但佢都鹵得好好味，應該都係用醬油醂清酒鹵，唔需要特別野，簡單就好味。麵：用返日本嘅貨，我鍾意嘅麵質，好爽口彈牙，食落口sirsir聲。可惜佢淥完冇清乾淨啲鹼味，有少少影響個湯。

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻🤵🏻店員服務： 👍🏻👍🏻👍🏻👍🏻街角的一間隱世拉麵店，麵店正對面，有兩邊鋪位，裝潢就好簡單，座位唔係好多，但拉麵質素就非常好。想知道又靚又好玩地方?    fai.lok.mode仲會係社交平台分享相片同攝影心得 ______________________________拉麵DX ( $85 )因為DX拉麵，又有蛋，叉燒又中份量，感覺最抵食，叉燒肥瘦適中，而且好腍，但比一般薄左少少，但佢都好大舊下，所以打返個和，最重要都係個叉燒好食。溏心蛋無咩特別，咬開做到溏心效果，雖然無咩特別，但拉麵一定要有埋溏心蛋先係拉麵。麵質彈牙，湯底濃味又唔會太油膩。

黎到上水區食乜好聽聞其中一間必試嘅呢間拉麵舖不過鋪頭好隱蔽 搵嘅時間行過左龍都唔覺眼🙈門口有少量座位 閣樓亦有座位但唔少人等所以肚餓又唔介意門口單獨座位嘅我即刻坐低嗌野食野食好快黎到份量比較細 豚骨湯好飲可以飲哂叉燒較薄 不過都肥瘦適中溏心蛋正常冇咩特別食完未至於會好想encore 整體黎講可以接受 但未算好出色

上水區拉麵，真係得佢首選連鎖又麻麻地有時係附近，想食下拉麵真係佢一係落大埔和拉麵湯底夠味，叉燒唔夠淋身，遠遠都聞到有火灸過香味但都可以接受麵係我個人喜歡硬身小少蛋係溏心，但未夠入味佢衰係湯唔夠滾熱，係暖only

一向都好欣賞麵家山下嘅拉麵，因為個湯底同埋要質都非常好食雖然呢度環境唔算好好，不過食物質素可以搵到到一切今日心血來潮想食沾麵，Order嘅時候，店員話係最後一份，估唔到一送到上嚟，份量非常之足不過沾麵的湯底就比較稀，湯汁好難掛住個麵，味道亦都有少少淡，所以有少少失望但係其他配料好似糖心蛋、叉燒冇得輸，叉燒淋滑爽口，切到好薄片，可以拌好多汁嚟一齊食，糖心蛋亦都係，入味又留心試完沾麵之後，我決定下次都係會食返拉麵🍜我覺得係最適合我😁

好鍾意呢間拉麵店，因為由日本人主理，總覺得正宗啲佢啲麵質係好好食，很彈牙，應該係屬於中麵，唔會太粗，亦都唔會太幼，索湯一流，略嫌份量唔係好夠今日揀咗味僧湯，唔會太油膩，荀入味夠腍，配埋芽菜紫菜食，夠味叉燒係薄切，再火炙，雖然佢有層肥肉，但食落係唔會好肥膩，仲有成五塊 ，一定夠食所以成碗拉麵個水準都非常之高仲叫埋佢個名菜山下雞翼，雞翼比較遲先上，應該係即叫即炸，雞翼炸到外脆內軟，醃得非常夠味，雞翼亦唔會炸到好乾，入邊仲有肉汁，雞翼尖炸到可以食埋啲細骨，如果配埋啤酒，就真係一流

難得見到上水有間日式拉麵店有咁多人讚好，心郁郁想去試😆。餐廳唔易搵，睇地址以為門口係大街，點知原來係巷仔度😮。去到果陣見到係露天座位，夜晚氣溫都有近30度，真心有點卻步….😥好彩職員表示樓上有冷氣座位，我地先即刻落柯打。辛辣味DX $85友人平時食拉麵都會揀辣味，貪佢惹味之餘，味道唔會單調。不過呢度個辣面真係麻麻地，完全唔日式，而且一D都唔香，得個辣字，無層次。唔推薦。醬油味DX $85呢個反而有驚喜，本身以為會好鹹，但飲落鹹度啱啱好之餘，又有鰹魚味，比上面個辣湯更有層次。另外，呢度嘅湯底稀身D、面頭層油薄身D，所以油膩感無咁重，不過湯汁無咁掛面。拉面得一款，無得揀軟硬、粗幼，統一用幼麵。面質軟硬適中，但本人偏向食硬少少嘅拉面。DX拉麵有2隻溏心蛋，呢個幾好味，蛋黃係好深嘅橙色，有蛋香，細嘗之下食得出有少少醬油味😋。叉燒有4薄片，有火炙嘅香，亦有豬肉味，肥瘦適中，不過略嫌切得太薄，失去左口感，我寧願佢用2厚片取代4薄片🤔。另外仲有少量芽菜同筍條，平時麻麻地筍嘅我，幾欣賞呢度嘅筍，因為筍臭味好淡。個人感覺，試過一次就夠。